Ka Nupepa Kuokoa, Volume XXXV, Number 33, 14 August 1896 — Hala hou no ia Luaui o ka Pono. [ARTICLE]

Hala hou no ia Luaui o ka Pono.

Ma ka hora 3:30 auwina ia o ka Poaiua nei, i hookuu mai ai o Mrs. Juiiette Montague Cooke i keia ola ana, mahope iho o kona kaa ma'i ana no elua pule. O kekahi keia o na makuahine misionari kahiko o Hawaii nei. Ua hoea mai oia ame kana kane i Hawaii nei, ma ka la 10 o Aperila, 1837. A ma ka la 8 o lune oia makahiki no, hoomaka oia ame kana kane i ke ao kula ana ma Honolulu nei, a oia ke kula i kaulana loa ai ma ia hope mai, ma ke ano o ke kula a "Mika Kuke." Ua hanauia oia ma Sunderland, Makasuketa, ma ka la 12 o Maraki, 1812. Ma ka la 21 o Novemaba, 1836, mare oia ia Amosa Starr Cooke, ma Danbury. Konetikuta. Nolaila, ua hiki aku kona mau makahiki i ke 84 a oi. O kana mau keiki e ola nei i keia wa, oia o Charles M. Cqoke, A. Frank Cooke, Mrs. M. A. Turner ame Mrs. J. B. Atherton o Honolulu ame Mrs. S. T. Alexander o Oakland. He 22 na moopuna, a he 5 moopuna kuakahi. Ma ka Poakahi nei, i malamaia ai ke anaina pule hope maluua o kona kinowailua ma ka hale noho. Ua piha pu o loko o ka hale a me waho i na hoaloha. Na na Rev. Paieka ame Gulika i malama i ke anaina hoomana. Mamua ae o ka olelo hoalohaioha hope mai a Rev. Gulika mai, ua himeni ia ae la ke. mele "Rock of Ages" (lesu ka mohai No'u) e Miss Richards (ke alakai) Miss Clymer, W. W. Hall ame Walter Dillingham. Mahope iho o ka pau ana o ke anaina pule, ua maneleia aku la ko ka honua nei koena no ka ilina ma Kawaiahao, a o na poe hapai pahu, oia o S. M. Damon, W. O. Kamika, W. W. Hall, W. R. Kakela, F. J. Lowrey ame Dr. A. B. Lyons.