Ka Nupepa Kuokoa, Volume XXVIII, Number 1, 5 January 1889 — NEDE NIKONA KA Puuwai Haokila a Hooko Kauoha Poina Ole; A O KA Holapu Hope Loa A KA "ALABAMA," KE Ahikanana a Puhipuhiahi o ka Moana Atelanika. [ARTICLE]

NEDE NIKONA KA Puuwai Haokila a Hooko Kauoha Poina Ole; A O KA Holapu Hope Loa A KA "ALABAMA," KE Ahikanana a Puhipuhiahi o ka Moana Atelanika.

" Elua Ki'pueu o ka moana, A na 0 I'a e makau nei; 0 ka Alahama me ke Senedoa, 1 ka uhai loloa mai mahope. " MOKUNA I. KA NIUHI HOLAPU MOANA. HE HIKI no anei ia'u ke hele pu aku ?" wahi a Ruta. "Ae, e hele ae e nana e Ruta; he make nake au e manaoio mai oe i ka'u, o keia poe kipi, ua like wale no lakou a pau," wahi a Fegusona. Pii aku la o Kapena Belodma rne Ruta a me Nede a hiki iluna o ka oneki o ka Alahama, /a hele a haiamu i na kanaka. Pane malu aku la o Ruta ia Nede — °o ka'u e ake nui nei, oia no ka nalo a loaa ele na waiwai a papa i keia poe." Aole nae i loaa aku ka pane no keia mau olelo, no ka mea, oia no ka manawa i puoho ae ai ke ahi mailoko ae o ka Natila, a pii ae la ka lalapa ulawena ma o a maanei a kiekie maluna o na kia, a holo aku la ke anu iloko o ka puuwai o ua kaikamahine opio nei. Na keia lalapa o ke ahi i hoike mai oka manawa ia aka Alabaroa e nee aku ai i hope. a ua hookaawale aku la a mamao kupono a hoolana mai la. Ku aku la lakou nana i ka a mai o ke ahi. Hoomanao ae la i kela moku nani a maikai, ko lakou home hoi i hoohala ai i kekahi mau la maikai me ka oluolu ma ka moana, a iloko 0 ka manawa pokole loa, ua lilo iho la i kukui hoomalamalama no ka po hauoli o ke kipi. He oiaio, he nani a kamahao ka ūii ana o ka ula oke ahi, me he la e ake ana e hookui ae me na aouli o ka lewa; a na ia ahi kau i ka lewa i hoolei mai 1 ka malamalama maluna o ka oneki o ka Alabama, a ahuwale na mea a pau. "E Nede, e nana aku paha oe i kela mau kanaka eha e ku mai la mamua aku o na hkini o mua," wahi a Kapena Belodina.

"Ua ike aku nei au," wahi a Nede. "He mau luina lakou no'u mamua iki aku nei aka, i keia manawa koke, 1 ua Ulo aku nei malalo 0 Kapena Semisa." "Auwe ! Iloko o keia manawa pokole ?" wahi a Nede. "Ae, iloko o' ka manawa pokole loa." "Aia anei kela kiu kipi mawaena o lakou ?" "Ae; aole anei e hiki ia oe ke ike aku e ku mai la ?" Haka pono aku la ko Nedemau maka no kekahi mau sekona maluna o ua mau kanaka nei eha a pane ae la: "Ae; ke ike aku la wau. E uku ana au iaia no kana hana; kela kanaka mo lapuwale o ke kulana moo omokoko," wahi a Nede. Nana pono hou aku la o Nede i ke kanaka ana i wae mai la mai loko mai o kela poe eha, a maopopo pono aku la huli hou ae la a nana 1 ke ahi 1 ka nome hala ole iluna o ka Natila. No hookahi hora ka a ana o ke ahi, \ o ka hopena oia no ka loaa ana aku o ka rumi waiho pauda, a iloko 0 ia manawa hookahi i pahu ae ai a lele liilii ae la ka hopena o ka Natila iloko o na apana he tausani, a nalo aku la Aole i nalo loa aku ka leo poha o ka pauda, aia hoi, ua lohe ia aku la kekahi leo nui e kahea mai ana mai lalo raai, a hooho leoke ae la 0 Ruta— "O ka leo kela o papa V

Lele aku la o Neele me ka mama a hehi aku la i ka ipuka o ke keena o lalo a heuio, a aku la e auume ana o Fegusona me kekahi kanaka iluna o ka papahele. Me ka eleu i apoaku ai o Nede a ku kaawale ae la laua. "E uku ana oe no keia," wahi a ka hoa paio o Fegusona Me ka hikilele o Nede i nana aku ai a ike aku la o Kapena Semisa no ka.

MOKUNA II Ke Pio Kukahalake. 0 keia mau mea a pau i hoike ia ae la ma kela mokuna, a Nede hoi i ike iho ai, oia no ka halawai ana aku o Fegusona me kekahi kanaka nona na hoo launa hakaka me ia, a o ua kanaka la, oia no ke kapena 0 ka Alabama. Ke hoomanao ae oe e ka mea heluhelu, aia i ka wa o Fegusona iluna o ka Natila, amamuahoi o ko lakou lawe ia ana aku iluna oka Alahama, ua ake nui loa oia e hui a e halawai pu me Kapena Semisa, a ina paha laua i halawai pu iloko o ia manawa, alaila, he mea maopopo e ike ana kakou i ktkahi hakoko ikaika, e ano lilo ai ka eo i ka ona miliona Fegusona, oiai, ua makaukau oia ia manawa. 1 kela manawa a Nede me Ruta i pii ai iluna o ka oneki me Kapena Belodina e nana ai i ke ahi, ,1 koe hookahi iho la o Fegusona iloko o ke keena, ua hele koke aku la ia i kekahi o kona mau pahu lole. Oiai, iloko ona manawa a pau mai ko lakou 'awe pio ia ana, ua lilo kana mau daimana a me na rube i mea hoolauwili i kona naau, a ua nui kona hopohopo o IUo aku i ke kipi. O ua mau daimana nei, ua huna ia maloko o kekahi holowaa i okomo ia malalo ae o ka pahu, ua hana ia me ka noeau a me ka maalea nui, e hiki ole ai i ka mea akamai ke imi ae noonoo

ole ia ai hoi. A ano, ua kuia kana huakai huli hoi i ka home me keia ulia, a ua lawe ia hoi oia ma ke ano he pio, a eia oia a me kana mau daimana, a me na mea a pau ana i minamina a i aloha ai iloko o ka poholima o ke kapena kipi, nolaila, e hooikaika ana oia e hunakele loa i kana mau daimana. Nolaila, i kona wehe ana ae i ua pahu nei a ike iho la eia no me ia ua wai wai nei ona, ua hoomama ia ae la kona puuwai a mino aka iho la kona mau papalina. "E hoohoka ana au ia oe e Kapena Semisa" wahi ana iaia iho. "Na kuu mau daimana auanei e kukulu a e hoomakaukau i moku nana e uhaiaholo aku ia oe a hiki i ka wa e hookui ai oe me ka pahu hopu o kau mau hana kipi a e law. pio ia ai kou moku e na ia a me na mea kolo o ka opu hohonu o ka moana. Na'u no e hoolawa aku ia Nede me ka makaukau e hiki ai iaia ke hooko i kana olelo paa, a nana e pulumi aku i ka Alahama mailuna aku o ka ilikai." I ka puana ana ae o ua Fegusona nei i kela mau huaolelo hope loa, aia hoi, ua wehe malie la mai la ka ipuka mahope ona, a ku ae la ia a halawai aku la he alo a he alo me kekahi kanaka kino loihi maloeloe, me ka aahu e hoike mai ana oia kekahi ona aliimoku kiekie 0 ka Alabama. "O Mr. Nikolesa Fegusona keia, ma ko'u manao," wahi a ua kanaka nei me ka wehe ana ae i kona papale a kunou mai la, a hele mai la imua. "O Semisa ko'u inoa," wahi hou ana me ka leo koikoi. | "O Kapena Semisa oka Alabama," wahi a Ftgusona me ke kuemi hope ana aku. "Oia ko'u inoa. Ua hoike mai nei ko'u Lutanela Balea, ua ake nui oe e ike ia'u, a eia au imua ou i keia manawa, ua makaukau e hoolohe aku i kau mau olelo;" wahi a ua ahikanana nei 0 ka Alahama. I keia manawa, ua ike aku la o Fegusona i ka alawa lihi ana aku o na maka o ua Kapena nei i ka pahu, kahi hoi o na daimana i waiho £>i, oiai, e ku ana no ke pani iluna, aole i poi ia; lele koke aku la oia imua a pani ino iho la. "Ua makemake 10 no au e ike ia oe iloko o ia manawa," wahi a Fegusona i pane aku ai. "Ua makemake au e waiho aku imua ou i ko'u manao kue i ka lawe pio ia maluna o keia moku, malalo 0 na pono a me na kuleana i haawi ia e na kanawai 0 n« aupnni a pau."