Ka Nupepa Kuokoa, Volume XXXV, Number 35, 28 August 1896 — HAAWINA KULA SABATI. [ARTICLE]

HAAWINA KULA SABATI.

111. 9. Ko Abesaloraa auhee ana a make. 2 Sam. 18:9-17, 32, 33. 9 A halawal ae la o Abesaloma me na kauwa a Davida. A liolo ae la o Abesaloma maluna o ka hoki, a hele aku la ka hoki malalo o na lala pilikia 0 kekahi laau oka nui, a hihia ae la kona poo i ka laau, a kaulia oia mawaena o ka lani a o ka honua, a hele aku la ka hoki mai lalo aku ona. 10 Ike aku Ia kekahi kanaka ia mea, a hai aku la ia loaba, i aku la, Aia ua ike aku au ia Abesaloma e kau ana maloko o kekahi laau oka. 11 I mai la o loaba i ke kanaka nana 1 hai aku iaia, Aia hoi, ua ike aku oe; heaha hoi kau i pepehi ole ai iaia a haule ia i ka honua? alaila haawi aku no wau ia oe i na apana kala he umi a me kekahi kaei. 12 I aku la ua kanaka la ia loaba, Ina paha e kau ana ma kuu lima na apana kala he tausani, aole au e o aku i kuu lima e pepehi i ke keiki a ke alii: no ka mea, i ko makou lohe ana, ua kauoha mai ke alii ia oe, me Abisai a me Itai, i mai la, E malama oukou a pau i ke kanaka opiopio ia Abesaloma. 13 Ina ole pela, ina ua hana au ma ka wahahee e hihia ai ko'u ola: no ka mea, aohe mea i hunaia mai ke alii aku, a o oe no hoi kekahi e ku e ia'u. 14 Alaila, i aku la o loaba, Aole au e pono ke kali wale penei imua ou. Lalau aku la ia i na ihe ekolu ma kona lima, a hou aku la ia mau mea maloko 0 ka puu o Abesaloma, oi ola kela mawaena o ka laau oka. 15 Hoopuni mai la ka poe umi nana 1 lawe i ka loaba mea kaua, pepehi aku la ia Abesaloma, a make iho la ia. 16 Puhi aku la o loaba i ka pu, a hoi mai la na kanaka 'mai ke aluali.l ana aku i ka Iseraela: no ka mea, ua paa na kanaka ia loaba. 17 Lawe aku la lakou ia Abesalonia; a hoolei aku la iaia maloko o ka lua nui ma ka ululaau, a kau aku la lakou i ahu pohaku nui maluna iho ona: a holo aku la ka Iseraela a pau, o keln mea keia mea i kona halelewa. 32 I aku la ke alii ia Kusi, Ua malama ola ia anei ke kanaka opio o Abesaloma? I mai la o Kusi, O ka poe enemi o kuu haku o ke alii. a o ka poe a pau i ku e mai e hoino mai ia oe, e hoolikeia lakou me ua kanaka opio la. 33 Haaloulou nui iho la ke alii, a pii aku la i ke keena maluna o ka puka, a uwe iho la: a i kona hele ana, penef kana i olelo ai. Auwe! kuu keiki e Abesaloma e! e kuu keiki, kuu keiki e Abesaloma e! ina no wau i make nou. e Abesaloma kuu keiki, kuu keiki e! Pauku Gula. —Halelu I:6.JUa ike mai la o lehova i ka aoao o ka poe maikai: Aka hoi o ka aoao o ka poe hewa, e make ana no ia. Manao Nui. —E pono i ka poe opio ke ao ia mai e na poino i pili ai i ka hewa. a koho no lakou iho i ke alahele 0 ka imi pono. Olelo Hoakaka. —Aole hiki ia Davida ke kue i ka poe kipi oiai ua noho oia ma lerusalema. Ua makau aku oia i ka poe kumakaia malaila. Nolaila ua pee aku oia a hiki i Mahanaima, ke kulanakauhale alii o Iseboseta, ke keiki o Saulo, i ka wa mamua. He kulanakauhale ia i makaukau e pale aku 1 na puali kaua. Malaila ua hoakoa 0 Joaba i ka poe leoa i pili paa ai ia Davida. Ua naaupo loa o Abesaloma n.a ke kali ana ma lerusalema. X T a hooponopono oia i kona poe koa a alualu ia Davida. Ua hoouka o loaha i ke katia ma ka ululaau o Eparaima he mau mile 20 ka mamao aku mai Mahanaima. Ua kaiioha o Davida ia Tcaba ma e hana maikai aku i kana keiki. Ma keia haawina Baibala. olelo ia ko Abesaloma make ana me ko loaba malama ole ana i ko Davida kauoha. 9. Hoki —oia paha ko Davida holoholona, ponoi, 1 Nal. 1:33, 38. Hihia, aole i oleloia kona lauoho, aka hoi, pela ka olelo o losepuso, ka haku moolelo Tudaio. 10. Kau,—a maule no hoi, paha. 11. Pepehi,—haawi,—oiai ua maalea o loaba ma keia olelo hoowalewale. 12. Kauoha,—Mamuli o kona aloha nui keia kauoha o Davida. 12. Apana,—sekela, nona ke ano like me ka hapaha dala. 13. Oe. —oia no ka hana maa mau o ka poe hoowalewale: ua kumakaia no hoi lakou i ka poe a lakou i hoowalewale ai. 14. loaba. — ua inpina aku o loaha ia Abesaloma no kekahi hana hooma.inoino i ka wa mamua, 2 Sam. 14:30. He oiaio no hoi aole hiki ke paulele ia Abesaloma nona e hoomau ai i kona mau hana ino ina paha aole i pepehiia oia. 15. Hoopuni,—a moakaka loa ka make o Abesaloma. 16. Puhi, —he mea kani 1 hookani ia ma ke kaua, i loheia mamao aku a ike pono ia na hana ku i na ano okoa o na leo. 17. Pohaku,— mamuli o ka uku hoopai no ka mea pepehi makua, Kan. 21:18-21. 32. Kusi, —he kanaka paele keia, he kukini. 33. Moe.—nui kona kaumaha, oiai paha ua liuku kona malama ana i kona keiki. I. Hihia ma ke kumulaau, 9-13. Heaha ko Davida hana i kona wa i lohe ai i ko Abesaloma kipi ana? Owai na alihikaua ekolu o ko Davida mau puali kao, p. 12? Owai ke alihikaua o ka poe kipi, 2 Nal. 1-7:11? Heaha ko Davida kauoha e pili ana ia Abesaloma? Mahea ke kahua kaua. 2 Nal. 18:6? Owai ka poe i hooauheeia aku? Heaha ko Abesaloma ulia poino? Ua hihia anei oia ma kona lauoho, 2 Nal. 14:26? I ka wa a loaba i lohe ai i ko Abesaloma pilikia heaha kona olelo ao ? Oi aku anei ko ke aupuni pomaikai ma ka make o Abesaloma, ma kona ola ana paha? He kanaka maikai anei oia? Ua eo anei oia ma kekahi hana pono? 11. Pepehiia e loaba ma, 14-17. Heaha ko loaha olelo pane mumuku? Heaha kona hana? Ua hana anei oia me ka manao e imi pono ai i ka pomaikai nm no ka lehulehu? Ua hoomau anei oia i ka pepehi ana i ka poe kipi aole paha? Heaha ka hana i hana ia aku i ko Abesaloma heana? No keaha la ke kau ana i ka ahu pohaku maluna ona ? Heaha kekahi mau olelo ao i ka 1 poe opio ma keia olelo hoike o ko ! Davida keiki punahele? 111. Ko Davida uwe ana, 32, 33. Pehea i lohe ai o Davida i ka lanakilā o kona poe koa? Tīa hoihoi anei oia? Heaha kona ninau? Pehea i pili ai keiā ninau? Ua malama ola ia anei ke keiki

opio?—i ko kakou poe opio? Heaha kekahi mau mea ino e hoohihia ai in lakou ma keia pae aina i keia wa? Keaha na hana e palekana ai lakou? No leeaha la ko Dav;ida pii ana i kona keena maluna? Me kona uwe waimaka ana, heaha kona olelo kanikau? Heaha kekahi mau olelo ano like? Pukaana 32:32 a me Roma 9:3? Heaha kekahi mau kumu no ka nui o ko Davida kaumaha? Manao Pili. 1. Oo aku anei kekahi mea e kaumaha ai mamua o ka make ano o kou keiki aia ma kona hewa? 2. Pehea i like a like ole paha ko Davida uwe ana me ko ke Akua aloha aku i na kanaka hewa? 3. Ina ua hana ka hana imi pono, he hana punikoko anei ia? 4. Hiki anei ia kakou ke poino me he panai la no ko hai? 5. Hiki anei i ko ke Akua aloha ke pale aku i na poino o na mea hewa? 111. 10. Sept. 6.—Ko Davida iini i ka halepule. 1 Oihanaiii 22:6-16. 6 Alaila, hea aku la ia i kana keiki ia Solomona, a kauoha aku la iaia e hana i hale no lehova ke Akua o ka Iseraela. 7 Olelo aku la o Davida ia Solomona, E kuu keiki e, owau nei la, aia no iloko 0 kuu naau ka manao e hana i hale no ka inoa o lehova kuu Akua: 8 Aka, hiki mai la ka olelo a lehova io'u nei, i mai la, Ua hookahe oe i ke koko a nui loa, a ua kaua hoi oe i na kaua nui: mai hana oe i hale no kuu inoa, no ka mea, he nui loa ke koko au i hookahi ai ma ka honua imua o ko'u mau maka. 9 Aia hoi, e hanau ke keikikane nau, he kanaka hoomaha no ia; a e hoomaha auanei au iaia mai kona poe enemi a pau e noho ana a puni: no ka mea, o Solomona kona inoa, a e haawi auanei au i ka maluhia a me ka maha no ka Iseraela i kona mau la. 10 Nana no e hana ka hale no ko'u inoa» a e lilo auanei kona makua, a e hookupaa no wau i ka nohoalii o kona aupuni maluna o ka Iseraela, a mau loa aku. 11 Ano hoi, e kuu keiki, me oe pu o lehova: a e pomaikai auanei oe; a e hana oe i ka hale o lehova o kou Akua, e like me kana i olelo mai ai nou. 12 E haawi io mai o lehova nou i ke akamai a me ka naauao, a e kauoha mai ia oe no ka Iseraela, i malama aku ai oe i ke kanawai o leliova o kou Akua. 13 Alaila oe e pomaikai, ina oe e hoomanao e hooko i na kanawai a me na kauoha a lehova i haawi mai ai ia Mose no ka lseraela: e hooikaika oe, a e koa hoi; mai makau oe, aole lioi e pauaho. 14 Ano hoi, i kuu ilihune ana, ua hooniakaukau iho no wau no ka hale o lehova i hookahi haneri tausani talena | gula, a me ka tausani tausani talena kala: a 0 ke keleawe a me ka hao, | aole i kaupaonaia; no ka mea, he nui loa: ua hoomakaukau hoi au i ka laau a me na pohaku, a nau no e hooma--1 huahua ae ilaila. 15 He nui no hoi na paahana ia oe, i na mea kalai a me na mea kapili pohaku a me ka laau, a me na kanaka | kamai he nui i kahana i nahanaa pau. 16 0 ke gula a me ke kala, o ke I keleawe a me ka hao, aole i heluia. ! E ku ae oe, a e hana aku, a me oe pu ! no o lehova. | Pauku Gula. Halelu 84:4. —Pomaikai ka poe e noho la ma kou hale: Ua I mau loa ko lakou halelu ana ia oe. Manao Nui. E pono ke kokua pu i ke kūkulu ana i ko lesu Ekaleaia. Olelo Hoakaka.—Pau ko Abesaloma kipi ana. ua hōi hou aku o Davida i lerusalema. No na makahiki ehiku ua hooponopono hou a hoomalu hou i ! kona aupimi. Aka nae he elemakule | oia a nawaliwali. Ua ake nui.kana' j keiki Adoniia, a hookiekie oia iaia iho e lilo i alii. Aka nae ua liooikaika | o Natana ke kaula ia Davida e hooko I koke ai i kana olelo niua, a hoolilo iho [ la oia ia Solomona i alii no ka Iseraela. Ua pau pono ko Davida mau liana, koe nae me ke kiikulu ana i wahi halepule no lehova. i 6. Solomona,—o ke ano o keia inoa oia no maluhia piha, no ka mea ua hanauia oia i ka wa a Davida i lanakila ai maluna o kona poe enemi a pau loa. 7. Manao,—i oleloia 2 Sam. 7:2. Ua manao nui o Davida i ka hooholo ana i na hana imi pono, haipule maoli, hoomana oiaio, oia no ka hana e hoomau loa ai a lioonui aku i ke kuonoono o na kamaaina. 8. Koko,—oiai hoi ! ua pono ko Davida kaua ana. Aka j nae aole ku ke kaua i na liana haipule. Ua hooikaikaia o Davida no kekahi mau hana maikai aole nae no na hana ku i ka maluhia uhane. 9. Hoomaha, "maluhia piha," e like me ka inoa Feriderika, Rich in peaee. 10. Hookupaa,—ina paha e hooko ana o Solomona i na kanawai o lehova, p. 13. 11. Pomaikai, —mamuli o ko lesu olelo hooikaika no hoi, Mat. 6:33. 12. Naauao, —mamuli o ko Solomona noi no hoi, 1 Nalii 3:9. 13. Koa, —ma ka lanakila ana maluna o na mea kue, aole paha maluna o ka poe kaua. 14. Talena, —3,000 mau sekela, ka mea ana maa mau i ke kaumaha. No ka taiena gula ke kumukuai $28,800; no ka talena kala, $1,920. Aka nae aole paha ua like ka waiwai o ka talena me ke kaumaha, aka ua like a like ke ano waiwai o ka talena gula me ka talena kala, e like me ka pauna seterelina o ke aupuni Beretania. O ka nui o na waiwai mamuli o ka poka kaupaona ma keia mau helu, oia no ka huina pau, $4,800,000,000. Ua kuhihewa paha na helu, a i ole paha aole i ikeia ke ano waiwai maoli o na moni dala ludaio. 15. Paahana, —he poe kauwa kuapaa paha, ka poe Kanaanita i hooliloia i poe paahana. 16. Heluia, —ma na waihona waiwai, ua oloalu, kahi i waiho ai na waiwai lewa 0 na 'lii. I. Ko Davida manao e kukulu ai 1 ka luakini, 6-10. Heaha kekahi iini nui o Davida? Owai kona hope? Heaha ko lehova olelo ao aku ia Davida p. 8? Heaha kona olelo hooikaika p. 9? Heaha kona olelo paa mua, p. 10? Heaha na kumu nui no ko Davida iini nui e kukulu ai i ka halepule no lehova ? Heaha ke kumu no ko lehova papa loa ana iaia? Heaha ke ano noho o ke aupuni kupono no ke kukulu ana i ka luakini nani? Ina paha aole i hooholoia ko lakou manao maikai, e mahalo ana ke A.kua i ka manao? E hiki anei i hookahi ke hana i na hana a pau loa o kela a me keia ano? Ina paha hookahi hana kupono nou, heaha ka manao maikai e pili ana i ua hana la? 11. Ko Davida olelo hooikaika ia Solomona, 11-13. Heaha ko Davida

olelo hooikaika i kana keiki, p. 11? Ehia na maliele o keia olelo? Heaha ka mua? Ina paha aole o Solomona lie mea liaipule, ua kupono anei kona kukulu ana i ka halepule? Ua )'.M unei ka pomaikai i kri hana pono . Ua loaa anei i na kanaka a pau ioa ke kuleana ma ka hooholo ana i na manao o ke Akua? TJa makemake anei ke Akua i ka naauao ma ko kakou hooholo ana i kona hana? Heaha na kumu no ka malama ana i na kanawai o ke Akua? Kupono anei i ke Akua ke hoopomaikai i ka poe hookuli? 111. Ko Davida hoolako ana i na waiwai no ke kukulu ana i ka luakini, 14-16. Pehea i ulakolako ai o Davida? Ua kupono anei ke lawelawe i na waiwai o ka poe aia no ka hooholo ana i ka hana a ka Haku? Ehia na dala i houluuluia? Ehia mau paona o ka keleawe? Heaha ke ano o na manao i hoikeia ma keia hoomakaukau ana? Owai ka poe lawelawe hana no Solomona? Pehea i lilo ai o Davida i kumu hoohalike no kakou? Ua hiki anei ia Davida ke hooholo i kekahi hana e ae oi aku ka maikai mamua o ke kukulu ana i ka luakini nani loa? Heaha ka hana oi aku ka maikai, ke kokua ana i ka poe nele, a i ole paha ke kukulu ana i na halepule? E loaa ana anei ia kakou kekahi pomaikai nui ma ka hooholo ana i ka hana a ka Haku? E pono anei ia kakou ke hoonui ae i ka noho oiuoiu ana o ka hanauna i hala? E pono anei i na kanaka a pau loa, na keiki kekahi, ke kokua pu ma ka hoolaha ana i ke aupuni o lesu Kristo. Manao Pili.—l.'Ua ike anei oe i kou kuleana ponoi ma ka hooholo ana i ka hana a ke Akua? 2. E hiki anei i ke Akua ke loaa he mau kokua mai ka poe kue mai ? 3. Ua pono anei ia kakou ke hoole i kekahi liana ku ia kakou, no ka mea he hana ia e hoolako ai i kekahi paahana e ae? 5. Heaha na kulana kupono no ke kukulu ana i ko lesu luakini uhane? 5. Ua haawi manawalea anei ka poe hoahanau e like me ka hiki ia lakou? Loohia iho ia o Mrs. Rhodie Noah, o keia wahi, i ka po, īne ka umii, a i kekahi la ae o ka moku-hi aku la no ia. Inu oia i akahi hapalua oka omole iaau kilika-eleele, aole nae loaa iaia ka oluolu. Alaila, hoouna mai la oia ia'u, ina paha he hiki ia'u ke kokua aku iaia. Hoouna aku la au iaia i omole o ka Kamalena Laau Hoola Nahu Kolera ame ka Hi, a i kona inu mua ana, o ka loaa na ia o ka oluolu. 0 kekahi no hoi o ko makou poe hoaloha, ua loohia oia i ka mai no hookahi pule, a ua hoao nohoi i nn laau like ole no ka hi, aole he ola, oi loa aku la ke oolea. Hoouna aku la no au i keia laau iaia. He eha no ana inu ana, o ke ola no ia. Olelo oia, ua loaa iaia ke ola mati!tili o keia laau kupanaha. Mrs. Mary Siblev, Sidney, Mieh. E kuaiia ana e na poe kuai laau lapaau apau. OBF-NSON SMITH & 00., na Agena no ko Hawaii Pae Aina.