Ka Nupepa Kuokoa, Volume XXXI, Number 43, 22 October 1892 — Page 3
| This text was transcribed by: | Wyatt Hulick |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
Mai Mahope aku o Okatoba 1. 1892
NA KAA AHI
A.M. A.M. P.M. P.M.
HAALELE IA HONOLULU 6:15 9:45 1:45 4:25
HIKI I HONOLULU 7:20 9:57 2:57 3:35
HAALEKAIA HONOLULU 7:26 10:43 3:43 5:42
HIKI I HONOLULU 8:35 11:55 4:55 6:50
NO MAKANA WALE NO.
HAALELE LAHONOLULU 5:10
HIKI I MANANA 5:45
HAALELE IA MANANA 6:55
HIKI I HONOLULU 7:30
•NO NA Poaono wale uo.
•Koe na la Sabail.
Koe na Peaono.
NU HOU HAWAII
Ua lohe mai makou, ua hoihoi mai nei o W. Muller i kona hookohu kumukula.
Ua lohe lauahea ia mai, o ka nui o na dala a ka Aha Hoomalu o Hana i hoihoi ia maino ke keena Waiwai no ka malama hookahi o Sepatemaba, He $701.05.
He 9 mile i koe puke loa ke alamui ka lua o pele i ka Hale Hookipa o Kilauea, aka eia ke kuia, ua hoopau ia mai nei he haneri limahana no ke e-e ole o ka opihi.
No na la ekolu i hala ae nei, he ekolu me hapalua iniha ka huina nui o na iniha kulu pakaua i haule iho ma Luakaha, ka luawai hookiʻo nui nana e hoolawa ne i ke kulanakauhale me ka wai.
Ua hanau mai i ke kakahiaka o ka ia 18 o Okatoba na ka wahine a Mr. John Colburn, ma keia kulanakauhale, he kaikamahine, a ua heaia kona inoa o Lanakila, no ka lele liilii ana o ka Aha Kuhina o Makapolena.
Ua ilio ia Keaka Biurigada ka hoiliwai ana i ke alanui ma Pulehuhoiliwai ana i ke alanui ma Pulehunui e hele ia i kula, no ka $995 ma ke koho huahau a me ke apono ana o ka Papa Alanui o Makawao. He Hawaii maamaalea no keia i ka hana alanui.
Ua hookohu ia aku o Hon. F.S. Pratt, Malama Buke Helu nui o ke aupuni, ma ka la 13 o keia malama,i Kanikela Generala no ke aupuni o ka Moiwahine ma ke awa o Kapalakiko, Kaleponi, Amerika Huipuia, ma kahi o D.A> McKinley i make.
U hoi mai ka mokuahi Ki nau i ke kakahiaka nui Poakolu aku nei, mai kona mau awa kamaaina mai o na mokupuni ma ka aoao makani aku nei, me 31 ohua kapena a me 127 ohua oneki. Ma ka auina la o nehinei, ua ninau hou aku oia no ua mau awa ia no.
Ua pau i ke ahi ka hale noho nani o Mr. R. Halstead ma Waialua i ka wanaao ka la 15 o Okatoba nei, me ja maopopo ole o ke kumu i pau ai. Ua lawe aku ke ahi i na walwai a pai o ka hale, a ua olelo ia ua oi loa aku na poho mamua o ka mea i panihakahaka ia.
Ua lohe ia aku na kukai kamailio ana mawaena o na poai hoa o ka Hui Waapa Metala, Hoko o keia mau la pokole iho e hoala mai ana lakouhe noi heihei waapa hou mawaena o lakou a me ka Hui Healani. I keia heihei hou ana aku he heihei ana keia mawaena o ka poe o ka papa elua. (Junior Crew)
Ua hoi mai ka mokukuna Lioholiho i ke kakahiaka Poakahi aku nei i hala, iloko o na la holo he 15 mai ka mokupuni mai o
Lysan, me na tona lepo manu he 100 paha no ka Hui nana e hoohana nei. Ua hoihoi pu mai oia i ka waapa mokuahi o ka Hui i hoolako ai no ua mokupuni la, e hana hou i ka ipuhao.
Ma ka noho ana o Ahahui Euenelio Mokupuni o Kauai ma Waioli, ma na la 12, 13 a me 14 o Okatoba nei, eia na mea ano nui i hooholo ia: Ua hookuu ia o Rev. J. Kanoho mai ka noho kahu ana no Waioli, a o Rev. J. B. Hanaike ke noho kahu kuikawa malaila; ua waiho o Rev. J. M. Kealoha i ka noho kahu kuikawa ana no ka ekalesia o kapaa, a ua hoonoho aku ka Aha ia Rev. J Kanoho i kahu kuikawa; o Rev. G. L. Kopa o Waimea ma ke ano kahu kuikawa no ia wahi; o J. B. Haleole hoi, no ke kahi apana o ka akalesia o waimea, oia o Hanapepe. Maloko o keia Ahahui, he ekolu kahu kuikawa, a he elua kahunapule e noho ana aole he mau ekalesia.
Ua make ma ke kakahiaka o ka Poakolu nei ma ke Halemai pupule, o Mr. J. Marchant , kekahi o na haole i kamaaina nui ia iwaena o ka poai o na poe hoonohohua o keia kulanakauhale. o keia Mr. Merhant ka mea nana i malama a hookele i ke keena humu bake maluna ae o ka hale paʻi press Pub. Co. ne kekahi manawa loihi,a malalo o kana mau aʻo ana i loaʻ ai he ike ma ia oihana i kekahi mau oplo hawaii o keia kulanakauhale.
o ka mokukaua Amerika mhikana i kamaaina nui ia iwaena o ko kakou mau poai nei, a i mo-ku no kekahi mau mahina loiho ma ke alo o ke Awa Lai o Kou nei, ua hopu mai nei oia i ka mokukuna Beritania Annie a me hattie ma ka la I iho nei o Sepatemba ma ke kai o Berina, no ka hewa he kue i ke kanawai pepehi i na holoholona sila ma na palena walau akau loa o Amerika Huipuia. E hoomanao iho eia he elua mau aupuni mana nui e hooko puaki nei i ka mana o keia kuikahi- Amerika Huipuia, a me Beritania Nui.
Ua ike iho makou i ka okioki puu oihana a ka Lunahooponopono o ka nupepa Holomua, a i lealea ai oia e hoohenehene mai ia makou me kana peni. Ke manao nei makou, aole e loaa ia makou ka oluolu ia e ke Kuhina Waiwai hou kakina kelekona e kaana e mai nei i o la honua i na oihana, aku, in a ua lele e kona hauli e ula io mai ana ka pomaikai ma kona lilo ana i iwihilo no ka mana mahope aku o ke kalaunu, alaila he mea pono e nana mua iho ola i ka oiwi mamua o ka haawi ana aku ia hai.
AHAOLELO O 1892
La Hana 109, oct. 17, 1892. Hoomaka ka hale e like me ka mau me ka Hope Peresidena Hon. J. Kauhane ma ka noho.
Ma ke kepaeia ana o na rula, ua waiho mai o Lunamakaainana J. H. Waipuilani i keia olelo hooholohilinai ole i ka Aha Kuhina, penei:
OIAI, o keia aha Kuhina e noho nei i keia manawa, aole lakou i hoike mai i kekahi mau kumuhana, aole hoi i ka manao e lawe mai i kekahi kumuhana e pili ana i ke dala e weheia ai ka aina mai kona kulana kupilikil ae no ke dala ole; a.
OIAI, he mea kupono loa e pili ana i ka holomua o ka aina, ma na oihana kalepa e loaa ai na launakuikahi ana me Amerika Huipuia i oi ae ka pono mamua o na mea i loaa i keia wa, a mamuli o ia kumu e loaa ai i ko kakou mau waiwai kalepa he makeke i hoohaiki ole ia me la aupuni; a.
OIAI, o ka Aba Kuhina e noho nei. aole ia i hoike mai i kekahi kumuhana o ia ano, a o ke poo o ka Aha Kuhina i keia wa, ua hoike ae oia i na kue maopopo i ka luna nui o ia aina ma keia aupuni, a o ke ano o na hana o na alakai aupuni e ku nei ma keia hope iho nei, a pela no i keia manawa, he kue i Amerika Huipuia, a no ia mea ua ilio i mea akaka ole e hiki ana ke hoololi ia ko kakou launa kuikahi ana ma ke ano e hoopomaikai ia ai o Hawaii e keia Aha Kuhina; a.
OIAI, aole i hoike mai ka Aha kuhina i ko lakou manao e hoao ana lakou e hoopau i kekahi mau ino e ku a e kaulana nei iloko o ka Oihana Makai a ma na ano e ae, aole lakou i hoike ae i ka makaukau kupono e alakai i ka lahui me ka maalahi, a puka mailoko mai o na pilikia e hoopuni nei, nolaila; e.
Hooholoia, ma keia ke hoike aku nei ka Ahaolelo i kona hilinai ole i ka Aha Kuhina e noho nei.
Kakoo mai o Waipuilani i kana olelo hooholo me ka haiolelo hoihi e wehewehe ana i na kumu o kona lawe ana mai i keia olelo hooholo. Oiai he olelo hooholo no o keia ano mamua a ua koho kue aku oia, no ka mea, he hou loa ka Aha Kuhina, a ua makemake oia e haawi ia he manawa no lakou e hoao ai ma ka hana, a pela aku a nui.
Noi o Kapahu e hoopanee i ka olelo hooholo a ma ka Poaha e noonoo ai.
Kokua i Kauhi ma ka noonoo no i keia la.
Olelo o Nawahi, he mea ole iaia ka noonoo o ka olelo hooholo i keia la a i ka Poaha paha, aka ina he makemake na kuhina e Hoopanee,ae aku ia lakou. Ina ua makaukau e hele aku ka Hale imua.
Wehewehe mai o Kamaouha i na kumu o kono hoowahawaha i keia. Aha Kuhina, ua like me na kumu i hoakakaia e ke luna o Kona, a pela aku, a pela aku.
Hoakaka mai ke Alii Hoapili i na kumu o kona hoowahawaha i ka Aha kuhina, oia ka popopo iloko o ka oihana makai a me na kumuhana ole a keia Aha Kuhina i waiho mai ai, a pela aku.
Olelo o R. W. Wilikoko, e pono e hooholo iia keia olelo hooholo i keia auina la, oiai ua maopopo aohe a lakou mau kumuhana i lawe mai ai a pela no ka oihana makai, aohe mea i hanaia, a pela aku.
Manao o Nawahi, ua hoao ia lakou a ua ike la ko lakou mama.
Ma ke noi a nawahi, ua hoomaha ka hale a halawai hou i ha hola 1:30 auwina la.
HALAWAI AUWINA LA
Akoakoa hou ka hale i ka hora 1:35.
Haiolelo lioho mai ke alii kakaina no ke kulai i ka Aha Kuhina malali o na kumu lehulehu, a pela aku.
kakoo mai o pipikane i ke kipaku i ka aha Kuhina.
Ku mai ke Alii pua a aua i ka Aha Kuhina me na huaolelo he lehulehu.
Kamailio pokole mai ke kuhina o ko na Aina E no ka mea e pili ana i ko ka Aha Kuhina launa oluolu ole me ke kuhina Amerika.
Kokua mai o Kaunamano i ka aua no i keia Aha Kuhina, a noi mai e hoomaha ka Hale a noho hou i ka hora 7. haule
Noi o white hookah ka Hale a noho hou i ka hora 7:30.
Olelo o akepoka, aole e hoomaha.
Noi o R.W. Wilikoki, e ninau ano ia.
Pane ke Kuhina waiwai, he hana pono ole keia o ka lele e ana mai nei o ka ninau ano.
Ku mai o kamika a noi mai e hoihoi hou aku i ninau ano.
Pane ke Alii baldwin, pono e haawi aku i manawa no na kuhina e pane ai.
Pane o R.w. Wilikoki, ae no au e haawi ia i manawa no na kuhina e pane ai.
Haawi mai ka Loio Kuhina i ka mahalo i ka luna o Waialua.
Haiolelo lion mai o white e pale ana i ka hewa ole o na Kuhina a me ka Ilamuku.
Kumai o Buki Malalo o na rule e hoonoho i ka Luna o kahaina, no ka mea, ua oi loa mamua o ka manawa i ae ia.
Rula le Peresidena, aole e hoohaiki ia ka manawa e kamailio ai.
rule ka president, aloe e hoohaiki ia ka manawa e kamailio ai.
pane o Buki, hookahi wale no haieolelo i oi aku i keia la mamua o ka hapalua hora, a ua haawi aku nei kakou i na kuhina i manawa e pale ai, aka, aole nae lakou i lawe ia pomaikai.
Noi o kamauoha e haawi hou aku i manawa i ka Luna o Lahaina. ua hoole ia.
pane ke alii marsden, ua maa keia hoa i ke kamailio a po ka la.Ua ae no au e haawi hou aku iaia i hapalua hora, aka, o ka haawi palenaole aku, aole loa. Nolaila, ke noi nei au e haawi hou aku i hapalua hoea nona e kamailio ai, Aeia.
Noi o white e hookah ka hale a hora 7:30mahiahi. Hoololi mai kekahi i ka hora 7; a o ka kekaho hoi. i ka hora 10 kakahiaka Poalua.
pane mai ke Kuhina waiwai, ua makaukau ka Aha Kuhina e noho no i keia po, a e hoomaha ka Hale a halawai hou i ka hora 7 o keia ahiahi. holo.
HALAWAI PO.
Akoakoa hou ka hale i ka hora 7:03 minute.
Hoomau o White i kona manawa kamailio i haawi ia ai a liu wale.
Ku mai o R.W. Wilikoki a olelo, aole on a makemake e paniku i ka Luna o lahaina, Aka, ua hala aku nei kona manawa. ua makemake ka Hale e Lohe i na kuhina. Ua hoihoi hou mai oia i kana ninau ano mamua, i loaa ai i ke Kuhina WaiWai he manawa e pane ai, aka, me he mea la, aole one makemake e kamailio.
Ku mai ke Kuhina Waiwai a haiolelo loihi e pale ana no lakou a hiki i kahi o na hoho palapala ana mawaena o ke kuhina Amerika a me ka Aha Kuhina, me ke noi pu mai e ai aku ka hale e heluheluia, aka ua hoole aku ka hale, a pela wale aku.
kokua mai o kapahu ma ka hoopaa i na kuhina.
pane ka Loio Kuhina ma ka aoao e pale ana ia lakou, e kauhihi ana i na hoahaaina ia o na hoahe hewa, na dala nalowale honua he lehulehu i ke au Hoomaemau, e nuku mai ana i kekahi mau hoa Hawaii, a he loihi wale aku.
Pane ke Alii kakina i na hoahewa a ko Lolo Kuhina no na dala he $900,00 i nalowale, ma ka hoakaka pololei ana mai i ke kanawai a me na hana i hooliloia ai a hiki i ka ike ana o ka Loio Kuhina ua hewa ia ma na huahelu.
Pane oolea o Kamauoha i na olelo a ka Loio Kuhina e pili ana i ka hele o na hoe i ka ahaaiana he hana hewa ia. Heaha ia kana e olelo mai ai no ka ahaaina ma Waikiki i haawi ia ai. Pehea ia kela mau paina awakea e haawi ia ana ma ka Hotele Hawaii. E ai mai ana anei ka Loio kuhina he mau ahaaina hoohulihuli ia i na i lima. O ke kumu o ka huli o na hoa, oia ka hoowahawaha i ka hana a na kuhina.
pane o waipuilani, o na olelo kauhihi wale a ka Loio Kuhina, ua iawe kekahi mau hoa i na kipe, he hoinoino ia i keia hale. ua paa mua keia olelo hooholo i ka pule i hala, a haawi ia i ka mea unuhi, aole e like me kana e olelo nei inehinei ka hana ia ana ma ka ahaaina luau. Nolaila ke noi nei au, e ka olelo hooholo a hoole ia.
Poe ae e hoopanee loa: - Hopkins pua. Peterson. Williams, Maile, Hind, Cornwell, Dreier, Pua, koahou, kaumamano, kapahu, White, kanealii me edmonds-15.
Poe hoole i ka hoopanee-Ena cimmins, kauhane, J.M. Horner, hoapili, Marsden, Young, Baldwin, W.Y. Horner, Walbridge, Anderson, Thurston, G.N. Wilcox, Kanoa, Wilder, Bipikane, Ashford, Aki, Kauhi, R.W. Wilcox, Bush, Nawahi, A.Horner, kamauoha, waipuilani, Nahinu, Kaluna, Iosepa, Akina, Smith me A.S. Wilcox-31.
Hoa i hiki ole mai: C.O. Berger.
Ninau ia ka hooholo loa ia a holo e like me ka nui maluna ae he 31.
Noi ia e hapai hou ka noonoo a hoole ia.
Hoopanee ke hale i ja hora 10:18 o ka po.
LA HANA 110, Oct. 18, 1892.
Hoomaka na hana e like me ke mau.
Hoike mai ka peresidena, ua oluolu i ke Alii ka Moiwaine ke kakauinoa ana i kekahi mau bila, a na ke Kakauolelo i heluhelu mai ma na poo, penei:
Bila 93, no na hana a na Kuhina a me na luna aupuni no ke kuai ana i na lako no ke aupuni.
Bila 112, e pili ana i na alanui.
Bila 142, e papa ai i ka hookomo ana mai i na mongoose.
Bila 167, e pili ana i na pailata a me na uku paailata.
Noi o Smith, e koho ia i komite e eha lala, e hele aku e hoike i ka moiwahine ua hooholo ia he olelo hooholo hilinai ole i na Kuhina, a e koho ia na Alii Baldwin, Cummins, Hoapili a me kanoa ma ia komite.
Oiai o ke Kuhina Macfarlane wale no ke noho Kaulei mai ana i ka Hale ia wa, ua ku mai oia e olelo, ua hoihoi aku na Kuhina i ko lakou mau hookohu i ka Moiwahine, a ua aua mai oia e paa i ko lakou mau kulana a loaa ko lakou mau pani.(pau no kela olelo o ka mio aku ia no ia nalowale).
Hoololi mai o Ashford i ke noi mua ma ke noi ana mai e kakau poepoe ia ka olelo hilinai ole i ka Aha Kuhina a na ka peresidena e lawe aku imua o ka Moiwahine.
Hoihoi hou i Smith i kana noi a kokua i ke noi a Ashford.
Mahope o ka Hoopaapaa uuku ana, ua hooholo ia ke noi.
Noi ke Alii J.M. Horner e ae mai e hookuu iaia e hoomaha. Ae ia.
Hoopanee ka hale.
LHANA 111, Oct. 19, 1892.
halawai ka hale e like me ka mau. Hoike mai ka Peresidena, ua loaa ole iaia ka manawa e hooko ai i kana hana inehinei, oiai ua hala ka Moiwahine i kuaaina, aka i keia kakahiaka ua hali aku oia i ke kope i kakau poepoe ia o ka olelo hilinai ole i na Kuhina i Keia kakahiaka i ka Moiwaihine.
Hoopanee ka hale.
LA HANA 112, Oct. 12, 1892
Hoomaka na hana e like me ka mau.
No ka loaa ole o ka Aha Kuhina, ua noi ia e hoopanee a ka Poakahi. Aeia.
Hoopanee ka Hale.
Na Mea Hou o Olaa
Mr. Lunahooponopono: Ma na la i aui aku la, maikai ke alanui nai Hilo a Olaa. I keia mau la hoi he nui ka ino i ke kaa lola alanui a me ke kaa wawahi pohaku, he mau lua nui ma kela a me keia wahi a he awaawaa no hoi. ua Hoihoi ia mai na limahana omua i hope nei e hana ai a hiki i mawae, palena o Puna me Hilo. Ke hana alanui pu nei na kupa o ka aina, na kane, wahine a me kamalii.
ke laukanaka loa mai nei ua aina o makou, aole pela i ke au o ka Moi kalakaua. I keia wa akaho no a ike ia ka unaikai o aina.
I keia manawa sole he lohelohe ike ia o ke kani a ka manu Oʻo no elua makahiki a oi.
Eia o Olaa ua akea, ua kupono no ka poe e makemake ana e hele mau e honi i na ca oluolu o ke kuahiwi, a e hoohihi hoi i na lehua nenee o Hopoe.
W.K.Kaleonamanu.
Ke Kuiukulu mai nei ua paka ua i keia mau la, a ke hele mai nei na alanui o ke kaona nei e haunaku. E aho nae hoi ia kanaaho ae ka ilihune wai a nalo aku ka papaa la.
NA LETA
Aole o kakou makemake e lawe i ke koikoi o ka hala @ ua manao i hoopuka ia malolo o keia poo e ko makou poe mea kakou.
NA MEA HOU O LAUPAHOEHOE
Mr. Lunahooponopono:
E oluolu mai i kou kiu hana mea hou e huike akea aku i keai mau mea hon malalo iho:
KA NOHO ANA O NA ANO KANAKA MA KEIA APANA.
He elua no mahele. 1-He oho and maluhia. 2-He haunaele . Ma keia manao elua au e hoike aku ai. Eia mawaena o Ookala a me Laupahoehoe ke hana nui ia nei ka uala awaawa e na kanaka maoli, ke hele nui nei na kane, na wahine, na kamalii a me na lahui e, Pukiki a me na pake, a o na makai o ke aupuni kekahi e hui pu nei. Nui ka Hakaka o ke kane a me ka wahine aole he hopu iho o ka makai, oiai, o W. keeaumoku kekahi i ka wa o keia hakaka e nana maka aku ana, a kahea hou ka mea i eha, E kokua, e kokua. Aole no he kokua aku o ke anaina inu uala i keia hakaka manaonao e hana ia mai ana. O ka hope i loaa i keia wahine i eha, puka ke poo,aole nae i make, ua ola no ia eha i ke kaomi wale ia iho no e ka nui o ka makemake. Ke ike mai la ka lehulehu i ka hana a na makai, nolail, e na poo aupuni, ua maikai anei keia hana a ka makai o ka apana o Hamahua nei e nana wale aku no a hoopan wale iho mamuli o konamanao i keia hana lima koko? Noʻu iho, aole. loa au i manao he hana maikai no na makai o ke aupuni kahookawowo ana i ka mole o ka make.
LAPAAU LAIKINI OLE.
Ua ike iho nei au i kou kiu hanu mea hou ma ka nupepa. KUOKOA o ka helu 41, i ka inoa o ka makai lapaau laikini ole o Hamakua, oia o W.Keeaumoku. E kokua aku ana au ke lapaau laikini ole nei oia ma Laupahoehoe nei, a ke lawe aenei i kahi wahine ana e lapaau ai i wahine nana a haalele aku hoi i kana wahine i Hamakua. Pehea ana la Kona Mua ma ka oihana i keia hana, ua ku paha i ka mahalo ia?
HANA KAPAKAHI.
No ka Hope Makai nui a me kona mau makai ma ka apana o Hilo Akau, ke hana kapakahi ia nei ka hana. Ma na malama i hala aku nei, ua hopu ia he eono paa moekolohe. Ua hoopaiia kekahi, ua mare kekahi, a o kekahi mau paa moekolohe mau, aole he hopu ia a hiki i keia wa a kou kiu e hoike akea aku nei. A o ka poe hoi i hoopaiia ke noho pu hou nei no i keia la, ke ike akea nei no ka Hope makai nui a me na makai, aole he hope ia, nolaila, he mea ehaeha no ka hana kapakahi ia o ka hana a ke kanawai i kauoha ai e hana.
E na poo i ka Oihana Makai Nui o ke Aupuni Hawaii, ua pono anei keia hana kapakahi ia a me ka ai wele ana i ke dala o ka lahui me ka hana ole ia o na hana haihai kanawai me ka nana wale aku, e hooko ana ma kekahi , a e kapae ana i ka hoahanau? Noʻu iho, aole loa au i manao he pono ia mau mea, a in a paha iaʻu ke kuleana hoopau, alaila, e hoopau no au ia lakou palualelo hoopau dala o ka lehulehu.
KIUHANUMEAHOU
Hilo Akau, Oct. 17, 1892/
Anoai o Lihue
Mr. Lunahoopono: ma ka po o ka la 13 o okatoba nei, Ua wawahi ia e ka aihue ka halekuai o C.H. Bihope o Lihue nei. Ua Komo ke kolohe iloko a wawahi i ka pahu aniani e waiho ai na uwati liilii, ua hele mailaila aku a kekahi pahu aniani a wawahi hou ia no. Ua Kuekaa ia na waiwai oloko me ka manao e loaa on a wahu kenikeni, aole nae. Aole i loaa ke kolohe.
Ma ka la 14, ua pii ia kekahi paahana norewai e ke kaa hali lepo alanui, oiai oia e kalele muku ana i ka peleki hoopaa o ka huila, a i ka hiki pono ana i ka ihona o ke alanui hao, ua hiki ole iaia ke hoopaa mai i ka holo ana o ke kaa; ua oilo koke aku oia a haule mamua o ke kaa, a i ka hiki ana aku o na lima kokua, ike ia iho la ua moku malalo ae o ke kapuai wawae a ma ke kino kekahi mau palapu. Eia oia ke hana ia nei e ke kauka, aole nae i maopopo ka palekana.
O ka wahine Pukiki i kipukiu ai e kana kane, ke pii aenei kona oluolu maikai. Eia no i ka halepaahao ke kane kahi i hoomaluia ai a maopopo ka hopena o kela wahine. H.K. KANE Lihue, kauai, Oct. 15, 1892.
He anaaina ike alii kai pahola ia aku i ka hope komisina a knikela farani maloko o halealii Iolani i ka hora 10 kakahiaka Poakahi aku nei, i loaa he manawa e hoikeike ai aku ai imua o ka Molwahine ka Bihopa o Panapolis, ka Rev. Gulstan ropert a me na kahunapule Leonara, Matia, celemeneta, Vikoa a me Valentine.
Mutual 76---Na TELEPONE---BELL.179
C.E. WILLIAMS
KA PEHOOKOMO MAI.KUAI AKU A ME
HANA PAKA O NA HOONANI HALE
MAIKAI O NA ANO A PUA ME KA MAKEPONO.
ME NA
PIANO I HANAIA
ME KE KUPENO I
KEAI EA.
AOLE MU E KOMO.
E LOAA NO
NA HE KUPAPAU
NA PIHAKU MABELAS
@
MAKEMAKE LAWE.
NA LAKO KANU KUPAPAU, KAA
A ME NA PONO IA-LOA I KE KINO O KA MEA ALOHA
KA HALEKUAI LAAU LAPAAU HOU
HUINA O NA ALANUI PAPU ME MOI.
Ke hoolako mau ia nei me na laau lapau oi loa o ka maikai ma Honolulu nei a ke kuai ia nei me ka emi loa.
Ka Laau Kunu maikai, Ka laau Hoomaemae Koko saseperila, Na Hua-ale maʻi fiva maikai, Na paakai pipil maikai, Na paakai hoonaha maikai, Na sopa a me na, Waiala maikai, Na Aila Niu hamo lauoho maikai.
E hoomalolo i ka inoa a me kahi o
HOBRON a me NEWMAN,
Huina o na Alanui papu me moi.
Hoolaha Hokko a me ke Kuai o ka Morakai.
I kulike ai me na kooko ana o ke kahi moraki i hana ia e ELIZA W. Holt (i make i keia wa) a me ROBERT W. Holt kana kane, o honolulu, oahu. ia Chass.R.Bishop, John H. Paty a me Samuel M Damon. na hoshui e lawelawe hana nei malalo o ka hui o Bishop&Co., i kakau ia i Lune 16, 1888, kope ia ma ke keena kakau kope o ke Aupuni, Buke 110 a ma na aoao @; ke hoolaha ia aku nei ka lohe i na mea a pau ke makemake nei ka poe e paa nei i ka moraki e hooko aku i ua moraki la no ka uhaki ia o ka aelike, oia ka hookaa ole ia o ke kuniupaa a me ka ukupanee i ka wa e hookaa ai.
Ke hoolaha hou ia aku nei, o na waiwai a pau i paa maloko o ua morakai la, e kuai ia aku ana ma ke kudala akea, ma ke hale kudala o Jas. F. Morgan, ma Honolulu , ke hiki aku i ka POAKAHI., ia 24 o Okatoba, 1892, ma ka hora 12 awakea o ia la.
O ua waiwai ia penei ke kuhikuhi ana: 1. O kela apana aina a pau e waiho la ma ka aoao hikina o ke alanui Papu, Honolulu, nona ka ili he 24-100 o ka eke, a oia ka hapa o ka aina i kuhikuhi ia ma ka palapala hoolio a haalelea is Geo. Wood, i kope ia ma ke keena kakau kope, Buke 6 a ma ka aoao 149, e noho ia nei e A. W. Clark ma ka hoolimalima no ka $450 o ka makahiki.
2, o kela apana aina e waiho ia ma ka aoaoa komohana o ke alanui papu, ma honolulu, makai o ke ala e komo ai i ka hale hui mua loa o na geremania, nona ke alo a me ka hope he 96 kapuai a me ka hohonu ma ka huina kupono i ua alanui ia, he 100 kapuai, e noho ia nei e J.J. Cardin no ka uku hoolimalima he $480 o ka makahiki.
3. O kela apana aina a pau e waiho la ma Kapuukolo, Honolulu, nona ka ili he 3-100 o ka eka, a oia ka aina i kuhikuhi ia iloko o ke kuleana Hoona Aina 1039 ia Kamanu i hoolima lima ia ia J.F. Colburn no ka $120 o ka makahiki.
4. O kela apana aina a pau ma alanui kula, Honolulu i kuhikuhi ia iloko o ka palapala sila Nui helu 1107, Kuleana Hoona aina 1037 ia Hanunu, oia no ka aina hookahi i hoolilo ia i ua Eliza W. Holt ia ma ke kuai a A.A. Doiron ma Okatoba 3, 1884, a i kope ia ma ka Buke 89. aoao 143.
BISHOP & CO
na mea e oaa nei i ka moraki. thurston & Frear, na loio no ka Moraki. Honolulu sept. 26. 1892. 2409-9
Hoolaha Hooko a me ke Kuai o ka Moaki
I KULIKEai me na hooko ana o kekahi mokaki i hana ia e ELIZA WOOD HOLT( i make i keia wa) a ne R.W. Holt, kana kane, o Honolulu, Oahu, a me Alexander J. Cartwright (i make i keia wa), ma ke ano luna hooponopono waiwai me ka palapala kauoha a me kahu o George Wood, i make, ia Chase. R. Bishop, John H, Paty a me Samuel M. damon, na hoahui e lawarlawe hana nei malalo o ka hui o Bishop&Co., i hana ia ma Ianuari 29, 1891; kope ia iloko o ke keena kakau kope,buke 131 a ma na aoao 61-64; ke hookaha ia aku nei ka lohe i na mea a pau, ke makemake nei ua poe ia lakou ka moraki e paa nei e hooko aku, no ke kumu ka uhaki ia o ka aelike, oia ka hookaa ole ia o ke kumupaa a me ke ukupanee i ka wa e hookaa ai.
Ke hoolaha ia aku nei ka lohe i na mea a pau, o na waiwai a pau i paa maloko o ua moraki la, e kuai ia aku ana ma ke kudal akea me ka hale kudala o Kas. F. Morgan ma Honolulu ke hiki aku i ka POKHI, ia 24 o Okatoba, 1892, ma ka hora 12 awakea o ia la.
O ua waiwai la penei i kuhikuhi ia ai:
o kela apana aina e waiho la me Kalawahine. Honolulu, nona ka ili he 2.82 mau eka, a i kuhikuhi pono ia ma ka Palapala Sila Nui helu 1234,kuleana Hoona Aiua 9119 Apana 1 ia george wood, makuakane o ua Eliza W. Holt la. Bishop&CO. N mea e paa nei i ka maraki. thurston&frear ua Loio no ka moraki. Honolulu, Sept, 26,1892. 2409-4t-
HOOLAHA.
O na kanakaa pau e loaa e hele wale ana majuna o ka aina hanai pipo o puuhue, kohala, me ka loaa ole aku o ka palapala ae mai ka luna nui aku e hopu a hoopili ia e like me ke kanawai.
EbenP. Low. Luna nui o puuhue
kohala hawaii sept,26rh,1892 2409-4
Hoolaha lunahooponopono waiwai
Eike aunei na kanaka a pau, he mau koi ana ka lakou i ka waiwai o ka wong foon o makawao maui i make kauoha ole, e haawi mai lakou i ka lakou mau bila kupono a oialo iloko o eono mahinamai keia la aku i ka mea nona ka inoa malalo nei a i ole pela e hoole mau loa ia aku. A o ka poe i ale i ka waiwai i olelo ia e hookaa koke mai lakou i ka mea nona ka inoa malalo nei.
AWANA. Lunahohooponopono o ka waiwai o wong foon. 2409-8
HALE HANA KOPA O HONOLULU.
Ua paa aenei ka hale hane sopa mahu hou o ka poe no lakou na inoa malalo iho a ua makaukau lakou e hoolawa aku i ka poe piepiele i na
Kopa maikai Loa maoli i hookomo ia iloko o na pahu 100 paona mai ke 42 a 56 auka Kopa pakahi
ke hooia nei makou i ka oi o ia KAIKAI o ka makou KOPA mamua o ua kope o waho mai.
Ua kani ia mawaho o ko makou man pahu me ka hoailona "honolulu soap c.," ae
Kuai ia e na halekaui Liliii a pau.
Hui hana kopa o honolulu
M.W McChesney & sons, Na Egena@
Hoolaha Hooko a me ke kuai o ka Moraki.
I kulike ai me ka mana kuai iloko o kekahi maraki i hanaia i ka la 24 o nora maba. A.D. 1886, e ione kuhihewa o iwilei honolulu, mokupuni o oahu ia M.M. Scott o ua Honolulu ia a kope is ma ke keena kakau kope buke 101 a ma na aoao327-s a wai ua mm scott aku i hooilio ia ai mary pem erton kealoha ma ka ka 25 o ianuari @ n kopeia ma ke keena kakau kope buke 101, aoao 328, nolaila ke makemake uei ua pember ton kealoha la i lilo mai ai e hooko i ua moraki la no ka uhaki ia o ka aelike oia ka hookaa ole ia o ke kumupaa a me ka ukupanee i ka wa e hookaa ai.
Ke hoolaha hou ia aku nei ka lohe o hela mau aina a pau na pono hoaaina a me na pono pilikana iloko o ua maraki ia. e kuai ia aku no ma ke kudala akea ma ke hale kudala o james F. morgan, ma alanui moiwahine honolulu ke hiki aki i ka poakolu( i ia 26 Okatoba A. D. 1892 ma ka hora 12 awakea o ia la.
O ka waiwai i oaa maloko o ua moraki ia pe nei i kuhikuhi ia ai:
O kela apana aina a pau e waiho ia kapalawa. Honolulu nona ka ili he 412 mau anana 13 kapuai a oia ka aina i kuhikuhi ia iloko o ka palapala sila nui helu @ kuleana hoona Aina helu 779 ia Uaia a ili mai i ua loane kuhihewa la ma ke ano oia ka hooilina pololei ma ke kanawai o ua uaia la.
Mary Perberton Kealoha
Mea i lilo mai o ka Moraki
Kuike ke dala. O na uku haua palapala. i ka mea e lilio ai.
No na mea i koe e ninau ia J.M. Monsarrat, loio o ka mea i ilio mai ai ka moraki kakauia ma honolulu Okatoba 1, 1892
Hoolaha Hookapu aina.
Ke papa a hookapu loa ia aku nei ka holo ana o na holoholona e helewela ia maluna o ko makou mau Aina ma HUMUCLA a me ka hapa mauka o Piihonua, Hilo, Hawaii e law koke aku ia lakou me ka hookaulua ole, a i ole ia e hoopil ia no like me ka piha o ke wauawai.
Humuula sheep station company
Na Armin Haneberg
Kalaieha Apr, 8, 1892.
HOOLAHA.
E ike auanei na kanaka a pau ma keia oawau o ka mea nona ka inoa malalo iho nei, ke hoike aku nei i na poe a pau i aie mai ma koʻu
HALEKUAI MA HILO, HAWAII,
e pono e hookaa koke mai i ko lakou mau ale mua maloko o na.
Mahina- Ekolu
Mai keia ia aku: a e oluolu ia ana no na poe e hookaa pau mai ana ia mau aie, e aie houmai. O na waiwai o koʻu halekuai ma kela mua aku, e kuai ia aku no ma ke
KUMUKUAI OLUOLU
A makepono no hoi, a e hoopiha ia no hoi me ua
WAIWAI ANA HOU LOA
I oi ae mamua o ko na au i hala aku, a he emi iho na kumukuai ma
KE DALA KUIKE
Owau no ine ke aloha C.Y. Aiona. Hilo, hawaii, aug, 25,1892
Hoolaha Hooko a me ke Kuai o ka Moraki
I kulike ai me ka mana kuai iloko o kekahi moraki i hanaia i maraki 15, A.D. 1890 e WILLIAM c. ACHI o honolulu, mokupuni o Oahu ia Alexander j. Cartwright o Honolulu i make i kopa ia ma ke keena kakau kope buke 123 a ma na aoao 201-203, nolaila ke makemake nei o Bruce Cartwright na luna Hooko Kauoha a Alexander J Cartwright na luna Hooko kauoha Oha a Alexander oha a Alexander J. Cartwright i make no ke kumu ke uhai ia o ka aelike oia ka hookaa ole ia o ke kumupaa a me ka ukupanee i ka wa w hookaa ai.
Ke hoolaha hou ia aku nei ka lohe o kela mau aina a pau na pono hoaaina a me na pono pilikana iloko o ua moraki ia e kuai ia akuno ma ke kudala akea ma ka hale kudala o James F morgan ma Alanui Moiwahine, Honolulu ke hii aku i ka POAKOLU ia 26 o Okatoba A.D, 1892 ma ka hora 12 awakea oia la.
O na waiwai i paa maloko o ua moraki ia penei ke kuhikuhi ana:
1. He 30-100 o ka eke ma Kalawahine Honolulu Oahu a i lilo mau i ua William CAchi ia ma ka palapala kuai a Bishop& Co ., ma ka la 20 o Aperlila, 1889 a i kopela iloko o ka Buke 112 aoao 434
2. He 18-100 o ka eka ma Kalawahine Honolulu Oahu a i lilo mai i ua William C Achi la ma ke kuai a Bila Wawaaa Buke 107 aoao 125
3. He 2 1/3 mau eka ma kapaakea, honolulu Oahu a i lilo mai i ua William C Achi la ma ke kuai a lam Chung wa ma kala la 31 o Ianuari 1889a i kope ia ma ka Buke 111 aoao 242
4. He 3 mau eka ma Kapaakea Honolulu oahu a i lilo mau i ua william C, Achi la ma ke kuai a mary hyde Buke 119 aoaoa 324.
5. He 378 mau eka ma kealakomo puna ha waii a i lilo mai i ua william C. Achi la ma ke Kuai a Joe mahu ma Okatoba 18, 1888, a i kope ia ma ka Buke 115, aoao 88
6. He 126 mau eka ma kealakomo, puna hawail a i lilo mai i ua william C. Achi la ma ke kuai a wilehu ma Okatoba 9, 1888 a i kope ia ma ka buke 113 aoao 281. Bruce Cartwright a me ALEXANDER J CARTWRIGHT i make na luna Hooko kauoha a me Kahu waiwai maloalo o ka palapala Hoilina a Alexander J Cartwright i make. na mea e paa nei i ka Moraki Kuike ke dala na Uku hana palapaia aia i ke mea e ilio ai.
NO NA MEA I KOE E NINAU IA J.M Monsararrat loio no Bruce cartwright me Alexander J cart wright na Luna Hooko kauoha a me kahu waiwai malalo o ka palapala hooilina a Alexander J Cartwright i make
Kakau ia ma honolulu, Okatoba 1, 1892.
2409-4