Ka Nupepa Kuokoa, Volume XXXV, Number 36, 4 September 1896 — KE KANIKELA FARANI HOU. [ARTICLE+ILLUSTRATION]

KE KANIKELA FARANI HOU.

Ma ke ku ana mai o ka mokuahi Monowai mai Kapalakiko mai, ma ka po Poaha aku nei, i-hoea mai ai 110 Honolulu nei o M. Louis VossiBon, ke Kanikela Farani hou ma ke Aupuni Hepuhalika o Hawaii nei. Ua noho Kanikela keia kanaka ina Piledelepla. Amerika Huiia.

Ua hanauia keia kanaka ma Faraui ma ka makahiki 1847. O kona makuakane he Aliikoa ia noloko o ka puali-< koa pu-kaa o Farani. I ka 17 o kona mau inakahiki komo oia i ke kula koa ma Sana Cyr, elua makahiki inahope mai, ua puka mai oia mailoko mai oia kuia, ma ke kulana aliikoa. Ma ke kaua ana mawaena o Farani ame Perusia, ua lilo oia 1 mea kaulana loa mawaena o kona pualikoa, oia ka Regimana Elua o na Koa Papale Hulu Kila o ka Puali Imepei'iala o Farani. Ma ke kahua o Gravelotte, ua hoehaia oia me ke kukonukonu loa, a ua paa pio' oia, ma ke ano he pio no ke kahua kaua, ma ka halepaahao Geremania, ina Muenster, Westphalia. Ma ka makahiki >871, ua hoounaia aku oia i Alegeria. Aferika. me kekalii pualikoa "hulumanu" (zouaves) a hoopio i kekahi haunaele kuloko i ulu ae maioko oia aina. Ma ka makahiki 1874, haalele oia i ka oihana koa o Faraui, a nolaila ua hoounaia oia e ke Aupuni o Farani i Mandalay, ke kulanakauhale poo o Burema, a inalaila oia i noho ai he eha (4) makahiki. Ma ka makahikl 1880 ; kohoia oia i Kanikela no Khartoum, ke kulanakauhale poo o Aigupita-Soudana. Ma ka makahiki 1882, huli lioi mai oia no Farani, a loaa iaia he inedala hoolianphano mai ka Hui Kalepa Hoikehonua aku. Ma ka malama o Augate, 1883, lilo hou no oia i Kanikela ma Rans;oon, ke awa kumoku kaulana loa o Huiema. Ma ka makahiki 1885, kohoia oia i Kanikela ma Piledelepia, a mai ia wahi oia i nee mai ai no Hawaii nei. He kanaka kakau buke naauao keia. Mawaena o na buke kaulaoa loa ana i kakau ai, oia ka "La Celebratiou du Centenaire de la Censtitution Americaine a Phiiadeiphie," (Ka Hoomanaoia ana o ka Haneii Makahiki o ke Kumukanawai o Amerika ma Piledelepia.) Ma ka Poalua nei, ua hele aku la oia (M. Louis Vossion) e ike piha i ke Kuhina o ko na Aina E, H. E. Cooper ma ka Hale Oihana Hooko, a waiho aku la imua ona i kona mau palapala hookohu no ke Aupuni Repubalika o Hawaii, aole no kahi Aupuni e ae. Ua ukaliia aku oia e M. Vizzavona.

(Kii o Kanikela Farani M. Vossion.>