Ka Nupepa Kuokoa, Volume XXXII, Number 7, 18 February 1893 — KA OIHANA KANU KOPE. [ARTICLE]

KA OIHANA KANU KOPE.

Eia ke makaau ia mai nei ka oihana hooulu kope e kekahi poe e haupu e nei i ola honua no ka wa maikai a hoea mai. He elua a ekolu ae nei poe hanu ma keia hana mikiala i hiki aku i Hilo a hala loa i Puna e hakilo ai no na aina kanu kope maikai e moe ala ma na hai o ke alanui ka lua o Pele. Ua hikilele loa keia poe no na mahi kope i pau na aina i ka hana e nee la ma na aoao o ke alanui, a me he mea la ma ko lakou koho aku, e piha ana ka 100,000 kumu kope e pau i ke kanu ia mamua ae o ka hapalua o keia makahiki. Ke pau mai la i ka lawe ia o ka poe hoolimalima na aina Lei Alii ma kahi kokoke i ke alanui, a ke hele aku la iloko o ka ululaau ma ke kua aku kahi i koe e nee ia aku nei e ka poe hope. Nolaila, ke oiliili mai nei na hiohiona ulumahiehie no keia hana mikiala i keia wa.