Ka Nupepa Kuokoa, Volume XXXII, Number 14, 8 April 1893 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

Mai a Mahope aku o Okatoba 1, 1832.

 

NA KAA AHI

 

                                                A. M.    A M.    P.  M.    P. M.

@@@ @@@ Honolulu @@@ @@@  1 65       4:@@@

@@@@@@@@@@    @@@ @@@  2:57       5:@@@

Ka@@@@@@@@@    @@@@@@  3:41       6:@@@

@@@ Honolulu                     @@@11:@@ 4:@@    @@@@

NO MANAWA WALE @O.

@@@@@@@@ Honolulu ...........@@@.........

@@@@@@@W@@@@@..........@@@.........

@@@@@@@Ka@awa ......@@@@@.........

@@@@@@Honolulu .......@@@.....................

@@@@@@@@@wale no

@@@@@@@@@@@@.

@@K@@@@ Po@@@@@.

 

NU HOU HAWAII.

 

          E kanu hou la aku ana i ke ko kela aina kanu ko o Laupahoehoe ma Hilo, i haalele la iho nei manu@ o kekahi pakeekee.

         

          Ua hoopaula ka uku anan i ka haa@@@ o ka Moiwahine i pau, mai ko @@ malama aku la i hala haawina @a@.

         

          Ua haawai kekahi pake i kekahi @a pena moku pea e holoholo mau @nei i Kapalakiko, e lawe iaia a hoo@@ aku ilaila no ka $300, aka, ua @oole ia.

 

          E malama ia ana ke kau kiure @@apuni o Kau i keia malama, a ua @olo aku o Mr. J. A. Magoon i ka Poaloa nei e malama i na hihia ma ka aoao o ke aupuni ma ke ano Hope L@io Kuhina.

 

          Eia he lohe @@ mai nei, e kukulu @@ ana ma Ma@i he Hui kakoo i ka hoohui aina i ano kike me ko Honolulu.  Ke olelo la mai nei, o ko Kea@ia hui kai ku mua a ke manamana la @a @a e kukolo i @ a ianei.

 

          Ua hookohuia o Mr. George Benton o Hamakua, Hawaii, i l@uhu nui no ka mahiko o Halaula, Kohala, ma kahi o ka Luna nui @mua i hoonoo ia aku e ka make mai ke kahua aku o kana hana.

 

          Hookahi wale no aupuni a ke Komisina Aemrika Kuikawa J. H. Blount i hele ma nei a ike me ka @ii pu mai i ka palapala a Peresidena Cleveland, oia no ke Aupuni Kuikawa e noho pp la nei e Peresidena Dole.

 

          O na make no Hololulu nei iloko o ka malama o Maraki i hala, he 26 Hawaii, 10 Pake, 4 Pakiki, 3 Japana, 3 Beretania, 2 Amerika a me 2 o na lahui e ae.  Huina a pau no ka malama, he 51.  Na make nohe kauka nana i lapaau, he 11.

 

          Nawai la i olelo aku i ka poe holo kaa hehihehi wawae e hoolilo i na @opa alanui i wahi no ko lakou mau kaa e holoholo ai.  I ka auina la Poaono aku nei, ua hookui ia kekahe wahine e kekahi o kela ano kaa @ hina ana Halo loaa i na plapu. E hana ae i keia hana hemahema mai poina kela ola.

 

          i ke ku ana mau o ka mokuahi Rush i ka Poakolu i hala, me ke Komisina Blount maluna, ua hoouna @a aku he manu nunu ahai leta i ka hora 1 auina la o ia Poakolu e lawe i ka mea hou i Kahului.  I ka hora 9 kakahiaka Piaha ae, hoohiki aku la oia i Kahului me ka mea hou.

 

          O ka nui o na hoolilo o ke aupuni @o ka hebedoma i hala, ke hui pu me ua uku o na luna aupuni no ka @u ilama holookoa o Mraki, malao o ka hookele ana a ke Aupuni Kuikawa, he $48,686.56.  Mamua aku nei, aia ma kahi kokoke i ka papa@ua i keia huina ae la.

 

          He ole pihe nui ma ka ohana o kekeahi kamaaina ma alanui Palapala i ka Poaono nei no ka halia @ i o la honua e hoopilikia ia aku ana ke poo o ua ohana la no ka hewa paipai kipi.

         

          Ma ka hookelakela ikaika hukihuki kaula o na puali Pukiki a me Hawaii i ka po Poakahi aku nei no ka mea oi o laua, ua hukia pu ia na Hawaii e na Pukiki iloko o ka manawa he 32 mau minute o ka hukihuki ana. Ua eo ka makaua i na Pukiki ma ka $125, a ua haule na Hawaii i ka papa elua me ke $50 makana.

 

          He lono plalaualelo kai pahela ae ana keia anaina, e like me ka nui o na lono hakuepa a na kanaka lehelehe eueu e ae, e huki ia aku ana aku hae Beritania ma ka mokupuni o Niihau.  He mana no ko kela a a me keia ona aina e huki ai i ka hae ana i makemake ai maluna o kona aina iho, e like me na hae Amerika, Beritania, a pela aku e welu mai nei ma na wahi lehulehu, aka aole nae ia he mea e lilo ai ka mana aupuni i noho hoomalu ia ai ua aina la a i uko ai i na auhau aupuni, i mea ole.

 

          Mamua o ka hora 11 awakea o ka Pualua nei, ua hamu ae ke ahi i kekahi mau eke paakai hoomomona lepo i hooili la iluna o ka mokuahi Mikahala mai ka Hui Kalepa aku o H. Hackfeld & Co. e lawe no ka mahiko o Lihue, Kauai.  Ua hiki ae na kaa kinalahi a hoopio iho la i ke ahi me ke kokua ana o na mea e ku kokoke ana.  Ua pau i ke kiola ia i ke kai kekahi mau eke.  O ka nui o na eke o keia ano i hooili ia, he 150, no lakou ka waiwai io he $2,000 paha.  O ka akahi  hapalima paha o keia heluna eke, ua pau iloko o ke kai mamuli o ke kiola ia ana.

 

          Ua hookohuia aku nei o Mr. W. C. Wooden i Hope Lunahelu nui no ka mokupuni o Oahu.

 

          Ua h@@@ hula aku ne o Geo. H. Williams i Makai Nui no ka Mokupuni o Hawaii, ma kahi o E. G. Hutch@@ i hookiekie ia ae i Hamuku.

 

          @@ Ua minamina makou i ke komohewa ana me ko makou apono ole ma ka aoao ekahi o ka pepa o keia la, i ka manao i kakau ia mai malalo o ke poo " Ewiki, mai lohi," no ka mea, aole i kuikahi ko makou manao me kekahi mau olelo maloko olaila.

 

          Ua aihue ia mai ke Keena Waiwai aku he 5 mau tini opiuma o na ini opiuma i loaa ai i ke Komite Opiuma a Bush o ka Ahaolelo epaepa o 1892, i hoihoi ia e ke Kakauolelo o ka Ahaolelo i ka Malama Buke Belu e malamaia ai, a i haawi la he palapala hoike e F. S. Pratt no ka loaa ana mai iaia.

 

          Ua haalele mai ka mokuahi Amerika "Rush" nana i lawe mai i ke Komisina Blount i Honolulu nei, mahope iho o ka hora 1 auina la o ka Poakolu nei a ua hoi aku no Kapalakiko.  Aole oia i lawe aku i eke leta, aka he mau palapala i na nupepa kai hooili ia aku i ka wa hope loa.

 

          Mailoko aku o ka halewai ua aihue ia he 206 kini opiuma mailoko ae o 1977 e kekahi piko pau i ka iole.  Ua nana no ke kolohe o ke kii ana, a ke manao wale ia la he kamaaina no i maa ia wahi ka mea nana i lawe.

 

          Ua noi la makou e hoolaha aku, e noho ana ka Aha Luna Kahiko o Maui ma ka luakini o Kaahumanu, Wailuku, Maui, ma ka Poakolu mua o Mei, hora 10 a.m. 1893.  Ke konoia aku nei na hoa a pau o na ekalesia i kuleana iloko o keia aha.  E makaala e na ekalesia, o na kahu ekalesia, e koho mai i mau lunakahiko no oukou, i maopopo na hana o ko Iesu Aupuni.

 

          He aha mele kai haawi ia maloko o ka hale Holohau ma Makapala, Kohala Akau, Hawaii, i ka po o ka 1 o Aperila, e ke Kula o Makapala ma o ka hooikaika ana la o na kumukula Misses Hoppin a me Powers a me Mrs. Hussey, i kokua ia e kekahi poe o ae.  Ua maikai na leo mele i hookuukuu ia, a ua kahea pinepine ia na poe mele e hana hou mahope o ka pau ana o kela a me keia mele ana.

         

          Ma ke Sabati nei i hala i hele aku ai ke Komisina Amerika J. H. Blount i ka pule ma ka luakini hou o na haole, a na kanaka e puana nei i kona inoa o Kaukeano, a o kana wahine kai hoalu iki iho a pau ka papa ahaaina a ka Haku.  Ma ke ahiahi ana iho, ua naue like aku la laua no ka pule ma ka luakini Bihopa.  O ka makou e kalokalo ae nei i na Mana Lani, e kokua mai ke Akua i ka hana a ke Komisina imi pomaikai o Hawaii nei.

 

          Ua holo mahuka mai kekahi koa kumau o ke aupuni i ka po Poalua nei, nona ka inoa A. Craig, a hoao iho la e pepehi i kana wahine eepa i noho mua ai ma Kikihale, mahope aku o ka Hale Kaa Wai Pake.  Ua loaa aku ia Craig ka wahine me kekahi luina Kili o Manuel Fernandez ka inoa iloko o ka hale, nolaila ua pii koke mai la ka inaina o ka lili iloko ona a hahau aku la i ka wahine me kekahi pauku hao ka mea nana i hoohina iho i ka wahine ilalo.  Alaila, huli ae la ua Craig nei i ka luina a hili aku la e like me ka hana ana i ka wahine.  Kahe awai aku la na koko o na mea poino, a o ke koa, ua mahuka aku la me ka manao e nalo.  Aia ma na poo na moku o keia mau mea, a ua lawe ia i Kuapapanui a wahi ia na palapu e Kauka Maina.  Ua loaa aku ke koa hakihaki kanawai e pee ana, a ua lawe ia e hoopaa, aka o ka pauku hao i hahau ai aole i loaa.

 

          Ke makemake nei o Mr. Albert Favorite o Arkansas City, Kan., e haawi aku i ka pomPenei kaua olelo:aikai i ko makou poe makamaka heluhelu i kona ike i na mea e pili ana i na ma'i anu.  Penei kaua olelo:  "Ma ke kau kupulau i hala iho nei, ua loaa iho la au i ka ma'i anu a ua ano kuonoono loa ka ma'i ma kuu ake mama; a aohe hoi i ano oia pono ae, ua loaa hou iho ia au ia ano ma'i hookahi me ka hoonawaliwali ana ia'u a hala wale ke kau makalii, a i ka haalele ana mai o ke anu, he kunu paakiki ka mea nana e hoomailo ana ia'u a'u hoi i manao iho ai aole loa la au e ola iki ana.  He umikumamaha makahiki i hala ae nei, ua hoao no au i ka laau kunu a Chamberlain me ka holopono, nolaila, ua manao iho la au e hoao hou.  Aole i pau he hookahi omole, ua haalele koke mai la ke kunu ia'u, a aole loa hoi au i hoopilikia hou ia mai e ke kunu me ke anu.  Ua hoola aku au i kahi poe, a ke mahalo nui nei lakou."  He 50 keneta o ka omole e kuai ia ma kahi o Benson Smith & Co., Agena ma na Pae Aina Hawaii.     2435--4t.

 

Na Pono Kivila no na me Apau.

Mai ka Nupepa "Hawaiian Star" ma@@

         

          He mea ku i ka pono i ka poe e alakai hewa nei i na kanaka Hawaii ma na mea pili kalaiaina e hoike ae ke manao nei ka poe hoohuiaina e aua i na pono kivila mai na kanaka mai o ke koko Polunesia.

          O ke kumu poino nae o na manao ukiuki o loko o ka mahina hookahi a elua paha i hala ae nei, ua loaa he hookanaaho ana mailoko mai o ia ano hooweliweli, aka, mamuli hoi o ka hala ana o kekahi manawa, a me ka naua akahele ia ana o ke kumukanawai o Amerika, ua lilo kela i mea na na kanaka noonoo akahele a pau e hoomaopopo ai ina e lilo aku ana o Hawaii iloko o Amerika Huipuia, alaila, he wa no e loaa ai i kona poe makaainana he kuleana koho balota.

          O ka hoololi umikumamalima o ke kumukanawai o Amerika Huipuia, penei ka heluhelu ia ana:

          Pauku 1.  O ke kuleana o na makaainana o Amerika Huipuia no ke koho balota ana aole loa e hiki ke hoole ia a hookaiki ia paha e Amerika Huipuia e kekahi mokuaina paha mamuli o ke ano o ka lahui, ka waihooluu, a i ole, no ka noho na kauwa kuapaa ana paha manua.

          O kela hoololi, he noi ana ia i pono kaulike no na 8000 o na mahiko o ka Hema, na poe ilihune Hunageri o na kulanakauhale Hikina, na poe aie e hoohana wale ia ana o Mekiko a me Arizona, ka poe hoi i hanau ia a i hookupa ia paha i makaainana no Amerika, ua haawi ia ka mana no ka hele ana ma kahi koho no ke koho balota ana.

          O ka mea ano e wale no i hana ia'i ka rula, oia no ke kue ana aku i na hehena, na lawehala, na poe hihiu laka ole mai e laa na Ilikini i hookaawale ia, a me na poe Pake ka poe hoole hoi aole e apo mai i ke ano noho'na malamalama, na maa kalaiaina olelo a hoomana o ka aina, a he poe kupono ole no hoi no ka hookupa ana.  Aole loa i komo na Hawaii iloko o keia heluna.  O kona hoonaauao ia ana, kona kulana Karistiano a me ka noho ana malamalama, he mea ia i kaena nui ia iloko o kanahiku mau makahiki a i hoea ae hoi mamuli o na hooikaika ana a na poe makaainana o Amerika, me ka olelo iki ana ae nona, aia iaia ka noonoo a me ka noho'na maemae e like me ka Negero i haawiia ka pono koho balota.  He heluhelu oia, kakau a hoomana hoi i ke Akua Karistiano.  Ma ka laina kalai aupuni, ua lawelawe kona lahui maluna o keia mau paemoku, a ua mahalo nui ia mai hoi e na mana nui ma ka hele kino ana aku nei o ka lakou poe elele.  O ka nanaina ma na ano a pau aole loa e hiki ke hoeaea ia kona kulena maluna o ka mana koho balota me ka huai ole ia ae o ka inoa o Amerika me ka hilahila.

          Malia aole paha he alahele maikai e ae no ka hoomalamalama ana aku i ka loina o Amerika Huipuia no ka mea e pili ana i na pono koho mamua o ka hoike papa hou ana aku i ke kanawai i hookau ia no ka poe Ilikini Greed, Choctaw a me ka Seminole.  O keia ka poe lahui i haawi ia i ka mana koho o na Teritori Ilikini.  E like me ka loihi o ko lakou noho powa a ahiu hoi, na paa ia lakou malalo o ke kaohi ia ana; aka, i ka manawa nae e ike koke ia aku ai e hoao ana lakou e waele i na loina o ka noho'na maluhia, ua pani koke ia aku lakou me na hana lokomaikai a kaulike hoi me ka aua ole ia o kekahi o na loina o ka noho'na aupuni kuloko.

          Mai keia la, ua loaa ko lakou Ahaolelo ponoi, aha hookolokolo, makai a me na poo hoomalu.  E loaa anei i na Hawaii ka noho'na i like ole o ka naikai me ka ike maka ia no o ke kulana oi loa ae o ka holomua i hana ia no e ia.

          He mea pono aole e poina ia aia iloko o ka hoohui aina aole loa e kapaeia ae ana ka mana koho.  He hookahi wale no kumu e hiki ai ke hana ia kela mea mamuli no ia o ka hana ana a ka Ahaolelo nui, oiai aia ma ke kumukanawai o Amerika Huipuina na hana pili hana kanawai a pau o na Teritori Amerika, ua hoea mai no ia mailoko mai o ka Ahaolelo nui wale no, a aole hoi ia he mahele o ka mana kuikawa o ka Peresidena a me ke Senate.  Oiai o ka Ahaolelo nui he hale kaulana loa ia, a ua maa hoi i ka lawelawe ana me na ninau koho balota ma ka loina kaulana o Aemrika.

          O ka "Hoku," ma kona ano he nupepa hoohuiaina, a ke kaule@ aku nei i na kamaaina o keia mau mokupuni, e hool@@@ makou.  Malalo o na opi la@la o ka h@@ Amerika, aole he wa kaawale no na manao hookae lahui, a ili paha ma ka pahu balota.  Ina paha e kapae ia ae ana ka mana koho no ka wa wale ao, ua hoea mai kela no ka hooponopono ana no na poe Asia me ka auai ole ia, a pela no hoi no ka hoomakaukau ana i na kanawai kupono, he hana hoi i kupono e nui ka manawa, a me ke akahele loa, ha hana hoi e hoohui pu ana i na poe keokeo a pela hoi ma na kanaka ponoi, na Amerika a pela hoi me na Polunesia, a iloko o kona kulana manao nui a me kona kuluna hoomaemae hou ana ae.  I ka wa hope e loaa ana i na poe apau ka mahele kaulike iloko o na pono a ua hoopakele ia ka noho ana makaainana.

 

Heaha Keia?

 

          "Ina ua noi aku o Sam Parker ia Col Blout ina e malama mai ana o America Huipuia ia ka Moiwahine i ka wa a na kanaka maoli e hoihoi ae ai iaia, he pono e haawi ia aku iaia ka hakahaka mua iloko o ka papa kalaiaina pokii."

"Hoku Hawaii."           Apr. 6, 1893.

         

Nui ka Hoopunipuni.

 

          Ua ike iho makou maloko o na nupepa Holomua a me Ka Leo i ka laua mau mea e hoopunipuni nei, a e alapahi aku i na kanaka aole ka he ae mai o na mea banako dala i ka hoale i ke dala i ke Aupuni Kuikawa.  Ua hele aku makou e ninau i ke poo o kekahi banako dala nui oloko o keia aupuni, a ua hoike mai ola aole he oiaio o na mea i hoolaha ia.  O ka mea i hoike ia mai, "ua makaukau mau makou e kokua aku i ke aupuni i keia wa ina he pilikia ke aupuni, aka, i keia wa ma ka waihona o ke aupuni he $162,000 a oi."  Pehea la i aa ai keia mau nupepa e hoolaha ma ka mea oiaio ole?  Ua hoike ia mai ia makou ka papa hoike helu o na loaa a me na liko, a me ke koena ma ka waihoua a oia ae la ke koena i hoike ia mai.  Nolaila, mai puni i na hoolaha hoopunipuni a keia mau nupepa.

 

Na Pomaikai e Halia e Mai Nei.

 

          Ke hoomau nei makou ma ke alahele a makou e paa nei, o ka hoohui ia Hawaii me Amerika Huipuia, oia wale no ke alahele e noho hou ai na kanaka Hawaii maoli maluna o kekahi mau oihana lehulehu e lawelawe ia nei e na Pake a me na Iapana, e laa ke mahi kalo, ka hana a maauwauwa poi, ka lawaia a me ke kau i'a, ka holoi lole a me ka aiana, a me kekahi mau oihana e ae mawaho aku o na oihana aupuni i lilo i na Pake e ikeia nei i keia manawa.

          A ma na mahiko, e lilo nui ana na kanaka mikiala hana i mea makemake nui ia mai, oiai na Pake a me na Iapana e pau aku ana i ka hoi i ko lakou mau aina iho, a aole loa lakou e ae ia aku ana e komo hou mai iloko nei o ka aina.  A o na palapala kepa paahana, he mea maopopo, e pau loa aku ana lakou a nalowale.

          Nolaila, o ka ino a na poe i manao ai no ka hoohui aina, e lilo ana la i mea maikai ke puka mai.

 

Na Hui Hoohui Aina.

 

          Eia ke hamama nei ke Keena Hana o ke Komite Hooko o ka Hui Hoohuiaina nui ma Alanui Kalepa, Honolulu, ma kahi o ka hae Amerika nui e kau kehakeha nei o ke ao a me ka po.  Malaila e kakauinoa ai ka poe makemake i ola hou a pomaikai oi ae no Hawaii lahui a me aina.

          Ua hoouna ia aku he mau palapala kakau inoa ma na mokupuni maluna a malalo aku nei i na la mua o keia hebedoma, oia hoi he ewalu i Hilo, ewalu i Kohala, ewalu i Wailuku, elua i Molokai a he iwakalua-kumamaha i Kauai.

          Ua kukulu ia he hui hoohui aina ma Ewa, Oahu, a ua kakau inoa he iwakalua haole a me kanakolu-kumamalua kanaka maoli.

          Aia ke kukuluia la ma Kauai a puni na hui o keia ano, a o ko lakou makemake ka hoouna mai i ka heluna hapanui ma ka hoohui ia Hawaii me Amerika Huipuia.

          Ke ala mai nei na kanaka a olohani e kokua i ka hoohui, no ka mea, na ka Moiwahine ponoi i li ia Hawaii maluna o ka amana hoohui, mamuli o kona onou ana mai i kumukanawai hou, me ka ike no he hana lele ia i ka pali nona.

          Ua ku mai ka Alameda i ka hora 9:30 kakahiaka Poalima nei, he 6 la me 18 hora mai Kapalakiko mai.  Ua hoi mai maluna ona na kamaaina penei:  W. R. Kakela, P. Numana, David Kawananakoa, E. C. Makapolena, E. M. Walsh, Miss B. Cornwell, Kauka E. Bull, wahine a me ke kaikamahine a me kekahi poe e ae.

 

Na Mea Hou o keia Kakahiaka.

Poalima, Apr. 7.

 

          Ua k@ mai ka makaala "Mariposa" ma Honolulu nei mai na Panalaau mai o ka Hema, i ka po Poaha nei, iloko o na la holo he 114 me 7 ohua kapena no Honolulu nei a me 104 mau ohua kapena no na aina mamao o ka hapanui o lakou e holo ana i ka Hoikeike nui o Kikako.  Ma ka hora 2 o keia wanaao, ua holo loa aku oia no Kapalakiko me 22 mau ohua hou mai keia awa aku.  O kekahi mau ohaa i manao ai e holo maluna ona, ua noho no ka loaa ole o na keena moe.

          Ua lawe pu mai ka "Mariposa" he 19 mau kanaka Samoa e lawe ia ana i ka Hoikeike nui o Kikako.

          Ua hookohu aku ke Kuhina Waiwai i ka la 6 o Aperila nei i na keonimana malalo iho i mau Lunahelu a me Lunaauhau no na mahele auhau penei:  Chas. H. Dickey, no na mokupuni o Maui; Herbert C. Austin, no Hawaii; a me Joseph K. Farley, no na mokupuni o Kauai me Niihau.

            Ua pau i ke ahi na eka ko mawaena o ka 165 me 170 o ka mahiko o Makaweli, Kauai, i ka auina la Poalua aku nei, mai na huna ahi mai e puehu ana mai ka puka uahi mai e ke kaa ahi.  Ua koho ia, e hiki ana ke poho i ke $30,000 a keu no ia mau ko i pau.  Ua nalowale he haole a me a Iapana iloko o ia pau ahi.

          O ka hoopii a J. Alapai a me kekahi mau hoahanau e ae o Kaumakapili imua o ka Ahahui Euanelio Mokupuni o Oahu nei, ma ko lakou halawai hapalua makahiki i malama ia ma Kaumakapili i ka Poakolu nei, e noi ana e hoopau i ko Rev. J. Waiamau noho ana i kahu, malalo o kekahi mau kumu ano ole, ua hoole ia, he elua wale no i koho ma ka ahewa, o J. Alapai a me G. M. Keone, na haumaha no o ia kula puuiliili hookahi.

          Ua hopu ia i ka Poaha nei o Harry Von Werthern, ka lunahooponopono o ka aoao namu o ka nupepa "Liberala," no ka hihia laibila, mamuli o ka hoopii a Mr. A. P. Peterson.

          Ua ku mai ka mokuahi "Alameda" i keia kakahiaka mai Kapalakiko mai, a e holo aku ana no i na Panalaau.

 

          NA LETA

 

          Aole o makou makemake e lawe i ke koiko o na hala no ua manao i hoopuka ia malalo keia poo e ko makou poe mea kakau.

 

Ko Rev. S. E. Biopa Manao no na Pono Kupa o na Hawaii.

 

          Ma ka nupepa puka mahina "Friend" o Aperila nei, ua ike ia keia mau huaolelo a S. E. Bihopa, ka lunahooponopono, penei:

          "Mawaho ae a maloko iho o keia home mokupuni i aloha ia o kakou, ua ike ia na ano paio he lehulehu e aumeume ana.  Ke kau mai nei ka weliwei o na poino nui o ka haunaele a me ka mokuahana.  Nolaila, ke hoomaikai haahaa aku nei makou i ka Mea Nana Loa Nana e hoomakaukau nei no Hawaii wahi lulu e maluhia a e pomaikai ai, oia ka Uniona Amerika, oia no ke aupuni i hooia mai no kona poe kupa makaainana a pau o kela ano keia ano i na pono kaulike a me ka hoopono piha.

          E pono i na mea a pau e ike lea e lilo ana na kanaka Hawaii maoli a pau loa i poe makaainana kupa no Amerika Huipuia, i ka wa e hooko ia ai ka hoohui aina.

          "Me ha la, ua kuhihewa maoli ka Bihopa o Honolulu a me kekahi poe o kona poai, e hoolilo ia auanei na kanaka maoli i poe hookae ia.  Oia no ka manao i miki ai kekahi poe me ka hooikaika nui e ao aku i kanaka iloko o na la i hala iho nei.  Aole loa pela ka oiaio.  E loaa ana no i na Hawaii maoli a pau loa i na kulana makaainana piha a me ua pono kivila kaulike.  A o na mea a pau e hoole ana i keia, ke hoopuka nei lakou i kekahi manao oiaio ole a me ka lokoino.

          "O makou ka poe kokua i ka hoohui aina, ua hana makou pela no ka pomaikai laula nui o Hawaii nei.  Aole hoi oia wale no, ua kokua makou pela, no ko makou hoomaopopo ana o ka mea kela e kokua nui ana i na pomaikai kiekie o na Hawaii ponoi maoli kekahi.  E hoopakele ia ana lakou i ka mana o ke Aloalii, ka mea nana i kauo mau iho nei ia lakou ilalo maloko o na hana pegana hupo, ka mea hoi nana i pepehi nui i ka lahui Hawaii a na hana haumia o make ai.  E hapai ia ana na Hawaii iluna a e hoopomaikai nui ia ana ma ko lakou noho kupa Amerika ana ma ke kulana lanakila o na makaainana o Amerika Huipuia e noho hanohano ai.  Aohe enemi e nei i na Hawaii maoli nana e hoopoino nui loa ia lakou, mamua ae o ka poe e imi nei e hoihoi mai i ka Nohoalii Hawaii, ka mea i hele a haukae loa."

          Oia na olelo maloko o ka Friend.  Ke noi nei o S. E. Bihopa i wahi apana kolamu e pakui hou ae i kekahi mau huaolelo hoike penei:

          Maloko o na makahiki i hala ua kuka pu au me na makamaka ma ka Poai Hoomaemae (Reform Party) he poe keiki misionari kekahi, no na ukali o ka hoohui ana, a me na mea he lehulehu e pili ana ilaila.  A penei ko'u ike ana a e ka lohe mau ana.  Aole i puka mai kekahi leo mai ka mua a i ka hope, e hookao ia na kanaka Hawaii, e loaa ole ia lakou ke kulana kaulike me na haole ma ka noho kupa makaainana ana malalo o ke Aupuni Amerika.  Hookahi manao lokahi o makou a pau, e komo pu na Hawaii a me na haole ma ke kulana kaulike maloko o ka pono makaainana (citizen) o Amerika Huipuia.  Aole i ulu mai maloko o ko makou noonoo ana kekahi manao iki, he mea hiki malalo o ka mana Amerika ke hookae i na kanaka Hawaii.  Ina he poe hupo, Ilikini, lelewa paha, malia no paha he hookae ia.  Aohe o makou i noonoo pela no ko makou poe makamaka Hawaii.  Nolaila, ke noi nei au i na kanaka Hawaii a pau, e hoomaopopo oukou i ka oiaio ma keia mea, aole loa i manao ia e komo kaulike ole kakou a pau malalo o ka malu o Amerika.  E noho kaulike ana na Hawaii a me na haole.  Mai hoolohe aku i ka poe e hoole ana i keia olelo.

Na'u na,

                             S. E. Bihopa.

 

          Kokua i ka hoohui Aina.

 

Waialua, Maraki 31, 1893.  Mr. J. U. Kawainui;

          Aloha oe--Ina he mea olu olu i kou kilohana e hoike aku i ko'u manao no na mea e pili ana i ka hoohui ana ia Hawaii me Amerika Huipuia.  Mamua nae o ko'u hai ana aku i na manao a'u i haku ai, e kala mua mai ia'u, e hoakaka iki aku au, aole au i hoonaauao nui ia ma na kula; o na hemahema ma ka'u kakau ana, nau iho ia e hoopololei.

          Owau o ka mea nona ka inoa malalo iho, ua kokua nui au i ka hoohui aina, ua kakauinoa au me kekahi mau hoa i huli mai mamuli o ko'u hooikaika ana.  Ua ike au ma kau nupepa i kou kokua nui i keia hana naauao a maikai.

          Eia na kumu nui a kekahi poe a hapanui o na kanaka o Waialua nei e ku nei:

          1.  He nui na pilikia ke hoohuiia o Hawaii me Amerika, pau i ke kipaku ia e like me na Ilikini.  2.  Pau na oihana aupuni i na kanaka e aole i na kanaka Hawaii.

          Ke mau nei no ka pouli a me ka naaupo o ka lahui Hawaii.  Ua lawe ia mai a imua o ko kakou alo na pono e pomaikai ai, a e waiwai ai kakou, pehea la e hoohemahema ia nei, e hopu na lima i ka beni a kakau i ko oukou mau inoa no ka hoohui aupuni.

          Eia na pomaikai e loaa ana ia kakou:

          1.  Ko kakou lilo ana i poe Amerika, he kuokoa ua noa ia kakou na na wahi apau no ka hele ana ma na aupuni nui, aole he mea nana e papa no ka hele ana, aole e like me ko keia aia he bona ia me he paahao la.

          2.  Ka waiwai e lu ia ana e Amerika ma Hawaii nei, oia na hana hou, ke lilo ae i hookahi aupuni, hana ana ia Puuloa, e loaa ana i na kanaka Hawaii he uku maikai;  aole o ka ilihune e like me ko keia wa, ka uwe o na kanaka i ka hana ole.

          3.  Ka hookele pono ia o ko kakou aupuni e na kanaka kupono a hoopilimeaai ole, aole e like me ko ka wa mamua iho nei, o ka mea pili i ke kumu malaila e haawi ia ai ka oihana; he nui hoi ka poe kupono a makaukau ma ka hana, he poe kuonoono no ka aina.

          4.  Ko kakou makeke ia nana e lawe nei na waiwai o kela ano keia ano e hooilo ai a loaa mai ia kakou ke dala aole i kekahi mau aupuni e aku.  Eia maluna o Amerika na maka o na mea a pau e nana aku nei i ko lakou mau pono.  Ina kakou e noonoo pono a kaupaona like e ike pono no oukou e like me ka mea kakau.

          Nolaila, ia oukou a pau mai Hawaii a Niihau, e ala a hopu i ka ipuka gula i loaa ia kakou ka hanohano a me ka waiwai.  He aina hoowaiwai o Amerika i ka poe ilihune ina oukou e heluhelu i na moolelo a me na nupepa.

Owau no me ka oiaio,

E. Andrews.

 

HE MOOLELO HAWAII.

 

MOKUNA V.

No ka Hoaho Ana.

          E wae mua i na aho mahuhua i mau aho pueo; alaila, e pueo mua i ka hale mai lalo a luna.  O ka aho pueo, oia no ka aho e hoa ia ai me ka o'a; a pau na aho i ka pueo la, alaila, hookomo i ka aho liilii mawaena o kekahi aho pueo, a me kekahi aho pueo.  A i ka hookomo ana i na aho liilii mawaena o na aho pueo, e kau i aho-hui maluna pono o na o'a, a mawaena o kekahi o'a a me kekahi o'a, e hauhoa i keia ahohui me na aho a pau mai luaa a hiki ilalo, a mai lalo no hoi a hiki iluna o kaupoku.  Pela e hana ai ma na ako a pau o ka hale.

NO KE AKO ANA.

          E hahau mua i ka ha-ko, ke akaakai paha, ka lauhala paha, ka pa-a a lau maia paha, alaila ka aku me ke kaula.  Aole e ka lalani, o kulu auanei; aka, e hoewa ae mai kekahi a kahi--mawaena.  A paa i ka hako, alaila, pai aku ke pili mai lalo aku a hiki i kaupoku.  Penei e pa'i ai ka pili:  E hopu aku i ka pu-apili, a e wehe ae no hoi, a hopu aku i kekahi pupu e piha pono ai ka lima a ina no hoi e oi aku, oia no; a e hookomo pu aku iloko o kela kaula i ka pu ia ai me ka ha-ko, a lauhala paha; a komo aku keia pupu pili iloko o kela kaula, alaila, hoopalahalaha ae, a huki mai no hoi i ke kaula, a komi iho kekahi lima maluna pono iho o ka hokua o keia pupu pili i pili pono iho, a pela no e ako ai a paa ka hale.

NO KE KAUPOKU ANA.

          I ke kaupoku ana, o keehi mua mai kekahi kihi a kekahi kihi, i pili, alaila, kau iho i ka ahololo, a a hoopaa me ke kualole, a i ole, me ke kaula no hoi i ka ia ai ku pili, a malaila e hoa ai i kela aho a paa, alaila, ka no no hoi ma kela aoao keia aoao i ke pili; e kukulu like nae i ko poo o ka mauu, pela no e hana ai a paa mai kekahi kihi a kekkhi kihi;  kau hou iho ana he aho-lolo, oia ka lua o na aho-lolo, a e hahau hou no i ke pili e like me mamua.

          E hoopaa i keia aho-lolo hope me ka aho-lolo hope me ka aaho-lolo mua, a e ako no hoi ma keia aoao keia aoao o ka aho-lolo elua, a e hoolahilahi nae i ka haunapili o keia aho-lolo hope; alaila, kau iho ka aho-owili, oia ka aho o owili ai i ka mauu o kekahi aoao, pela no me kekahi aoao, e huna i ke poo o ka mauu a me ka aho mai kekahi aoao kihi a i kekahi.  A paa i ka wili, alaila hili, i ole e alaa ia e ka makani; alaila, koli, o ka opala, hookaawale loa, a o kahi haahaa, hanai hou iho i ke pili, pela no a paa, a maikai ka hale.

NO KA LAUHALA.

          Ma na aina au Koolau i ulu nui la e ka Puhala, he mau hale lauhala no ko laila; he ama-u oiaio o na paia pou, he lauhala no hoi maloko, a maluna o na paia o'a a puni ka lauhala, aole nae i like me ke ako ana o ke pili.  Penei ke ako ana o ka lauhala:

          Ua hoomakaukau mua ia ka lauhala a nui, he mau kiki haawe he umi a iwakalua a oi aku paha, e like me ka nui o ka hale; kihae ke kokala a pau, pu-apu-a a paa, a mamua ae o ke pa'i ana, o ku i ka lauhala i ka wai, i palupalu ke pai aku.

          A i ke pa'i ana, eia hoi olalo ua paa mua, o luna wale no koe, alaila, kii aku i ka pu-a lauhala iloko o ka wai, a kau aku iluna o ka aaho mamua o ke alo o ka mea e hana ana.  Lalau pakahi no i ka lauhala a pelu mai i ke poo o ka lauhala malalo o ka aho, e huna ana i ka aho, pela aku ana he lauhala o hoouka mai ana i ka hapalua o kona palahalaha iluna o kekahi, a i elima a eono paha lauhala; alaila, ka iho ana ko kaula, nee aku ana imua, a pela no a pela no a paa ka aho mai kahi kihi a kahi kihi.  Pela aku ana he aho pela no a ku ia i kaupoku, a pela no hoi me kahi aoao mai.  A i ka paa ana, alaila, o ke kaupoku ana a me ka lala ana koe, aka ua like no nae me ka hana ana o ka halepili.  O ke komo ana o ka hale ka mea i koe.

NO KE KOMO ANA.

          Eia hoi he wahi ouo puaa ua hoomakaukau mua ia, i wahi mea kaumaha aumakua kukulu hale.  Ua moa hoi kaui, alaila, kalua ua wahi puaa nei, ka moa, ka ia no hoi, ina he mau oopu napili, oia no; i pili mai daha pomaikai no ka noho'ua o ka hale, a ina he aama kekkahi, oia no, i aama wale mai ka loaa; a kalua ka imu, mama no hoi ka awa, a piha ke kanoe, a makaukau na mea a pau, alaila, ua makaukau ke komo ana o ka hale.  O keia iho la ka la e oki ai ka piko o ka puka o ka hale penei:  E kii aku i ka pulapula kokea, a manuiele paha, a ko pilimai paha; a loaa mai alaila, lawe ae i kekahi mau mauu o luna o ka puka, a e paepae ae i wahi laau malalo, a o kekahi lima hoi me ke koi, alaila, olelo ae ia, penei:

          "Ke oki nei, ke oki nei ka piko o ka puka o ka hale, he hale hou na'u na (e hoopuka ae i ka inoa) e like me keia:--(A O K East Kahuiualii) i kukulu, i malu no'u, a no ka'u wahine, a no ka'u mau keiki, a no ko'u mau makua, a no ko'u ohana a pau i noho mai malalo o ko'u mau makua, a no ko'u ohana a pau i noho mai malalo o ko'u malu, maiu makou, a malu pu hoi kakou, elieli kapu, elieli noa, Amama ua noe a lele wale."

          Alaila, eoki ia a moku i ke okila, alila, huipu i ka mauu i oki la me ka pulapula ko, a onou ae i ke pili o ka puka.--I hana ia pela i ole ai e molowa i ke ako hale.