Ka Nupepa Kuokoa, Volume XXXV, Number 33, 14 August 1896 — MAKE PAUAHI MAINOINO. [ARTICLE]

MAKE PAUAHI MAINOINO.

E Mr. Lunahooponopono, Aloha oe:—Me ka walohia au e hoike aku nei ia oe ma keia leta no keia pauahi, penei ka moolelo i loaa i kou | mea kakau: Ma ka hora 3p. m. oka la Sabati, la 26 o keia laalama, ma Kainaliu, Kona-waena, Hawaii, ua pan i ke ahi kekahi o na kaikamahine a | Chas. Spencer me kana wahine, oiai no na kupuna ame kekahi poe e iho e noho ana ma ka lanai o ka hale, ua ike ia no ua kaikamahine nei i ka holohoio, aka, i ka hora i manao ohia, aia, ua lohe ia he leo uwe kapaiiii; ia manawa, ua holo aku la ke kupunawahine e nana, ua loaa aku la kana moopuna iloko o ka rumi moe e lalapa ia mai ana e ke ahi ka lole, e pii ana i na maka. Haehae ia ke koen» pio ai ke ahi. Ika nana ia ana oke kino. he ku i ka manaonao, oiai, ua papaa. Ua hiki mai ke kauka, pau ka pono, he mau hora mahope iho, ua make oia iloko 4o ka ehaeha. O ka iepopele ke kumu o keia poino. Elua paha makahiki a oi o keia pokii. KAIWIPUNAKEA. Kainaliu, Kona-waena. July 30, 18%.