Ka Nupepa Kuokoa, Volume XXXV, Number 33, 14 August 1896 — MEA HUNA POHIHIHI [ARTICLE]

MEA HUNA POHIHIHI

MOKUNA VI. Ka Makuahine ame ke Kaikamahine. I ke kakahiaka ana ae o keleahi la, ua akoakoa ae la na makua elua me ka laua mau keiki ekolu no ka aina kakahiaka. Oiai na mea apau e noho an maluna o lea papa aina, ua ikea j ka maikai o na helehelena o na mea apau a koe nae o Alamira. He wahi helehelena ano e kona, oia hoi, ua oi a ku ke kuoo o kona helehelena i keia kakahiaka i ko na wa e ae apau, a.ua hoomaopopo aku ia ko lakou mau makua ia mea. Aole nohoi i liuliu iho i kana ai ana, ua ku ae la ia iluna a haa- J lele iho la i ka papalaina, a hoi. aku la i no kona rumi. I Ma ka wa hoi i pau ai ka paina kaka- ! hiaka, a oiai hoi e huli lioi aku ana o j Beatirisia me kana kane no ke keena i hookipa, ua ninau ae la ua Ui nei o i Hametona i leana kane: I "Heaha la hoi keia o ke kaikamahine j i ?itei kakahiaka? Aole anei be i ike ij ke .humu o Ona?'' j Ua hoole mai la hoi kana "kane, a no ia mea, olelo hou aku la oia: I "E haalele ana au ia oe, no aneane 1 hookahi hora okoa. E hele aku ana ' au e hui me ia maloko o kou rumi huli, palapala; nolaila, e hoi aku oe me na keiki no ke keena hookipa." j Ia wa i haalele iho ai ua Lede Bea- ' tirisia nei i kana kane a pii aku la , no ke keena huli palapala o kana kane,; kahi nohoi i loaa mai ai oia iaia ma ka po mamua iho. I kona hoea ana aku malaila, aole oia i halawai aku me kana kaikamahine; nolaila, ua noho iho la ia maluna o kekahi noho koki loihi, a kali iho la o ka hoea mai o kana kaikamahine. Aole nohoi i liuliu iho kana noho ana, aia hoi, komo mai la kana kaimahine. Ike aku la ia; ma na maka o ua hiapo nei ana, i na ouli ano e loa, me he mea la aia he manao nui iloko o kona houpo kahi i hoopunana ai. Pane aku la oia: "Maanei kaua e noho ai e kuu darling." Hele aku la ua kaikamahine nei a noho iho la ma, ka aoao o kona makuahine. "Ano, e kuu Alamira, e hai mai oe i kau mea i makemake ai ia'u e hoike mai. Ua maopopo loa ia'u, aole oe e makemake ana i na mea paani a kamalii, oiai, eia io no oe i keia wa i ka umikumamaono o kou mau makahiki," wahi a Beat.irisia i kamailio mai ni imua o Alamira. "E kuu mama aloha, he mea i oi aku i ko na mea paani a na keiki liilii ka'u i makemake ai e hoike aku imua ou, e kuu makuahine. Ae —ua hoomaopopo loa au, eia au ke hiamoe nei, i kela ame keia po maluna o ka moe palupalu a nani a kou lokomaikai, e kuu mama, i hoolako mai ai ia'u, a ua hoomanao mau hoi au, ua loaa mai ia'u, i kau hiapo nei keia makana hiwahiwa o ka nani, mamuli o kau jnau hooikaika pauoho ole ana, ma ka himeni ana imua o na piha kanaka he nui, i kela ame keia wa, a ua molia aku hoi oe i kou ikāika apau ma ia hana, i loaa ai ko makou aahu, ko makou ai ame ka oluolu o ko makou noho ana. Moe mau no au i ka po, a ike no au i kou uhane e ku ana o kekahi hale-keaka e nike ana i ka himeni. Ma ia wa i kulu iho ai ko'u mau waimaka nou, a i ko'u puoho ana ae, ike iho la au, ua pulu loa kuu uluna i ka waimaka. E kuu mama, o kuu aloha nou, ke haehae nei ia mau mea i ka uhane o kau kaikamahine." No keia mau huaolelo a Alamira i hoopuka aku ai imua o kona makuahine, aole hiki iaia ke au'a iho i na hiolo ana iho o kona mau waimaka ma kona mau papalina. Lalau aku ia ia i kana kaikamahine a puili aku la, me ka namunamu ana maluna iho ona. "My darling, e kuu aloha, kuu kaikamahine." Ia wa nohoi i pane hou aku ai o Alamira: "E kuu mama aloha, ke hoehaeha io' aku nei paha au ia oe? Aka, e mama, he mea pono ia'u ke hai aku ia oe i ka mea iloko o ko'u noonoo. No kekahi wa loihi i hila ae nei. i manao loa ai au e hoike jli;u ia oe i keia mea, aka, ua kaohiia mai au, mamuli o ko'u hoomaōpopo ana iho, e hoao ana au e hou aku i kou puuwai me ka maka o kekahi pahikaua oi-lua, ma ka wa kupono ole no'u e hana ai nela. B kuu mama, ua lawa loa nou e malama hookahi ai, i ko makou luaui

makuakane ame o'u mau kaikunane elua, me ka hoohui ole ana aku ia'u iloko o ia haawe hookahi au, e kuu mama, e auamo hookahi ai. Ua hopohopo nohoi au i ka hoike puka-a-maka maoli ana aku imua ou i ka iini maoli o ko'u uhane, o manao mai auanei oe, e ahewa aku ana au ia papa, no kona hookuu ana ia oe hookahi e hana me ka pauaho ole no makou nei apau. Aole loa a'u leo hoahewa no papa. Ua ike no au, he kanaka naauao ko makou makuakane, he oluolu a he make keiki nohoi, a nolaila, hookahi no a'u mea i nana aku ai maluna o kana mau hana, oia hoi, ua hana no oia, elike me kana i ilee ai he pono." , "E kuu aloha!" wahi aka Lede Bea- ; tirisia i ninau iho ai i kana kaikama- ; hine, Aole anei ou aloha ia'u? Aole no j anei hoi oe e paulele mai maluna o'u, ! elike me kou paulele ana maluna o ko ! oukou makuakane?" i "E mama! Ano au e hoike aku au : i ka mea huna iloko o kuu houpo. Ua ike au, a ua hoomaopopo hoi, ua hoonaauao akahele loa ia au, e papa, ame na kumukula wahine he lehulehu loa. Ua loaa ia'u ka ike ame ka makaukau i kupono ke aoia i na lede opio. Ua hiki loa ia'u ke kamailio ma ka olelo a papa, oia hoi, ka olelo Sepania elike nohoi me ka hiki ia'u ke kamailio i ka'u olelo ponoi iho. Ua mahaio pinepine mai nohoi oe, e mama, ia'u no ko'u akamai ma na mea kani ame ka himeni." "A pehea aku e kuu keiki?" wahi a ka Lede Beatirisia i ninau mai ai ia Alamira. "O ko'u hoonaauaoia ana, ma ka'u hoomaopopo iho, ua kupono loa ia no j kekalii kaikamahine alii. la'u e noho i nei, e hea mau ana,o Megi Fleck ia'u j ma ka inoa o Lede Alamira, imua poI noi hoi o ka'u kumuao wahine. E hooj paakiki mau ana oia i ke kahea ana j ia'u ma ia ano. Nau ponoi nohoi, e i maina, i ao mai ia'u i na mea e pili ana ' j i ka malama ana i ke kulana maemae, | ame ke kulana mohala maikai o na nooj noo ana i na wa apau i kela ame keia j wa. Nolaila, he elua mau welau maj nao maopopo i hoea mai iloko o ko'u noonoo ana; oia hōi, "Hēliooiliha paha j au nou, a i ole, ua manao paha oe ia'u . i hoa aialo pu au no kekahi lede opio ! waiwai nui. O ka mea nae a'u i hoo- , holo iho ai, aole au he hooilina nou, nokamea, ina au he hooilina nou, ina 1 aole oe e hoomau ma keia hana hi- ' meni au, e mama, e hele nei; nq ia ■ mea, o ko'u manaoio loa i keia wa, j mamuli o ke kulana hoonaauao i loaa ia'u, ua makemake oe.ia'u i hoa aialo pu no kekahi lede opio waiwai loa." Ua lilo keia mau olelo a Alamira i hoopuka aku ai imua o kona makuahine i mea e hoomahuahua loa ia aku ai ka pioloke iloko o ka houpo o ka Lede Beatirisia, a olelo mai la oia i ( kana kaikapiahine: ' "Aole }miBtopopo ia'u, kau mea, e Alamira, e kamailio mai nei. Heaha la ia mea he hoa aialo pu< no kekahi lede opio waiwai, ina aole ua hoa aialo la, he hooilina no kona maleuahine?" "Ma ko'u manao ana, e mama, o ka haina no kau ninau, oia keia, o ka mea i kapaia he hoa aialo no kekahi lede opio waiwai, oia no kana kumuao wahine ma ka home. E mama, he mea pono loa ia'u ke hoowaiwai i ka ike ame ka makaukau i loaa ia'u i keia wa. .0 keia hale, kuu home aloha alu i noho loihi loa ai. Ua hiki mai nei ka wa pono, e ka'ika'i ai au i kekahi kaumaha ei ka haawe au, e kuu mama, e auamo nei. Ina hiki ia oe ke hana i mea no'u e pono ai, a pela hoi me kuu mau pokii kaikunane, alaila, pehea hoi e hiki ole ai ia'u ke hana nou. O ka puana hope loa a'u e hoopuka aku nei imua ou, e kuu mama aloha, oia keia, ua hoōholo au i ko'u manao a ua paa hoi, a oia hoi, e lilo ana au i mea malama hale, a i ole ia, i kumukula. Ua noho mumule iho la ka Lede Beatirisia me ka pane leo ole, oiai nae na kulu waimaka eloelo e hiolo ana ma kona mau papalina. I keia wa i huahuai ae ai na manao hakoko iloko o ka umauma o ua Ui la o Hametona. E koi ana kekahl manao iaia, he mea pono oia ke hoike i ka mea oiaio maoli, imua o kana lei aloha, ma ka olelo ana aku, aole oia he wahine hana keaka, aka, oia nō kekahi o na wahine waiwai loa o Pelekane, e noho ana maluna o kona waiwai ponoi iho. A ma ia wa hookahi nohoi, e ki-ke kui-lua ana kekahi manao iloko ona, ma ka i ana, "Alla —alia—alia oe e hoike i ka mea huna i ka poli o Hooipo." He oiaio, ua lanakila ka- manao hope maluna o ka manao mua. Ua ike ua Lede Beatirisia nei, ua kuhihewa loa ia kana kaikamahine, a mamuli oia kuhihewa i komohs2 iloko ona i ulu mai ai na manao hoehaeha noonoo ana i hoike mai ai; aka, ma kahi o kona hoopau ana aku ia kuhihewa, ua hoomau aku la oia i ka ulu ana oia manao kuhihewa, ke kumu hoi nana e onou poo aku i ua kaikamahine la iloko o kekahi mau haawina hou o ka nohona hauoli i awili pu ia me ka ehaeha. Ua haalele iho la ua Lede Beatirisia nei i ka noho ana i noho ai me kana kaikamahine, ku ae la ia iluna, hele holoholo ae la ia maloko o ka rumi, oiai hoi, na kulu waimaka eloelo e hoopulu ana i kona mau papalina, a hala kekahi manawa huli mai la ia a hoi hou mai la ma kahi a kana kaikamahine e noho ana. (Aole 1 pau).