Ka Nupepa Kuokoa, Volume XXVII, Number 33, 18 August 1888 — HE LUKU WELIWELI MA KOREA. [ARTICLE]

HE LUKU WELIWELI MA KOREA.

Ua ala ae he haunaele ma ke Aupuni o Korea e kue ana i na kahunapule oka Oihana Karistiano. O ke kumu o keia haunaele, oia ka laulaha loa ana o kahi lono mawaena o ka lahui Korea ua kuai na Misionari i na keiki Korea a pau i ke kupa ia i mau laau lapaau. Na keia lono i hooulu ae i ka inaina mawaena o ka hapa hupo o ka lahui, a ua pau i ka pepehi ia he 9 mau Luna Aupuni Korea e na kanaka ma ke oki īa ana o ko lakou mau poo ma ke alanul No keia haunaele, ua kauohaia na mokukaua e ku ana ma Chemulpo e h©ouna mai ina kokua ana O ka mokukaua Amerika Juniata i holo aku ai mai Honolulu aku nei, i kahi wa mamua aku nei, ua ili oia ma kahi kokoke i ka mokupuni o Gough, t kona wa i haalele aku ai ia Ohemulpo. Aka, ma kekahi mau lono e ae mailaila mai e hoike ana ua hemo hou no ua moku la mai kona kulana pilikia mai a holo loa aku la no kahi.i makemake ia.