Ka Nupepa Kuokoa, Volume XXXII, Number 4, 28 January 1893 — HOOHIKI MALALO O KE AUPUNI KUIKAWA. [ARTICLE]

HOOHIKI MALALO O KE AUPUNI KUIKAWA.

Eia ke holomoku nei e hoohiki malalo o ke Aupuni Kuikawa. na luna aupuni, na kakauolelo o na keena oihana aupuni a me ka poe e lawelawe hana nei no ke aupuni. Iloko o keia mau la pokole, aia ka heluna o na poe i hoohiki ia mawaena o ka 250 a me 300. Mailoko mai o keia heluna, he 70 paha a oi aku, he mau koa e ku kiai nei no ke aupnni. O na Hawaii koikoi i miki mua ae e hoohiki ia, o ke Kiaaina Keoni Beka o Hawaii, ke Kolonela C. P. Iaukea a me kekahi mau Hawaii e ae e lawelawe hana mai nei ma na keena oihana aupuni. A he mea maopopo, e huliamahi aku ana ka poe e ae mahope aku.