Ka Nupepa Kuokoa, Volume XXXVII, Number 1, 7 January 1898 — Peresidena Sanford B. Dole no Wasinetona. [ARTICLE]

Peresidena Sanford B. Dole no Wasinetona.

No kekahi \va i hala ae nei, i laulaha ae ai lono e holo aku ana ka Peresidena o ka Repubalika o Hawaii no Wasinet6na, aole nae i maopopo loa ka oiaio oia mau lauahea a hoea iho la i ka auina la Poakolu ne-i, lanuari 5, ka wa i noho ai ka Aha Kuka a me ka Aha Hooko o ke Aupuni, a noonoo pono no keia kumuhana. Eia na hoa i akoakoa ae ma keia halawai ana. Ma ka aoao o ka Mana Hooko, oia o Peresidena Dole, na Kuhina Kupa., Damon, King ame Kamika. Ma ka aoao hoi o ka Aha Kuka, oia o Wm. C. Wilder, Kikila Balaunu, P. C. Jones, Jas. A. Kennedy, C. Bolte, John Phillips, E. C. Winston, Mark P. Robinson, John Ena, S. K. Ka-ne, John Nott, ame J. P. Mendoca. A!ole hoi i hiki mai o D. L. Naone ame Alex. G. M. Robikana, I ka wa| hapaiia ai ke kumuhana no ko ka Peresidena kupono a kupono ole% holo aku no Wasinetona, ua hoike kela ame keia o ka poe i akoakoa ae i ko lakou mau noonoo pakahi no ke kupono maoM o ka Peresidena holo aku no Wasinetona. Ma ka wa i balota ai, aole loa he balota ma ka aoao kue i keia manao. Nolaila, ma ka aoao o ke Aupuni, ua hooholoia e hele ka Peresidena Dole. Ua manaoia, o ka la apopo, ma ka mokuahi Peru e kau aku ai oia a nee aku ma keia huakai pili Aupuni no Wasinetona, E ukali ana iaia o Mekia C. P. laukea, ma ke ano kakauolelo, a o Dr. F. R. Day ke kauka. 0 Peresidena Dole, ke poo kiekie loa o ke Aupuni i keia wa, he Hawaii oia, nokamea, ma Hawaii nei no oia i hanauia ai. O Honolulu nei kona one hanau. A he mau makua Amerika hoi kona. Ua hanauia oia ma ka makahiki 1844. Ua hoea mua mai kona mau makua i Hawaii nei ma ke ano nrteionari, ma ka makahiki 1840, mai ka mokuaina mai o Maine. Ma ka wa i hoea mai ai laua no Hawaii nei, ua lilo koke o Mr. Dole makua i kumu alakai poo a Peresidena no ke Kulanui o ka Punahou e makaukau ana e weheia ma ia wa.

Ma keia kula a kona luaui i noho poo ai i loaa ai i ka Peresidena o Hawaii nei i keia la, na hoonaauao mua ia ana ma ke alahele o ka ike ame ka noeau. I ka 22 o kona mau makahiki ua haalele oia ia Hawāii nei a holo aku la no ka mokuaina o Masakuseta, no ke komo ana i ke Kulanui o Williams (College). Mahope iho, komo oia ma ke keena oihana loio o William Brigham ma Bosetona.' Malai:a oia i imi ai i ka ike kanawai, e hele ana no hoi ma na aha hookolokolo e makaikai ai a e nana i i na lawelawe hihia ana. I ka hala ana o ka makahiki hookahi, aa aeia oia e lawelawe i ka oihana loio ma na aha hookolokolo o ka mahele aina o Suffolk, mokuaina o Masakuseta, mahope iho o kona ninaninauia ana me ke oolea loa. I kekahi wa mahope mai, ua huli hoi mai la oia no Hawaii nei, kona aina hanau, a ua aeia nohoi oia e lawelawe i ka oihana loio. Ua lawe'awe oia i kela oihana me ka hilinai nui ia. Ke hoomanao la makou ko makou wa i ike mua ai iaia. a kamaaina. ai, e lawelawe ana oia i ka oihana loio maluna ae o kahi halepohaku e ku ana ma ke kihi Ewa, aoao makai o ka huina o na alanui Ka!epa ame Papu. Oia kekahi mea i hoomahele mua i kekahi mau haawina kanawai maloko x> ke keena. halawai o Kawaiahao ma ka makahiki 1884 paha. O kana mau h|awina mua i ao ai ma ia wa, oia ke kumukanawai, ame na loina o ka lawe ana i na olelo hoike imua o na aha hookolokolo. Ua komo oia iloko o ka noho ohana ma ka makahiki 1873, ma o kona ina.re ia ana me Mi3S Anna P. Cate o Masakuseta. He hoa oia no ka Ahaolelo Hawali, ma ka wa e ku ana ke Aupuni "Moi." Ma ka makahiki 1893, ua lilo oia i Peresidena no ke Aupuni Kuikawa, a ma ka makahiki 1894, ua kohoia oia i Peresidena n<s ka Repubalika. Ma ka wa e kaawale aku ai ka Peresidena, e lawelaweia aku ana kana mau hana e ke Kuhina o ko na Aina E.