Ka Nupepa Kuokoa, Volume XXXV, Number 51, 18 December 1896 — KA MAKE ANA O REV. J. KANOA. [ARTICLE]

KA MAKE ANA O REV. J. KANOA.

Rev. R. Maka, Aloha oe ame kou ohana: —Ke kakau nei au i keia mau wahi mamala olelo nau. me ke kaumaha. ame ka haalulu. ame ka weliweli, he ukana kaumaha ka'u e hoike aku nei ia oe. Ua hala, ua hala i ke ala hoi ole mai o Papa Kanoa, ua make. ua haalele mai ia maua me ke kamalei a maua me Kawika. a o maua wale no keia e noho ae nei i kauhale o makou. Mehameha ka noho ana o ka aina makua ole, aole hoi e like me ko kakou noho ana. ka hoona aku he launa aku, launa mai. He ano e ka noho ana o keia wa, he ano haole ka noho ana o keia wa. Ua make o Papa J. W. Kanoa no ka ma'i he puulele iloko o ka umauma, hookahi pule o ka loaa ana i kela mai. Aole i make ma Butaritari, ua make oia ma Makin, a hoilioi make ia mai. mai laila mai. a o ke kino kupapau ka'u i ike iho me ke kamalei a maua. Ke noho u nei au me ke kaumaha ame ke aloha no kuu kane. kuu makua o keia wahi i ikeia ai. Ua hala, ua hoi i ka opu ana ole o ka honua ka makua o ka lehulehu a pau. E hai aku i na kamalei a maua ia Iopi Kanoa. Keoki Kanoa, ua hala ka Papa ka mea aloha. Eia la olua ihea kahi i auwana ai. Aloha wale! Owau no o MARAEA KANOA. Butaritari. G. I., Iulai 18, 1896.