Ka Nupepa Kuokoa, Volume XXXVI, Number 42, 15 October 1897 — Page 3
| This text was transcribed by: | L. A. Marchildon |
| This work is dedicated to: | Any Canadians calling Hawaii home...I'm so envious !! |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
Mai a Mahope aku o Iulai 5, 1895
W@ o Ewa, kaa @ la ap@, k@ ko Sabati
Hiki i wala@, @a la apau.
Hiki W@ o Ewa, @a @ apau.
Hiki Wala@, Poaono ino Sabati @ale @
Hiki i Wa@, na la apau.
A M A.M. P M. P M. P M.
Haalele ia@Manana 17:@ 9:55 2:2@ 2;25 @:@3
Haalele Wili o Ewa @:@ 16:@ @:4@ 2:@9 6:14
Hiki i Waianae -- 10:@4 -- @:24 6:49
Waian@ na la a pau.
W@ o Ewa Kaa Uka@a Na la a pa@ Koo Sabati
Waianao na la a pau.
Wili o Ewa @a la a pau.
Iki i Waianao na Poaono ino Sabati
A M A.M. P M. P M. P M.
Haalele ia Waianae 6:14 -- 1;32 -- 4:16
Haalele Wili o Ewa 7:1@ 9:10 2:07 3:51 4:51
Haale@e la Manana 7:@0 9:48 2:@ 4:22 @:22
Hiki @ onolulu 8:23 10:30 3:11 4:55 5:55
E lawe ana na kaa ahi ha@ ukana i na kaa ohua o ka papa ekahi.
G. P. DENISON,
Luna.
F. C. SMITH,
Luna Kuai Palapala Holo
NU HOU HAWAII
E holo hou aku ana o Lunakanawai Widemann no Kapalakiko i keia pule ae.
Ma ka holo ana'ku o ka mokuahi "Belgic," ma ka hora 5 o ke ahiahi Poalua nei, i huli hoi aku ai o Senatoa Morgan ame kana mau kaikamahine no Amerika Huiia.
Ma ka Poalua nei i haalele mai ai ke Kuhina Noho o Hawaii nei ma Wasinetona, o@a o Mr. F. M. Hatch, @a Hawaii nei, a hoi aku la no Wasinetona maluna o ka mokuahi "Belgic."
OLELO HOALOHALOHA.
Walohia wale:
Ka Nupepa Kuokoa e,--
Mamuli o ka lono i holo ae a puni o Manokalanipo, ua o-uia iho la ke ola makamae o ko makou hoahanau a hoa paahana pu o ko Iesu Kristo aupuni ma ke ao nei, he makamaka hoi i aloha nui ia o Dr. J. K. Smith, e ka puuwai eleele a ka lokoino, ma ka po o ka la 12 o Sepatemaba, M. H. 1897.
Hooholoia. 1.—Ke komo pu aku nei makou, ka Ekalesia o Waloll ma Hanalei, Kauai, me oukou, kona mau hoahanau ma ke kino o Hon. W. O. Smith ame Miss Juliet Smith, ka lima akau ikaika o na hana ma ko makou kihapai uhane.
Hooholoia. 2.—Ke komo pu aku nei makou, ke Kula Sabati o Waioli, ma Hanalei, Kauai, e auamo pu i na ehaeha me ka walohia no ka nalohia ana aku o ko makou kokua a makua hoi ma na hana o ke kihapai uhane.
Hooholoia. 3.—Ke komo pu aku nei ka Ahahui Opiopio Imi Pono Karistiano o Waioli, ma Hanalei, Kauai, e halihali pu i ka ukana luuluu a ke aloha me oukou no ka hala ana o ka puu kalahala o na popilikia ma ke kino, ka hale o ka uhane.
Hooholoia. 4.—Ke pule nui nei makou i ka Mea Hemolele Loa e hoomaalili mai i ko oukou mau naau kaumaha me ka minamina nui i ka kakou mea i aloha ai.
Me ke aloha hoahanau.
J. Kakina,
J. S. Kaeha,
D. Puhi,
S. Kanewanui,
C. K. Haae,
J. W. Lota,
John Kailianu,
S. W. Kauanoe,
Miss Charothe Kakina,
Miss Eliza W. Werner,
Mrs. Mary K. Ka@ewe,
Mrs. R. Kanewanui,
Mrs. Lucy K. Kaili,
Miss Julia K. Doiron.
HALAWAI EUANELIO.
E noho ana ka Aha Lunakahiko o na Mokupuni o Maui ma ka luakini o Kaahumanu. Wailuku, ma ka Poakolu mua o Novemaba, M. H. 1897, hora 10 kakahiaka. He mea pono loa e hele nui mai na hoa o ka Aha. E hoomakaukau hoi na hoa na lakou na kumumanao i hoolaha mua ia ma ka Nupepa Kuokoa. Mai hookananuha na hoa a hoolemu nui aku. E hooko mai. O. NAWAHINE.
"KEI KA HAULE ANA O KE KANAKA IKAIKA."
E ke Kuokoa e,--
Aloha mai oe:
He nui ka minamina i ka haule ana o George P. Kamauoha ma keia Kau Koho Balota, oiai aole i upula e haule pahu ana oia, oiai ua kui ke kaulana o kona ikaika i ka lehelehe o ka lehulehu, mai na Kohala, na Kona a hiki aku i Kau.
Aka, he hookahi no kumu nui oia haule, oia no ke kakoo nui ana aku o na poe koho ia Wm. C. Achi, olai na puuwai o ka hapanui e ake ana e lilo like ia laua ma na noho o ka Apana Koho Elua o ka Mokupuni o Hawaii.
A me he mea la, pela paha o Kailua, Kona Waena ame Hookena i hana hamabaga ai i ka imi loaa a lakou. E hamama la ke one o Kalakekua no ka hookipa ana mai i na moku Tahiti a lu mai i na pomaikai he nui mai waho mai, a pela aku me na pomaikai kuloko o ua lai la o Ehu e puka aku ai no na makeke o waho. Auwe! Minamina ino!!
Ma ka nana ana, ua maikai loa ke koho ana o na apana o Kohala ame Kau, a ma na Kona ea, ua hoouna loa iluna o ka Uluiki o na puu pahiahia o Kohala Nui. Kohala Iki, Kohala ua lei Kokoula.
Nolaila, e na Apana Koho mai Kohala a Kau, ke hoakaka nei au i keia i ole e komo na manao kuhihewa ia oukou, a i ka lehulehu no mai Hawaii a Niihau, me keia manao: "Ea, ua hoowahawahala ka paha o Kamauoha e kela mau apana koho o Kohala, Kona ame Ka'u i puka ole mai nei?"
Ke pane nei au no ia manao, a me he mea la, pela no na poe koho apau o ua mau apana la: "Aole i hoowahawahaia o George P. Kamauoha. Aka, eia keia manao iloko o na poe koho: Aohe olelo ana no Kamauoha, he ikaika kona inoa ame ke ohohia nui ia mai Kohala a hiki aku i Kau, a aole no oia e haule ana." Nolaila, ua aui ae la hoi na hoaloha a haawi ae la i na ikaika apau iluna o kahi ulu iki, nana e kaa aku ke kahua loa, oiai na puuwai e kapalili mau ana me ka minamina nui ina nohoi e puka ole ua wahi iki ulu la.
Nolaila, he minamina like no hoi la. Ina no hoi o Kamauoha wale no ke puka a haule hoi ka Niheu kolohe—Minamina no!
Nolaila, ua haule iho la kakou iloko o ke kuhihewa nui. "Nani ka haule ana o ke kanaka ikaika!"
E ka Hon. George Panila Kamauoha e: Mai manao iho ua hewa na hoaloha, oiai e huki like ana no kakou me na manao ohohia hookahi, Nou ame Dear Charley.
Dear Charley: E hooi aku a papahi hewahewa na pomaikai he nui maluna o na apana nana oe i hoolei aku la me ka inoa hanohano ka Hon. William Charles Achi, a'u hoi e lia nei e paa pu aku ko'u wahi inoa ma ia buke hanohano o ke Aupuni.
Aka, aole paha e ko ia lia ana a welo e ae keia hae hoku a mohala ae na eheu o ka Aeto ma na tuahiwi o Hawaii.
Aloha nui dear Joe ame na keiki o ka papa pai.
MEA KOHO BALOTA.
North Kohala, Hawaii, Oct. 5, 1897.
WALOHIA WALE.
E Mr. Lunahooponopono,==
Me ka mahalo:
E oluolu mai ia'u i kahi kaawale o kau nupepa kaulana, e hookomo iho i kela mau mapuna olelo maluna, i ike mai ai na kini ame na makamaka o kuu lei aloha.
Ma ka po Poakahi, Sept. 13, hora 11:45 p. m., ma Puuhahi, Kalaupapa, ua oluolu i ke Akua Mana Loa ka lawe ana aku i ka uhane o kuu mea aloha Mrs. Eliza Hakuaikawai Kahula Kalua.
He aneane elua makahiki o ka hoomailo ana o ka ma'i hokii iaia, a ua nui na hoao lawelawe lapaau ana nona aole nae i lanakila a hala wale aku la oia ma ka aoao mau o ka honua. Ae! Aloha ino!!
Ua hanauia oia ma Puako, Waimea, S. Kohala, Hawaii, na Mr. B. Kauwewahine ame Mrs. Kahele Kauwewahine i ka la 8 o Aperila, M. H. 1864, a nolaila, o ka nui o kona mau la ma keia ao, he 33 makahiki, 5 malama me 5 la keu, a kuu aku la kona luhi. "Aole o kakou kulanakauhale e mau ana maanei, ke imi aku nei kakou ia mahope aku." A pela hoi: "No ka lepo mai oe a e hoi hou aku oe i ka lepo." Auwe hoi e! Luuluu wale!!
A ma ka la 8 o Aperila, M. H. 1884, ua mareia iho la maua, a na maua mai hoi he eono mau keiki, he ekolu e ola nei, a he ekolu i make mua mamua ona. Auwe! Manaonao wale!! A o ka nui o na la o maua i auamo pu ai i na ehaeha o keia ola ana, he 13 makahiki, 5 malama ame 5 la.
He makuahine haahaa, akahai, oluolu a heahea pu hoi, a he nui kona mau hoaloha.
Ua hoonaauaoia no oia ma kona one hanau i noho kumu ia e kona kaikunane hanau mua S. H. Mahuka, Esq. e noho lunakanawai mai no, a ua noho pu i kahi manawa me ka makua kahu mele kaulana o Hawaii, ka mea i kapa @a "Aole e pau ke kani ana o ka leo oia manu ma na kuahiwi o Kaala," oia o Rev. L. Lyons, a nona mai ka inoa e o 'la, Elizabeth.
Ua noho kumukula no Puako. Waimea, he ekolu makahiki, a he hoahanau no ia Ekalesia, a he Peresidena no ka Ahahui Opiopio ame ka Ahahui Hoole Waiona oia Apana.
A mamuli hoi o ko'u loaa ana i ka ma'i hookaawale ohana (leper), a lawe la mai no keia aina, ua hoomanawanui oia e noi i ka oluolu o ka Papa O@a, no ka loaa mai o ka palapala ae e lilo i kokua no'u, ua ko ia iini ona, o@a hoi, ma ka la 12 o Ianuari, M. H. 1895, ua loaa mai la kona ae ia e lilo i kokua no'u, a o ka nui o ko maua mau la o ka hoomanawanui ana i na ehaeha o kela aina, he elua makahiki, ewalu malama ame hookahi la, a waiho iho la kona kino ma ka lepo o keia aina malihini. Walohia wale!
E Haleola e! Ua nalo, ua ko hiialo i ke ala hoi ole mai!! Minamina wale.
E na ulu-nui o Lalamilo ame Keakahiwa e! Ua pau ko Elizabeth Hakuaikawai holoholo ana malalo o ko olua malumalu.
E ka nalu hai-muku o Kapuailima, i ke Kaihawanawana la e! Aole e kipehi hou ana ko olua huna-kai i ka ili o Hakuaikawai.
E ka makani O-lau-niu e! ame ka Eka pa kolonahe hoi!! Aole olua e ike hou ana iaia.
A! E ka Ua-kipuupuu o Waimea, ame ka Ua-naulu loku i ke pili o Paiea! Aole olua e hoopulu hou i na papalina aloha o Hakuaikawai. A nona hoi au e hooheno ae nei me ka walohia, no kuu lei pooina ole"
1.
E ka Ua-kipuupuu,
Me ka Ua-naulu la i kanahele,
Ua pau ko lua kipehi ana,
I ka ili a o Hakuaikawai.
Cho.—Minamina wale hoi,
Kuu wehi, kuu lei poina ole;
Minamina wale, hoi,
Kuu wehi, kuu lei poina ole.
2.
E ka makani O-lau-niu,
Me ka Eka pa kolonahe,
Hamau ko olua leo nahenahe,
A o Kahuaikawai la ua hala.
3.
E ke kai nehe o Kawaihae,
Kaihawanawana hone i ka lai,
A eia ko milimili,
A o Hakuaikawai la ua hala.
Owau no me ka luuluu mau,
WM. KALIKOKALANI KALUA.
Hu'ilani Home, Kalaupapa, Molokai, Sept. 20, 1897.
HE PULE NIU.
Eia kou niu la, e ke Akua!
Niu hiwa, niu lelo,
Niu haohao, niu o Waikiki.
Nohea ka niu?
No Wauwau ka niu,
No Upolu ka niu.
No Kukulu o Kahiki ka niu.
Heaha ko loko?
He wai ko loko,
He momona ko loko,
He ono ko loko,
He kena ko loko,
He maona ko loko.
Kupu ka niu,
Kupu ke kanaka,
Pua ka niu,
Pua ka wahine ui,
Hua ka niu.,
Hua na keiki,
Na pulapula o ka aina.
Eia kou niu la, e ke Akua!
He niu aha keia?
He niu aloha,
He niu inu,
He niu ai,
He niu kena,
He niu maona.
Eia kou niu la, e ke Akua!
He niu aha keia?
He aha-niu hoohui-aupuni,
He aha-niu hoohui-aina,
Hoohui aku, hoohui mai.
'E iho ana o luna,
E pii ana o lalo,
E hui ana na aina,
E ku ana na paia.@
Pehea ka aha a kaua?
Ua maikai ka aha,
Aha-niu, aha-aloha,
Aha-hoohui-aupuni,
Aha-hoohui-aina,
Ua mau ka pono o ka niu,
Ua mau ka ea o ka aina.
Amama! Ua Noa! N. B. E.
Honolulu, Sept. 17, 1897.
OLA HIKIWAWE KE KUNU HO.
Mountain Glen, Ark.,--E hoehaehaia ana ka maua keiki me ka ma'i kunu ho omole Laau Kunu a Kamalena. Ua loaa ke ola hikiwawe. F. A. Thornton. E kuaiia ana keia laau kaulana e na poe kuai laau lapaau apau. O Benson, Smith & Co. na Agena o ko Hawaii Pae Aina.
Aole oukou e na makamaka Hawaii e poina i ka hele ana ae i ka halekuai lako pa ame na lakou ipukukui o kela ame keia ano, e noho ona ia nei e Dimond & Paris. Aia keia hale ma Alanui Moi, e kokoke ana i ke Alanui Betela.
Hoolaha Mana Hook@okoolo.
AHA KAAPUNI O KA APANA HOOkolokolo Elua o Ko Hawaii Pae Aina. Ma ka Hooponopono Waiwai. Ma ka Hana o ka Waiwi o Holoka o Pauwela. Makawao, Maui. Imua o Hon. J. W. Kalua.
Ma ka heluheluia ana ame ka waihola ana mai o ke Noi a Wahia (k) o Pauwela, Apana o Makawao. Maui, maloko o laila i nonoi mai ai oia, e hoopukaia ona kauoha hope e kukala ana i na hooilina o ka waiwai o Holoka (k) o Pauwela. Maui, i make.
Ua kauohaia, o ka POAHA, la 16 o Novemaba, A. D. 1897, ma ka hora 10 A. M., imua o ka Lunakanawai o ua Aha la, ma ke Keena Hookolokolo o na Aha la ma Wailuku, Mokupuni o Maui, oia ka manawa ame kahi e hooloheia ai ua Noi la, a ma ia wa, a ma ia wahi hoi e hele mai ai na poe i kuleana ma ia hana, a hoike mai i kumu, ina he kumu ka lakou, nokeaha la e ae ole la ai ia noi, a waiho mai hoi i hoike no ka poe i kuleana i @a waiwai la.
Hanaia ma Wailuku, i keia la 4 o Okatoba, 1897.
G. ARMSTRONG,
Kakauolelo Aha Kaapuni Apana Kaapuni Elua. 2671-3t
I KA AHA KAAPUNI, APANA KAapuni Elua, Ko Hawaii Pae Aina. Ma ka Hooponopono Waiwai. Ma ka Hana o ka Waiwai o Kamakala (k) o Pa@a, Wailuku, Maui, mamua.
Imua o Lunakanawai J. W. Kalua.
Ma ka heluhelu ame ka waihoia ana mai o ke Noi a Ko@or Kamakala o Makawao, Maui, e olelo ana na make kauoha ole o Kamakala (k) o Paia, Maka wao. Maui, ma Pa@a, Makawao@ Maui, ma ka la 7 o Maraka, A. D. 1897, me ka waiho ana iho he waiwai ma Ko Hawaii nei Pae Aina i kupono no ka hooponoponoia, a e nonoi ana e hoopukaia ona Palapala Hooko Kauoha @a Samuel F. Chillingworth o Wailuku.
Ua kaohaia, o ka POAHA, la 4 o Novemaba, A. D. 1897, ma ka hora 10 A. M. (kakahiaka), oia ka wa e hooloheia ai ua Noi la maloko o ke Keena Hookolokolo o keia Aha ma Wailuku. Maui, a ma ia wahi ame ia manawa e hele mai ai ka poe apau i kuleana ma ia hana, a hoike mai i kumu, ina he kumu ka lakou, nokeaha la e ae ole ia ai ke noi.
Hanaia Wailuku, H. I., Sepatemaba 20, A. D. 1897.
J. ARMSTRONG.
Kakauolelo Aha Kaapuni Apana Elua.
2670-3t
AHA KAAPUNI, APANA KAAPUNI Eha o ko Hawaii Pae Aina. Ma ka Hooko aKuoha. Ma ka hana o ka Waiwai o Kahauelua (k) i make, o Wailea, Apana o Hilo, Hawaii.
Oiai ua waihoia mai ka Palapala Hooilina a Kauoha a ka mea i make imua o ua Aha la, me ke Noi e hookoia na palapala la, a no ka hoopukaia ana hoi o na Palapala Hooko Kauoha ia Kaulaula (w), wahine kanemake a ka mea i make, nolaila, ke hoolahaia aku nei ma keia, o ka Poalima, Okatoba 29, A. D. 1897, ma ka hora 9 a. m., iloko o ka Aha Hookolokolo, Hilo, Hawaii, oia ka wa ame ka manawa i kohoia no ka hooiaio ana i ua Palapala Kauoha la, a hoolohe ana hoi i ua Noi la, a ma ia wa a malaila hoi e hele mai ai kekahi mea i kulana ma ia hana a hoike mai i kumu, ina he kumu kana, nokeaha la e ae ole ia ai ke noi.
Hilo, Sepatemaba 21, 1897.
Na ka Aha:
DANIEL PORTER.
2670-3t Kakauolelo.
ILOKO O KA AHA HOOKOLOKOLO Kaapuni, Apana Kaapuni Ekahi o ko Hawaii Pae Aina. Ma ka Hooko Kauoha. Ma ka hana o ka waiwai o KALEIPUA KANOA (w) o Honolulu, i make.
Oiai, ua waihoia mai ka Palapala Kauoha a Hooilina Hope loa a ka mea i make i oleloia ae nei i ka Aha Hookolokolo i oleloia me ka palapala nonoi hoi no ka hookoia ana o ua palapala Kauoha la a Hooilina hoi, a no ka hoopuka ana i na Palapala Lunahooponopono Waiwai ia Cecil Brown, ma keia ke hoolahaia aku nei, o ka POALIMA, Okatoba 29, M. H. 1897, ma ka hora 10 kakahiaka, ma Aliiolani Hale, Honolulu, oia ka manawa i koho ia ai ame kahi e hooiaioia ai ua Palapala Kauoha la, a e hooloheia ai ua noi la, a ma ia wa a ma ia wahi no hoi e hele ae ai kela ame keia mea e hoike i kumu, ina he kumu ka lakou, e ae ole ia ai ke noi o ua palapala noi la.
Honolulu, Sepatemaba 24, 1897.
Na ka Aha:
GEORGE LUCAS,
2670-3t kakauolelo.
Hoolaha Hooko Moraki.
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hanaia mawaena o Kuanalewa Namokueha ame Namokueha, kana kane, no Honolulu. Oahu, o ka aoao mua, ame W. R. Castle, Kahu, o Honolulu, Oahu, i oleloia, o ka aoao elua, ma ka la 10 o Okatoba, 1891, i kakau hope ia ma ka buke 129, aoao 307, a mamuli o ka uhai la ana o na kumu aelike o kela moraki, oia hoi, no ka hookaa ole ia o ka ukupanee ame ke kumupaa ma ka wa e hookaa ai, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma @a moraki no ke kudala ana ma ke keena kudala o Jas. F. Morgan, ma Honolulu, ma ka la 8 o Novemaba, 1897, hora 12 oia la.
Aia ma kahi o W. R. Kakela na olelo hoakaka no keia mea.
Hanaia i keia la 14 o Okatoba, 1897.
W. R. CASTLE, Kahu.
Mea Moraki mai.
Penei na aina i morakiia:
1. Kela apana aina apau e waiho la ma Kewalo, Pawaa, Honolulu, oia ka Apana 3 o ka Palapala Sila Nui 1219@ Kuleana 1556 ia Kaka.
2. O ka aina apau i hooliloia aku ia Kaka i oleloia, ma ka Palapala Kuai mai a Naopae ame Kaiaino aku, i hanaia Okatoba 19, 1860, kopeia ma ka buke 19, aoao 296, a he hapa ia o ka aina i hoakakaia ma ka Palapala Sila Nui Helu 1218, Kuleana 314A ia Namokueha, e waiho la ma Kewalo i oleloia.
3. O kela apana aina apau e waiho la ma Kewalo i oleloia i hooliloia aku ia Kaka ma ka Palapalaa Kuai mai a Kaiaino aku, i hanaia ai i Maraki 11, 1880, kopeia ma ka buke 73, aoao 414, he hapa ia no ua Palapala Sila Nui la Helu 1218. Oia mau apana aina lehulehu, ua hooliloia aku la Kuanalewa (w) i oleloia ma ka Palapala Kuai a ua Kaka la, i hanaia Mei 23, 1885, kope ia ma ka buke 94, aoao 187.
4. O kela apana aina apau e waiho la ma Iwilei, Honolulu, i hoakakaia ma ka Palapala Sila Nui Helu 7505, Kuleana 2737. Mahele 2, Pauku 1, ia W. Harbottle, he 5,782 eka, oi aku a emi mai paha.
5. O kela apana aina apau e waiho la ma Kapiiwai. Pauoa, i hoakakaia ma ka Palapala Sila Nui Helu 1804. Kuleana 5843 ia Kahoowaha no Koohonua, a oia ka apana aina i kuaiia aku la Kak i oleloia ma ka Palapala Kuai mai a Eleele aku, hanaia Aug. 28, 1878, i kopeia ma ka buke 55, aoao 443.
6. O ke@a apana aina apau i hooliloia aku ia Kaka i oleloia ma ka Palapala Kuai a Kaliko i hanaia Aperila 11, 1882, i kopeia ma ka buke 73, aoao 415, a he hapa ia o ka aina i hoakakaia ma ka Palapala Sila Nui Helu 1207, Kuleana Helu 3685B la Koina.
7. O kela apana aina apau i hooliloia aku ia Kaka, ma ka Palapala Kuai a Moekolohe, i hanaia ma Iune 2, 1887, i kope@a ma ka buke 109, aoao 8.
2672-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki @ hanaia mawaena o Lam Ton (@h) @ kamaainaia o Kimo Pake, no Hawi, Kohala. Hawaii, o ka aoao mua, ame W. R. Castle, Kahu, o Honolulu, Oahu o ka aoao elua, ma ka la 30 o Maraki, 1891, i kakau kope la ma ka buke 138, aoao 156, a mamuli o ka uhaiia ana o na kumu aelike o ke@a moraki, oia hoi, ao ka hookaa ole ia o ka ukupanee ame ke kumupaa ma ka wa e hookaa ai, nolaila, ke hoolahala aku nei e ka mea nona ka aoao elua o @a moraki nei, e hooko ana oia la mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 8 o Novemaba, 1897, hora 12 oia la.
Aia ma kahi o W. R. Kakela na olelo hoakaka no ke@a mea.
Hanaia i keia la 1@ o Okatoba, 1897.
W. R. CASTLE, Kahu,
Mea Moraki mai.
Penei na aina i mo@aki@a:
1. He apana aina @a Halawa. Kohala. Hawaii, i @a iloko o ke Kuleana @114. Palapala @a Nui Sila Nui @, ia Halauwai, maloko o laila he 15,@0 kapuai kuea, oi aku a emi mai paha.
2. I eka ma Pahoa. Kui. 10911. Palapala Kuai a Keaweamahi, i kopeia ma ka buke 113, aoao 464, ame na pono apau i pili.
3. He apana aina ma Halawa, nona ka Palapala Sila Nui 4271. Palapala Kui a T. K. R. Amalu, i kopeia ma ka buke 111, aoao 411, ame na pono apau i pili.
4. 5 eka ma Kahei, nona ka Palapala Sila 7242 ia Nuhi, ma o ka Palapala Kuai a Kealina, i kopeia ma ka buke 119, aoao 9, ame na pono nohoi apau i pili.
5. Aneane 2 eka ma Pahoa, Palapala Sila Nui --. Kuleana 10911 @a Umi, ma o ka Palapala Kuai o John Brodie, i kopeia ma ka buke 125, aoao 319.
2672-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala kuai i hanaia mawaena o Nakeke (w) ame Kau See (k) o Honolulu, Oahu, o ka aoao mua, ame W. R. Castle, Kahu, no Honolulu i oleloia, o ka aoao elua, ma ka la 30 o Iune, 1891, i kakau kope ia ma ka buke 131, aoao 226, a mamuli o ka uhaiia ana o na kumu aelike o kela moraki, oia hoi, no ka hookaa ole ia o ka ukupanee ame ke kumupaa ma ka wa e hookaa ai, nolaila, ke hoolaha la aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou la aku nei, aia mahope aku o na pule ekolu mai kela la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 8 o Novemaba, 1897, hora 12 oia la.
Aia ma kahi o W. R. Kakela na olelo hoakaka no keia mea.
Hanaia i ke@a la 14 o Okatoba, 1897.
W. R. CASTLE, Kahu,
Mea Moraki mai.
Penei na aina i morakiia:
1. He 1.38 eka aina, ma Manoa, Oahu, i hoakaka piha ia na palena maloko o ka Palapala Sila (Aina Aupuni) Helu 27, ia Kailiulaula, me na hale ame na mea apau i pili i laila.
2. He apana o 3.67 eka ma Palolo, Oahu, oia kahi hapa o ka Apana 32 o ke Kuleana Helu 8559B, ia W. C. Lunalilo, i hooliloia mai ia Kanepuu i oleloia ame na poe hana moraki i olelo ia, ma o ka Palapala Kuai i kopeia ma ka buke 73, aoao 96, a i lilo kaokoa loa hoi ke kuleana apau i ka poe Hana Moraki, ma o ka Palapala Kuai la a W. R. Castle i kopeia ma ka buke 122, aoao 349, me na hale ame na pono apau i pili i @a apana aina la.
2672-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hanaia mawaena o Sam @omana o Lahaina, Maui, o ka aoao mua, ame Wm. Dean, i make, no Honolulu, Oahu, o ka aoao elua, ma ka la 9 o Novemaba, 1885, i kakau kope ia ma ka buke 99, aoao 250, a mamuli o ka uhaiia ana o na kumu aelike o kela moraki, oia hoi, no ka hookaa ole ia o ka ukupanee ame ke kumupaa, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka 8 o Novemaba, 1897, hora 12 oia la.
Aia ma kahi o W. R. Kakela na olelo hoakaka no keia mea.
Hanaia i keia la 14 o Okatoba, 1897.
W. R. CASTLE,
Lunahooponopono o ka waiwai o Wm.
Dean, i make, Mea Moraki mai.
Penei na aina i morakila:
Kela apana aina apau e waiho la ma Pauoa, Oahu, i hoakakaia ma ka palapala kuai a E. B. Mikalemi ia Elena, kana wahine, i kope@a ma ka buke 71, aoao 1897, maloko o laila he 34-100 o ka eka. 2672-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hanaia mawaena o Lono (k) ame Pekelo, no Honolulu, Mokupuni o Oahu, o ka aoao mua, ame Wm. Dea. I make, no Honolulu no, o ka aoao elua, ma ka la 18 o Feberuari, 1884, i kakau kope ia ma ka buke 85, aoao 344, a mamuli o ka uhalia ana o na kumu aelike o kela moraki, oia hoi, no ka hookaa ole ia ana o ka ukupanee ame ke kumupaa i ka wa e hookaa ai, nolaila, ke hoolahaia aku nei e ka mea nona ka aoao elua o @a moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 8 o Novemaba, 1897, hora 12 oia la.
A@a ma kahi o W. R. Kakela na olelo hoakaka no keia mea.
Hanaia i ke@a la 14 o Okatoba, 1897.
W. R. CASTLE.
Lunahooponopono o ka waiwai o Wm.
Dean, i make, Mea Moraki mai.
Penei @a aina i morakiia:
1. Kela wahi apau ma Malukikepa, Waikiki-waena. Oahu, i lilo mai la Lono i oleloia, ma ka Palapala Kuai a Iwahaauau, i kopeia ma ka buke 73, aoao 387, maloko o laila he ¼ o ka eka.
2. O kela mau wahi apau ma Maulukikepa, i lilo mai ia Pekelo i oleloia, ma ka Palapala Kuai a Iwahaauau, i kope@a ma ka buke 58, aoao 339, maloko o laila he 7@-1@ o ka eka.
2672-4t
HOOLAHA HOOKO MORAKI.
Mamuli o kekahi mana kuai i hoike @a maloko o kekahi palapala moraki i hanaia mawaena o Mrs. Mikahala Kaeo ame Sam K. Kaeo, kana kaue mare, no Waikiki. Oahu, o ka aoao mua, ame Wm. A. Rowen, o Honolulu. Oahu, o ka aoao elua, ma ka la 10 o Mei, 1883, i kakau kope ia ma ka buke 8@, aoao 42, a mamuli o ka uhaiia ana o na kumu aelike o kela moraki, oia hoi, no ka hookaa ole ia ana o ka ukupanee ame ke kumupaa ma ka wa e hookaa ai, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia, aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 8 o Novemaba, 1897, hora 12 oia la.
A@a ma kahi o W. R. Kakela na olelo h@akaka no keia mea.
Hanaia i ke@a la 14 o Okatoba, 1897.
WM. A. BOWEN,
Mea Moraki mai.
Penei na aina i moraki@a:
Ke@a apana aina apau e waiho la ma Waiaka, Oahu, i ikeia na Apana I me III ame IV, i hoakakaia ma ka Palapala Sila Nui 4184, Kuleana 9001 la Kahakai, maloko o laila he 2.96 eka. No Mikahala Kaeo ke kuleana ma ua aina la, oiai oia ka hooilina o Kahakai, a he kuleana nohoi ko Sam K. Kaeo malaila, olai oia ka mea i lilo mai ai na kuleana o Hosia Kaia ame Hookano, kekahi mau hooilina e ae o Kahakai, ka mea nona ka Palapala Sila. 2672-4t
Hela ame Keia.
OLELO HOOLAHA A KA LUNAHOOPONOPONO.
O ka poe apau he koi ka lakou i ka waiwai o W. H. H. Halstead i make, ke kauohaia aku nei ma ke@a, e waiho mai i ka lakou mau koi i ka mea nona ka inoa malalo iho nei ma Wailuku, Maui, iloko o eono malama mai ka hoolahaia ana aku o keia, a o ka poe hoi i aie i ua waiwai la, e hookaa koke mai. L. M. BALDWN,
Lunahooponopono i kohoia no ka manawa i keia la 7 o katoba, 1897, e J. W. Kalua, Esq., Lunakanawai Kaapuni, Mahele Elua.
2672-4t
I KA POE APAU E IKE MAI ANA.
Ke hoikeia aku nei ka lohe ma keia, ua hohui ae nei na mea no laua na inoa malalo iho nei, no Honolulu, Ko Hawaii Pae Aina laua a elua, ma kekahi Hui no ka lawelawe ana i ka oihana kalepa maloko o keia kulanakauhale, malalo o ka inoa Hui o W. W. Dimond & Co.
Kakauinoa@a, W. W. DIMOND,
Kakauinoa@a, GEO. H. PARIS.
Nonolulu, Oct. 1, 1897. 2672-3t
HOOLAHA HUI.
Ke hoolahaia aku nei ma keia, ma keia la, ua hoohui ae ka poe no lakou na inoa malalo iho nei, ma kekahi hui, malalo o ka inoa o "See Wo & Company," ma ka oihana mahi raiki a lawelawe mahiai ana ma Kaneohe, Koolaupoko, Mokupuni o Oahu. Repubalika o Hawaii, me kekahi keena oihana ma ka halekuai o Ki Chong ma Honolulu i oleloia.
LEE AH NEE,
LAU SAM SAN,
LEE AHA LEN,
WONG LOY.
Hana@a Honolulu, Oct. 4, A. D. 1897.
2671-2t
Makemake Makou
I ka Oukou Hana
Pa'i ana ame
Ka H@mu ana
I na Buke.
E HANAIA ME KA HOIAU LOA.
Na Papa Keleawa Inoa me na Hua Kuni Wai Gula.
E hana@a no @a ma ko makou nei Keena a kulike me ka mea i makemakeia.
KA HUI HAWAIIAN GAZETTE
Na Po@ Hoolaha.
Hale Pohaku o Von Holt, Alanui Moi,
Honolulu.