Ka Nupepa Kuokoa, Volume XXXVI, Number 46, 12 November 1897 — KA MOKUKAUA "BALTIMORE." [ARTICLE+ILLUSTRATION]

KA MOKUKAUA "BALTIMORE."

Ma ka hora 10 o ke kakahiaka la Sabati aku nei i ku mai ai no Honolulu nei. ka mokukaua "Baltimore," iloko o na la holo he 7 ame 22 hora mai Kapalakiko mai. Aole paha i loaa iaia ka holo o ka mokukaua Piledelepia; aka, he oi aku nae keia o ka uahoa ma ke kulana o ke oolea ame ka ikaika.

Ua haalele aku keia moku ia Kapalakiko ma ka la 30 o Okatoba aku nei. Ma ka la 21 aku i loaa ai kona komisina, a ma ka la 20, haalele oia ia Mea Ailana a holo ae no Kapalakiko.

Aia maluna ona he 4 pu o 8 iniha ke anawaena o ka waha, a he 2 mikini hou e lawe ana 6 pu mitimetera (pu wili), e hiki ke luai aku he 600 poka iloko o ka minute hokoahi. Aia nohoi maluna ona he 6 pu, o 6 iniha anawaena, a he lehulehu loa na pu kani pinai ame na pu wili. Ua lako °ia me na pu o ke ano hou loa. He mau pu raifela oolea kekahi o ke ano hou loa. O na eleu oia mau pu. ua like me na pahi puhaka. Na ka ikaika uwlla e lawelawe ka hapanui o na hana hapai 1 na mea paahana kaua. He 361 ka nui o kona poe kanaka.

MOKUKAUA BALTIMORE