Ka Nupepa Kuokoa, Volume XXXII, Number 38, 23 September 1893 — Na Keiki Misionari. [ARTICLE]

Na Keiki Misionari.

| Ke hu nei ka inaina o Noadofa ma i na keiki misionari, no ko lakou kokua ana i ka Hoohuiaina, a ua kapa o Noadofa he powa aua i ka mana aupuni o ka lahui Hawaii. He makehewa paha ke paue aku i kela poe i hele a hehena ka inaina. Eia nae kekahi mau mea e pono e hoomaopopo ia e na kanaka Hawaii. Akahi—o na keiki misionari ua nolio mau me ke aloha i na kanaka Hawaii, mamuli o ka manao aloha o na makua misionari nana i hapai i ka lahui iluna mailoko mai o ka noho pouli ana. Ua hooikaika mau na keiki e hoomau i ka noho naauao ana o ka lahui ī hoomalamalama ia e na makua. Ua haawi nui i ko lakou luhi, a me ko lakou dala no ia hana. Alua —Mai ka mua a i ka hope, aole i loaa i na makaainana Hawaii ka mana nuioke Aupuni. Ua ana mau ia kela mana nui no ka Moi, a hiki i ka makahiki ISS7. Na kaMoi wale no i koho i kekahi liapa o ka Hale Ahaolelo, oia no na Alii. A oka hapa i koe. ona Lunamakainana, he poe kauwa no ka Moi kekahi hapa o lakou. Nolaila, aia ma ka lima oka Moi ka mana nui, aohe mana ona makaainana. Ua noho nele lakou i ka mana ole mai kahiko uiai. Akolu—-Ua hele ka hapanui o ka poe naauao o na haole a uiuhua i ka hele uhauha wale o ka Moi me kona mana keakea ole ia, a ua kaohi ia ia ma ke Kumukanawai o ISS7, a lilo ke koho ana i na Alii i ka poe ulakolako i ka waiwaL, Ma ia mea ua lioomau ia ke Aupuni kuokoa, Ke ole ia, ina ua helelei loa ka noho kuokoa ana no ka hana lapuwale a ka Moi. Na na keiki Misionari i kokua nui ma kela hooponopono hou ana. He nui ka poe haole ia wa i makemake e hoopan i ka Moi, aka ua papa aku na keiki Misionari ia lakou, ua minamina ika nohoalii o Hawaii. i

Aha—Mamuli o ka hana naaupo loa o Liliuokalaui, ua pauaho ka lehulehu o na haole, a me ka hapauui o na Hawaii naauao iaia. aua kapae aku lakou i ka la 17 o lanuan, 1893. Ia manawa, ua maopopo i na keiki Misionari, aohe aoao i koe e hoomau ai i ka mana Aupuni Moi. Nolaiia, i mea e m&lahi&like ai naHawaii a me na haole, na kokua puiakon i ke noi ana e komo pu malalo

oka maiu maikai o Amenka Huipuia. No ka mea, uia kela Aapuoi. ua noho kauiike na ano kanaka a pau. Aole kela he powa ana i ka pono o na kanaka Hawaii. He hookupaa ana ia i ko iakou pono, i oie i lakou e hehi ia e na haole aloha ole. Ke alakai nei a ke kuhikuhi nei na keiki Misiooari i ko lakou poe hoa Hawaii o ke one hanau hookahi. aia wale no malalo o ka mala o Ameiika e pakele ai lakou ma ka hoohuiaina. Ke kapa īno mai nei o Noadofa ma i na makamaka oiaio, kupaa mau o ka lahui Hawaii, oia na keiki misionari, he poe enemi lakou ame ka powa. 0 ka haku o Xoadofa, oia o Spreckels, ua makemake e hoo paa ia Hawaii malalo īho o kona lima ponoi. nolaila, ua enemi loa i na keiki misionari, £ hoomanao na Hawaii i ka olelo aka mea naauao: 4t O kou hoaloha a me ka hoaloha o kou makuakane, mai haalele oe iaia."