Ka Nupepa Kuokoa, Volume XXXIV, Number 27, 6 July 1895 — Page 4
| This text was transcribed by: | Johnelle Baculpo |
| This work is dedicated to: | To my Tutu, Mary W. Kipilii |
Ka Nupepa Kuokoa
KE KILOHANA POOKELA NO KA LAHUI HAWAII.
-@@-
Ko Hawaii Paeaina i Huiia
_______
No ka Makahiki, - - -$2 00
No Eono Mahina, - - 100
Kuike ka Rula
_______
HAWAIIAN GAZEETE CO.
GEO. H. PARIS, Luna Nui.
J.U. KAWAINUI, Luna Hooponopono.
No Honolulu, Oahu, Lakou a pau
_
_
Poaono, - - - -Iulai 6, 1895.
_
_
KULA SABATI.
_
HAAWINA XV1. IULAI 21.
Na@aha a me Ahihu. Olhanakahu 10:
1-11.
LALAU ihoa hoi, Aarona niau
keiki o Nadaba a me Abihu i ko laua
inau ipuahi a bahao ae la i ke ahi maloko,
a kau hoi i ka mea ala maluna iho, a mohai
aku la i ke ahi e ma ke alo o Iehova
2 Puka mai la hoi ke ahi mai ke alo
mai o Iehova, a ai iho la ia laua, a mak
iho la laua imua ou Iehova.
3 A@ula, olelo ae la o Mose ia Aarona.
O ka mea keia a Iehova i olelo mai ai,
i ka @ ana. E hoano ia mai no au e ka poe
e hookokoke mai I o'u nei, a e hoonaiia
A @ ma ke alo o na kanaka a pau,
A hakanu iho la a Aarona.
4 Kahea ae la hoi o Mose ia Misaela,
a me Elezapana, na keiki a Uziela, ka
hoahanau o ko Aarona makua, i aku la
hoi ia lana, E hookokoke mai, e lawe aku
i ko olua mau hoahanan mai ke alo aku
o ke keenakapu, mawaho o kahi e hoomoana ai.
5 Hookokoke ae la hoi laua, a halihali
ae la ia laua iloko o ko laua mau kapa
mawaho o kahi e hoomoana'i, e like me
ka Mose olelo.
6 Olelo aku la hoi o Mose in Aarona,
a me Eleazara, a me Itamara, kana mau
keiki, Mai wehe ae i ko oukou mau kapa, o
make oukou, a kau mai ka inaina maluna
o ka poe kanaka a pau; aka e uwe ko oukou
poe hoahanau, ka ohana a pau o Iseraela,
i ka aa ana a Iehova i kuni iho ai.
7 Aole hoi oukoue lele mawaho o ka
puka o ka halelewa o ke anaina, o make
oukou; no ka mea, maluna o oukou ka
aila poni o Iehova. A hana iho la lakou
e like me ka olelo a Mose.
8 A olelo mai la o Iehova ia Aarona, i
mai la.
9 Mai inu i ka waina a me ka mea
ona, o e a me kau keiki me oe, i ka
wa e hele ai oukou iloko o ka halelewa o
ke anaina, o make ou kou: he kanawaimau
no ia i na hanauna o oukou;
10 I hiki hoi ia oukou ke hookaawale
iwaena o ka hoano, a me ka hoano ole, a
iwaena o a haumia a me ka maemae
11 A e ao aku hoi ia oukou i na mamo a
Iseraela, i na kanawai a pau a Iehova i
olelo mai ai ia lakou, ma ka lima o Mose.
PAUKU GULA. Oihanakahuna10:
9. Mai inu i ka waina a me ka
mea ona o oe a me kau mau keiki
me oe.
MANAO NUI. E pono i na kanaka a pau loa ke hoole i na waiona.
OLELO HOAKAKA. Ua uwao o Mose no ka hewa o ka Iseraela,(Pukaana 32:31.) Aole i hooko ia ka manao huhu o Iehova. Ua hoi hou aku o Mose i ka welau o Sinai,a noho pu me ke Akua no na la kanaha. I kona wa i hoi hou mai ai i ka Iseraela, ua hoike mai oia ai lakou i na kauoha i loaa ai iaia mai ia Iehova mai. O kekahi oia no na olelo hoike e pili ana i ka halelewa. Ua kuhikuhi ia keia halepule ma ka la mua o Abiba (oia ho Nisana), ko kakou mahina Maraki 15--Aperila 15, M.H. 1490. Ua pau ka makahiki hookahi mahope o ka puka ana. Ua poniia ia wa hookahi o Aarona a me kaua mau kekikane no ka oihana kahunanui. Ua hoike e o Iehova i kona -a ai i hoapono ana ia lakou ma ka ho-a ana i ke ahi ma ke ahi kupaianaha no ka lani mai. O keia ahi oia no ke ahiookahi e mau ai ma ke kuahu, e ho-a ai i na ahi e ae. Aole i pio a hiki i ko Nebukaneza lawe pio ana ia Ierusalema. Ma keia haawina baibala, ua hoike ia ka hewa o ko Aarona mau keiki elua ma ke kipi ana aku ia Mose, e uhai ana i kona kanawai. Aole i ae ia, aole i kauoha ia ke kaumaha ana aku i na mea ala, ke ano hana, ka wa hana, ka wahi hana. Ua komo hewa laua i ke keena kapu. O ke kumu paha o ko lakou mahaoi, honekoa, nahoa, oia no ko laua inu mua ana i ka wai ona.
1. IPUAHI,-he ipu keleawe, piha me na lanahu, maluna o lakou ka mea ala, i mea e moani ai, onaona. He hoailona ia o ke ano o ka pule, hoikeana 8:3. AHI E, -oia hoi, ke ahi i lawe ia ma ke ano kue i ko Mose kauoha, Pukaana 30:29, 34-38. Aole hiki ia kakou ke pule aku i ke Akua a oluolu oia, ke ole ko kakou pule ana ma ke ano i kauohaia no na kumu i hoikie ia, mamuli o ka olelo hoike i loaa mai ai ia kakou ma na palapala hemolele. 2. PUKA,-ma ke ano o ka uwila. ALO,-mailuna mai o ke kuahu keleawe. 3. HOOKOKOKE,- ma ke kahuna; ke kuleana ia o ke kahuna wale no i ka wa kahiko; i keia mau la ka pono o kela a me keia mea imi. HOONANIIA,-mahalo ia, hooloheia, hoohanohanoia. 4. MAWAHO, - kahi i kanuia na kino kupapau, hoopau ia na mea haumia, puhiia na opala. 5. KAPA,-me ka hookaulua ole no na hana maa mau no na halawai hoolewa. Ia wa, ua malama ia na hana hoomana no ka hookaawale ana ia Aarona no kona oihana kiekie. Ua lili nae ko Aarona mau keike i ko Mose alii ana; nolaila, ua papa loa ke Akua i na hana hoolewa maa mau no keia mau mea lawehala. 6. WEHE,-oia no kekahi hoailona o ke kanikau, e like me ke ano mahiole o na lauoho o na kauwa o na alii i ka wa kumakena. UWE,-ua ae ia nae ke kaniuhu o na lehulehu. 7. PONI,- nolaila, ua paa lakou i ka hana hoomana, aole i ae ia ko lakou hapai ana i mau hana e ae. 8. OLELO, me he mea la, 'o ke kumu huna o ko lau hewa, oia no ke ona. 9. ONA,- ka wai kulu o kela ame keia ano, ma ka hu ana o na waiona. 10. HOOKAAWALE,-mamuli o ka noonoo pono, o hoopilika na waiona. 11. MOSE,-oia no ka mea alakai hookahi, lua ole: a lawehala ka poe kue a kipi. 1. KA HEWA O KEKAHI MAU KAHUNA, 1 -5. Owai o Nadaba a me Abihu? Heaha ko laua kuleana. Pukaana 24:9, 10? Heaha ko laua hewa? Pehea i moakaka ai ko laua lawehala? Heaha ke kanawai e pilil ana i na mea ala e puhi ai imua o Iehova? Heaha ke kanawai e pili ana i ke ahi, Oihanakahuna 16:12? Heaha na pono a me na oiaio no keia mau mea i hoailona aku ai? Heaha ka uku hoopai no keia mau mea lawehala? Heaha ke kumu no ke ano ino loa o keia hoopai? Ua olelo anei o Mose ia Aarona ma ke ano huhu, ma ke ano hoomoakaka paha? Pehea i hoike ia ko Aarona ano hoolohe, aole hookuli, nuku oia? Heaha na hana i hana ia aku i na kino kupapau? Heaha na hana maa mau i hanaia aku i na kino kupapau? Heaha na hana maa mau i hanaia aku i na kino kupapau o ka poe make? Ua hoikeia anei ma ka baibala kekahi hoopai ano like me keia, II. Sam. 6:67? Pehea i hoonani ia ke Akua ma ka hoopai ana i ka poe lawehala? Pehea i like ko Aarona ano hana me ko Davida, Halelu 39:9? Pehea i like ka mea ala a me ka pule? E pono anei ia oe ke hooholo i ka hana a ka Haku mamuli o kou manao ponoi okoa? II. KE KANIKAU I PAPAIA I KEKAHI MAU MEA PILI KINO, 6, 7.-Heaha ko Mose mau olelo i na keiki e ae o Aarona? Heaha ke kumu no keia papa ana i mau hana kumakena? Owai ka poe e ae i kauoha ia e wae aku ai? Heaha ke kumu no keia kauoha ia lakou? Ua kupono anei keia mau kumu ano okoa e pili ana i ka mea hookahi? Pehea i hoike ia ke ano hoano o ko ke Akua mau hana hoomana mamuli o keia haawina baibala? Heaha ko Iesu Kauoha Luka 9:59, 60? Ua kupono anei ke kanu ana i na kapa i opeopeia ma ka lua kupapau? Ua papa loa anei ke Akua i na hoailona a pau loa o ke kumakena? Ua kupono anei ka hookomo ana i na lole eleele ma ke ano he hoailona o ka make o ka hoaloha? Ina paha ua make kekahi hoalauna me ka mihi ole ana i kona hewa, e pono anei ke manaolana aole nona ka uku hoopai ma kela ao? E pono anei ke hoole i na olelo ao o ka Baibala e pili ana i ka hoopai mau loa? III. KA PAPA LOA ANA I KA WAI ONA I NA KAHUNA, 8, 11.-Heaha ko Iehova olelo hou aku i ko Mose e pili ana i ko Aarona ma? Heaha na kumu no kia papa ana i na wa ona? Heaha ke kauoha ano like, Ezekiela 44:21? Ua pilikia anei ka noonoo pono ana ma ka inu ana i kauwahi wai ona? He hewa ano nui anei ka ona? He hewa ano nui anei ka ona? Ua kue anei ka ona i ka manao oke Akua no ka pomaikai a me ka pono o na kanaka? Ua hooemiia anei ka lawehala ina paha ua hana hewa kekahi mau hua ino o ka wai ona? Heaha kekahi mau hua ino o ka wai ona? Ina paha ua makemake oe e alakai i na hoa ma ke ala o ka pono, e pono anei ia oe ke hookaawale aku i na hana hewa a pau loa? Hiki anei i na kahunapule ke lanakila ma ke ao ana'ku i na anaina e malama pono i ke ano maemae o ke kino, oiai ua puhi baka, nau baka, honi baka paha lakou? MANAO PILI 1. Ua manao anei oe i ka hana hoomana o ka la Sabati he mea uuku? 2. Ua manao anei oe e hiki ana ia oe ke hana hewa a pale aku i ka uku hoopai? 3. Ua manao anei oe i ko kino he wahi noho no ke Akua Hemolele oiai ua hoohaumia oe i keia wahi hoano? 4. Ua manao anei oe ua lawa ka ao ana 'ku i na ino o na wai ona me ke kukulu ole ana i na kanawai aupuni e hoopau loa ai i na hale kuai rama? 5. Ua manao anei oe e hiki ana i ka poe inu rama ke komo i ka pomaikai lani, 1 Korineto 6:10?
________________________
I ka Poakahi iho nei, i hoomaka ai ka e@@ ana o ke kahua o ka hale pohaku hou loa e kukulu ia aku ana no Von Holt ma alanui Moi a ma Ewa iho o ka hale pohaku ul o Mr. C@nha e kapaia nei ka Repubalika.
_________________________
Ma Kawaihae, Hawaii, Iune 11,oia hoi ka la hanau o ka Nai Aupuni, ua hanau mai la mai a Mrs. K. Ahina mai he keikikane mohana, a ke ola nei no hoi oia me ke ola kino maikai. Notalla, ke koho wale ae nei no ka mea kakau, e ili , mai ana paha na hana a ka mea nona ka la hanau maluna o koia pua hou, ka wiwo ole a me ka naau ahonui, ko a me kona aloha nui i kona lahui.
________________________________
HE MOOLELO
------:NO:------
Frank Reade Opio
Ka Mea Nana i Hana ka Moku Lele ma ka Lewa-lani--Ka Mea Nana i kaapuni na Wahi a pau o ka Lewa-A mai ke Kukulu Akau a ka Hema--A mai ka Hikina a ke Komohana--Ka Mea Kupaianaha o ke Keneturia Umikumamaiwa-Ka Naauao Kelakela o ke Kanaka--Ka Haawina Makamae a ke Akua i Haawi mai ai.
KA "POAI LEWA"
MOKONA II.
O ka mea nae i oi loa o ko Frank hauoli, oia no kona ike ana aku ma na onohi maka o ka lede ui i na hiohiona o ke aloha e haiamu ae ana nona, oiai i na wa a pau a na maka o ua oi no hea la e alawa mai ai iaia ua hoike okoa mai no ka olu waipahe iloko o na onohi. I na wahoi a pau, me he la aia no ke ala nohea huihui o ka hanu o ka ui nohea ke moani mau la ma kona ihu e like je ka wa ana i honi hoomau mai ai iaia, a oia mau no hoi ka pumehana o kahi a kona mau lima i apo iho ai ma kona a-i. He mea oiaio, mai ko Frank hanau ia ana mai a hiki i keia wa, akahi no a halawai oia me kekahi wahine a kona puuwai i nape ae ai. I ka wa a kona mau maka i halawai mua lo a aku ai me na maka o ku lede mai ia wa mai i hoomaka koke ai ke aloha iloko o kona puuwai nona, aka i ka lele ana mai nae o ka lede e honi iaia, ua hoopaa loa ia kela me maikai ma ka papa hoomanao o kona puuwai. He hookahi wale no nae mea kopohopo i loko o kona naau, oia hoi, malia paha aia no he aloha mua kekahi iloko o ka lede ui nohea no ke kaikaina o kana kane, a ina pela io, alaila e lilo ana kona mau manao kuliu i mea ole. Nolaila, e like no me kona kulana naauao, e kakali ana oia, a aole no e nalo ana ina he aloha io kela lede opio i kana kane opio ma ke ano he kane, a i ole ma ke ano wale no paha he kaikunane. Nolaila, ua hooha@@ mau ae ka opio i kaua mau kamailio ana no James Barton i kona wa e kukai olelo ai me ka lede. Aole hoi i liuliu, ua maopopo koke no iaia, he okoa loa ke ano o ke aloha iloko o ka naau o kela lede nani mai kuna i hopohopo loa ai. He mea oiaio, he aloha io no ko Isabela, oia hoi ka inoa ponoi o ka lede nohea no James Barton ma ke ano he kaikuane ponoi nona, a o ka mea i oi loa no ka hoopilikia wale ia ona e ka hewa a kahi mea e i hana ai, aka no ka manao ana nae e lilo oia i kanie nana, aole loa ia mea i komo iki mai iloko o kona noonoo. Ua noho oia me ka hooni ole ia O kona puuwai e kekahi kanne mai ka ake ana o kana kane a hiki i kela wa, aka, e like hoi me ka haawina i loaa ia Frank, pela no hoi i ka lede opio, oiai i ka halawai m@a loa ana o kona mau maka me na onohi maka mohaha o ka opio waipahe ua like me he ku kele la e ho ana iloko o kona puuwai. Nolaila, mai kela la mai, ua lilo koke laua i mau hoaloha oiaio, a i nawa a pau a ka opio e noho mehameha ai ma kekahi wah o ka moku lele, aia pu ma kona aoao ka ni nohea kahi i noho ai me na mino aka waipahe ma kona mau papalina nohea. I kela a me keia hora ma keia huakai, pela hoi e pii ikaika mau ue ai ke anu, oiai ke hele aku la lakou e komo aku iloko o ka poai anu akau. He elua la mai ko lakou haalele ana ia Readestown, ua hoea aku la ka Poai Lewa ma ka akau loa o Amerika Akau, a ua pau loa ka ike ia ana iho o na ululaau o ka aina, aka, o ke keokeo wale no ka mea a lakou e ike iho ai, a ua halii paa ia hoi ka moana e ka hau aliali keokeo. I ka po o ka lua o na la, ua wehe ae la o Frank i kana palapala aina, a ua poloai pu aku la hoi oia i kona hoaloha maikai Kauka Vanadeka,e nana pono iho laua i kahi o kela mokupuni uuku, kahi hoi i huna ia ai o kela buke moolelo e ke kapena pepehi kanaka. Mamuli hoi o ka ka opio mau mea paahana imi Lakaku, a Lonoku, ua maopopo iho la ia laua kahi a lakou e lakou e lele nei, a ma ka hoohalike ana iho me ka palapala aina, ua maopopo iho la ia laua e hoea ana lakou ma kahi i huna ia ai o kela buke ma ka hora eiwa o kekahi kakahiaka ae. I kela wa, ua hoaahuia na poe a pau o luna o ka Poai Lewa me na aahu hulu bea i hoolako mua ia e ka opio naauao. He mea e ka hauoli o na mea a pau o luna o ka Poai Lewa. Ua hoike ai la hoi ka opio, aia a hoea lakou ma kahi a lakou e hele nei, alaila e hoemiia iho ana ka Poai Lewa a haole ilalo o ka aina paa,a e hoomaha ana hoi lakou malaila no hookahi la, a e hee hoi lakou no ke alualu holoholo ua, oia hoi ke kia noho hau a me ka bea keokeo. I ko Pomp a me ko Keoni lohe ana i kela mea, he mea e ko laua hauoli, a ia wa hoi ua kii kome ke aku la o Pomp i kekahi o kana mau pu, a lawe mai la oia a haawi aku la i ka laua malihini, ka luina hoi i hoopakele ia ai e lako me ke keonimana a me ka lede opio.
Aole i pau.
____________________
I ka haulelau o ka 1893, loaa iho Ia ke keikikane a Mr. T. A. McFarland, he haole kalepa ano maka hanohano o Live Oak, Sutter Co. Cal. i ka mai kunu koikoi loa. Mamuli o ka Ikaika loa o ka eha ma ka u@@uma ua loohia i ka umli a me he mea Ia e loaa ana i ka wela ma ke akemama. Ua hoohainu aku kona makuakane i na olopu nunui lehulehu o ka CHAMBERLAIN'S Luau Kunu, a peia i pau ai a ola loa ke kunu. Ke olelo nei o Mr. McFarland i na wa a pau e loaa ai kana amu keiki i ka nae e haawi ana oia ka CHAMBERLAIN'S COUGH REMEDY (Laau Kunu Ola), a he ola io maoli no. Ke manao paa nei oi helaau kuna oi loa keia ma ka makeke. E Iosa no ma na Halekuai Lapau Lapaau a pau, a o BENSON, SMITH & CO. na Agena ma ko Hawaii Paeaina.
--------------------
E heluhelu I keia malalo iho I lawe ia mailoko mai o ka palapala a Chas. M. Gutfield o Reedley, Fresne Co.Cal. "Me ka hauoli au e hoike aku nei ma ko'u inu ana no hookahi la i ka CHAMBERLAIN'S Laau Kunu, ua hoola i ke kunu koikoi i loaa ia'u. Ua nalulu ino loa ia ko'u poo a hiki ole ke moe i ka po. Ke hoikeike a ku nei au i eia laau laapau ola. O ke anu i kokoke loa e komo i loko o ke poo a mahope hoohele aku i ka puu a me na ake. Ma o ka inu ana ai i keia laau i ka wa koke e loaa ai ike anu, e hoolakoke ia i ka wa pokole a keakea Ia ke komo loa ana aku i loko o na ake. E loaa keia laau ma na Halekuai Laau Lapaau a pau , a o Benson, SMITH & Co. na Agena ma ko Hawaii Paeaina.
___________________________
NA KANAKA Dr. LIEBIG & CO.
_____________ Na Kauka no na mai Kuluma Malu a
me Kuul@la.
O ka Dr. Liebig laao hooikaika kino oia ka laau lapaau hoola maikai loa no ka nawaliwali, ke emi o ke ano noonoo kanaka makua a me na mai malu, ka hoopio awiwi ia mai a me ka hoomaukaukau no na hana o ka noho ana mare, ka oluolu a me na koikoi. He hookahi @@@@@ $1@@@@ e haawiia mai ai a e hoouna ia aku paha me ka uku ole i keia a me keia mea e hoike mai ana i na hio@lona mai. E kipa a i ole e @@@@ mai ma 409 Geary St., puka komo @@@Manson St San Francisco. 2@07-ly
HE MOOLELO WALOHIA
-NO NA UI-
Makua Ole Elua.
--------
LA FOSA ,
Ka Makona,
____
----A ME----
Pia Fosa,
KA MEA I PIHA I KE
ALOHA
-------
DE WODISE,
Ka Naita Puuwai Piha
Hamama a me ka A Olu
Waipahe.
----------
MOKU XII.
"Owau? wahi a Pia iloko o ke pahaohao, me he mea la aole oia i lohe pono i a olelo a kona kaikuaana i olelo aku ai , a ia manawa pu no hoi oia i kilohi iho ai i kona wahi kulana @@@@. "Owau? Iloko o ke aloha?" 'A heaha ka hoi kou mea e ka hilahila ana i ka hea ia i ka hapakui i ka manawa o Luisa pu kekahi? Makua paha oe o ike ia kena kino hiehie nani ou ea?" "Ae, ae, pela no ka mea oiaio, wahi a ke keiki popilikia, a o kaua mau olelo i puka mai ai, he mea ole wale no ia i ka mea i ike ole i ke aloha. "Ua manao au, aia he hookahi mea iloko o keia ola ana i haawai mai i kona manao aloha me ka manao hoopailua ole hoi no ko'u wahi kulana. A ina oia e ike ana ua like ko'u kino me kekahi poe e ae, aole e nele kona haawi mai i kekahi manao aloha o ke ano hoaloha no'u nei. Aka iloko o ke aloha-iloko o ke aloha me ia ia mea hoi i kokoke iki aku kona nani e like me kekahi anela?" A ala hoi maluna o ko Pia hele helena, iaia i hoopuka ae ai no ke kaikamahine makapo, he @@@@aama Kupaianaha i ike ole ia mamua, ai kona manawa i hoopuka aku ai no kekahi mea i piha i ka maemae a me ka hemolele oia ka manawa I ike ia ai o kela mea. Nana aku la o Keaku i kona kaikaina iloko o ke pahaohao nui. Ike aku la oia, aia malua o kela heleheleana nananakea i kekahi mea ana i ike ole ai mamua a na ia mea i hookunahi@@ loa aku i kona pahaohao. Pehea kela mau mea i maopopo ai ia oe? Aole o'u nana no kona ano a i na mea e pili ana no kona hemolele a me kona maemae," wahi ana mahope iki iho o ka hoomana ana. "Heaha ola, a owai oia-a no kona ui hoi a me kona nani, a ua ike uu ua oi aku kawaiwai o kona mau maka i keia manawa mamua o ka manawa e iko ana laua." Ae, ae, he makapo oia," wahi a Pia me ke kaumaha nui, "aka, o kona helehelena ua piha ia i ka nani a me ke aloha, a aole o nelo ka hoonaueue ia o ka naau o kekahi mea paakiki i ke aloha, a o kona mau maka nani nunui hoi, ina e nana mai ia'u me ka oiaio, ua holo e ka lia maeele o ka makau ia'u no ko'u ike ia mai." "Aia la e-aia la e," wahi a Keaku, iaia hoi i lohe pono ole aku ai i na huaolelo hope, a iaia hoi i huli ae ai a hele aku la no ka hale inu lama kahi hoi e loaa ai o na hoa kupono e like me kona ano. Hoopuu koke oe i kau mau olelo waiwai ole a hele mai mahope o kuu meheu ua makemake au ia oe e kiupika e hele mai!" No ka manawa mua loa o Pia i ku iho ai me ka manao paa e hoola i na hookonokono a kona hanau mua. "Aole loa au e ae e hele," wahi ana iloko o ka leo e hoike ana i kona manao onipaa. "Pehea!" wahi a Keaku iloko o ka manao kupaianaha. "Heaha keia! He kipi kuloko ea! Hoolohe koke oe i ka'u mea i kauoha aku nei ia oe, a ina aole oe e hana peia, e loaa koke no ia oe ka eha." A o ka mea ola i piha i ka lapuwale nui hela aku la oia imua o ke keiki kina me kona mau lima i makaukau no ke kau ana aku i na hoopai aloha ole. A i kela manawa koke no i lohe la aku ai ka leo luuluu aloha o kekahi kaikamahine opiopio ma kahi mamao aku, a puiwa ae la o Pia me ka olioli nui, no ka mea ua hoomaopopo aku la oia ika mea nona ia leo, a iaia hoi he leo no kekahi anela, a o kona ano a pau ia manawa koke no, ua loli ae ia mai ke kulana mua ae.
Aole i pau.
Ka Hawaiian Gazette
He Nupepa Namu Elua Puka ana o ka Hebedoma. ma ua
POALUA a me POALIMA
e hoopuka ia nei e ka Hui
HAWAIIAN GAZETTE COMPANY.
O ka Nupepa Kuloko Alakai keia ma ka Olelo Beritania e hoolahaia nei maloko o ka Paeaina a hala loa aku i na Aina E a ke heluhelu ia nei e na mea a pau ma na oihana na Halekula a komo loa iloko o na ohana.
Ka Uku Pepa Laulaha.
No ka Malama....... $...50
No ka Makahiki Kuloko....5.00
" " Kuwaho....6.00
Keena Hana Helu 318. Alanui Kalepa.
Pahu Leta O. Honolulu Oahu 2531-tf
_______________________________
Na Hua Kuni Inoa
Eia ka Hui Hawaiian Gazette Co., ke hana paka maoli nei i na Kuni Inoa o kela a me keia ano, nui a liilii e like me ka iini a ka manao.
O keia mau Hua Kuni Inoa, ua lawa ia no ke kahakaha ana ma ke kanana a pepa e ae e hailona ai i ka Inoa a kohu malua o kekahi mea i makemake ia e kuni a kaha paha.
He like ole na uku o na Papa Kui I noa, no ka mea aia no ke kau ia o ka uku a maopopo ke ano o ka Papa Inoa au i makemake ai, he nui a he liilii paha. Aka he oluolu ka uku a he waipahe na kuka ana.
E kipa kino mai e nana i ike kumaka, a i ole ia e hooua mai i ha kauoha ma ke
eena?Hano-Ma ika @Halepai HAWAIIAN GAZETTE, Helu 318 Alanui Kalepa, Honolulu. 2531-tf
___________________________________
Halepai Hawaiian Gazette.
O keia ka Halepai Nupepa Alakai o ke Kulanakauhale o Honolulu nei. Ua lako i na Hua Kepau o na ano a pau a ka makemake e ui ae ai.
Eia ma keia Halepai e pai ia nei ka Nupepa KUOKOA, a me Nupepa HAWAIIAN GEZET PACIFIC COMMERCIAL ADVERTISER CHURCH CHRONICLE a me PLANTER'S MONTHLY.
Ua hiki loa i keia Halepai ke pai aku I na pepa nunui hoolaha alanui, na buke,na bila kikoo, na bila hookas, na palapala poloai ahaaina a me na hana e ae a pau o ka oihana pai.
Eia maloko o keia Halepai he Keena Humuhumu Buke, kahi e humu ia ai na Buke, na pepa a me @a mea a pau i pili i ka humuhumu ana i na palapala. He oluolu ke kuka ana a he emi kupono na auhau.
Keena Hana, Helm 318 Alanui Kalepa, Honolulu ka Hale iluna.
2531-tf
Hoolaha Humau.
____________________________________
Aole loa e maikai a oluolu ke ola ana o kekahi mea kino uhane ola ina he aaioie kona akepaa a hiki ole ke lawelawe i kana mau hana me ka hololea. F. hahai ana ka nalulu a me na nawaliwali e ae @a ka moali o ke ake ponalo. He mea oiaio keia i hooiaio ia ma na wahi o na poai oluolu akau iloko o ka hapaha keneturia, o na
HUALE A AYERS,
ola wale no ka LAAU HOOLA AKE maikai loa i ikeia. E hoola ana i ka lepopaa, ka nalulu eah, na ma'i oloko o ka opu, a ma ke ano LAAU OHANA aohe ona lua e like ai.
O ka Ayers Sasaparila, oia ka Laau Hoomaemae Koko kilakila, a haawi ai i ka ikaika a me ka hooponopono ana ia loko o ke kino o ke o ka ili, e hoopau ana i na maluhilakanaka. E pepehi a ulupa ana i na PUHA, e hoola ana i na pohapoha hi oke ola ana a e kipaku loa ai i na ano ma'i a pau. Oka poe ma'i no ka wali pono ole o ka ai, la nawaliwali mau a ano ma'i e ae i ulu ae mai kekoko ino mai,he mea pono e inu i ka laau
SASAPARILA A AYERS.
He laau e hooikaika ai i ka nawaliwali, a e hoopuipui mai ai i ke kino. Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.
O ka Ayers Cherry Pectoral
laau, aohe lua ma ka hoola awiwi ana i na KUNU, ANU a me na PUU EHA. E hoolaiana KUNU KALEA a me na ma'i pili i ke ake me ka hikiwawe loa.
O na Huaale a Ayers, na Sasaparila a me ka Ayers Cherry Pectoral, aia kahi e loaa ai ma ka Halekuai o ka
Hollister Drug Co. Lt.
@@ @@-na me ka Paeaina Hwaii.
2514
KAKELA ME KUKE
______
Ka Halekua Nui
---O NA---
WaIWaI LIKE OLE
----
NA MEA
HANA KAMANA AIPAU
Na lako pili hao kukula hale,
Na kepa,
Na lei ilio,
Na kaulahao @io,
Na Pahi,
Na Upa,
Na kope h@@@
Na Palapala,
PALAU LIO
Na mea mahiai,
Na au ho,
Na au koi,
Na kua bipi,
Na lei bipi,
Na kaulahao bipi,
Na uwea pa,
Na kea paiaia,
Na me pi@la,
Na ipuhao.
Makau me Aho Lawaia
Na Iliwai
Na kaula
Na hula pena,
Na palami
Na pena, me ka aila,
Na kopa,
Na aila mah@
Na pakeke
Na pukeke hao,
Na kapu hao,
Na p@nda,
Na kukaepele,
Na uwiki, a me
Na ipukukui.
Mikini Humuhumu Kaulana
Wilcox, & Gibbs Hookahi Lopi.
ka Remingto, @lua Lopi.
A me na uka@a he nui loa, o keia ano me keia ano.
Kakela me Kuke
@@@@ @