Ka Nupepa Kuokoa, Volume XXIX, Number 50, 13 December 1890 — Gaberiela Lenoa O KA Puali Kahiko Imeperiela o Farani. Koa Opio Iloko o na Ulia o ka Laki. Kukala Kaua a Perusia no kekahi Wahine. He Moolelo no ke Au-Weliweli Nui o Europa [ARTICLE]

Gaberiela Lenoa O KA Puali Kahiko Imeperiela o Farani.

Koa Opio Iloko o na Ulia o ka Laki.

Kukala Kaua a Perusia no kekahi Wahine.

He Moolelo no ke Au-Weliweli Nui o Europa

IMUA 0 KA INAINA 0 KA EMEPERA.

I ka paa ana o ka leta a ka Emepera i kakau ai na kona Emeperesa losepine, ua kakau hou iho oia i keia leta pili aupuni na kona Kuhina Nui Telelana, a e hai aku ana oia i ka nuhou 0 ka haule wale ana o ka papakuhikuhi i hoolala mua ia i kinohi ma ka mare ana 0 ka lede Madimosele ikekeikialii Posetama o Perusia no kekahi pomaikai pili lahui, a penei kana leta ana aku : "E kuu Telerana : "O ka nuhou hope loa a'u e hai aku nei ia oe e kuu Telerana, 0 ka noho hoaloha ana 0 Earani me Perusia i keia la—ua pau ! Oka waiwai oke kuikahi i hoolala mua la —ua haule ! O ka hoohui mare i manao mua ia, a i haawiia hoi na ae o ka hilinai —ua mare aku ka lede Madimosele de Rila 1 kekahi aliikoa oka Puali Pale Umauma Kuresia ! Nolaila, mai keia la aku, e kue mai ana 0 Perusia i kau mau lawelawe pili aupuni ana no ka holo laelae o ka'u mau hoolala kaua me na aupuni kaua hui oka Akau. Oua kapena kolohe la o ka Puali Kuresia, e makaala mau ana au iaia no kona make iloko 0 hookahi hebedoma, a e hoouna no au iaia ma kahi paakiki loa o ke kahua kau£ mua loa a makou e komo ai. 'O ka hoku hanohano o na kahua kaua lanakila i hookaawaieia no Napoliona, aole ia 1 kaupalenaia na ke kanaka manao kolohe e ulupa wale i kona mana a me ka ikaika.'

"Napoliona." O keia mau leta elua, ua hoouna pololei aku la ka Emepera 1 ke kulanakauhale o Parisa, a kakau hou iho la oia 1 kekahi 'palapaia kauoha na Konela Solage o ka Puali Pale Umauma Kuresia, e hai aku ana laia no ka hookohu ia ana aku o Gaberiela ma ke kulana Mekia iloko oka puali, a alakai elua hoi malalo aku o kana nau kauoha no ke kaua e hoouka ia aku ana la hebe* doma.