Ka Nupepa Kuokoa, Volume XXXV, Number 40, 2 October 1896 — KA IKE AUPUNI REPUBALIKA A NA LII KIEKIE O KA MOKUKAUA FARANI DUGUAY TROUIN. [ARTICLE]

KA IKE AUPUNI REPUBALIKA A NA LII KIEKIE O KA MOKUKAUA FARANI DUGUAY TROUIN.

Ma ka auina la Poalua aku nei, hora 2, ua hoolaunaia aku la e Louis Vossion ke Komisina Farani, ame Mons. Vizzavona, ke Kanikela Farani, imua o ke Kuhina o ko na Aina E, o Kapena Bayle o ka mokukaua Farani Duguay Trouin ame Albert Huguet, ka Lutanela. Ma ke keena o ke Kuhina o ko na Aina E. i malamia ai keia anaina ike pili Aupuni. Na Mekia Potter i hoolauna loa aku i ka huakai a na 'lii moku Farani. Ma keia ike ana, ua hoike aku ke Kapena o ka mokukaua imua o ke Kuhina o na Aina E, ua kauoha maoli ia mai oia e ke Aupuni o Farani e kipa mai ma keia awa a haawi mai i na kipu aloha ana i ka hae o ka Repubalika o Hawaii, a oia kana i hooko ai ma kona wa i ku mai ai iloko nei o ke awa. Ua pahola pu aku hoi oia i kana mau hoomaikai ana no ke ano i lawelaweia ai na hana pili Aupuni ano nui loa malalo o ka Repubalika o Hawaii. He mea hoi na ka Repubalika o Farani i mahalo loa ai. ka ike ana aole hookahi o kona mau makaainana i komo iloko o ke kaua kipl o 1595, a iloko o ia mau la aole i akeakea ia na misionari Farani ma ka laweiawe ana i ka lakou mau hana pili hoomana.