Ka Nupepa Kuokoa, Volume XXXIV, Number 29, 20 July 1895 — Page 2
| This text was transcribed by: | Liberty |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
KANAWAI 1.
He kanawai e Hookaawale ai i Puu Dala No na Lilo o ke kau Ahaolelo Kuikawa o ka Makahiki 1895 mai Loko ae o Ka Waihona o ka Lehulehu.
E Hooholoia e ka Ahaolelo o ka Repubalika o Hawaii.
Pauku 1. E hookaawale ia, a me keia, ke hookaawale ia nei na dala he Umikumalua Tausani ($12,000.00) mailoko mai o ka Waihona o ka Lehulehu no ka uku ana i na lilo o ka Ahaolelo Kuikawa o ka makahiki 1885.
Pauku 2. E mana aku no keia Kanawai mai a mahope aku o kana la o hoolaha ia ai.
Aponoia i kela la 2 o Iulai M. H. 1895.
(Kakauinoaia.)
SANFORD B. DOLE, Peresidena o ka Repubalika o Hawaii.
KANAWAI 2
He Kanawai E Haawi ai ika Mana I Ka Ilamuku A Me Kona mau Hope, Na Makai Nui A me ko Lakou mau hope I Ka Mana E Hoohiki Aku I Na Olelo Hoohiki.
E Hooholoia e ka Ahaolelo o ka Repubalika o Hawaii:
Pauku 1. Ma kela ua haawiia ka mana i ka Ilamuku a me kona mau hope, a me na Makai Nui a me ko lakou mau hope pakahi e hoohiki aku I na olelo hoohiki ma na hana a pau i ae ia ma ke kanawai, a i ole ia i kauohaia e hoohiki ia a i ole ia i kupoho e hoohikiia kekahi olelo hoohiki.
Pauku 2. E mana keia Kanawai mai kona la e hoolahaia ai.
Aponoia i kaia la 9 o Iulai, M. H. 1895
(Kakauinoaia)
SANFORD B. DOLE, Peresidena o ka Repubalika o Hawaii.
KANAWAI 3
He Kanawai E Pili Ana I Ka Hoohaiki Ana I Ka Hele Ana Mai O Na Ee Moku Pake.
He Hooholoia e ka Ahaolelo o ka Repubalika o Hawaii:
Pauku 1. Ua ku no i ke Kanawai ke haawi ke Kuhina O ko na Aina E i na Palapala Ae e like me ka mea e hoike ia aku ana e ka Papa Hoopae Limahaula mamuli o ke nei ana mai o ka poe e hoohana ana i na limahana ohana, mahiai a halewili paha i kekahi pake e noho nei i keia manawa pokole i hoopukaia e lika me na olelo o ka Pauku 2 o ka Mokuna 80 o na Kanawai o ke Kau o 1892, e noho iloko o keia Aupuni ma ke ano he mau limahana, oihana mahlai a i ole ia limahana ohana.
Pauku 2. A hookomoia maloko o ia mau Palapala Ae, ke kumu i pai ia ma ka olelo Enelani a me na hoailona hua Pake, ua ae ia ka mea e paa ana e noho iloko o keia Aupuni mamuli wale no o ke kumu oiai oia e noho ana maanei, aole oia e lawelawe aku ma kekahi oihana kulepa a hanalima akamai paha, mawaho ae o ka lawelawe hana ohana a hana mahiai paha ma na mahinaai a i ole ia maloko o na halewili laiki a ko paha, a i kona manawa e hoopau ai i ka hana ana ma ke ano limahana oihana mahiai, a i ole ia iloko o na halewili ko a raiki paha, a i ole ia ma ke ano kauwa ohana, e haalele mai no oia i keia Aupuni, a no kela a me kela uhai ana i ua kumu kumu la, ke ahewa ia oia e kekahi Lunakanawai Apana e kau ia maluna on a ka hoopai o hookahi haneri dala.
Pauku 3. I ka wa e haawi ia ai o ia palapala ae i kekahi limahana a I ole la kauwa paha, e pau no na kumu i komo mai ai oia iloko o keia Aupuni, a o ka bona i haawi mua la e ia e hoopau ia no, a e kaa no oia ma na mahinaai a i ole ia iloko o na hale wili raiki a ko paha mamuli o na palapala ae i haawila ia lakou malalo e na olelo o ka Mokuna 80 o na Kanawai o 1892, e like me ia i hoololiia ai e ke Kanawai o ka Repubalika o Hawaii.
Pauku 4. Oia mau limahana a mau kauwa pake e hui ia no a o lakou kakahi hapa o na pake he elima @ i ae ia e komo mai iloko o keia aupuni malalo o ka Pauku 2 Mokuna 80 o na Kanawai o ke Kau o 1892.
Pauku 5. E mana keia Kanawai mai kona la aku e aponoia ai.
Aponoia i keia la 12 o Iulai, M. H. 1895.
(Kakauinoaia)
SANFORD B. DOLE, Peresidena o ka Repubalika o Hawaii.
A HA HOOKOLOKOLO KAAPUNI APANA Ekahi o ko Hawaii Paeaiua. Ma ka Hooponopono Waiwai. Ma ka hana o ka waiwai o A.W. KALUA o Kamoiliili, Honolulu, Oahu i make kanoha ole.
Ma ka heluhelu a me ka waiho ia ana mai o ka palapala noi a Miriam Kalua (w) o Kamoiliili, a hoike ana ua make kauoha ole o A. W. Kalua ma Honolulu, Oahu i ka la 2 O Iune, 1895, a e noi ana e hoopuka ia ka palapala hookohu Lunahooponopono Waiwai iaia.
Ua kauohala o ka POALIMA kala 16 o Augate M. H. @, ma ka @ 10 kakahiaka, ola ka manawa i kohola no ka hoolohe ana i ua noi ia, ma ka Hale Hookolokolo ma Honolulu, a ma la manawa a ma ia wahi no, e hele mai ai na mea a pau i pili e hoike mai i ke kumu, in a he kumu @ no lakou, e ae ole ia ai ua noi la.
Kakaula ma Honolulu, ko Hawaii Paeaina, Iulai la 13, M. H. @
Na Ka Aha:
@ GEORGE LUCAS, Kakanolelo.
AHA HOOKOLOKOLO KAAPUNI APANA Klua o ko Hawaii Paeaina. Ma ka hana o ka waiwai o JOHN KALILI NAUINA o Olowalu, Lahaina.
No ka mea, ua waihola mai imua o keia Aha ma ka la 8 o Iulai kekahi palapala i olelo ia oia no ka palapala kauoha hope loa a John Kalili Nahina o Olowalu Lahaina i make a me ka palapala noi e hoolaio ia a e hoopukaia na palapala la Kaaiakaiani, ka wahine kanemake a me ka lunahooko kauoha ma ka palapala kauoha, i waihola mai o Kaaioealani.
Ke kauohaia nei, o ka POAHA, la 8 o AUGATE. A. D. @. hora 10 kakahiaka, ma ke keena hookolokolo o keia aha ma Wailuku, Maui, oia kahi a me ka manawa o hooiaio ia ai ua palapala kauoha ia a e hooloheia ai ke noi a walaila e hele mai ai ke poe a pau i pili e kue i na palapa a kauoha la a me ka ae ana aku i ke noi.
Kakauia ma Wailuku, Maui, Iulai 8, @.
Na Ka Aha:
@ G. ARMSTRONG, Kakauoleio.
AHA HOOKOLOKOLO KAAPUNI APANA eha o ko Hawaii Paeaina. Ma ka aha Hooponopono Waiwai. Ma ka hana o ke Kahu Malama o na Keiki oe ole a OHUMUKINI I make a me ka mahele hapakolu o NUALOLO, wahine a ua Ohumukini la i make.
Ma ka heluhelu a me ka waiho ana mai o ka palapala noi a Nualolo (w) o Pepeekeo Hilo, Mokupuni o Hawaii, e olelo ana oia no ka wahine kanemake a Ohumukini i make ma a kekoke i aha i Nepatemaha 9, @, me ka waiho ole iho i palapala kauoha, a e noi ana e koho ia o F. M. @ i Kahu Malama kino a waiwai no na keiki oo ole.
Ke kauoha ia nei o ka PUALUA. la 6 o AUGATE A U 1895, @ 10 kakahiaka. oia ka manawa i kohu ia no ka hoolohe aua i ua noi la me ke Keena Hookolokolo o ka Aha @ Hilo, Hawaii. A ma ia manawa a me ia wahi e hele mai @ ka poe a pau i piu a e hoike mai in a he kumu kekahi e hoole ia ai ua noi la.
Kakauia ma Hilo, Hawaii, Iulai 2, 1895.
Na Ka Aha:
@ D. PORTER, Kakauolelo
AHA HOOKOLOKOLO KAAPUNI APANA Elua o ko Hawaii Pae Aina. Ma ka hooponopono waiwai. Mokupuni o Maui, Hawaii Pae Aina. Ma ka waiwai o Z. WAILAMA KAAA no Waikapu i make kauoha ole.
Noo ka mea, ma ka la-o--M. H. 189-, ua waiho ia mai imua o ka Ahakekahi palapala e noi ana e hoonoho ia i Lunahooponopono no ka waiwai o Z. Wailama Kaaa i make, a me ka palapala hoopii e noi ana e hooponopono ia ka waiwai, a e hoopuka ia hoi ka palapala Luuahooponopono no Piimoku Kaaa, i waihoia mai e Noa Kaaa.
Noialla, ua kauoha ia o ka POAHA, oia ka la 8 o Augate, M. H. 1895, ma ka hora 10 kakahiaka, ma ke Keena Hookolokolo o ia Aha ma Wailuku, ma ka mokupuni o Maui, oia ka la a me ka hora e noho ai ka Aha, a e hoolohe hoi no ia noi ana mai, a me ka poe a pau i pili e kue ana ia, a me ka hoopuka ana i palapala Luuahooponopono.
A ua kauoha ia e hooiaha no ia mea no na pule ekoiu iloko o ka nupepa Kuokoa. he nupepa i pai ia a i hoolaha ia ma Honolulu.
Kakauia ma Wailuku, ko Hawaii Pae Aina, i keia la 8 o Iulai, M. H. 1895.
Na Ka Aha:
@ G. ARMSTRONG, Kakauolelo
Hoolaha Hooko Moraki
MAMULI O KEKAHI MANA KUAI I HOIKE ia maloko o kekahi palapala moraki i hana ia mawaena o KAAIPUUPUO I make o Honolulu Oahu, o ka aoao mua, a me R. R. Hind, mea i lilo mai ai ka moraki, o Kohala. Hawaii, o ka aoao elua, ma ka la li o Dekamaba, 1894, kakau kopeia ma ka Buke 92, aoao @. a mamuli o ka uhai ia ana o na kumu aelike o kela moraki, oia @ no ka hookaa ole ia o ka ukupanee a me ke kumupea i ka wa o hookaa ai, moiaila, ke hoolaha ia aku nei, e hooko ana oia ia mana kuai.
A ke hooiaha hou ia aku nei, aia mahope aku o na pule ekolu mai keia ia aku, alaila e hoolaha ia aku na aina i hoike ia ma la moraki no ke kudala ana, ma ke Keena Kudala o James F. Morgan ma Honolulu, ma ka la @ o Iulai, 1895, @ ia o ia la.
Aia ma kahi o W. R. Kakela na olelo hoakaka o keia mea.
@ i keia la-o Iune, 1895.
M. R. HIND, Mea i lilo mai, Mea moraki mai.
Penei na aina i moraki ia:
(1) O kela mau aina i kuhikuhi ia Hoko i ka Palapala @ Nui Helu, @ Kuleana Helu @ ia Kahawai, nona ka ili he @ mau anana o waiho ia ma Pauoha.
(2) O keia mau aina ma ua Panoa la i ikeia Apana III i kuhikuhi ia ma ka Palapala @ Nui Helu @ ia @, nona ka ili he-o ka eka i hoolilo la mai i ka mea @ i moraki ma ke kuai me Naheana, kope ia ma ka Buke 17 aoao 38.
Ka
NUPEPA KUOKOA
Ko Hawaii Paeaina 1 Huiia
o ka Makahiki …$2.00
Ke @ Mahina …$1.00
Kuike ka @
KOOPUKAIA E KA
@
Iniha…$1.50 $2.00 $2.50 $3.00 $3.50 $4.00
2 Iniha…$2.00 $2.75 $3.50 $4.00 $4.50 $5.00
3 Iniha…$2.50 $3.50 $4.50 $5.00 $5.50 $6.00
4 Iniha…$3.00 $4.00 $5.00 $6.00 $6.75 $7.50
5 Iniha…$3.50 $4.75 $6.00 $7.00 $8.00 $9.00
6 Iniha…$4.00 $5.50 $7.00 $8.00 $9.00 $10.00
O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a iua aole, aohe hookomo ia.
HAWAIIAN GAZETTE CO.
GEO. H. PARIS, Luna Nui.
J. U. KAWAINUI, Luna Hooponopono.
No Honolulu, Oahu, Lakou a pau
POAONO, -----Iulai 20, 1895
Ke Hoomau nei no Anei?
He elua makahiki me ka hapa kai kaa hope aku la mai ka hookahuli ia ana o ke aupuni moi mamuli o ka hoao ana o Liliuokalani e uhai i kana hooiki a me kana olelo aelike e malama i ka mana a me ka onipaa o ke Kumukanawai ana i hoohiki ai. Iloko o keia mau makahiki elua a oi, ua nui na mea i @ a i walaau ia e ku poe i ulupuni ia e na manao ano e, a kapa iho ia lakou he poe "aloha aina." Ua hookahua iho la lakou i ko lakou mau manao a me na hooikaika a pau maiuna o ka puuone a lakou i hauoli ai e kapa aku-ka hoihoi hou ia o ke aupuni moi o Hawaii. Ua kuailo ae na makaula a ua haina na nanehuna a me na moeuhane a na kilokilo uo ka hookeia o ka iini kohokoho a kuhihewa a ua poe nei, aka, a hiki mai ia i keia la, o ka neo a me ka hoka ka lakou e ike nei. E like me ka hoea ana mai o kela a me keia la, pela no i hoea mau mai ai na hooia no ka nele o ka lakou kumuhana a me ka onipaa hoi o ke kulana aupuni no na makaainana, aka, me ka nui o ia mau hooia, me ka lawa piha hoi me na kumu kupono i ike kumaka ia, ua hoomau no nae na iunaikehala o keia poe e noho iloko o ka makapo a me ke kuli, ka paakiki kuhihewa a me ka noonoo hupo, a i keia la ke lohe ia aku nei na leo uwe o kekahi poe i ka nui o ka pilikia a me ka hune mamuli o ke kue a enemi i ko aupuni.
Eia mawaena o ua poai kehihewa nei kekahi poe i kukulu ae ia lakou iho ma ke ano he mau alakai a he mau kakaolelo no lakou, a in a e houluulu ia ka lakou mau hana a me ka lakou mau olelo, e piha ana kekahi olewaa nui i ka opala i kupono e hoomuu ia ma kahi e kioia ia ai o na mea waiwai ole, a o na hopena o ko lakou mau hana na hooiaio mai no ka makou mea e olelo nei.
Iloko o na makahiki elua a oi i hala ae la, ua hoike mau aku makou i ka mea oiaio, aole o na olelo hoohoihoi hoopunipuni, a ua ao aku i na hoa kanaka i ka hana kupono a me ke alanui o ka maalahi e apo ai, aka, aole nae i maliu ia mai, no ko makou enemi ia paha no ka hoike moakaka aku ia mau mea oiaio.
Nolaila, a hiki mai i keia la, ua kupono e hoala ia ka ninau-ke mau nei @ ka hilinai kuhihewa o keia oe e hoihoi hou ia mai ana ke aupuni moi a e hoonoho hou ia o Liliuokalani maluna o ka noho moi i kanu oia ia no ka manawa mau loa ma ua kaiaulu o Hawaii nei? ke hilinai nei no anei lakou maluna o na puu opala a me na puahiohio makani lapuwale no ia hopena? Ke mau nei no anei ko lakou hiliuai kuhihewa me ka naaupo? Ina eia no ia mau haawiua iloko o lakou; in a aole i lawa ka lakou mau mea i ike a e ike nei no na hooiaio ua make a ua nalo loa ia mea; alaila o na hopena a pau e kau mai ana maluna o lakou, o na hoopai kupono no ia no ka poe hoopaakiki a o ka hopena no ia o ka poe hookuli a makapo i ke ao ia aku.
He mea ku i ka minamina no makou ka hoomaopopo aku i keia ano mawaena o kekahi poe o ku lahui, aka, oiai ua hana wakou @ ua hooikaika ma na ano a pau e hoonaauao aku ai i ko lakou @ kapauia mai me ke kue ia, nani pupilikia ana no ia a @ maopopoia, na lakou no i haawe ponoi aku ia haawina @ o ko lakou mau hokua me ko makou kaawale iluna o ke kahua o ka @ maluna o na enemi.
Makaala ia ke Kanawai Kuikawa.
Ke hoike mai nei kekahi ione mai ke kulanakauhale poo aupuni mai o Wasinetona, penei: "Mai keia wa hele aku imua, aole loa ke Aupuni o Amerika Huipoia e hoihalu iki ana i na hooikaika ana a pau e hopa a hoopaiia kekahi huakai kipi e haalele iho in a kapakai o Amerika Huipuia a holo aku e kue i na kanawai kuikawa." Mai ka wa mai o Kuhina nui Oiney i @ aenei ma ke poo o ka Aha Kuhina, ua wikani maoli kana lawelawe ana i ke kahua hana kuwaho a ke aupuni. Aole hoi e like me ka Repubalika lolelua Greshami hala aku.
Aohe Huakai Kipi Kuwaho e Holo mai ana
O keia makai kiu i pau o ku Aupuni Rebubalika, nona ka inoa McEvoy i hoi aku nei i Kaleponi, ua peni wai nei oia mai Hanford Kaleponi mai e hoike ana, ua huli hele oia e hanu pono maoli ai no ka oiaio o ka huakai kipi kuwaho e hooiaia ia ana ma Kaleponi e holo e hookahuli i ke aupuni o na pae aina o Hawaii, a ua maopopo iaia i keia wa aohe mau hoolala o ia auo i kukuluia ma Amerika Huipuia. Ua ike oia eia na agena o ka Oihana Waiwai ke kiai makaala loa nei o ka lohelohe ia o na lono e puapuai mai ana no ia mea, aka, aole nae he loaa o kekahi meheu. Nolaila, ua palekana ka Repubalika mai na hoopilikia ia e waho mai.
Ke kali aku nei hoi na anee alii o ka hoes mai o na lako kaua, eia hoi ka ianei he hoopuukahua mai.
Laina Mokuahi Pakipika hou.
Ua olelo ae o Walter Tupping, ka Agena ma Potalana o ka Hui Alahao a me Hooholo Mokuahi o Oregona, ua kanana ia na hoolala a ke kokoke nei e hooholo loa ia, ke kipa mau ma Honolulu ma ka holo ana mai a me ka hoi ana aku ma na huakai a pau o na mokuahi o kona laina e hooholo ia aku ana mawaena o Oregona a me na "aina kahiko" o Asia. A ua pakui pu mai ka lohe, o ka mokuahi mua e hoau ana ma keia ala moana, e haalele ana ia Potalana ma Augate 8 aenei, a e holo ana no Iokohama.
Ke olelo nei hoi kekahi lono mai ke kulanakauhale nui mai o Nu Ioka, ua hoike ae o Peresidena Hill o ka Hui Home Alahao nui o ka Akau, he mau manawa ae nei kona hoolala ana no ke kukulu i laina hooholo mokuahi o ka hui alahao, a e hooholo paonioni aku i ka Hui Mokuahi Pakipika Canada.
Ua hoolaha aenei ka Hui o T. H. Davies & Co. o Honolulu nei, e haalele ana ka mokuahi "Asloun" ia Potalana ma Augate 1 a e holo ana no Iapana, me ke kipa mai ma keia awa ma ka la 8 o ia malama no.
Paulele Kapekepeke.
O na Kahunapule Hawaii i hoohiki e kakoo i ke Aupuni Repubalika o Hawaii, ua aiakaiia lakou e ka lokomaikai o ke Akua e kakoo i ua aupuni la. O ka lunahooponopono o ka uupepa Ke Aloha Aina, ua wili ia oia e ka huela o ka nahesa nui, ana i ae aiʻe komo mai ka Bila Lotari i Hawaii nei. O ka paulele kapekepeke, ua pili ia i ka lunahooponopono o ka Nupepa Ke Aloha Aina, oiai he kanaka hele mau ia i ka pule i ka wa mamua ma Hilo, aka, i keia manawa he hoomaloka loa oia, aohe hele i ka pule, sohe hele i ke Kula Sabati, sole ma na ano a pau, aohe pule i ka ai, ana, a sohe no he pule i ka moe ana, paulele kapekepeke. O ua kahunapule Hawaii i kakoo i ke aupuni hanohano o Hawaii, he poe lakou i ike ia e hoewau ana i na haua pono, hele mau i ka pule, na Kula Sabati, na hana pono o kela a me keia ano, a ko ke @ nei no lakou ma ko lakou mau awai a ao aku i na kanaka i ka pono, a ua wae maoli mai no ke Akua i kekahi poe o lakou i poe lonamakaainana, na lakou e kau i na kauawai no Hawaii nei, e like me ko Mose kau ana i na kanawai ma ka mauna o Sinai, a i panihakahaka ma kahi o ka lunahooponopono o ku nupepa Ke Aloha Aina a ke Akua i kipeku mai ai mai kona kulana kau kanawai aku no keia aina, no kena kupono ole ma ia kulana, he hihia i na ekalesia, ke malama mau nei ka maua o ke Akua ia lakou me ka oluolu-SAMARIA.
He Mare Hanohano
Ua hoopiha ia ka luakini o ka ekalesia Euelani i ka hora 7 a me hapa o ka po o ka la 15 o Iulai nei, e na makamaka a me na hoaloha o na paa mare opio e awaiaulu ia ana. Kekahi @ hiehie a makolukolu a ia halepule i ike ai i ke kahiko nani o ka hoopilia ia @ e na kama o na lahai like ole. A @ ia nianawa koke no i hikii ia ai e ka Bihopa o Honolulu, o Mr. J. F. C. Hagens me Miss Eliza Kaipoleimanu Iuko, ma o ka haawlia ana la o ka wahine mare e Lunakanawai W. A. Whiting, e hoohanohano ia ana ka pea mare e na ku-aoao George Rodick me Miss Rose Mossman @ me Fred W. Weed me Miss Carrie Grube. A imua o keia anaina nui lehulehu, ua hoolilo ia ae la na puuwaiopio i hookahi pena ana, a mai ia wa mai ua lilo laua he kane a he wahine, e noho pela a na ka make e hookaawale ia laua.
Mahope o ka pau ana o na hana laahia ma ka halepule, alaila ua hii ia aku ka paa mare e kekahi kaa lio palua a i ka hale noho o Mr. a me Mrs. Mana mauka o Pauoa. A ma ia home iu ano i hoowehiwehi ia me na launahele, i haawiia ai he anaina ike i ka paa mare no laua ka hanohano e haiamu ia ana, kahi hoi o na makamaka a me ua hoaloha i helu ia ma na haneri i hele ae ai e ike a e pahola i ko lakou mau hoomaikai.
Mahope o ka pau ana o na hana o ke anaina ike, alaila, ua wehe ia ae la kekahi halau nui i kauluwehi i na hae o na lahui like ole a me na wehi o ke kuahiwi i hoonaniia ai o loko. Malaila i malama ia ai he lealea Europa i houe ia e na keiki puukani o ka hui Kawaihao.
A i ke kokoke aua aku i ka pili o ke aumoe, ua hookuu ia ka paa mare e hoi i ka home o ke kane ma Kalihi, ko laua kauhale aku o keia noho ana.
Ua holopono na mea a pau i pili i keia mare me ke kuia ole, a ua lehulehu no hoi na hoaloha o na aoao elua i hele ae e pakui i ka hoohanohano ana i ka paa mare no laua ka po.
O ko makou mau hoomaikai a nui i ka paa mare a me na kalokalo ana no ko laua ola loihi, holomua a me na pomaikai.
NUHOU KUWAHO
Ma ko ku ana mai o ka mokuahi Australia i ka hora 5 a mahope iho o ke ahiahi Puakahi iho nei mai Kapalakiko loa wai, ua loaa mai ia makou na mea hou a pau o na aina kuwaho, a oia keia e paneo ia aku nei:
NA AOAO KALAIAINA O AMERIKA HUIPUIA.
Eia na aoao kalaiaina o Amerika iloko o ka uluaoao. Ke hoohali kamailio ia mai nei, ke paahana nei o Cleveland i kona noonoo no ka nana i ka pono e onou hou iaia ma ke kau ekolu o ka noho Peresidena ana, ke loaa iaia ka wae moho Peresidena ana ma ka Ahaelele o na elele. Ke kukala mai nei hoi o Loio Kuhina i pau Garland, he ehiku mau moho holo Peresidena a hoea iho i keia makahiki aku, oia ke Democarata, Repubalika, Dalapalua, Dala-gula pakahi, Populisa, Hoolewaiona ame ko na Wahine-pono. Ke kukala mai nei hoi o Henry Warterson i kona manaoio i ka hoohui ana i na poe noonoo akahele a pau o na aoao like ole no ke kakoo ana i ke aupuni maikai a me ke dala.
PERESIDENA EKOLU KAIKAMAHINE
Bussard Bay, Mass., Iulai 7.-I ka hora 4:30 o keia ahiahi, ua hanau mai na Mrs. Grover Cleveland, una ka home noho wa wela o ka Peresidena, ma Cray Gables, he bebe kaikamahine. Ke olelo nei o Kauka Joseph Bryant, ke kauka nana i hoohanau, he maikai na ola o ka makuahine a me ka bebe.
AOLE HALIHALI PU I HAWAII.
Port Townsend, Iulai 7.-O kela mokukuna Aggie i hoolaha ia mai ai ua haalele ia Kapalakiko me ka piha pu no ka poe kipi o Hawaii, ua kaalo ae maanei a hala loa aku la i Seattle i kela po. Ua hoole loa mai o Kapena Pharo, aole loa ia i pilikana iki me ka huakai kipi kuwaho e holo ai i Hawaii. O ka manawa i pau ma keia holo ana mai nei mai Kapalakiko, he umikumamakolu mau la, a ua halawai oia me ka malie a me ka pohu ma ke ala holo.
Tacoma, Iulai 6-@ i ka nupepa Morning Union kekahi mau lohe malu loa mai Honolulu mai e hoike ana, eia ka Moiwahine i pau Liliu a me ka poe @ mahope on a ke hoohui me Iopana ma ka hoopilipili ana e mare ia me ke alii Couna lapana. Aia he 80,000 mau Iapana ma Hawaii, a in a e ko keia hoohui ana, alaila ua hiki loa ke hookahuli ia ka Repubalika o Hawaii. Ke pihoihoi nei na luna aupuni ma o ka nui hewahewa ia o na Iapana, a nolaila ua hookomo mai nei ka aupuni he elua mau piha lahui Pukiki no lakou ka heluna he 1600.
KE KAUA MA CUBA.
Ua hiki ae na lono i Havana i ka la 8 o Iulai mai Sanatiago de Cuba ae e hoike ana, ua loaa aku ia Mekia Sanehez e noho alakai ana maluna o na koa aupuni, na kipi he 1300 malalo o ke poo alakai Rabi, ua kukuiu pili ia ma kahi kokoke i Manzanillo. Ua hoouna aku ka Mekla Sanchez he elele ia Mekia o kekahi puali e aku o ke aupuni, e koi ana iaia e hele mai kona puali e hai me ko ia nei, alaila e leie kaua aku laua maluna o na kipi. Ua hopu pio ia mai la ka elele e hali ana i ka palapala a ua li ia. Alaila ua hoouna aku la na kipi he elele palapala ia Makia Sanchez me ke kakau pu iho i ka inoa o Mekia Aznar, e olelo ana, o ke kaua e manao ia ai e iele aku maluna o na kipi, ma kekahi wahi e ae e hoouka ai. Puui o Mekia Sanchez i keia a hele aku la ma kahi i kuhihuhi ia e ka palapala apuka. Ia wa, emoole ua noke hala ole mai la na kipi i ke kipoka ma kahi olowi, a ma ke kaua hoaano maoli o na koa o ke aupuni me ka makau ole i paa aku ai lakou i ko na kipi nee ana mai imua e lilo ia lakou ke kulana o na kou aupuni, a auhee aku la na kipi me ka waiho iho i ko lakou mau poe make he 280 ka nui.
HOOPAU LOA LA KA AHAOLELO.
Laulana, Iulai 8- Ua hoopau loa ia ka Hale Ahaolelo Makaainana o Enelani ma ke kuahaua a ka Makaainana o Enelani ma ke kuahaua a ka Moiwahine. Ua hele kino aku o Haku Kuhikuhi Puuone Kiekie, a me ka Maquisa o Landsdowne, ke Kuhina Kaua, ma ka halawai a ka Ahakuku Malu i keia auina la ma Hule Kakela Windsor, a ma ia manawa i kakauinoa ai ka Moiwahine i ke kuahaua e hoopau ana i ka Ahaolelo, a me ke kauoha e koho balota hou ka luhui i na hoa o ka Hale Ahaolelo Makaainana.
HOOHANOHANO HOU IA O HAKU ROSEBERRY.
Ladana, Iulai 6.- Ua hookaulana hou ia ae kela lono lauahea no ko Haku Roreberry mare aku i kekahi o na kaikamahine a ke Keikialii o Wale, a ua olelo pu ia mai la o hoopau loa aku oia i kona komo kino ana i na mea pili kalaiaina. Ua hoomaopopo ia aole e kue ana ka Moiwahine i keia hoopilipili mare ana. Ke hoomau ia nei ko Haku Roseberry hoopunahele imua hoi a na maka o ka Moiwahine ma o kona papahi ana aku i ke Kea Hoohanohano o Thistle o ke Duke Hamilton i make. Eia ke pulama ia nei e Haku Roseberry ke Kea Hanohano o Garter, a ha mea kakaikahi loa no kekahi kino kanaka koko alii oie ka paa ana i keia mau Kea Hoohanohano elua, no ka mea o na mea e ae wale no mawaho aku i ike ia ma ka moolelo, o ka Earl o Aberdeen a me ke Duke o Argyle.
HE KUHINA AMERIKA KUKALEKALE.
Parisa, Iulai 8- Ua hoolaha ia maloko o ka nupepa Farani Figaro kekahi mau manao kamakamailio i kapilipili ia na ke Kuhina Amerika Eustis e noho ia ma Farani, a malaila i ikeia ai ua hooholoia no kona holo moho Peresidena no Amerika Huipuia. No na mea hoi e pili ana ia Kina a me Iapana, ua hoopuka ia kekahi olelo me he mea la nana, ua mahalo nui loa oia ia Iapana, aka ua minamina loa i ko lakou lawe pio ole ana ia Pekina. No ka mea pili ia Canada, ua olelo ia ua hoopuka o Eustis, aia maluna o ko Amerika Huipuia wale no manao ka apo aku ia Canada e komo iloko o ka Hui o na mokuaina hui o Amerika. Ke makemake nei e Amerika Huipuia e waiho malie i ka uinau hoohui mai ia Canada pela, aka ma ia manawa hookahi e haawiia ai ka noonoo pono, aole o Amerika Huipuia e kunana wale aku ana i ka Enelani mau hana lapuwale, ai oleia e hoohui ia mai no o Canada. [Ke nema la mai nei aohe i olelo iki ke kuhina i keia mau olelo, a ma ka nupepa wale ihu no. L. H.]
KE AO KAUA E KAU NEI MA TUREKE.
Sofi (Balagaria), Iulai 4- Ua hao lima ikaika mai aei na mana o Tureke i na waapa a pau ma ka muliwai Vardar, i mea e keakea aku ai i ko na puali Macedonia iauna kamailio ana kekahi me kekahi. Ua hui aenei kekahi hapa o na kanaka Kaazanevrukop ia lakou iho ma ke ano hui kipi. O ka puka a maka mai o keia mau hana hoomainoino lapuwale, ma o ko Tureko hiki ole la ke hoomalu, e kono ia mai ai paha muanei na mana nui o Europa eakoakoa ma kekahi ahakukaino ka noonoo ana i ko Sulelana manao no ka hookomo ana i ano hana hoomaemae no naapana karistiano o Tureke.
Ua hala aku o Peter High i Hana e nana ai i ka luakini kahiko o Wananalua, a nana e kaha i ke kli o ka luakini no ka waiho aku i ka poe kamana no ke koho haaha.
Nowai la ka Hewa?
Ke nuku mai nei na nupepa kue maluhia ia Rev. O. P. F.mekona no kona hoike ana i ka mea olaia maloko o ka hoike a ka Ahahui F.nanelio Hawaii o 1895, ma kana wahi i olelo ae ai, ʻo na ninau kalaiaina ka mea nana e hoomau nei ka mahele o na kamaaina (Hawaii) a e kaohi ana i ke kumu noho oluolu like ma na hana F.kalesia." Ke olelo mai nei ua mau nupepa nei, no na Luna Aupuni a me na Misionari ka hewa a me ke kumu o ka mokuahana, a in a e hana ia na wea e pono ai, alaila e hui a e lokahi hou ana.
Ke hoomaopopo ia ka oiaio, e ike ia no, eia ke hoao nei na Luna Aupuni ma ko lakou aoao, a o na Misionari hoi ma ko lakou aoao e loaa ka noho lokahi a me ka maluhia mawaena o ka lahui Hawaii; aka, aiai lakou e hooikaika ana ma ia alanui maikai, eia no keia mau lunahooponopono me ka lakou ma nupepa a me ko lakou mau paalalo ke lu nei i na auoano o ka mokuahana a me ka eneenemi mawaena o ka lehulehu; e hoala mau ana i a manao kue i ke aupuni a me ka manao ino pilikino i na Misionari, a ke kuhikuhi mai nei o ka hewa i hana ia a me na hopena o ka lakou mau kemailio na hai ka ia mau haoa. Ke hoao nei lakou e hoolalapa mau i ke ahi o ke kuee, me ka maalea a me ka paweo, a ke kuhi aku nei no hai ka hewa. E pono i keia poe noonoo ole a alakai lalau e kaupaona ia lakou iho iluna o ka mea kaupaona o ka oiaio, a e iko ia no auanei lakou i ko lakou mama.
Hoolaha Hou.
Hoolaha Hooko Moraki
Mamuli o kekahi mana kuai i hoikela maloko o kekahi palapala maraki i hanaia mawaena o Wahinekahiko o Waialua. Oahu, o ka aoao mua. a me W. Castle, Kahu, mea i lilo mai ai ka moraki, o Honolulu, Oahu, o ka aoao elua, ma ka la o o Mei, @, i kakau kopela ma ka buke 106 aoao 454 a me Wahinekahiko ia J. M. Monsarratt mea e paa ana i ka moraki ma Dekemaba 9, 1886 kopela buke 100 aoao 461 a i hooliloia aku ia W. R. Castle Kahu ma Feb. 11, 1890, e paa ana ia moraki hookahi, a mamuli o ka uhai ia ana o na kumu aelike o keia moraki, oia hoi ka uku ole la o ka ukupanee a me ka kumupaa. nolaila, ke hooiahaia aku nei e ka mea nona ka aoao elua o ua moraki nei, e hooko ana oia ia maua kuai.
A ke hoolaha hou ia aku nei, aia mahopo aku o na pule ekolu mai keia la aku, alaila e hoola haia aku na aina i hoikeia ma ia moraki no ko kudala ana, ma ke keena kudala o James F. Morgau ma Honolulu, ma ka ma @ o Iulai, @, hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 24 o Iune, @.
WILLIAM R. CASTLE, Mea Moraki Mai.
Penei na aiua i morakiia:
1. He @ o na aina ma Waimea, Oahu, nona ka ili he 4:10 eka palapala aila helu 3935 ia Kaenuhe.
2. Ka hookahi mahele o Puukua iloko o ke Ahupuaa o Waimea i haawila ia Kailimai a me kekahi poe o ao.
3. Ka @ i mahele ole ia o 1 4-10 mau eka o Hiipii iloko o ka palapala aila nui helu 2045.
O lakou a pau ua lilo mai i ka mea nana i moraki ma ka palapala kuai a R K Bingham kopo ia ma ka buke 101 aoao 401.
4. He @ hapakolu kuleana i mahele oia la iloko o ka palapala aila nui helu 3409 ia Konohiki i on a ia e ua mea la nana i moraki me Nakukapu k a me Kuhulepo k me ka hale maluna iho a me na kumu alani a pela aku ma Kawailoa.
5. O na apana aiua a pau e waiho ia ma Waialua noua ka ili he 12 46-100 mau eka maloko o ka palapala sila nui helu @ kuleana 10361.
@
Hoolaha Hooko Moraki
Mamuli o kekahi mana kuai i hoikeia maloko o kekahi palapala moraki i hanaia maloko o kekahi palapala moraki i hanaia maloko o kekahi palapala moraki i hanaia mawaena o AKO (ch) a me Waiaha kana wahine o Paalaa, Waiaina, Oahu, o ka aoao mua a ine W. R. Castle Kahu, o Honolulu, Oahu, o ka aoao mua a ine W. R. Castle Kahu, o Honolulu, Oahu, o ka aoao elua, ma ka la 9 o Sepatemaba, @, i kakau kopeia ma ka buke 132 aoao 343 a mamuli o ka uhalia ana o na kumu aelike o kela moraki, ola hoi ka uku ole ia o ka ukupanee a me ke kumupaa, uolaila ke hoolahaia aku nei e ka mea nona ka aoao elua o ua moraki nei, e hooko ana aia ia mana kuai.
A ke hoolaha hou ia aku nei aia mahope aku o na pule ekolu mai keia la akii, alaila e hoolahaia aku na aina i hoikela ma ia moraki no ke kudala ana, ma ke keena kudala o James F Morgan ma Honolulu, ma ka la 22 o Iulai, 1895, hora 12 o ia la.
Aia ma kahi o W. R. Kakeia na oleio hoakaka no keia mea.
Hanaia i keia la 24 o Iune, 1895.
WILLIAM R. CASTLE, Kahu, Mea Moraki Mai.
Penei na aina i morakila:
1. He hapalua kuleana i mahele ole la iloko o ka apana aiua ma ka palapala aila nui (G) 560 ia Hooulu nona ka ili a pau he 2 74-100 mau eka i lilo mai i ka mea nana i moraki ma ke kuai a kopeia ma ka buke 106 ooao 436.
2. He i 67-100 mau eka ma Paalaa, oia ka apana i o ka palapala aila nui 809 ia Kahakualoa i lilo mai i na Ako nei ma ka palapala kuai a Kini a peia aku kopela ma ka buke @ aoao 43.
@
Hoolaha Hooko Moraki
Mamuli o kekahi mana kuai i hoikeia ma loko o kekahi palapala moraki i hanaia mawaena o HAAE w a me O K KEAWE kapa kane, o Honolulu. Oahu. o ka aoao mua, a me Robert Grieve o Honolulu, o ka aoao elua, ma ka la 9 o Ianuari, @, i kakau kope la ma ka buke 83 aoao 286 a mamuli o ka uhaila ana o na kumu ailike o keia moraki, ola hoi ka hookaa ole ia o ka ukupanee a me ke kumupaa, noiaila ke hoolahaia aku nei e ka mea nona ka aoao elua o ua moraki nei e hooko ana ola la mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila e hoola haia aku na aina i hoikela ma ia moraki no ke kudala aua, ma ke keena kudala o James F Morgan ma Honolulu, ma ka la 22 o Iulai, 1895, hora 12 o ia la.
Aia ma kahi o W R Kalela na olelo hoakaka no keia mea.
Hanaia i keia la 22 o Iune, 1895.
ROBERT GRIEVE, Mea Moraki Mei.
Penei na aina i morakila:
1. O keia mau aina i kuhikuhiia iloko o ka palapalapaia aila nui 6908 kuleana 8075 ia Hopu. he 58-100 o ka eka ma Palikaa. Nuuanu, Honolulu, Oahu. I lilo mai i ka mea nane i moraki ma ka palapala kuai, kopeia ma ka buke @ aoao 417.
2. O kela mau aina a pau i kuhikuhi la Uoko o ka palapala sila nui 2677 ia Lahaina 63-100 o ka eka ma Kaaleo, Nuuanu, Oahu, i lilo mai i ka mea nana i moraki ma ka palapala, kopeia ma ka buke 68 aoao @.
@
Hoolaha Hooko Moraki.
MAMULI O KEKAHI MANA KUAI I HOIke ia maloko o kekahi palapala moraki i hanala mawaena o D. PUHI o Kailua, Koolaupoko Oahu, a me Kahinawe w. Panai k, o Kahaluu, Hawaii o ka aoao mua, a me K. C. Lowrey, mea i lilo mai ka moraki o Honolulu Oahu, o ka aoao elua, ma ka la 2 o Dekemaba, @. I kakau kope ia ma ka Buke 96 aoao @, a mamuli o ka uhai ia ana o na kumu aelike o keia moraki, oia hoi no ka hookaa ole ia o ke kumupaa a me ka ukupanee, nolaila, ke hoolaha ia aku nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike la ma ia moraki no ke kudala ana, ma ke Keena Kudala o James F. Morgan ma Honolulu, ma ka la 22 o Iulai, @, hora 12 o la ia.
Aia ma kahi o W. R. Kakela na olelo hoakaka no keia mea.
Hanaia i keia la- o Iune, @
P. C. LOWREY. (Mea i lilo ai ka moraki)
Mea moraki mai.
Penei na aina i moraki ia:
O keia mau aina e waiho la ma Waipio, Hamakua, Hawaii, i kuhikuhi ia ma ka Palapala Sila Nui Helu 9827 ia Kipapa, nona ka @ ho 4 1/4 mau eka ka nui, oi iki aku a @ mai paha.
@