Ka Nupepa Kuokoa, Volume XXXI, Number 18, 30 April 1892 — Page 3
| This text was transcribed by: | Puakea Nogelmeier |
| This work is dedicated to: | Noelanioko'olau Losch |
Ka Nupepa Kuokoa
KE KILOHANA POOKELA NO KA LAHUI HAWAII.
KOHO BALOTA KINIPOPO
O KA MEA OI O KE AKAMAI A ME KA ELEU.
Mahuka a me Davis ke Poo.
Na Makana e Loaa Ana.
E lilo ana i mea holopono a anoi nui ia ka ke KUOKOA koho balota no ka wae ana i ke keiki oi o ke akamai a me ka eleu iloko o ka Hui Kinipopo Hawaii nui.
KA HELE MUA ANA O NA BALOTA.
Ma ka hora 4 ahiahi o ka Poalima i hala, ua helu ia na balota e na luna nana a me na helu balota i wae ia mai na puali kinipopo mai a pau. A ma ka houluulu ia ana o ko kela a me keia mau balota, ua ike ia ae la, o Mahuka a me Davis o ka puali Kamehameha na mea oi o na balota mamua o na poe e ae, oiai ua loaa la keia pakahi na balota he umikumamaha, a malalo mai kekahi poe. Eia malalo iho na balota o kela a me keia:
HONOLULU.
NA BALOTA.
J.H WODEHOUSE, OPIO 4
GEORGE E LUCAS 1
CHAN WILDER 7
E. WODEHOUSE 2
D. CONRADT 1
H M WHITNEY, OPIO 4
E. LUCAS 2
J.O CARTER, OPIO 8
JAMES LEMON 0
HAWAII.
@.K. KEOMOKALOLE 1
@. THOMPSON 2
KEIKIALII J.K KALANIANAOLE 3
GEORGE ROSA 1
JNO. FRIEDENBERG 0
PALMER WOODS 0
KIWINI MAHAULU 0
@ PERRY 0
@ KAMAKAUAHOA 0
@ LAWELAWE 0
CRESCENTS.
@ WILLIS 1
GEORGE ANGUS 1
@. WILDER 2
@ SOPER 0
@@LISHMAN 5
LIONEL HART 1
@ U. HOLT 0
@ WOODS 0
@ GRUBE 0
@ CARTER 0
KAMEHAMEHA.
MAHUKA 14
ROBERT BAKER 1
PILIPO DAVIS 14
@. AHIA 0
@ KAANOI 0
ROBERT PAHAU 0
@ CUMMINGS 0
@. MEHEULA 0
2HARBOTTLE 0
Huina………… 79
NA MAKANA E HAAWI IA ANA.
Makana Akahi.-He palapala holo makaikai manawalea i ka Lua o Pele a hoi mai, ma ke ala aku o Hilo, maluna o ka mokuahi Kinau, me ka lilo ole no ke kaa hoolimalima a me ka lio mawaena o Hilo a he ka Lua o Pele, a me na lilo ole o ka noho ana i ka Hale Hookipa. E pau ka mana o ka palapala ae holo @e hiki i Dec. 31, 1892.
Makana Alua.-He Iwakalua Kumamalima Dala Gula Amerika.
Makana Akolu.-He hookahi makahiki lawe wale me ka uku ole i ka nupepa puka la P.C Advertiser, i ole i ka nupepa Hawaiia Gazette.
[AD]
ONE VOTE
For the Best All-Around Player in this Season ʻ s
BASE BALL GAMES
HAWAIIAN BASE BALL ASSOCIATION.
NAME
CLUB
Aole loa e helu ia na balota e ae aia wale no o na balota i oki ia mai ke KUOKOA ae.
NU HOU HAWAII.
Ua kau aku maluna o ke Kinau o ka Poalua i hala, ka Lunakanawai Kiekie, no ka holo e malama i ke kau kiure o Hilo i ka Poalua mua aenei o Mei.
O Hawaii me Honolulu, na moho mokomoko o ke kahua kinipopo o Makiki i keia auina la Poaono. He mau lae oo nae ana no a i elua. E kakahe nui ae.
Ua ae ia aku e ka Aha Kiekie o Mr. Charles William o Kaauhuhu, Hamakua, Hawaii, e lawelawe i ka oihana loio no na aha haahaa a pau. A ma ke Kinau o ka Poalua iho nei i hoi aku ai oia no kona home.
I ka auina la Poalua nei, ua haule make iho mawaho o ka Hui hana Kaa Hawaii ma alanui Moiwahine o Mahelona, he kiai po no ka Hale Hana Hao o Honolulu, iaia e lawe ana he mau papaa hao. He loaa mau no oia i na ulia ma ʻ i kuhewa a pakele no, aka i keia loaa ana, ua lele loa aku kona hanu.
Na ka Puali Puhi Ohe o ka mokukaua "Kapalakiko" i haawi manawalea i na leo mele puhi ohe i ka wa a ka mokuahi Austarlia e liuliu ana e huli hoi aku no Kaleponi i ke awakea Poalua aku nei, a ua haule ka manawa maa mau i ka Puali Puhi Ohe Hawaii e mele ai mamuli o ka lilo ana i ke anaina mare ma Kulaokahua.
Ua hoohalahala ka "Holomua" no ke pa ʻ i ia ana o ka balota e koho ai i na poe eleu a maikai o ka paani ana i keia kau maiwaena ae o na puali kinipopo, ma ke KUOKOA o ka Poaono aku nei i hala. I na he makemake ko ka Holomua e loaa ana mau kenikeni mawaho ae nona, o ke pa ʻ i iho no i balota ka pono, aohe hoohalahala ana.
Mahope iki iho o ka hora 12 awakea o ka Poalua i hala, ua kapeku ae ka huila o ka Australia a kikihi aku la no ke awa o Kapalakiko, ke kulanakauhale Moiwahine o ka Pakipika, me ka hului pu aku ia 100 mau ohua kapena a me 130 mau ohua oneki, he 110 o lakou he mau Pukiki, a me 8,257 leta a me 2,493 nupepa, a me 17,961 mau eke kopaa, 6,065 mau ahui maia a me kekahi mau waiwai huikau no lakou ke kumukuai i koho ia aku aia ma ke $79,560.
I ke kakahiaka Poalua nei, i ka wa a na paahao e hana ana mauka o Makiki, aia hoi ua hina iho la ilalo o ka lepo a make loa aku la o Ah Kau pake, "ka weli o na Waieha." Ua manao ia, ua inu oia i kekahi laau make me ka manao e haina i kona ola. Ua lawe ia e ke kauka mailoko mai o ke kino, kahi i manao ia oia kahi a ka laau make i lolii ai, a e waiho ia aku ana no ka imi pono ana i ka laau make. He pepehi kanaka kona hewa i hoopaahao ia ai, a ua mahuka aku oia a nalowale he mau hebedoma; a i kekahi la aku nei o ka pule i hala kona hoi ana mai iloko o ka hale paahao.
Aole i pau ke kaeko o kahi kamehai "Ka Lei Alii o Hawaii" i haakokohi heewale mai ai mailoko mai o ka ilina i kanu ola ia ai ka Elele, no ka makou hooia ana aku i ke kiekie o ka makou mau aku hana e hoonee nei i ko makou mau keiki hana i kela a me keia hebedoma. Ua maopopo no ke kumu, no ka hoka ana a lilo ole ia lakou ka aelike pai o ka Hoike a ke Kuhina Kalaiaina i kona halepai. A wahi a ua wahi a ua wahi huhu laau la, "ina e lawe ia ana ka oihaapai i mea ulupa wale ia e na poe hapuku a kiola ia ka inoa hanohano, iloko o elua makahiki mai keia manawa aku, aohe he mau kumu e kanalua ia ai e komo ana na limahana holopono loa iloko o ka oihanapai." I mea e pau ai ka makau honua a me na wanana hoohakukoi i o la honua, mamua aku a mahope mai nei o ka hiu ia ana a wela o ua aelike la i keia halepai, oia mau no ka uku o na hoonohohua Hawaii o keia halepai.
Ua hopu ia ma Honolulu nei he ekolu mau haole malihini i ka Poalua nei, mai Maui mai, mamuli o ka hoohuoi ia he poe hoopae opiuma, a ke kali ia nei ko lakou hookolokolo o ka hoi mai o ka Hope Luna Dute i holo aku nei i Maui.
HE LEO PANE I KA MAKAMAKA. E oluolu oe e ka luna hoopuka o ke KUOKOA e hoike ae ma ke akea i kela hoolaha, ia J M Naeole, e olelo ana ke kue nei oia i na hana Kula Sabati o Wainiha me Haena. Aole ia he mea oiaio, he hakuepa maopopo ia, i mea e maopopo ai o wau kekahi Kumukula Sabati o Wainiha a ua kauoha mua oia i na haumana kula e hele mau mai i ke Kula Sabati: O ka ʻ u papa Kula oia no na Haumana nunui o ke Kula, a J M Naeole. Eia hou no, aole i lohe o Wainiha a me Haena i keia papa ana aole e lulu i ke ola Kahu, he haku epa, a hoopunipuni maopopo ia.-D KANEALII
Wainiha, Kauai.
Ua hala aku i ka make o Paul Aea ma Honuakaha, Honolulu nei, i ka hora 3 wanaao Poaha nei, Aperila 28, mahope o ka hoomailo ana a ka mai akepau no kekahi manawa, a me ka huli ia ana o na lapaau naauao. He hoonohua kepau maamaalea oia no ka oihana paipalapala, a i kekahi manawa ua kokua oia ia makou ma ke ano hooponopono nupepa. He kokua luna hooponopono oia no keia nupepa i kekahi wa, oiai o Rev. H. H Paleka e noho haku ana. Aole no i pau kona kakau ana no keia nupepa, a na kona make i pauaho mai la. Ua hanau ia oia ma Ebon, i ka la 3 o Aperila, 1864, na Rev. H Aea a me Debora. He elima ko lakou nui o ia ohana, aka ma kona make ana, ua koe he elua o ia ohana e ola nei a me kekahi mau kaikuaana hoahanau e ae olua a kona makuahine me ke kane mua me Rev. S. Kaaikaula. Ua mare oia i ka wahine a ua hanau mai na laua he mau keiki e ola nei. O ka paumako nui nona a me kona ohana i hoonele ia i ka makua ole, ke a pu nei makou iloko o ko lakou wa e kanikau ana nona.
He Haawina Maikai.
Ke waiho aku nei makou malalo iho i ka hana maikai a ke Alii ka Moiwahine i haawi ai mailoko aku o kona waihona ponoi ma na hana manawalea lehulehu a makou e manao nei, he haawina maikai kana e waiho mai nei no ka hoohalike ia aku:
1891,
Feb. No kekahi mau lilo o ka Moi Kalakaua ma Kaleponi $ 1,500 00
Apr. Makana i ka Hui Hoonaauao. 1,000 00
Mei. Makana i ka Hui Hoonaauao. 4,000 00
Aug. Kokua luakini no Wananalua, Hana 100 00
Ocy. Makana i ka Hui Hoonaauao 12,000 00
Dek. Kokua manawalea ia Mrs. H. no Mr. P. 20 00
Uwati no ka halepule o Waialua 60 00
Lulu luakini 10 00
Kokua uku kula no ke keiki ilihune 25 00
Mau Buke Himeni no ka Halealii 6 00
Hoku Ao Nani 6 00
Manawalea ia Mr 100 00
Manawalea ia Mrs 30 00
Kokua Kula Hanai o Kauai 100 00
Lulu Kula Sabati 12 00
Kokua ia Mr. D 80 00
Luakini a S H Davis ma Kona 50 00
Kokua aloha ia Mrs 50 00
Kokua aloha ia Mrs 50 00
Hoonaauao ana i kekahi mau kaikamahine 42 00
Kokua i na luahine 20 00
Kokua luakini o Kaumakapili 100 00
Buke himeni no Kawaiahao me Waialua 56 70
Lilo no na kaikamahine kula 26 00
1892.
Feb Kokua halemai no ke kula kaikamahine o Sana Anaru 100 00
Kokua aloha ia Kanae w 10 00
Kokua aloha ia K K K 63 00
Lulu luakini ma W 15 00
No ka pono o ka lehulehu, Kaluaopele 1,000 00
Kokua aloha ia W 5 00
Kokua aloha ia Mrs C.B 100 00
Mar. Kokua ia A J C 63 00
Kikiki no ke Kula Hanai o Kauai 20 00
Palua lulu i Kaukeano 20 00
Himeni a na kaikamahine kula o Kawaiahao 20 00
S.H Davis ma Kona 20 00
Kokua laikini no na lede o ka Hui W C T U., 1 keke kope, 1 eke ko 52 00
Thistle Society 20 00
Eha kaikamahine i ke kula o Kawaiahao, no ka makahiki 200 00
Kokua i na kaikamahine he 13 a ka hui H L M ma ka hoonaauao ana 650 00
Uku ana ia 2 keiki ma ke Kula Kamehameha 80 00
Hoonaauao ia 2 kaikamahine ma ke kula o Makawao, no ka maka-
hiki 80 00
J HELELUHE,
Agena o na Aina o ka Moiwahine.
KULA SABATI..
Mei 15. Ke mele e hoonani ai. Halelu 103:1-22.
E HOOMAIKAI ia Iehova, e kuu uhane. A me kona inoa hoano hoi, e ko loko o ʻ u a pau.
2 E hoomaikai ia Iehova, e kuu uhane, Aole hoi e hoopoina i kona lokomaikai a pau:
3 Ka mea i kala mai i ko ʻ u haia a pau.
Ka mea i hoola i kou mau mai a pau:
4 Ka mea i hooia panai i kou oia mai ka lua mai;
Ka mea i kau maluna ou i ka leialii o ka lokomaikai, a me ke aloha
5 Ka mea hoomaona i kou uhane i ka maikai:
A hoihoiia mai kou wa opiopio, me he aito la.
6 Ke hana mai nei o Iehova i ka pololei.
A me ka hoopono no ka poe a pau i hooluhiia.
7 Hoike mai la oia i kona mau aoao ia Mose.
A me kana mau hana mana i ua mamo a Isersela.
8 He lokmaikai o Iehova, he aloha hoi,
He lohi ka huhu, a ua nui hoi ko aloha.
9 Aole ia e hoomau i ka huhu mai;
Aole hoi ia e hookaulua mau loa.
10 Aole ia i hana mai ia kakou e like me ko kakou hewa.
Aole hoi i hoopai mai ia kakou e like me ko kakou hala.
11 No ka mea, e like me kiekie o ka lani maluna o ka honua.
Pela no ka nui o kona lokomaikai i ka poe i makau aku ia ia.
12 E like me ka loin, mai ka hikina a i ke komohana.
Ua hookaawale aku oia i ko kakou hewa mai o kakou aku.
13 Ma ke makua e aloha ana i kana keiki,
Pela no o Iehova e aloha ʻ i i ka poe e makau aku ia ia.
14 No ka mea, ua ike mai oia i ko kakou ano;
Ke hoomanao nei no hoi he lepo kakou.
15 O na kanaka, ua like ko lakou mau la me ka manu;
Me ka pua hoi o ke kula, pela no kona pua ana.
16 No ka mea, pa mai la ka makani maluna on a, a ua ole ia;
Aole e manao hou mai kona wahi ia ia.
17 Aka, o ka lokomaikai o Iehova, mai kahiko loa mai ia, a mau loa aku no.
Maluna o ka poe i makau aku ia ia,
A me kona pono hoi, maluna o na keiki a na keiki;
18 Maluna hoi o ka poe e malama i kona berita.
A me ka poe hoomanao i kana mau kauoha, e hana malaila.
19 Ua hoonoho paa o Iehova i kona nohoalii ma ka lani;
A noho alii hoi kona aupuni maluna o na mea a pau.
20 E hoomaikai oukou ia Iehova, e kona poe anela.
Na mea ikaika loa, a ua hana hoi ma kana mau kauoha.
A ua hoolohe i ka leo o kana olelo.
21 E hoomaikai oukou ia Iehova, e kona poe kauwa a pau.
Na mea lawelawe nana, a hana hoi i kona makemake.
22 E hoomaikai oukou ia Iehova, e na mea a pau ana i hana ʻ i.
Ma na wahi a pau o kona aupuni;
E hoomaikai ia Iehova, e kuu uhane.
Pauku Gula. Halelu 10;2. E hoomaikai ia Iehova, e kuu uhane, aole hoi e hoopoino i kona lokomaikai a pau. Manao nui. E hoike mau i ko ke Akua lokomaikai pau ole.
OLELO HOAKAKA.
Ua haku o Davida i kela mele i kona wa elemakule. Ua nui na kumu i loaa ia ia no ka hoonani ana i ko ke Akua lokomaikai. Nui na hewa i huikala ia, nui na pomaikai i haawiia, nui na poino ana i pale aku ai. E hoomanao kakou i ko ke Akua lokomaikai ia kakou ma ka noonoo ana i keia haawina Baibala. Lehulehu na hawina maikai mai ke Akua mai i ko ke ao nei; lehulehu no hoi ka poe e hoopoina ana, e hoowahawaha ana, i ka mea Mana Loa, nona mai keia mau pomaikai. E like me ka mau ana o ka hanu ana, pela no ka mau ana o ka hanu ana, pela no ka mau ana o ko kakou ano hune. Ua paipai o Davida i na kanaka a pau e hoomaikai aku ia Iehova. 4. Hoola panai; oia hoi ua nui na lilo o ke Akua ma ka hoola ana i na kanaka hewa. Ua haawi mai oia i kana keiki punahele e hooehaeha ia ai. Lua; luameki, oia hoi ka nalowale loa, poho mau. 5. Aeto, kekahi manu nui, i kapa ia ke alii o na manu. Ua nui na kaao e pili ana i kona ikaika, a me kona akamai ma ka hoomau ana i kona ikaika. 9. Hookaulua; ma ka Baibala Enelani, hoomauhala. 15. Pua o ke kula; mae koke ia mamua iho o na pua i ulu ae ma na malapua.
17. Makau; me ka hoohanohano ana, e like me ke alii kapukapu.
HE MAU NIELE.
I. Ka hoomanao ana i na pomaikai i loaa ai, pp. 1-7. Heaha ka olelo kahea ma ka pauku mua? Heaha na pomaikai pili kino i olelo ia? Heaha kekahi mau pomaikai e ae no na mea e ae? Pehea i hoike ai ke Akua, kona mau aoao ia Mose? Ehia mau kanawai ma na papa elua mai Sinai mai? Pehea e hiki ai ia kakou ke hoomaikai aku i ke Akua ma na kuloko o kakou? Heaha na mahele ekolu o ke ano kuloko o na kanaka? Owai ka mea e ae e hiki la ia ke kala i na hewa e like me Iehova? E hiki anei i kekahi ke hoola i na mai koe nae o Iehova lua ole? Ua like anei ko ke Akua lokomaikai ia kakou me kona lokomaikai ia Davida? Hiki anei ia kakou ke lilo i mau mea elemakule, oiai ua kupu hou ka eleu, ka hoihoi, ka noonoo? Pehea e lilo ai kakou i poe ano hou, a mau loa aku? Pehea ko ke Akua kala ana i ka hala? Pehea i hooia ai oia i ko kakou mau mai? Pehea i kau ai i ka lei alii o ka lokomaikai maluna o kakou
II. Ka hoike ana aku i ka lokomaikai o ke Akua; pp. 8-18. Heaha kekahi mau hoailona hou o ko ke Akua lokomaikai ma kana hoomalu ana ia ia iho? Heahea ka Davida olelo e pili ana i ko ke Akua huhu? Heaha kana ano hana e pili ana i ko kakou mau hewa? Heaha ke kiekie ka loa ka loihi o kona ano lokomaikai? Heaha ke ano o kona aloha? Heaha ka mea ano like me ko ke kanaka ano palupalu, nawaliwali? Heaha ka mea pua i hookuku ia me ko ke kanaka ano nawaliwali? Ua paakiki anei ke Akua? Heaha ke kumu no kona aloha nui i na kanaka ? Heaha ke kaupalena no kona lokomaikai?
III. Ka poloai ana i ka poe lehulehu e hoomaikai pu ia Iehova, pp 19-22. Ua loaa anei kekahi mau mea nona ke ano kiekie mamua loa o ko ke kanaka? Heaha ka oihana maoli o ka poe anela? Heaha ka olelo e pili ana ia lakou, Hebera 1; 14. Pehea e hiki ai na mea a ke Akua i hana ai, ke hoomaikai aku iaia? Heaha ka manao hope loa o keia halelu? Aia mahea ko ke Akua noho alii? Heaha ke ano maoli ke kulana a ke Akua? Ua hoopai pono ole anei ke Akua? Owai ka poe malama berita? Owai ka poe i kahea ia mai e hoomaikai aku ia Iehova?
MANAO PILI.
1. Heaha na kumu kupono na ʻ u e hoomaikai aku i ke Akua?
2. Ua oi aku anei ko ke Akua aloha mamua o ko kakou mau makua?
3. He huaolelo Hawaii anei i oi aku ke kupono mamua o ka olelo hoopomaikai?
4. Ua kulike anei ko ke Akua hoopono me kona lokomaikai?
5. E uku anei ke Akua i na hana maikai ma Kawaiahao?
Hoolaha Hou.
P PUHALAHUA.
LOIO LOIO LOIO
Ua ae ia mai au e lawelawe imua o na Aha Hoomalu a me Apana a pau o keia Aupuni. he Agena Hooiaio Palapala no ka Apana o Hana. Mokupuni e Maui.
E loaa no au i ka Ua Peepapohaku o Kaapai, a ma Hana i kekahi manawa. 2478 1yr
OLELO HOOLAHA.
E IKE AUANEI NA KANAKA A PAU KE nana mai ma keia hoolaha, owau o ka mea nona ka inoa malalo iho, ke kahea aku nei au i na poe i pili ia MAKANUI i make, in a eia ke ola nei e hele mai e kamailio pu me a ʻ u no keia kuleana aina e waiho nei ma Pilaa, Kauai nona ka Helu 6676. Ina aole e hele mai a hala ka mahina hookahi e lilo no ia ʻ u keia aina
LAHAPA UUMA (w)
Apr. 22, 1892. 2387-2t
HOOLAHA HUI.
MA KA HALAWAI MAKAHIKI I HOOPANEE ia o ka hui KONA COFFEE and FRUIT COMPANU i Kaupalenaia, i malamaia ma ka la 21 o Aperila, 1892, ma ke Keena Loio o W C Aehi, ma Honolulu, Oahu, ua kohoia na poe malalo iho i mau Luna Nui:
Col. J H Boyd Peresidena
Hon H D Nahinu Hope Peresidena
Hon. Abr. Fernandez Puuku
W C Aehi Kakauolelo
Enoka Johnson Esq Luna Hooia
Papa Alakai.
Hon. Abr Fernandez, S M Kaaukai Esq., J.K
Kahookano Esq., Hon. A Kauhi, H. Waterhouse
Esq., Hon. A. Rosa a me Sam C Dwight Esq.
T K R Amalu Luna Nui
W.C ACHI.
Kakauolelo Kona Coffee and Fruit Company.
Apr. 21, 1892. 2387-4t
Hoolaha a ka Luna Hooponopono Waiwai.
UA HOOKOHU PONO IA MAI KA MEA nona ka inoa malalo iho i Luna Hooponopono Waiwai no ka waiwai o MANASE KAHALE (k), no Waimea, Kauai, i make, e ka Hon. Jacob Hardy. Lunakanawai Kaapuni Apana Eha o Ko Hawaii Pae Aina. Nolaila, ke hoolaha ia aku nei ua mea a pau in a he mau koina ka lakou i ka waiwai o ka mea i make, e waiho mai i ka lakou bila iloko o na malama eono mai keia la aku me na hooiaio kupono, a i ole pela e hoole mau loa ia aku no. A in a he mau waiwai ko ka mea i make e paa ia nei e kekahi poe, e hoihoi koke mai ia ʻ u, a o na poe i aie i ka mea i make e hookaa koke ia mai ia ʻ u.
JOHN A AKINA.
Luna Hooponopono Waiwai o Manase Kahale i make.
Waimea, Kauai, Apr. 20 1892. 2387-4t
Kuai o ka Moraki i Hooko ia.
I KULIKE AI ME KA HOOLAHA HOOKO O ka moraki a me ke kuai i haawi ia e F J WILHELM, ka mea e paa ana i ka moraki o kekahi moraki i hanaia e J N Kalaikawaha a me kana wahine i ka la 18 o Iune, 1891 a i hoopaaia ma ke Keena Kakau Kope, Buke 132, a ma na aoao 237-8, a ua hoopanee ia ua kuai la, nolaila ke hoolaha ia aku nei, o na waiwai i kuhikuhi ia ma ua moraki la, e kuai ia aku ana ma ke kudala akea ma ka Hale Kudala o Jas F Morgan ma Honolulu, ke hiki aku i ka hora 12 awakea o ka Poakahi, la 16 o Mei, 1892.
No na mea i koe, e ninau ia J Alfred Magoon Loio no F J WILHELM.
Mea e paa nei i ka Moraki.
Honolulu, Apr. 26, 1892.
O na aina i paa maloko o ua moraki ia, oia kela ana e ku nei ka hale laau paa iluna a ilalo e waiho nei ma Auwaiolimu, Honolulu, Oahu, a i kuhikuhi ia na palena penei:
E hoomaka ana ma ke kihi Kom makai o ke ia pili i ke kihi akau o ko Haili, a holo hema 26 30 ʻ Hiki, 150 Kap, ma ko Haili, alaila, Ak. 63 30 Hik 75 kap, ma kahi waiho wale Ak. 26 3075 kap ma kahi waiho wale (o ka Moi) a hiki i ke kihi i hoomaka ai, malila 312 1/2 anana
2387-3t
Hoolaha Hooko o ka Moraki a me ke Kuai.
I KULIKE AI ME NA HOOKO ANA O KEKAHI moraki i hanaia i ka la 25 o Mei 1891, e S M KAAUKAI a me kana wahine o JANE C KAAUKAI o Honolulu, mokupuni o Oahu, ia Mrs Annie S Parke o ua Honolulu la, i hoopaa ia i ka Buke 132, a ma na aoao 210, 21 a me 212. Ke hoolaha ia aku nei ka lohe ke makemake nei o Annie S Parke, ka mea e paa nei i ka moraki, e hooko i ua moraki la no ka uhaki ia o ka aelike, oia ka hookaa ole ia o ka ukupanee i ka wa e hookaa ai.
Ke hoolaha hou ia aku nei o kela aina a pau a me na waiwai i hoopaa ia iloko o ua moraki la, e kuai ia aku ana ma ke kudala akea ma ka Hale Kudala o Jas F Morgan, ma alanui Moiwahine, Honolulu, ma ka Poaono, la 21 o Mei A D 1892, hora 12 awakea o ia la.
Eia na waiwai i paa maloko o ua moraki la:
O kela mau apana aina me na hale e ku la maluna iho, e waiho nei ma Kamakela, Honolulu, oia na aina i kuhikuhi ia iloko o ka Palapala Sila Nui Helu 3574 a Kuleana Hoona Aina Helu 8307 a me Palapala Sila Nui Helu 4455 a Kuleana Hoona Aina Helu 2833, nona ka ili he 5445 kapuai kuea, oi aku a emi paha, a i kuhikuhi pono ia ma ka palapala kuai mai a D J Barenaba i ua mau mea la nana i moraki mai i hanaia i ka la 25 o Mei, 1892, i hoopaa la a ka Bule 130, a ma na aoao 213 a me 332.
ANNIE S PARKE.
Na kona hope W C Parke.
Hanaia ma Honolulu, Apr 8, 1892.
2387-3t
Hoolaha Hooko o ka Moraki a me ke Kuai.
I KULIKE AI ME NA HOOKO ANA O KEKAHI moraki i hanaia ma Dekemaba 12, A.D 1887, e HALIIMAILE (w) a me NOA (k) kana kane o Honolulu, mokupuni o Oahu, ia J M Monuarrai o ua Honolulu ia no, a i hoopaa ia ma ke Keena Kakau Kope, Buke 196 a ma na aoao 411 a me 412; ke hoolaha la aku nei, ke makemake nei ua J M Monsarrat la e hooke aku i ua moraki la noka uhaki ia o ka aelike, oia ka hookaa ole la o ke kumupaa a me ka ukupanee i ka wa e hookaa ai.
Ke hoolaha hou ia aku nei, o keia mau aina a pau, na pono hoaaina a me pilikana i paa iloko o na moraki la, e kuai ia aku no ma ke kudala akea ma ka Hale Kudala o Jas P Morgan, ma alanui Moiwahine Honolulu. I ka Poakahi, la 23 o Mei, A D 1892, ma ka hora 12 awakea o ia la.
Penei na aina i paa maloko o ua moraki la;
O kela mau apana aina e waiho la ma Kalihi, Kona, mokupuni o Oahu mamua ae, nona ka ili he 3 6-10 mau eka, a o la na aina iloko o ka Palapala Sila Nui Helu 1356, Kuleana Hoona Aina Helu 1284, i hoopuka ia no Kinopu a mai a Kinopu aku lilo i ua Haliimaile (w) la ma ka palapala kuai i hanaia i ka la 28 o Okatoba, A D 1881, a i hoopaa ia ma ka buke 72 a me ka aoao 27.
J M MONSARRAT.
Mea e paa nei i ka moraki.
Hanaia ma Honolulu, Apr 26, 1892. 2387-42
hoolaha hou.
MUTUAL 76-NA TELEPONE-BELL 179
H.H WILLIAMS & CO.,
KA POE HOOKOMO MAI. KUAI AKU A ME
HANA PAKA O NA HOONANI HALE
MAIKAI O NA ANO A PAU ME KA MAKEPONO.
ME NA
Piano i Hanaia
Me ke kupono!
keia ea.
Aole mu e komo.
E LOAA NO
Na He Kupapau
Na Pohaku Mabela, e wai ala ka Makemake Lawe.
MAANEI E LOAA AI
NA LAKO KANU KUPAPAU, KAA
A me na Pono ia-loa i ke kino o ka mea aloha.
HELU 105 ALANUI PAPU HONOLULU.
OLELO HOOLAHA!
O ka noho Agena ana no na LAAU LAPAAU OHANA A JAYNES, a ko makou Hui Kalepa i paa loihi ai, ua lawe ia aku nei a aia ia MESSRS. BENSON, SMITH & CO., ka hui kahi o na kauoha laau lapaau a pau o ia ano e hoouna aku ai mai keia wa aku.
KAKELA & KUKE
HONOLULU. FEB 4, 1892. 237esq
O NA HUAOLELO AULII
I PUKA AKU I KA WA PONO,
Ua Oi ka Maikai o ia
I KO KA MEA HOOLOHE WALE MAI NO.
Ua loaa mai nei ia oukou ko makou wahi e ku nei. MAI POINA OUKOU. E haawi ia ana ia oukou NA HOONAAUAO AKAHELE ANA, a ua ike no hoi oukou UA OI AKU KE EMI o na mea a oukou e kuai ai mai a makou aku mamua o na wahi e ae o ke kulanakauhale nei, a o kekahi o ka makou mau mea kuai he haahaa loa maoli. O ka makou mau lako laau lapaau, HE HOU A MAKAMAKA LOA. E HOOMANAO! ina oukou e makemake i NA LAAU KUNU SOPA, HUAHUAKAI, AILA LAUOHO a me na mea e ae he lehulehu, HELE MAI I O
HOBRON, NEWMAN & CO.,
NA POE KUAI LAAU LAPAAU.
Huina o na Alanui Papu me Moi 2378-tf
Hoolaha Hooko Moraki.
MAMULI O KEKAHI MANA kuai i hoike ia maloko o kekahi palapala moraki i hanaia mawaena o PAUOLE o ka aoao mua, a me Robert Grieve o ka aoao elua, ma ka la 2 o Augate, 1858, i kakau hope ia ma ka buke 112, aoao 63, a mamuli o ka uhaki ia ana o na kumu aelike o kela moraki, oia hoi ka uku ole ia o ke kumupaa i ka wa e uku ai; nolaila ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
Ke hoolaha hou hou ia aku nei, mahope aku o ka pau ana o na hebedoma ekolu mai ka la aku o keia hoolaha ana, alaila e hoolaha ia aku no na aina i paa maloko o ua moraki ia no ke kuai kudala akea ma ka hale kudala o Jas F Morgan ma Honolulu, i ka hora 12 awakea POAONO, la 28 o Mei, A D 1892.
Hanaia i keia la 21 o Aperila, 1892.
ROBERT GRIEVE, Mea Moraki mai.
Penei na aina i moraki ia;
O kela apana aina ma Kamoiliili i ikeia o Maulukikepa, a i hoakakaia ma ka Palapala Sila Nui Helu 3579 a Kuleana Helu 5364 ma ka inoa o Kalama a ne Nakookoo, a ma la apana he 50-10 eka, i hooliloia ia Pauole ma ka palapala kuai a Kamakauila, i kopeia ma ka buke 52, aoao 570.
HOOLAHA HOOHUI
A KA HUI
Pacific Coast Home Supply Association o Honolulu.
Ke hoolaha ia aku nei ma kela, o T.E MARSH, W R DAVIDSON a me James Sharp, o Kapalakiko, Kaleponi, nolaila lakou a pau, a me EVELYN M. OLIVER o Honolulu ua hoolilo ae nei la lakou i keia la i poe hui no ka lawelawe ana ma ka oihana kuai waiwai liilii ma ka Hale helu 1M, alanui Moi, malalo o ka inoa hui PACIFIC COAST HOME SUPPLY ASSOCIATION o Honolulu.
Kakauia ma Honolulu, Apr. 7, 1892.
HOOLAHA.
MA KEIA KE HOOLAHA IA AKU NEI, UA hoolilo loa aku o L AHLO & CO, o Honolulu, i kona kuleana iloko o ka Halekuai ma Waikapu, i ikeia ma ka inoa L AHLO and Companu ia S Ahaia o Waikapu, i oleloia a na S Ahiai e uku i na aie o ka Hui, a o na aie aku i ka Hui e ukuia aku iaia.
L. AHLO & CO.
Hanaia ma Honolulu, Aperila 11, 1892.
Olelo Hoolaha Hookapu Aina.
KE HOIKE IA AKU NEI KA LOHE I NA kanaka a pau loa, ua hookapu loaa au i ko ʻ u aina e waiho la ma Puuepa alua, Kohala, Akau, Mokupuni o Hawaii, aole no hoi e hele wale na Holoholona, Pipi, Lio, Hipa, Kao, Puaa, a pela aku. Oia ka aina ma ka inoa o P. KAI (k) a me KAMOE (w), aole au i kuai a Moraki ma keia aina.
Ko oukou makamaka oiaio.
MRS MULEHU.(w)
Kokoiki, Kohala, APerila, 1892
Hoolaha Hooko o ka Moraki a me ke Kuai.
I KULIKE AI ME NA HOOKO ANA O KEKAHI mau mea i hana ia e KAPOLI HILI (w) a me JOHN HILI, kana kane, Honolulu, Oahu, la Alexander M. McBryde o Wahiawa, Kauai, ma Okatoba 22, 1859, a i hoopaa ia ma ke Keena kakau Kope,Buke 119 a ma na aoao 178 a me 179. Ke hoolaha ia aku nei ka lohe i na mea a pau, ke makemake nei ka mea e paa nei ika moraki e hooko aku no ka uhaki la o ka aelike, oia ka hookaa ole la o ke kumupaa a me ka uku panee i ka wa e hookaa ai.
Ke hoolaha hou la aku nei, o kela mau aina i paa maloko o ua moraki la, e kuai ia aku ana ma ke kudala akea ma ka Hale Kudala o Jas F Morgan ma Honolulu, ke hiki aku i ka hora 12 awakea o ka POAKAHI, la 9 o Mei, 1892.
Eia na aina e kuai ia aku ana
O kela mau apana aina elua nona ka ili he 3 ruda, 32 pereke o kekahi, a me 23 pereke o kekahi, e waiho ia ma Wahiawa, Kauai, a i kuhikuhi pono ia ua palena ma ka Palapala Sila Nui helu 7179 a kuleana helu 3413 ia Pooahi
ALEXANDER M McBRYDE.
Mea e paa nei i ka moraki.
Thurston & Frear, ua Loio no ka moraki.
Honolulu, Maraki 22, 1892 2382-6t
J. S SMITHIES (KAMILA)
NOTALI no ka LEHULEHU
A HE
Agena Haawi Palapala Mare.
Mahukona, Kohala Hawaii
[back to top of column]
Hoolaha a ka Lunahooponopono Waiwai.
UA HOOKOHU IA E KA HON J HARDY Lunakanawai o ka Apana Kaapuni Eha o ko Hawaii Pae Aina ka mea nona ka inoa ma lalo iho i lunahooponopono waiwai no na waiwai o J R HOOPIOPIO ma Waimea, Kauai, i make, nolaila ke hoolaha ia aku nei i na mea a pau ina he koi aie ka lakou iloko o na waiwai o J H Hoopiopio i make, e waiho mai i ka lakou bila iloko o na malama eono mai keia la aku, in a aole e hoole mau loa ia aku no ko lakou aie.
VALDEMAR KUNDSEN.
Lunahooponopono Waiwai o J R Hoopiopio
Waimea, Kaui, i make.
Kekaha P.O
Waiawa, Kauai, Aperila 1, 1892.
Kuai a ke Kahu Malama Keiki.
O KA MEA NONA KA INOA MALALO IHO Lahapa Halsey, ke kahu malama o ke kino a me ka waiwai o KAAULI, he kaikamahine no ole, kekahi o na hooilina o Hema Kepohoni i make, e lawelawe ana malalo o ke kauoha oi kuai aku i hoopuka ia e Hon Sandford B Dole, kekahi o na Lunakanawai o ka Aha Kiekie o Ko Hawaii Pae Aina, ma ka la 12 o Aperila, 1892, a me Kealoha Kepohoni iki a me Mary Hook, ka wahine i okila a Sala Hooko, kekahi mau hooilina e ae o ua H Kepohoni la, e lawelawe ana no laua iho, e kuai aku ana ma ke kudala akea ma ka Hale Kudala o Jas F Morgan, Honolulu, ke hiki i ka hora 12 awakea o ka POAONO, MEI 7, 1892, i na pono, ke kuleana a me na pomaikai o na poe hooilina la iloko a kekahi mau aina i hooili ia mai no lakou e no H Kepohoni la, oia keia malalo iho.
I O kela aina a pau e waiho la ma Kapalama Honolulu, mokupuni o Oahu, nona ka ili he hookahi eka. Oia ka aina i hoolilo ia mai i na H Kepohoni la ma ke kuai e W L Wilcox a i hoopaa ia ma ke Keena Kakau Kope Buke ia aoao 125.
2 He hapalua i mahele ole ia o keia aina nona ka ili he 85 605-1000 mau eka i lilo mai i ua H Kepohoni la a me Limanui (oia o Kalimanui) ma ka palapala kuai a Mahu (k) i hoopaa ia ma ke Keena Kakau Kope Buke 74, aoao 521, o ua aina ia eia ke waiho nei ma Waialua, mokupuni o Oahu, a o ia kekahi hapa o ka aina i kuhikuhi ia iloko o ka Palapala Sila Nui Helu 1799.
Kuike ke dala, a o na uku hana palapala i ka mea e lilo ai.
LAHAPA HALSEY.
Kahu Malama o Kaauli
Kealoha Kepohoni.
Mary Hook.
J HOPP & CO.,
Na Poe Hana ma na Lako hale o na ano a pau!
Hana Moe, Na Uluna Pulu, Etc.
Noho no ka Hoolimalima ana, ua Lako hale me ka kumukuai i ai.
Honolulu, 2357 q
Hale Hana Kopa o Honolulu.
Ua paa aenei ka Hale Hana Sopa Mahu Hou o ka poe no lakou na inoa malalo iho a ua makaukau lakou e hoolawa aku i ka poe piepiele i na
Kopa Maikai Loa Maoli
I hookomo ia iloko o na Pahu 100 paona mai ke 42 a 56 auka Kopa pakahi.
Ke hooia nei makou i ka oi o la MAIKAI o ka makou KOPA mamua o na Kopa o waho mai.
Ua kuni ia mawaho o ko makou mau Pahu me ka hoailona "HONOLULU SOAP CO.," a e
Kuai ia e na Halekuai Liilii a Pau.
HUI HANA KOPA O HONOLULU
M.W McChesney & Sons,
Na Egena,
2353-q
[end]