Ka Nupepa Kuokoa, Volume XXXII, Number 5, 4 February 1893 — Ka make ana o Miss Sterens. [ARTICLE]

Ka make ana o Miss Stevens.

I ke ahiahi Poakahi aku nei i hala, Ianuari 30, ma ke awa o Kukaiau, Hamakua, Hawaii, i ka waapa o ka mokuahi Kinau, me Misa Stevens ke kaikamahine hanau mua a ke Kuhina Amerika ka ohua hookahi maluna i hookuukuu ia iho ma ke tabu a kau iluna o ka waapa, e anehe ana e nee imua. A i ka hoe ia ana aku o ka waapa aia hoi ua poi mai la kekahi nalu a i-ka ia ae la ka waapa iluna o ke aa, huli a pau na mea a pau i ka lele iloko o ke kai. O ka hookele waapa, ua hoao oia me kona ikaika e pakele laua me Miss Stevens a ua paa no hoi ke kaikamahine i ke alii waapaa hiki i ke pahemo ana o kona lima mai ka lima o kona kokua aku mamuli o ka alapine loa mai o na nalu nana i lumilumi aku i ke kaikamahine a make. Ua hoomanawanui keia alii waapa i ka luu ana e huli a loaa aku la, a ua hoau mai la oia i ke kino make a hiki i ka wa i loaa mai ai i na waapa i hoouna ia mai e ka moku e hoopakele i na olulo o ka waapa i nahaha. Hookahi wale no ola i poino o ke kaikamahine, a o na luina hoe waapa ua pakele nae wale no lakou a pau, Ua hoihoi ia mai ke kino make e ke Kinau a hiki i Honolulu nei i ka hora 8 a me hapa o ka po Poalua nei.

He puupuu ikaika keia make paumako o Miss Stevens, ka mea nona na haawina i mahalo ia e ka poai o na hoaloha, i kui ia mai la i na makua hapauea, a eia me na makua na u pu ana a ko keia anaina iloko o ko laua wa luuluu.