Ka Nupepa Kuokoa, Volume XXX, Number 26, 27 June 1891 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

ME KO HAWAII PAEAINA I HUIIA.

BUKE XXX. HELU 26.

HONOLULU , POAONO, IUNE 27, 1891.

NA HELU A PAU, 2343

 

Hoolaha Loio.

@  LLIE M. LOWREY,

@  TARI no ka LEHULEHU

- A ME -

NA HOOIAIO PALAPALA A ME NA

PALAPALA HOOHIKI.

Keena Hana me W. R. Kakela,

@  ma ka aoao makai o ka Hale

@  Honolulu               2332-7m.

 

CECIL  BROWN,

Loio a he kokua ma ke Kanawai

A HE AGENA HOOIAIO PALAPALA NO

KA MOKUPUNI O OAHU.

Keena Hana:  Ma Alanui Kalepa.

2331

 

E.G. HITCHCOCK,

(AIKUE HIKIKOKI.)

Loio a Kokua ma na mea a pau

e pili ana ma ke Kanawai.

E OHI IA NO NA BILA AIE ME KA AWIWI

Hilo , Hawaii .                            2331

 

GEORGE P. KAMAUOHA,

He Loio a he Kokua ma ke Kanawai

@  no ka Lehulehu.

Luna Haawi Palapala Ae Mare.

No Kohala Akau, Hawaii.

- A ME -

MEA ANA AINA.

@  loaa no ma Kohala Akau, Hawaii.

2831

 

W. R. KAKELA,

Loio a he Kokua ma ke Kanawai

HE LUNA HOOIAIO PALAPALA.

2331

 

WAILA MA,

POE KUAI PAPA O NA ANO

A PAU.

@  LOAA ME KA MAKEPONO MA KA

@  Kuai PaPa o WAILA MA,

@  ui Moiwahine, Honolulu.

23@  1y

 

@  NOCH JOHNSON,

(ENOKA.)

@  Loio a Kokua ma ke Kanawai,

@  Ahahookolokolo a pau o kela Aupuni

@  Hooiaio Palapala Kope no ka

@  na o Kona, mokupuni Oahu.

@  na Hana, helu 15 alanui Kaahumanu,

ma ke keena mua iho nei

@  C. Achi.                        2331

 

WILLIAM C. ACHI,

I @  a he Kokua ma ke Kanawai

imua o na Aha a pau o kela Aupuni.

@ Notari no ka Lehulehu a Boroka

@  na Waiwai Paa.

@  ena Oihana, Helu 36, Alanui

@ pa.  Honolulu, Oahu.               2331

 

WILDER & CO., (WAILA MA.)

Mea Kuai Papa a me na Lako kukulu 

hale o na ano a pau, a me na pono

@  e ae a pau e pono ai o ka hale.

@  o Alanui  Moiwahine me Papa.

2331

 

JAMES M. MONSARRAT,

(MAUNAKEA.)

Loio  a he Kokua ma ke Kanawai,

HE LUNA HOOIAIO PALAPALA.

E hana ia no na Palapala Kuai Palapala

Hoolimalima a me na Palapala Pili Kanawai

ae ma ka olelo Hawaii. Dala no ka

hoaie ma ka moraki ma na Waiwai Paa.

@  Hana:  Hale Pohaku hou ma ka

@  a Waikiki o ka Halewai, alanui Ka@

2331

 

 

@  LILIHELUA,

@  DIO MA KE KANAWAI.

@  Palapala no ka lehulehu, kakau

@  a kuai,  Hoolimalima, Moraki, me

@  palapala pili Kanawai a pau

@  aua Kawehionamanu Kaluaaha,

@  oka:                               2331

 

J. T. WATERHOUSE,

(WALAKAHAUKI,)

@  ekuai o na Lole Nani Panio!

LAKOHAO.

@  Na Lako Hana Mahiko,

A PELA A@  NUI WALE.

@  nui Moiwahine, - - Honolulu.

2331

 

NANEA KAMAHAO

O KE

KEIKIALII

ROMEALA;

- KA -

Ui Kila Mageneti

O PARAMERI.

Ka Nani e haule ai ka Honua;

Ka Mahina Meli o Salaredina;

Ka La alohi o Mulisedera;

Na Kulu Koko kamahaa Ekolu.

 

Na Ui Hookelakela

O KE AO HOLOOKOA.

 

NA NANI

Puuwai Uahoa o ka Honua nei,

- A O KE -

Kila Mageneti o ke Aloha - "O

Parameri no ia."

 

  Ua hohe a makau oia i na minute aku i hala, aka mahope iho o kona ike ana na hewa a kue ole i kana olelo hoohiki i hoopau mua mai ai ia Romeala.

  No ia mea ua hooholo hou iho la la e ukali aku ma ka mehea o ke keikialii a hiki i ko laua make like a he nani make ana hoi ia ua hooko ia ka olelo.

  Nolaila i ka wa a ua kilokilo la i hoopuka ae ai i kana mau olelo, leha mai la ke keikialii Romeala maluna ona, alaila hoopuka ae la ia i keia mau olelo:

  A-ha!  O oe mai la ka ia e Mamiona ka hohe wale?

  Ha, ha, ha, ua hookuu aku hoi au ia oe-aole anei pela e Mamiona?

  Ae e ke alii- aka ua hewa au ma ia mau olelo a ke mihi nei au no ia mea?  wahi a ka luahine kilokilo Mamiona.

  Aka e ke alii, i hoomau mai ai oia i ke kamailio ana, ua makaukau anei oe?

  Ae e Mamiona - ua makaakau au i na wa a pau, wahi a Romeala i pane aku ai.

  Alaila e ke alii, e ike hope aku i kou mau makua a me kou lahui oiai iloko o ka imo ana a ka maka i lilo aku no oe mai a lakou aku no kahi a lakou i ike ole ai

  Me keia mau olelo a ua luahine kilokilo Momiona nei, huki ae la ia i kona koloka (Keakakinowailua) a hahau pakolu aku la imua me ka hoopuka pu ana ae i keia mau huuolelo:

  Iluna i na ao o ka lewa me ke keikialii Romeala o Parameri.

  E like me ka olapa ana ae o ka uwila, pela ka hikiwawe o ka unu ana aku o ka mana o ke koloka pouli Keakakinowailua i ke keikialii Romeala mai ke alo aku o kona mau makua a puahiohio hele ana iloko o ka lewa mahope iho o na haawi ana aku a ua keikialii la i na honi muki hope loa ana maluna o kona mau luaui.

  Ano e kuu makamaka heluhelu ua ike ae nei kaua i ke keikialii Romeala i hiu ia aku la a wela lawe a lilo iloko o na paia poiuiu o ke lewa lani, a o kona mau luaui hoi a me ka lahui, ua haule aku la lakou i muliwaa e noho ana me ke kaumaha a me ka luuluuu nui no ko lakou alii opio.

  Nolaila ma keia wahi e hookuu a hoomaha iho ko kaua kamailio ana no ke aupuni o Parameri a me kana mau hana, oiai aole kaua e ike hou ana iaia no na la he nui.

  O ka kaua wale no o hoohialaai ai ma keia wahi aku o ka kaua moolelo, oia no ka huakai hookelakela a ka mea nona keia moolelo iluna o ka aina o Homelana.

  Oiaia ua keikialii la e pulelo ana iloko o ka lewa malalo o ka mana o ke koloka pouli o Keakakinowailua aia noi no ka manawa pokole, maalo ae la oia imua o na pakaua awa o ka lewa nuu, o olali ana hoi imua o na kikiao makani huihui o ka lewa e onou pono mai ana mamua me ka ikaika.

  Emoole, hala hope ae la ia mau kualau pilikia o ke alahele, a nee aku ia oia imua no ka latitu a ka mana a me ka ikaika piha o ke koloka pouli e hoohana ana, a i ka wehe ana mai o ke alaula o ke kakahiaka, hoea aku ia lu keiki'lii Romeala la no luna o kekahi waoakua one nui, a ma keia huakai no ka mua loa.

   Maluna o ua waoakua ia i paina iho ai ua keikialii la a me kona hoahele kilokilo i ko laua paina kakahiaka.

  A i ka pau ana o ka laua paina ana, ua hoikeike mai la ua kilokilo nei i ke keikialii Romeala i na aina papu a me na kula uliuli e waiho mai ana imua o ko laua alo.

  Wahi a ua kilokilo la, e ke alii, o keia aina waoakua a kaua e hoomaha nei, o ia no ka aina waoakua o kanaka make, kahi hoi aole loa he kamahele e hoea lanakila aku ma kona mau kapa.

  Alaila, e Mamiona, o keia anei ka ipuka e komo aku ai kaua iloko o ka aina o Homelana?  wahi a Romeala.

  Aole e ke alii, i pane mai ai ke kilokilo.

  Alaila no keaha la hoi oe i lawe mai ai ia'u ia nei, aole anei oe i ike a lohe no ka aina o Homelana ka'u huakai?

  Ua maopopo ia'u ka kaua huakai e ke alii, aka he mea hiki ole ia ia'u ke pale ae, oiai ua paa mua ka'u olelo e halawai mai ana kaua me na keakea he nui ma ko kaua alahele, a o ka hoomanawanui me ka pauaho ole o ia wale no ko kaua mea e hiki ai iluna o ua aina la.

  Ina pela e haele kaua, wahi a Romeala, oiai o ko kaua haule hope ana ma ka kaua huakai, he hoohakalia loa ana mai ia i ka manawa pono no kaua e komo aku ai iloko o ka aina o Homelana.

  Ae e ke alii, e haele kaua; aka mamua ae o ko kaua hoomau ana aku ma ka kaua kuakai, e hookuu aku ana au ia oe e hele hookahi, a owau nei la ea, aole oe e ike hou mai ana ia'u ma keia ano kino o'u no ka mea, pela wale no kaua e pono ai, aka, o na kokua aua nae a pau ma kou alahele e loaa aku ana no ia ia oe mai a'u aku.

  O keia mau olelo a ke kilokilo i pane mai ai, ua like ia me kekahi puupuu ikaika i hamare ia aku i ka puuwai ikaika i hamare ia aku i ka puuwai o ua keikialii Romeala la, a o la kana i pane aku ai:

  E like me ka mea au i ike ai he pono o ia ka'u e hana aku ai, ano e aloha auanei e Mamiona, a na alahe e hoopakele mai ia kaua.

  Ae, e aloha auanei e Romeala, a na Alahe e kokua mai ia oe, wahi a ke kilokilo i panai mai ai.

  Alaila me keia mau olelo a ua kilokilo la, a me ke keikialii Romeala, owili ae ia ke kilokilo iaia iho iloko o kona koloka pouli kupanaha a i ka imo ana a ka maka nalowale aku la oia mai ka ike ana aku a ke keikialii Romeala.

  O ua keikialii ia hoi, mahope iho o ka nalo ana aku o ke kilokilo mai ka ike ana aku a kona mau maka, wehe ae la oia i kana ohenana makalii, a kahoahoa ae la i keia mau olelo:

  E ke aniani kamahao o Ludiona e lawe aku la'u no luna o ka aina o na keiki a kanaka no ka hoike ana aku ia lakou owau keia o Romeala ke kila makeneti o Parameri a o ka mea hoi e aa aku ana e hookelakela me ko ka lewa a me ko ka honua holookoa.

  I ka pau ana ae o kela mau olelo a ua keikialii la, aia hoi he olapa ana na ka uwila ka ua Romeala nei i ike, maalo ana laua nei maluna o na lalani kuahiwi o kekahi  aina, a ia aekona hookahi no hoi kuu iho la laua iluna o ua aina la ma kahi he hapalua mile ka mamao mai ke kulanakauhale aku.

  Ia Ludiona i hookuu iho ai la Romeala ilalo o ka honua, ninau iho la ua keikialii la me keia mau olelo:

  E Ludiona - owai ka inoa o keia aupuni, a heaha hoi ka hana a na kanaka o keia aina.

Aole i pau.

 

HE MOOLELO

- NO -

WALAKA RARE,

- KA -

ILIO AHIU O NA KUALONO,

- A I OLE -

KA HIENA OPIO O NA HILANA.

MOKUNA XI.

RA ILIO AHUI O NA KUALONO - HULIHIA

KE KALAUNU O IRELANI.

  O ka mea nana keia mau pukuniahi me ko lakou mau poka wela i hoouna ia mai la maluna o na koa pukuniahi o na Irelani, na ka moi Woka Rale no ia ka puuwai haokila a poka pahu o na kahua kaua lehulehu i hala aku.

  Ua hoea mai oia maluna o ke kahua kaua hope o Alani iloko o na minute o ka hahana a me ka weliweli e hoouka ia ana mawaena o na naita o ka aahu ulaula o Wale a me na Irelani kipi, a me ka hoohakalia ole, hoouna awiwi mai la oia i kana mau poke pukuniahi maluna o ka enemi no ka hai ana mai i ua poe kipi la aole oia (Woka Rale) i haule hope ma ka hahai ana ma ka meheu o na kapuai o kona mau enemi a hiki i ka hopena o na aupuni hui o Pelekane.

  Mamuli o keia poino nui i ili aku maluna o na koa pukuniahi o ke keikialii Hiki, ua hiki hou ole i ua keikialii la ke hoomau aku ma kona alahele kipoka i ke keikialii o na kualono (Walaka Rale) e like me kana i kuko kuhihewa.

  No ia mea ua lawe ae la iaia kona mau batari pukuniahi, a haawi aku la i ke kauoha no ka hoomakaukau ana a kipoka aku i na enemi iloko o ka lewa.

  E like me ke kauoha pela na koa o na batari pukuniahi o na Irelani i lawe koke ae ai i ko lakou kulana o ka hooko kauoha a iloko mau pukuniahi me ko lakou waha weliweli e hamama ana no na ululaau o Alani, kahi a na poka pukuniahi a ka liona Pelekane Woka Rale e oili aku ana me ka ikaika.

  Emoole poha ae la ka leo paapaaina o ka lakou mau pukuniahi o kahi mahope o kekahi, ke lele ala ka poka! ke olapa ala ke ahi mai ka waha aku o na pukuniahi, aka e ka makamaka heluhelu, iloko o ia mau minute o ka hahana o ke ki poka ana o na aoao elua, aia hoi ua nohaha a weluwelu liilii ae la na puali kaualio a me na koa helewawae o na Irelani, a aia lakou ke auhee la no ke kahua o na batari pukuniahi.

  Ua holo ae la ka lona a puni ke kahua hoolulu o na batari pukuniahi, kahi hoi a ke keikialii Hiki e haawi ana i ke kauoha o ke kipoka ana i kona mau enemi, a o ia lono o ke auhee ana o kona mau koa, oia ka ua keikialii la i huli ae ai maluna o na alakai o kona mau puali a ninau aku la no ke kumu i auhee ai o na koa kaulio a me na pualikoa helewawae, a o ka paue i loaa mai i ua alii la mai ke alakai mai, oia no keia.

  O ka ikaika o na puali kaua lio a me ka wiwo ole o na koa helewawae, he mea paakiki ia ke olelo ae ua hiki i ka wiwo ole o ko lakou mau puuwai a me na manao koa ke aa aku e ku imua o ke alakai o na koa o ka aahu ulaula.

  Oiai o kana mau alakai a me na hoohana ana me ka ikaika o na medala kila, aole loa he koa a he kanaka wiwo ole iloko o ko kakou puali e hiki ke aa aku imua ona, a o kela inoa a ko kakou mau puali i kapa aku ai iaia he Ilio Ahiu, ua pololei maoli, no ka mea ma na wahi a pau a ua alakai la e onou mai ai i kona alahele iwaena o ko kakou mau puali, na weluwelu a nohaha ia wahi.

  Ua nui a lehulehu na manawa a makou i hooikaika ai e paa i ko kakou kahua a hiki i ka wa au e ke alii e lawe ae ai i ka haaheo o ke kahua kaua me ka ikaika o na poka pukuniahi, aka na hiki ole, a no ia mea na lawe ae la makou i ke alahele o ke auhee e hiki mai ai i kou kahua hoolulu nei i loaa ai ia makou he wahi hookanaaho ana no ka manawa.

  O keia pane a ua alakai la, ua like ia me kekahi puupuu ikaika loa i kui ia aku i ka puuwai o ua keikialii Irelani la, a o ia kana i huli ae ai maluna o na koa o ka pukuniahi a haawi hou aku la i ke kauoha me ua olelo oolea.

  Fire!  ilalo me kela hae kipi!

  Bang!  me ka oukou mau poka!

  Me he nakolokolo ana la na na tausani hekili, pela na batari pukuniahi a na Irelani i kipoka like aku ai me ka ikaika nui, a na ia mau piha pukuniahi i ulaa pu aku he lehulehu wale o na kumulaau ilalo o ka honua, a o ke kahua holookoa o na batari pukuniahi, ua pouli pu ae la ia i ka uwahi pauda.

  Mamuli o keia pouli uwahi pauda na ia mea i haawi aku he kokua nui ana ma ka aoao o ke keikialii Hiki, a o ia kana i haawi ae ai i ke kauoha i ka puali holookoa no ka emi hope ana aku me ka awiwi i loaa ai he kulana no lakou e ku hou mai ai imua o ka enemi me ka ikaika o na mea kaua.

  O keia haawi kauoha hohe wale a ua keikialii Hiki la o Irelani, oia ka kona pualikoa holookoa i emi hope aku ai me ka puahi nui, aka i ke sekona a lakou i moeuhane mua ole ai, aia hoi ua hamare ia mai la kona mau pualikoa pale hope a weluwelu liilii, a iloko o na minute pokolo, loaa hou mai la ka lono i ua alii Irelani la no ka manawa elua aia ka mea i olelo ia he Ilio Ahiu no na kualono ke ulupa a haehae mai la i ka paa a me ka ikaika o kona mau puali pale hope.

  O ka loaa hou ana mai o keia lono i ua keikialii la, ua palua ia iho ka hopohopo iloko ona no ka lilo aku o ka haaheo o kona hae kalaunu i mea hehiku ia e na kapuai o kona mau enemi.

  Nolaila haawi hou ae la ia i ke kauoha no ke ku ana o kela a me keia puali maluna o ko lakou kahua a paio aku no ka make a me ke ola.

  Me keia kauoha a ua Hiki nei, aia ka leo paapaaina o kona mau batari pukuniahi ke ki hoomau la maluna o na ululaau o Alani kahi a ka Moi Woka Rale e hoouna mai ana i kano mau poda me ka ikaika nui.

  Aole wale o Hiki ka i loaa aku me kela lono no ka nohaha a weluwelu liilii ana o kona mau pualikoa no na manawa elua, aka ua hoea loa aku ia imua o ko ka Moi Woka Rale kahua hoomoana kaua, a oia ka ua Moi puuwai haokila la i huli ae ai maluna o kona ukali ke Duke o Ese a ninau aku la me keia mau olelo:

  Owai la kela Ilio Ahiu o na kualono?  a mai hea mai oia i hoea mai ai.

  O keia ninau a ua moi puuwai haokila nei, aole loa e hiki i ke Duke o Ese ke hoike aku, oiai aole oia i ike a kamaaina mua no keia koa kaulana, koe wale iho no keia o ka lilo ana o ua koa la i kapa ia ho Ilio Ahiu he alakai a he kaeaea no na koa o ka aahu ulaula, a o na kiina a me na oniu makakila ana a ua koa la, ua kulike loa ia me ka ka Moi Woka Rare.

  No keia pane ma ka aoao o ke Duke, ua puili ae la na lima o ua Moi la, a hoike mai la kona mau helehelena i na nanaina o ke kaumaha, no kekahi mau minute pane mai la oia:

  Ae - e kua Duke aloha, he eha wale iho no poe i loaa na haawina like me a'u ma ka lawelawe ana o keia mea he pahikaua, aka o lakou a pau ua hala wale no ma kela aoao o keia oia ana.

  O ka mua o ua poe la - ola no ko'u kahuhanai ka Haku Woka a ua like no ie e kuu Duke nona ua hala ia ma kela aoao me kana mau hana.  o ka lua, oia no ka'u makahiapo, ua haule make oia maluna o ke kahua kaua i kona mau la opio wale. A o ke kolu oia no ka'u keiki muli, ua ukali pu aku oia ma ka meheu o kona hanau mua, oiai oia e hooko ana i ka hanohano o kana hana maluna o na palena kaua o Alani nei.

  Ae - e kuu Duke, o keia ka aina kahi i haule make ai ka lua o ka'u mau keiki malalo o na lima pakaha a me ke kipi o kela keikialii, aka eia au imua ona i keia la, a e ku aku ana au me ia he alo a he alo a hiki i kona hulihia ana, a i ole owau paha.

  Ao ka ha o keia, oia no ko'u pokii kaikuahine ke kaikamahine alii Rusinia o na Hilana, aka ua hala pu oia no kahi e hiki ole ai ia'u ke ukali aku.

  Nolaila e kuu Duke maikai, owai hou aku la keia koa wiwo ole i loaa na haawina like me a'u nei.

  O ke aka wailua anei o kuu pokii kaikuahine - a i ole o ke kino wailua anei o kuu makua hanai.

  Ua hiki ole i ke Duke o Ese ke pane mai no keia mau olelo a kona haku moi, a o ia ka ua moi la i huli ae ai maluna o na koa o ka pukuniahi a haawi aku la i ke kauoha Fire!

  Ua lua i aku na pukuniahi a ua moi puuwai haokila la me ka weliweli nui, a hihio hele aku la ko lakou mau poka me ka ikaika e hoolilo ana i na mea a pau e loaa aku ana ma ko lakou alahele i mea ole a na kekahi o ia mau poka pukuniahi i kiola ae iloko o ka lewa he lehulehu wale o na alii a me na koa batari pukuniahi o ko keikialii Hiki aoao.

  Aole wale o na kauoha no ke ki poka ana aku o na batari pukuniahi ka ua moi la i haawi ae ai, aka hoouna pu aku la oia i ke kauoha no ka pii like ana aku o ka puali holookoa a hoouka aku i ke kaua wawahi a luku i na Irelani, a e hopu pio ia hoi ua keikialii la o ka pakaha.

Aole i pau.

 

 

 

 

HE MOOLELO WALOHIA

NO KE

Keiki Iapana Imi Pono.

 

  [Ua heluhelu ia ku a moolelo imua o ka Ahahui Kuaneilo Nui o ka Pae Aina.  Iune 8, 1891, a ke Kahu Ekalesia o Kaukoano.  Rev. F. G. Beckwith, D. D. a i nona e Haiaile Wa aka hauki e unohi a hoolaha aku no ka pomaikai o na opio Hawaii.]

 

KA HULI HOI ANA O KA IAPANA MAHUKA

ME KA HANOHANO.

 

I. SAMUEL 11:30

  "O na mea e hoomaikai mai ana ia'u, na'u lakou e hoomaikai aku."

  He mau olelo makamae loa keia ae, a ua manao au e hoomaikeike aku ia oukou ano i ku ke Akua malama a hooko pono ana i ua mau olelo la Ana.

  Nolaila ke lawe hou mai nei no au i ka moolelo o ke keiki Iapana i haalele aku ai i kona aina, a i kona poe, i ka hale o kona makuakane, mamuli o ka hea a ke Akua.

  Ke hoomanao nei no paha oukou la'u i olelo mua aku ai ia oukou i kona lohe ana i ka leo o ke Akua ma Iapana poeleele, a olelo ae ai oia.  "No ka Makua lani au, a e holo hoi au ma kona ala."  Nolaila iloko o ke kulana kupilikii o kona ola, ua hele aku oia mau kona aina oiwi aku malalo o ka uhi ana a ka pouli a ua kuu aku hoi ka heleuma o ka moku ana i kau aku ai iloko o ke awa o Bosetona.  Ke hoomanao nei no oukou ilaila kakou i haalele aku ai iaia, e hauoli ana hoi no kona komo ana i ka aina a ka lanakila i noho alii ai, a e kakali ana hoi no ka hemo ae o ke ala e hiki aku ai i ka malamalama.

  Ano, e hoomaopopo kakou, aole anei he mea kamahao loa ko ke Akua hooili ana aku i ka hanohano maluna o kela keiki kuewa ohana ole ma ka aekai malihini.  Ina paha o oukou kekahi e hele holoholo ana ma ka uapo o Inia ma Bosetona i kekahi auina la o ke kau makalii i ka makahiki 1863, a ua ike aku la ia i kekahi keiki luina nepunepu uuku e holoi welu ana i na oneki o ka "Wild Rover,"  me ke dala ole, hoaloha ole, poinaia hoi e ke kapena o ka moku, a hoohana mau ia hoi e koua poe hoaluina hana ma na hana ekaeka a koikoi loa, aole no e nele ko oukou akaaka iho ma ka manao ana e hehiku aku ana oia iloko o na halealii o na moi, a e olelo no auanei oe,  "aohe ulia no ka pomaikai no kahi mea e like ia me la e loaa ai he inoa ma ke ao nei."

  A nolaila ua hoomaka iho la oia e noonoo, oiai aia ola iloko o ka aina malamalama, aohe nae he kahoaka no ka owaka mai o ke ala nona e hoea aku ai i ka malamalama.  Ua hoi kona kapena i kona wahi a ua haalele iho iaia iwaena o na luina a me na poe lula ole hele a lola wale iho no ma na uwapo, e pahenehene nui ana hoi i kona moolelo no ka hele ana mai e huli i ka naauao kuwaho, a ua oleloia ola aohe mea e loaa ai i na poe o kona ano, koe wale iho no ka au hou aku no i ke kai.

  He lehulehu na pule  i nui ae, a ua hoounaia no oia ma ka hana ekaeka kaumaha, a ua liko ke kali loihi ana i mea e paupauaho ai, a hoomaka iho la oia e noonoo ua hoolilo ka paha oia iaia ino i pupule mahope o na inea a me na upu ana.

  Alaila, ua hoomaka iho la oia e pule.  He manao io no anei oukou i ka pule?  Ina ua makemake oukou I kekahi mea, he nonoi no anei oukou i ke Akua?  Ua noi oia a ua loaa mai no kana mea i noi alu ai.  E loaa mai no anei iaia ia mea i na aole oia i nonoi aku?  Aole no nae e hala ana ka olelo ae o kahi poe.  Ina ua hele aku ke kapena a poina iaia, aole no anei oia e huli hoi hou mai ana i kahi wa e aku, me kona pule ole aku?  Aole no anei ua kapena la e hoomanao no kana i olelo ai e pili ana i na kula, me kona pule ole aku?  Aole no e oluolu mai kahi poe iaia ke loaa ola, me koma pule ole aku?  A aole no anei e hoea mai na mea a pau e like me ia e hoikeia aku ana, i na no aole loa kahi keiki mahuka i pule iki?

  O na ano olelo ae la ia a kahi poe no ko kakou noi aku i ke Akua no kekahi mea, a eia ka pane.  E loaa mai no anei ia oe na mea a pau, me kou noi ole aku i kekahi poe no kekahi mea?  Ina he iini hana ko kekahi mea, e loaa wale mai no anei ia me ko noi ole?  A i ole lohe wale iho no paha a olelo iho - Nui loa ka hana e loaa la'u, no ka mea na ka hana no au e imi mai, he makehewa ka hele ana aku noi i hana nolaila hookomo iho la ka mea noi hana ole i na lima ona iloko o kona mau pakeke a ku iho la ma na kihi alanui no kahi mea e hoea mai ana.

  E hoomanao kakou ua oleloia, O ka mea noi e haawiia, a o ka mea kikeke e weheia?  A no keaha la kakou e noi ole aku ai i ka kakou mea e makemake ai i ke Akua, e like la hoi me kakou e noi aku ai i ko kakou mau hoakanaka?

  A no ke kumu hoi o ka kakou moolelo, aole i akaka loa ka loaa o kana mea i iini nui loa ai, ina aole oia i noi aku i ka Haku aloha a lokomaikai palena ole.  Malia aole no paha e huli hoi hou mai ke kapena, aia i ka Haku ko kakou hanu a o kona mau ala ko kakou, a ina no paha i huli hoi hou mai ke kapena, malia hoomau aku no oia i ka hoomaopopo ole a hala ka wa pono, a i ole komo no paha iloko iho ona ka manao alunu a ka - ua no i ke keiki kupaa iwaena o kona poe luina, a i ole manao iho paha oia ua ano pauaho ka opio hoomanawanui a he mea pono hoi e hoihoi hou ia oia i Iapana, a ia wa paha auanei e pauaho ia ai ka opio a haule ka manaolana, o ka haalele no ia i ka moku a hele aku no kahi aina e aku a lilo i kuewa a i aehaukae ma ka hounua nei, e like ia ma na tausani poe e ae, i na nae aole ka Haku i malama iaia, a i hooluolu iaia, a i haawi hoi iaia i ka manaoio e manaolana aku a i ka paupauaho ole e kakali aku.

  Nolaila e o'u mau hoaloha a pau i na ua makemake oukou no kekahi mea maikai, e pule aku no ia mea, e hana aku no ia mea, aka e pule pu no nae e like noi me ia i olelo ia.

  Pilipi 4:6 "Mai manao nui oukou i kekahi mea, aka i na mea a pau e hoike aku i ko oukou makemake i ke Akua, ma ka pule a me ke ni aku, a me ka hoomaikai aku.

  Eia au ke mamao loa aku nei mai ka'u moolelo.  Mahope o ke kali a me ka pule ana no umi mau pule loihi, ua hoea mai la ka paue.

Aole i pau.