Ka Nupepa Kuokoa, Volume XXV, Number 31, 31 July 1886 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXV, HELU 31.        HONOLULU, POANO, IULAI 31, 1886.   NA HELU A PAU, 2087.

 

HOOLAHA KUMAU.

 

W@@@@@LA.

 

@@@@@@ KOKUA MA KE KANAWAI

@@@@@@@ Hoo@a@o Palapala.

 

A@@@@ (AKONI)

@@ @@ KOKUA MA KE KANAWAI.

H@l@@a hooiaio Palapala.

@@@ @@@. Ma ke Keena Loio Kuhina.

       tf.

 

@@@ HARDWARE COMPANY

@@@@@ Dilinakama Ma.

@@@ Mea Kuai lako H@o

@@@ni Papu, Honolulu.

 

S@@@ KAPU.

Tela humuhumu lole.

@@@A: Helu 11 alanui Nuuanu.

 

@@ HANAAUMOE.

@@@@ Kokua ma ke Kanawai ma na

@@@@malu @a Apana o keia Aupuni.

@@@@@ ma Puna, Hawaii.

 

C@ H PULAA.

@@@ @E KOKUA MA KE KANAWAI

@@@O au ma Honomakau, Ko@@@, Hawaii.      2001-tf.

 

C@@IL @ROWN.

@@ A HE KOKUA MA KE KANAWAI.

@@@@n@ Hooiaio Palapala no ka Mokupuni o Oahu

KEENA HANA: Ma alanui Kalepa.

       tf.

 

KINNEY & PETERSON

LOIO, LOIO, LOIO.

KEENA HANA: Helu 15 Alanui Kaahumanu, Honolulu.     tf.

 

W.C. AKANA (KALAUKI.)

@@@@ Unuhi-olelo ma ka olelo Pake @@@@ Hawaii.  Ua makaukau no hoi @@@@ Palapala Kuai a hoolimalima @@@ mawaena o na Pake a me na @@@ Hawaii.  E lana no au ma ke keo@@@@ 7, Alanui Moi, ma kahi o kokoko @@@@@@@ Haaliliamanu.

       2010-ty

 

WILDER & CO. (WAILA MA.)

@@@@ papa a me na lako kukulu hale @@@@@@@ pau, a me na @@ no pono a pau @@@@@@.

@@@@ Alanui Moiwahine me Papu. tf.

 

RICHARD @ BICKERTON. (PEKEKONA.)

 

@@@ A HE KOKUA MA KE KANAWAI

KEENA HANA: Maloko o ka Halewai hou

       tf

 

WILLIAM AULD.

@@@@ Hooiaio Palapala K@pa Paahana no ka Apana o Kona.

KEENA HANA: Ma ke Keena o ke Kuo@@@

       tf

 

JOSEPH WILLIAM KELIIKOA.

@@@@ a he kokua, a he pal@, a he koo ma ke Kanawai.  E hana no au ma ke Keena @@@@ P@ep@@, kihi o na Alanui Alii a @@@@ Honolulu.  Ua hiki no ke hana @@ Palapala pili Kanawai o Kela me ke@@@@     lyr.

 

E@WARD F. HOPKE.

@@@@ HE KOKUA MA KE KANAWAI

@@ KEENA HANA: Aia ka rumi helu 9, malu @@@@@ ka @anako o ka Ona Miliona @@@@@@)   2072-2m.

 

J. A. MAGOON, (Makuna)

@@@@ A HE KOKUA MA KE KANAWAI

@@ Keena Hana, Helu 42 Alanui Kale@@@ ke i ke Keena o Pekekona.

       tf.

 

JOHN MAHIAI KANEAKUA.

LOIO A HE KOKUA MA KE KANAWAI.

HE MEA UNUHIOLELO MA KA OLELO BERITANIA A ME KA OLELO HAWAII.

Keena Hana ma Alanui Kalepa, Honolulu maluna ae o ka Banako o Bihopa ma.

       lyr.

 

H. HALEAKALA BARN@ABA.

HE LOIO A HE KOKUA MA KE KANAWAI

@ana Aha Hoomalu a apana a he Agena He @@ Palapala Kepa mawaena o na haku a me na @@@wa no ka apana o Waialua Oahu.  E @@@@ au ma Kauaula, Waialua, a i ole ma Honolulu nei. 2075-lyr.

 

JAMES M. MONSARRAT. (MAUNAKEA.)

LOIO A HE KOKUA MA KE KANAWAI.

He luna Hooiaio Palapala.

E hana ia no na Palapala Kuai, Palpala Hoolimalima, a me na palapala pili kanawai @ @@ ma ka olelo Hawaii.  Dala no ka hoaie ma ka mo@@ki ma na waiwai paa.

KEENA HANA: Alanui Kalepa.

 

HE MOOLELO KAAO EEHIA

NO KE

Keikialii Romura,

(Ka Puuwai Liona)

ka mea i kapaia, ka Opuu Rose o na Kihapai me ka Puuwai o kona Lahui, a o ka manu Aeto hoi o na Kualono a me na Ululaau anoano o Alegeria; he Iwika@ no na au i hala

Ka Hookalakupua o ka Makakila.

 

A OIAI ka moi e kali ana, aia hoi hoea mai la ua Duboida kupanaha nei ua aahuia i ka lole omaomao nani, a ma kona lima e paa ana ka popo laau kupanaha.  Wehe ae la oia i kona papale a kunou aku la imua o ka moi, a ia wa no i o mai ai ka moi i ke kookoo alii gula, a hoopa aku la ke kahuna lapaau Duboida ke kupanaha.

Ke makemake nei au e hoike mai oe ma o kuu popo laau kupanaha la i ke ano o kela kanaka a me kana hana, kona kulana, he alii paha, aole paha?  Ia manawa no i ku iho ai ua Duboida nei a paa ae la i ka popo laau a pane ae la:  "E Duboida ke Kupanaha" E hoike mai oe i ka hana a kela kanaka hanohano e uwauwa mai la na kanaka ma ke alanui, ma kou ano he kupanaha, ano e hai mai.  Ia manawa no i paki ae ai ua kahua lapaau nei i ka popolaau ma ka paia o ka halealii, aia hoi lilo ae la ua popo laau la he aniani nui i like me ka paia o ka halealii, me na huapalapala kupanaha e kau ana penei:  "Ke kauwa a ke keiki alii Sepa, ka puuwai eleele, ka hiapo a Velona ka moi o ke aupuni alegeria, i hoomahukaia mai no ka hana ana i kekahi hewa pepehi kanaka lua ole.  No ka mea, ua hoohiki ka moi e kauia ma ka amana li-kanaka o kela pakaua weliweli o Domine Eleele ka mea nana i hana i kela pepehi kanaka, a i apuka hoi i ka inoa o ua moi kaulana la.  Ekolu wale no poe nana i hana i ua hewa la.  O ke keiki a ua moi la, kana kakauolelo a me ua kauwa la e hele ae la ma ke alanui; a o ka mea nana i pepehi aku o Sepa no ia ke keiki ponoi a ua moi la me ka pahikaua ana.  O ka mea nana e hopu i keia pepehi kanaka, e loaa no he makana nui iaia."

I ka wa a ka moi Bene ke kaulana e heluhelu ana i na huapalapala, he mea e kona ilihia nui, a ua noho ekemu ole oia no hookahihora, a i ka wa i hoi hou mai ai ka noonoo maikai iaia, kauoha koke ae la oia i na koa e hopu aku i ua kanaka la a hahao aku iloko o ka halepaahao, a ua hopu koke ia iho la ua wahi auwana mahuka la a hoopaaia aku la iloko o ka halepaahao.  Hoihoiia ae la hoi ua aniani nei a kona ano mau he popo laau a wiliia ae la i ka hainaka silika veleveta.  i ke kakahiaka o kekahi la ae i hoouna aku ai ka moi Bene i kana mau kauwa e hoihoi aku i ka paahao mahuka me kahuna Duboida ke kaulana o ka halealii o Kedara o Bene a ma ka waha o ke kahuna Duboida na hoike no keia mau mea huna pohihihi.

i ka aneane ana iho o ka la e nalu ika ili kai, oia no ka wa i komo loa aku ai ka huakai iloko o na ululaau, a malalo o na laau i hoaumoe iho ai ka huakai; a i ka hoea hou ana mai o kekahi la hou ae ua kamoe hou aku la no ua huakai nei.  i ka hala ana ae o na la he kanalima o keia huakai, hoea aku la lakou iluna o na piko o ka lalahi kuahiwi o Aulasi, a maluna olaila i ku iho ai ka huakai a nana aku la i ke kulanakauhale o Edoma ke kaulana.  Aia ua wahi auwana la ke lupea ia la e na manao pilihua o ka ehaeha, a ke haawi la i na mihi a me na noi ana no kona pakele imua o ke kahuna lapaau Duboida ke kupanaha.  Ma ke ahiahi ana iho, ua hookokoke aku la ka huakai i ke kulanakauhale; a i ke kokoke loa ana aku, ua uhi iho la ke kahuna i ke pio i ke kapa eleele mai ke poo a na wawae, a e alakaiia ana e na kauwa.  I ka hiki ana aku i ka puka pa o ka halealii, ua noi aku @ ke kahuna i ke koa kiai e ae ia mai oia e komo aku, a ae mai la ke koa me ke pahaohao hoi no keia kanaka e laweia aku nei.

Oiai ka huakai i komo aku ai a kuiho la ma ke alo o ka halealii Kinimailehuna me na kauwa e alakai ana me kekahi mea i uhuiia me ka lole eleele, a i hunaia kona mau helehelena.  o ka halealii anei keia o Velona ka moi o ke kapuai dia?  Ae, i pane mai ai ke kiai puka.  e oluolu oe e hai aku i ka moi, aia he malihini mawaho e makemake ana @ ike iaia me ka ukana ma kona lima mai ka moi Bene i make kaulana o ka ainna o Irata o ka halealii o Kedara.  E ke kiai hoaha ka nuhou?  He kanaka malihini me na kauwa aia mawaho e makemake ana e hui me oe, a ua olelo mai he ukana kau aia ma kona lima mai ka moi Bene mai o ka aina o Irata o ka halealii o Kedara.  Ua hoouna aku la ka moi i na elele e hookipa mai i ke kahuna a me na kauwa.

I ka hiki ana aku imua o ka moi, ua wehe ae la oia i kona papale a kunou aku la i ka moi, a hoonohoia iho la lakou maluna o na noho, a o kahi paahao mawaena konu ia, a mamua ona ke kahuna Duboida.  Auhea kau aliiwahine a me ka olua keiki, i ninau aku ai ke kahuna?  Aia no ka Moiwahine ma kona rumi, a o ka maua keiki ua hele aku oia i kahi loihi e imi ana i ka naita nana i hoopaha'oha'o ko'u alo alii nei, a ua kokoke e hiki i kona wa e huli hoi mai ai i ka aina nei, a eiae paha ma ke alanui kahi i hoi mai ai.  He ukana nui ka'u i lawe mai nei, a e oluolu ka moi e hoolohe mai ina he mea hiki.  E hoike mai, ina he mea ia e pomaikai ai au a me kuu lahui kanaka.

Ae.  O Duboida ko'u inoa, a o ka moi Bene ke kaulana ko'u haku a moi aloha hoi, a malalo o kana kauoha i i hoounaia mai nei au e lawe mai i keia mea au e ike mai la, oiai aia iloko ona he mea huna weliweli a me ka ehaeha, a mamua ae o kuu hoike ana aku ia oe i keia mea hana, e oluolu oe e kauoha aku i kou mau kuhina, na kanaka koikoi o kou alo alii, kou aliiwahine a me na 'lii hanau hoi o ka aina e akoakoa mai lakou a pau maloko o keia keena.  Ua pono ia i ka manao o ka moi, a hoounaia aku la na elele e like me ka mea i oleloia, a he manawa ole ua piha ae la ua keena la, a iwaena konu i ku iho ai ua kahuna la, a kamailio hou aku la;  E ke alii.  E ola mau loa oe, a me kou lahuikanaka.  Owau nei he kahuna lapaau i kapaia ma ka inoa o keia popo laau  "Dudoida ke kupanaha", a malalo o ka mana o ka'u oihana a'u e ku nei i loaa'i he hoike, a oola hoike ka'u e waiho aku nei.

Eha makahiki i hala ae nei, ua komohia ia kou au puni i ke kanikau no kekahi kanaka kaulana i hilinaiia e oe, a ma ia wa no hoi i kau iho ai oe i kekahi kanawai paa me ka luli ole no ehiku makahiki, a e hoike ana he makana nui ke loaa ana i ka mea nana e hopu a hoike mai i ka mea nana i hana ia karaima eleele.  E ke alii he mea ehaeha nou ke lohe nau no i hana i keia mea, oia hoi na kau keiki ponoi no i pepehi kela naita kaulana me ka maka o kana pahikaua, a mamuli o kona akamai me ka maalea nui i hooia ai ka wawae iloo o ke keehi a kauoia aku la e ka lio i wahi e manao ia ai he haule i ka lio ka mea i make ai o ua naita la a pela no hoi me kona kaikaina.

O ua keiki alii la, oia kekahi o na kanaka puuwai eleele a me ka pakaha, he puuwai lokoino hoi a me na lima koko aloha ole.  He hoopunipuni i pane mai ai ke Kuhina Nui, a o ke kahu hanai hoi o ke keiki alii opio Edina Berina.  E hopu aku a paa i kela kahunalapaau wahahee, wahi ana me ke kuana ae iluna.  He wa uluku loa ia o ke anaina e pioo ana,  aka, ua hoomalu koke ia aku la keia mau leo hauwawa e ke alii ka Moi Rabona.  Ia manawa no i kamailio hou mai ai u akahuna lapaau la.  E ke alii, ke ike iho la oe, o ke kanawai paa au i kau iho ai aia no ia manluna o kau keiki a me kekahi mau mea elua i komo iloko o keia hana puuwai  eleele nui wale.  Aia ka moi i kela manawa iloko o ka wiliau o ka ehaeha nui a me ke pahaohao hoi no keia mau hoike kupanaha a Duboiida ke kaulana o Kedara, a o kona nanaina aia maluna o ke kahuna lapaau.  Iloko o keia manawa a ke kahuna lapaau e kamailio nei, aia na mea a pau e haawi mai ana i na hoino maluna o ke kahuna Duboida o Irata, oiai ua hoopoina loa ia lakou i ka mea a ka Moneka Hesana i hoike inua ai i na makahiki he umi a oi i hala ae; aka aia no me ka moi he mau hoomanao poina ole no na hoike a ua Moneka la, a oia hoi kana wahine e hoomanao i kela hora, a ke kokoke mai nei hoi wa la e hookoia ai o ka wanana a Hesana ke paha'oha'o o na pali laumania hoi o Lebanona o na lalani kuahiwi apiipii hoi o Kiresatia.  Nolaila i pane mai ai ka moi i ka i ana mai: E pono paha oe e hoike mai i kekahi mau hoike ia makou nei i hiki ai ia'u a me ka poe me a'u ke hooiaio aku i ka pono o kau hoike e ka mea i kapaia o Duboida ke kaulana. (A h@@h@n@ hou aku.)

 

HE MOOLELO KAAO

NO

Lameka Puluka,

Ka Makahiapo mua i oili mai, mai ka puhaka o ka Ui Pua Rose a me Kahanuopaineki.

KA MEA I KAPAIA KA

Ka liona o na mauna hui o Arabia, ka naita nana alup@ na kupua o ka lewa lani a me na kupua e noho ana i ka papaku o ka moana, o ka mea hoi nana i pani ma ka o ka la.

 

I KA lohe ana o lakou i keia mau lono mai ke kahua kaua mai, nolaila ua hooholo iho la lakou e noonoo a ua kuka lakou e noi aku i ke alii e ae mai e hoihoi ia lakou i ko lakou mau aupuni me ka uku pu mai no o ko lakou mau aupuni e like me ka makemake o ke alii opio.  Me ko lakou manao paha he alii puuwai lokoino la o Lameka Puluka, eia ka aua nei he alii puuwawi i piha i ke aloha a he ui e hina ai a e eha ai hoi ka manao o ua mau alii wahine nei o na aupuni nui o Europa.

I ka paa ana o ke alii a me kana mau keiki, oia no ka manawa i auhee aku ai na kanaka e imi ana i wahi no lakou e pakele ai mai ka luku ana a na iwikani o na mauna hui.  Ike iho la ke alii opio, aole ana mea e hana aku ai, ua puhi ae la oia i kana ole, e kauoha ana i kona mau mahele naita e hoopau i ka luku ana i na pio, emoole, ua akoakoa mai la lakou, a kai aku la no ke kulanakauhale alii, a ma ka hora eha o ke ahiahi, ua hoomoana iho la na mahele naita mawaho o ke kulanakauhale alii ia koena la; a o ke alii opio hoi, ua huli hoi aku la no ka moku a hui aku la me ke aloha me ka lakou mau wahine e noho mai la, ua hele wale a ake e lohe i na mea hou o ke kahua kaua; a ua huai pau ia aku la ia mau mea imua o lakou, ka paa pio ana hoi o ke alii a me kana mau keiki.  Lohe aku la ka lakou mau wahine ia mau mea, ua nui loa ae la ka olioli, a hooho nui ae la:  E ola mau na alii o na mauna hui a ola hoi nei mau iwi malalo o ko oukou malu.

Ma ke kakahiaka ae ua holo hou aku la no na alii opio no kahi hoomoana o ko lakou mau puali.  I na alii no hoi i hiki aku ai i kahi hoomoana o ko lakou mau puali.  I na alii no hoi i hiki aku ai i kahi hoomoana o ko lakou mau puali kaua, ua ninau aku la ke alii opio i ka mea hou, ua pane mai la kona kupunakane, Aohe mea hou.  Ia laua nei no e kamailio ana, aia hoi, hooho mai la na naita:  Eiae he mau holo lio ke holo mai nei mai ke kulanakauhale mai, a he 25 ko lakou nui.  A holo mai la lakou a hiki imua o na puali naita, ua kulou iho la ko lakou poo ilalo a kukuli iho la ko lakou mau kuli ilalo a hoomaikai mai la, a ia wa i pane aku ai kekahi alii koa imua o lakou:  E lakou nei e kukuli mai nei e, mai hana mai oukou pela ia makou, e hele aku oukou a i kela mau puali naita e ku poai mai la, a aia iloko olaila ke alii opio, a imua aku ona oukou e kukuli ai, ole ia makou.

I ka lohe ana o na elele, ua hele aku la lakou imua o ke alii opio a kukuli aku la imua ona, a liuliu iki, pane aku la lakou me na leo i piha i ka haalulu:  E ke alii nui o ka honua nei, eia ke kauoha a ka moiwahine, e hele aku oe a me kou mau puali naita iloko o ka hale alii, a ua haawi pio mai nei oia malalo o kou mau kapuai no ka make a me ke ola, a ua kauoha pu mai nei no hoi, mai luku wale aku hoi oe i ke kulanakauhale, aole hoi e kau aku kou inaina maluna o lakou, no ka mea, nou ke aupuni a me na makaainana.

I ka lohe ana o ke alii opio, ua wehe ae la oia i kona papale kila a waiho molale mai la kona mau hiohiona i hele wale kela a nohea i ka ihu anu, ua

       Maikai Kauai hemolele i ka malie

       Kupukelakela ke poo o Waialeale.

I ka ike ana aku o ua mau elele nei i na helehelna o ka Liona o na mauna hui, aia hoi, aole ae la he hanu iloko o lakou a haule pahu aku la i ka honua no ka wa mua, a mamuli o ka nui o na lima kokua, ua pohala ae la ua mau elele  nei, a pane koke aku la lakou:  E ke alii nui i haiamu@a e ka nani a me ka maikai, i noho alii hoi maluna o ka mana a me ka ikaika kupaianaha, ua kupono loa no o oe maoli no ka noho i Moi no Aina Omaomao nei, a o oe maoli no ke hoa e kohu ai o na aliiwahine o makou, no lakou hoi ka huina i hiki aku i ka 24 e noho la i ke alo alii o Aina Omaomao nei, mai na aupuni nui mai no lakou o ka honua nei i lawe malu ia mai ai e ua mau keiki lapuwale la i paa pio aku la ia oe, a me ko laua makua Moi puni koko, a he mea pono loa maoli no lakou ke make i loaa ai ka maha i na kanaka o Aina Omaomao nei.

I ka lohe ana o ke alii opio i keia mau olelo a na elele, ua pane aku la oia ke aliiwahine o Aina Omaomao nei.  ua lohe ae nei au i na kauoha o ko oukou aliiwahine, nolaila, ke haawi aku nei wa i kuu ae, e komo io aku ana wau me ka oluolu a me ka maluhia no ka leo alii, ke ole hoi au e kue ia mai a me ko'u m au mahele naita maloko o ko oukou kulanakauhale a ina e hoao mai ana kekahi o ko oukou mau alii e kue hou mai ia'u a me ko'u mau naita, kuu mau hoa make pu o ke kahua hookahe koko, alaila, aole loa waa e hele aku me ka maluhia, aka e hookuu no wau i na Liona opiopio e hooha@@u hou i ka maka o ka lakou mau mea kaua me na wahi kulu koko o na wahi kauna kanaka i koe.

Nolaila e hoi oukou a e hai aku i ko oukou mau alii, ma ka hora ekolu o keia la e komo kino aku au a me ko'u mau mahele naita wiwo ole i loko o ko koukou hale alii.  Aloha oukou.

Hhooki ae la ke alii opio i kana kamailio ana, huli hoi aku la ua mau elele nei a hiki imua o ke aliiwahine, a hoike pau aku la i na mea a pau mai ke alii opio mai, a hoike pu aku la i ka ui a me kanani o na helehelena o ke alii opio.  I ka lohe ana o ka Moiwahine i ka nani a me ka ui o Lameka Puluka, i iho la oia iloko ona, ina he oiaio ka'u e lohe nei i ka nani o ka mea 'u i ike maka ole ai, a ina hoi ua like ka nohenohea o kona mau hiohiona a o kona mau maka hoi me keia mau pua a'u i aloha nui ai me he kanaka la e popohe mau mai nei ma na ipuka o keia hale alii, alaila,

       "Ua kohu ia pua na'u e lei

       U-a kohu U-a kohu."

A kauoha ae la oia i kana mau kuene helu ekahi e hoomakaukau ia kekahi papaaina nui e hiki ai ke hookipa i i ka Moi opio o na mauna hui a me kona mau mahele naita, a e makaukau e mamua o ke kani ana o ka hora 3 o keia la a e makaukau hoi na alii koa me ko kakou mau naita no ka haawi ana aku i na hoohanohano ana no kona komo ana mai, aole loa kekahi e hoao e ala kue aku iaia, aole hoi i kekahi o kona mau naita.

I ka paku ana ae o ka hora 3,, aia hoi, ua hiki aku la ke alii opio me kona poe no ke kulanakauhale, a i ka hiki ana i ka hora 4, ua komo aku la ke alii opio a me kona mau naita no ka hale alii, aia hoi na koa o loko e ku laina mai ana me ka haawi pu ana mai i ka hoailona o ke aloha imua o ke alii opio, a pela no hoi keia i kauoha ae ai o Lameka Puluka i kona mau naita e haawi pu aku i na hoomaikai aloha ma ko lakou aoao.  A i ka pau ana o na kukai aloha ana, ua kii mai la na alii wahine i ke alii opio a me kona mau ukali a hookipa aku la me ka hiehie nui.

Hoea aku la ke alii opio ma ka lun@ hookipa, kahi hoi a ke aliiwahine a me na alii hanau o ka aina, a o ke alii opio hoi, ua ike iho la oia o kekahi o na alii wahine e ku nei ma kona aoao, ua ike mua no oia ma ke aupuni o Alabia; ia manawa no oia i huli iho ai e ninau, E, ke ole wau e kuhihewa, no ke aupuni anei oe o Peresia?  "Ae, e ke alii, aole no ka oe i hoohewahewa ia'u, (aka hene iki iho la.)  A ke puana ae nei na hua metala

       Hene iki ka aka a ka ua paliloa

       Ua lai ua pa wai a ka manu.

Pane hou aku la o Lameka Puluka:  Manao wa ua ike no au ia oukou a pau ma ke aupuni o Alabia.  Ae mai la no ua kaikamahine la, me ka olelo pu ana mai no, "I ka la hanau ou, ua kauoha ia mai la na aupuni nui o Europa e hele aku e ike ia oe, a o makou pu no kekahi i hele aku."  Ina pela, ua pomaikai wau, a na'u no oukou e hoihoihoi aku ke pau ae keia mau hooponopono ana.  Ae like mai la lakou a pau me na waimaka e hiolo ana ma ko lakou mau papalina nohenohea.

       (Aole i pau.)

 

MOOLELO

O KA

Ahaolelo o 1886.

 

Koena o ka La Hana 62.

 

Kamailio mai ka Loio Kuhina, o ke kumu i lawe ia mai ai keia bila, no ke komo ana aku o keia aupuni me na aupuni o ka honua ma ka halihali leta ana.

Noi o Dickey e pai ia ka bila. Aponoia.

Heluhelu mai o Dicke no ka wa mua i ka hoololi o ka pauku 20 o ke Kumukanawai.

Ninau o Likikini i ka luna o Makawao malalo o ka rula 40 o ka hale, ua hiki anei i kekahi hoololi kumukanawai i lawe mua ia mai o keia ano iloko o kela kau i hoopanee loa ia, ke lawe hou ia mai iloko o keia kau hookahi no.

Pane o Dickey aole i like keia hoololi me ka mea i lawe mua ia mai.

Noi o Aholo e hoihoi aku ka luna o Makawao i kana bila o ka hemahema o ka hanaia ana.  Aponoia.

Heluhelu mai o Nahale no ka wa mua i ka bila no ke kau ana i auhau poo@e@a maluna o na nupepa i hoolaha ia ma keia aupuni a me na pepa palapala aina, pepa mele a me na buke o na ano a pau.  Kapaeia na rula a heluhelu elua ia ka bila ma ke poo.

Kamailio mai o Kakela, ua lawe mua mai oia he bila o keia ano hookahi ma kekahi o na kau i hala, a he weliweli ke kunahihi o na hoa o ka hale no ka auhau ia o na nupepa, aka hoi, i keia wa he nui ka oluolu o na hoa.  A no ke ano pahemahema iki o ka bila, ke noi nei au e haawi ia i ke Komete Kalepa.

Noi o Palaunu e hapai hou i ka noonoo ana i ka olelo hooholo bila no ka Papa Kuauhau Alii i hooholoia i ka la i hala.

Kamailio mai oia i ke kumu o kona ake ana e hapai hou, no kona ake nui e ike pono i ka hoike a kela Papa imua o ka hale, a malaila wale no e ike pono ai keia hale i na mea i hanaia, i hiki ai ke haawi aku i haawina no ia hana e like me ka mea i noi ia.  Aole au i makemake e kapae loa i ka bila, aka makemake wale no au i ike ia ka mea a ka Papa i hana ai, i maopopo ia'u ka aoao a'u e koho ai, malia paha he kupono, aka aole i maopopo ia'u ka'u mea e hana ai.

Pane o Kaulukou, he mea makehewa wale no ka hapai hou ana ae, he hoopau manawa wale no o keia hale.  Ke noi nei au i na hoa o ka hale, o ka poe makemake no ka hapai hou e kau no lakou i ko lakou lima, a o ka poe hoole, mai kau lakou.  Ke makemake nei au e ninau ano aku, aka no ko'u ike ua ake ka hapauea o Kohala e kamailio, aole au e ninau.

Olelo o Kakina, aole au e kamailio ana no na kumu o keia bila, no ka mea aole au i ike, a pela me na hoa a pau o keia hale, koe wale no ka mea nana i lawe mai.  Kokua a mahalo nui au i ke noi a ka luna o Koolauloa, oiai o ko kakou maka wale no e ike i na mea i hanaia e keia Papa, oia ka lakou hoike no ka lakou mea i hana ai, aole o ka huna ia o ka lakou hana mai ia kakou aku, a o ke noi dala wale mai no ka mea e noi mai ai, alaila hooholo kakou e haawi aku i ke dala.  O keia hana a keia hale, he ao ana aku ia i na pooaupuni e hoomau aku no lakou ma ke ia hana, me ka waiho ole mai i ka la kou hoike, a ehea la kakou e ike ai i na hoolilo dala ana o na makahiki elua i hala.

Noi o Palaunu e kakau i na ae me na hoole no ka hapai hou ana i ka bila.  Aponoia.

Poe ma ka hapai hou i ka bila, Loio Kuhina, Ddominis, Waila, Kuihelani, Martin, S. Parker, Kauhi, Palaunu, Kalua, Kauka Waika, Kauhane, Likikini, Kakela, Kale Kika, Kakina, Paehaole, Dole a me Palohau - 18.

Poe hoole, Kipikona, Creighton, Kanoa, kale Kauka, Kaae, Kikaha, Keau, Lilikalani, Beka, Kaulia, Kaulukou, Pahia, Kaunamano, Nahale, Nahinu, Kekoa, Aholo, Kaukau, Kaai a me Kauai - 20.

Koho ka noho i ke komite wae no ka haawina ke Ola o na Paahao ma ka noonoo ia ana o ka Bila Haawina i ka Poakolu, oia o Palaunu, Kuhina, Kalaiaina, Loio Kuhina, Kalua a me Pahia.

Na Kakela he olelo hooholo e waiho mai ke Kuhina Kalaiaina i na Hoolilo o ka Papa Kuauhau Alii no ka makahiki elua i hala ma ka la apopo a mamua aku paha o laila.  Hooholoia.

       Hora 11 a oi hoomaha ka hale a noho hou i ka hora 1:30 p.m.

       Hora 1:40 akoakoa hou ka hale.

              NA HANA O KA LA

Noi o Kakela e hapai mua ia na bila no ka heluhelu ekolu ana, e pili ana i ka lawelawe ana i ka oihana loio ma na aha hoomalu a me apana a kona heluhelu ekolu ana.  Aponoia.

Heluhelu ia ka bila a hooholo loa ia.

Heluhelu ekolu ana o ka bila olelo hooholo no ka Papa Kauauhau Alii.

Kue mai ka Loio Kuhina no ke kupono ole o ka hapaiia ana o ka bila no ke Kuauhau Alii, oiai o ka bila auhau ka hana o keia wa imua o ke komite o ka hale.

Pane o Kaulukou, o kekahi keia o na hana i pau ole, nolaila ua hiki ke hapai ia mamua o na hana e ae.

Rula ka noho, he hana pau ole keia, aka e like me na mea i hoakakaia e na hoa, ua hala ka wa kupono no i hana.

Nnoi o Kakela, i ka wa e noho ai ke komite o ka hale no na bila auhau, e hapai pu ia ka hoike a ke komite, a me na bila auhau e ae mai ka lima o ke komite.  Kokuaia.

Noi o Kaulukou e kapae i na rula i heluhelu ekolu ia ka bila Kuauhau Alii a hoihoi hou ia ke noi.

Hoapono ka hale i ke noi a Kakela e hapai ia na bila auhau a me ka hoike a ke komite no ka bila auhau i hookaawale ia no keia la.

Komite ka hale a kahea ka Peresidena ia Kekoa i lunahoomalu.

Noonoo pakahiia na pauku o keia bila a heluheluia ka pauku mua.

Noi o Kakela e kapae oa ia keia pauku.

Kamailio mai ka Loio Kuhina, o ka nee mua ana o ka aina ma ka noonoo a me na hoolilo ana o ke aupuni no na hana o keia ano, he mea hiki ke kau ia kekahi o keia mau lilo ma na wai wai @ ikeia iloko o na aina.  Ma keia kanawai ina no kekahi keiki oo ole kekahi aina aia malalo o ka malama ana o kekahi mea, aole anei e hiki ke helu ia kela aina maluna o kela keiki oo ole, a i ole, o ka mea paha e malama ana i ka aina, ke manao nei au e hiki no ke helu ia.

Ninau o Kakina, i na ekolu kanaka e olelo ana no lakou pakahi kela aina, e helu ia anei lakou a pau?

Ae; ka pane a ka Loio Kuhina.

Ole o Kikaha, o keia kanawai he panai ia na ke komite i noonoo ai, aka, aole ke komite i olelo ua pololei loa keia kanawai, aka na keia hale e hoopo'olei, o na mea i oleloia iho nei no na lau kanu, he mea hoohuli wale no ia i na hoa o keia hale.  He mea no ia i hoakakaia ma ke kanawai mua no na mea e helu ia ai koe nao na moraki, a ma keia ua komo ka moraki, ua ekeeke loa na loio moraki dala no ka helu ia o na dala a lakou e hoaie aku ai i ka mea moraki mai i kona aina.  Ua hookomoia keia mau olelo, i hiki ole i ka poe hoaie dala ke hookomo i na olelo ma ka moraki i ka mea aie mai nan@ e uku ka auhau o na dala i aieia e ia.  Ma keia kanawai, ua manaoia na ka mea hoaie aku e uku i ka auhau aole na ka me ailihune e auamo ia kaumaha.

Hoakaka o Likikini i kona manao, aole he mohala iki kona pohihihi no ka huaolelo "moraki" ma keia pauku mua o keia kanawai, aka, ua olelo iho nei ka luna o Honolulu (Kikaha), he mea ka ia e hookomo ole ai ka mea hoaie dala i na olelo na ka mea aie dala mai e uku na auhau maloko o ka moraki: ina pela ka mea i manao ia alaila he kau ana aku ia ke kaumaha maluna o ka mea aie dala mai ma ka hoopii ia ana ae o ka ukupanee o kela a me keia dala i aieia e ia, a ua like no ia me ko keia wa e hanaia nei, a o ka mea ilihune e oleloia nei oia no ke auamo ana i ke koikoi o ke kaumaha.

Rula ka lunahoomalu ia Kauluko@ no ka hala o na minute elima o kona manawa kamailio.

Noi o Kaunamano e haawi ia ka bila i ke komite hookolokolo ke hoopoau ia ka noho ana o ka hale iloko o ke komite.

Ninauia ka hoopanee loa i ka pauku i haule, 16 ma ka hoopanee, a he 20 maka hoomau.

       (Nana i ke keena ma ke aoao eha)