Ka Nupepa Kuokoa, Volume XXVII, Number 39, 29 September 1888 — KA AHAHUI Y. M. C. A. O KA HONUA HOLOOKOA. [ARTICLE]

KA AHAHUI Y. M. C. A. O KA HONUA HOLOOKOA.

Ua akoakoa keia ahahui o na elele mai na aina a pau ma Stockholm, ke kulanakauhale alii o Suedena, Aug. 15. Ua hoike ke Komite Hooko 1 ka huina nui o na ahahui Y. M. C A. i keia wa he 3,804. Ma Amenka Huipuia, he mau hale no lakou ka uku $7,000,000, me na kakauolelo hooholo hana he 800. He mau Elele 400 no keia Ahahui nui, 200 e namu ana ika olelo Knelani. C. M. Cooke, oia no ka elele mai Hawaii aku nei, aka nae ua haiolelo oia ma ka olelo Hawaii. Uar konoia na elele a pau loa e makaikai i ka halealii ma Dwllinghan he eono mau mile mai Stockholm aku. Ma na mokuahi ekolu ko lakou holo ana, a malaila he paina luau i hoolakoia e ka Hooilina Alii. Ua kamailio nui ka ahahui e ana i na hana kupono e hooikaika i na j kino mai\iuli 0 ka olelo hoike a Lutera Oulika, a me na hana kupono e hoomau ai i ka imi pono Karistiano ma na halawai haipule 0 na ano he nui wale.