Ka Nupepa Kuokoa, Volume XXVI, Number 9, 26 February 1887 — Ke Kulana Kaua ma ka Hikina. [ARTICLE]

Ke Kulana Kaua ma ka Hikina.

Eia ke nee ae nei ke koikoi o na manao hoolili kaua o Europa mawaena 0 na aupuni paonioni Farani me Gereniania. Ē like me na hoolaha mua ia ana mai, he hoouka kaua weliweli ke hooili ia ana iloko o ke kau kupulau o keia makahihi, a nolaila ke hele aku nei na hooia ana o ia mau lohe iloko o nei mau la hope o ka hooilo. Aia ko Farani mau koa ke ku makaukau la imua ma k« kulana ikaika. Aia hoi ko Geremania ke nee mai la e halawai pu me na koa he 100,000. Mawaena nae 0 na hoa paonioni a elua, o Farani ka i hoomaooopo ia ka oi aku o ke kulana ikaika ma ke kahua kaua, a no Geremania no ka hoehu mai he hului pau aku ka Farani. Me he la ma ka hoomaopo iho, aole 1 kaawale ae na elau a me ka waha 0 ka pu e luai aku i na elele a ka make maluna o kahi a me kekahi; he mau hora helu wale no no ke kaua A k« ole e maalili mai na inaina wela o ka uluku kaua, alaila, e hoea hou mai no na lo - no 1 keia mau la iho, ua hui mokomoko ae la laua ma ke kahua paio. Ua makaukau like na aoao a eiua; ua haawi ia ae he puu dala kuikawa no ka oihana kaua aina me moana o Farani; j ke kau la ka weli 0 ke poho koikoi i na makeke hoopukapuka waiwai, « ke anehenehe la e paniku ae i ko lakou mau ipuka.a ua hele loa aku ka maeele o keia hana a na hui piepiele dala 0 Ladana a me Nu loka.