Ka Nupepa Kuokoa, Volume XXXVI, Number 29, 16 July 1897 — NA MOHO HOLO BALOTA. [ARTICLE]

NA MOHO HOLO BALOTA.

Nupepa Kuokoa,— • Aloha oe:—Ua lohe wale ia mai na moho holo balota malalo iho nei, oia hoi keia: Mai Kohala Makani Apaapaa mai oia no o v Mr. Kalua Kahookano; North Kona, Mr. Scott; South Kona, G. P. Kamauoha; Kau kua makani, D. W. K. Kaaeamoku, Wm. Thompson, Aiia (Pineki), J. H. S. Martin, kaeaea no o ka Hale Ahaolelo o na kau i hala ae nei; W. J. Yates, hope makai nui e noho nei. Ua lohe wale ia e waiho aku ana oia i kona hookohu hope makai mii & e holo balota ana. Ua kupono no, no ka mea, he keiki no Kon& kai opua I ka lai, ka mea nana e rula na ale o ka moana ame na kanawai o ka aina. Imua e na pokii a inu i ka wai awaawa, wahi a Kamehameha. He mea maopopo aia ka noho hanohano mawaena o G. P. Kamauoha, J. H. S. Martin ame W. J. Yates. Me ke aloha. MAKAAINANA REPUBLIC. Hookena, S. Kona, July 12th, 1897.