Ka Nupepa Kuokoa, Volume XXXVII, Number 7, 18 February 1898 — Page 2
| This text was transcribed by: | Karen Kimura |
| This work is dedicated to: | For my family |
Ka Nupepa Kuokoa
KE KILOHANA POOKELA NO KA LAHUI HAWAII.
Hoolaha Mana Hooko
HOOLAHA NO NA AINA AUPUNI.
Ma Ka Poakahi, Feberuari 28, ma ka hora 12 o ke awakea, ma ke keena o E. D. Baldwin, Hilo, Hawaii, e kuai kudala ia aku ai ma ke akea, malalo o na kumu a e like kuikawa no ka uku ana ame ka hana hou ana i na aina.
He ehiku mau apana ma Kaimu, Puna, Hawaii.
Ekolu apana ma ka mahele ma Naulua, Hilo, Hawaii.
No na o lelo hoakaka e pili ana i na ili (areas), na kumu aelike no ke kuai, a pela aku, e nonoi aku ia E. D. Baldwin, Hilo Hawaii, a i ole ia, ma ke Keena Aina Aupuni ma Hnonlulu.
J. F. BROWN,
Agena o na Aina Aupuni
2690-2t
NA KA PERESIDENA O KA REPUBALIKA O HAWAII.
HE OLELO KUAHAUA.
Oiai, ua kauoha ke Kumukanawai e malamaia ke Kau mau mua loa o ka Ahaolelo a ka Repubalika o Hawaii, ma ka Poakolu ekolu o Feberuari, 1896, a ma kela ame keia elua makahiki ma ia hope aku, ma Honolulu.
A nolaila, owau o Henry E. Cooper, ke Kuhina o ko na Aina E, Peresidena e Lawelawe Hana ana no ka Repubalika o Hawaii, ma keia ke hoolaha aku nei, e akoakoa ana ke Kau mau he l u elua o ka Ahaolelo ma ka Hale Oihana Hooko, ma Honolulu, ma ka Poakulo, la 16 o Feberuari ae nei, ma ka hora 12 o ke awakea.
Kakauia ma ka Hale Oihana Hooko ma Honolulu, ma keia la 24 o Ianuari, A. D. 1898.
(Kakauinoaia) HENRY E> COOPER, Na ka Peresidena e Lawelawe Hana ana.
(Kaukauinoaia) J. A. King,
2688-3t Kuhina Kalaiaina.
HOOLAHA O NA AINA AUPUNI.
Ma ka Poaono, Maraki 12, ma ka hora 12 o ke awakea, ma ke alo iho o ka Hal e Hookolokolo, e Kuai Kudala ia aku ai keia mwau aina ame na hoolimalima:
1. Manoa, Kona, Oahu. Apana aina ma ke awawa o Manoa. Maloko o laila, he 8 2-10 Eka, e pili pu ana me ka aina o George Castle, Esq. Kumukuai oi aku maluna o $3,000. Kuike ke dala. Ma ke Dala Gula o Amerika Hu i ia.
2. Waimano, Ewa. Hoolimalima o 915 Eka, oi aku a emi mai paha. Manawa hoolimalima, he 21 m akahiki. Uku hoolimalima oi aku maluna o $350 no ka makahiki hookahi, e hookaa mua ia ana i kela ame keia hapalua makahiki.
3. Au (Hamakua, Haw.) Hoolimalima o 163 Eka. Manawa hoolimalima, 21 makahiki, mai Okatoba 1, 1898, aku. Uku hoolimalima oi aku mamua o $652 no ka makahiki, e hookaa mua ia ana i kela ame keia hapalua makahiki.
4. Lauk u ame Kulihai, Hamakua. Hoolimalima o 133 Eka. Manawa, 21 makahiki, mai Okatoba 1, 1899 aku. Uku hoolimalima oi aku mamúa o $665 no ka makahiki, e hookaa mua ia ana i kela ame keia hapalua makahiki.
5. Nakula, Kaupo, M aui. Hoolimalima o 1,500 Eka, oi aku a emi mai paha. Manawa hoolimalima, 15 makahiki. Uku hoolimalima oi aku mamuo o $105 no ka makahiki, e hookaa mua ia ana i kela ame keia hapalua makahiki.
No na mea aku i koe, na kii, a pela aku, e ninau ma ke Keena Aina Aupuni, Honolulu.
J. F. BROWN.
Agena o na Aina Aupuni.
Feberuari 8, 1898. 2689-3ts
LONO TELEGARAMA.
O ka lono hope loa mai Wasinetona mai, ua telegarapa ia mai e Kuhina Hatch mamúa iki iho no o ka haalele ana aku o ka mokuahi Alameda:
Wasinetona, Feb. 4. –“Ke manao paa nei kekahi poe mana kiekie ua pii ae i ka maikai loa ke kulana o ka hana. Aole paha e hana ia ana na hana o ka hooholo loa no kekahi mau pule i koe. Nui ke ohohia ia o keia huakai a Peresidena Dole.”
W. G. HALL
O kela haole kapili moku kaulana, ka mea hoi nana i kapili na mo k u o ka Hui Hooholo Mokuahi Kuloko, oia hoi o Iwalani, W. G. Hall, Mikahala ame ia poe moku no apau, ua make mai nei ma ke kulanakauhale o Kapalakiko, ma ka la 7 iho nei no o keia mahina. O kekahi ia o na haole kaulana loa i ke kapili moku ma ka aoao Pakipika nei o Amerika. Ua h anau ia oia ma Cohasset, Mass., iloko o ka makahiki 1833, a haalele aku i kona one h anau iloko no o kona mau la opio wale maluna o k a moku a pae ma Kaleponi. Malaila oia i hooikaika ai e loaa ke kuonoono ame ka mahalo nui ia.
KA Nupepa Kuokoa
No ka Makahiki. . . $2.00
No Eono Mahina . . . 1.00
Kuike ka Rula.
PUKA { 1 2 3 4 5 6
ANA. { Pule Pule Pule Pule Pule Pule Pule
Iniha.. $1.50 $2.00 $2.50 $3.00 $3.50 $4.00
2 Iniha.. 2.00 2.75 3.50 4.00 4.50 5.00
3 Iniha.. 2.50 3.50 4 .50 5.00 5.50 6.00
4 Iniha.. 3.00 4.00 5.00 6.00 6.75 7.50
5 Iniha.. 3.50 4.75 6.00 7.00 8.00 0
Iniha . 4.00 5.50 7.00 8.00 9.00 0
O na Olelo Hoolaha a pau e hoouna ia mai ana no ka Hoolaha maloko o keia N upepa, e hoouna pu mai me ka auhau, a ina aole, aohe hookomo ia.
HOOPUKAIA E KA
HAWAIIAN GAZETTE CO.
C. G., BALLENTYNE, Luna Nui.
JOSEPH M. POEPOE, Lunahoo ponopono.
Honolulu, Oahu.
POALIMA……FEBERUARI 18, 1898
Ka Ahaolelo.
Ma ka Poakolu iho la i akoakoa mai ai na Solona o ka aina nei, maloko o ka Ahaolelo o ke Aupuni, no ka noonoo ana i na mea e pono ai ka aina, ka lahui kanaka ame ka holomua o ka oihana k a lepa.
Ma ka hoom a popo ana i ke kulana o na hoa o ka Ahaolelo i keia Kau, ua hiki ke ikeia, aia na kanaka Hawaii maoli ma ka aoao uuku loa. Aka, oia heluna uuku, oia iho la no ka mea hiki i ka ikaika hui o na Hawaii ame kekahi mau makamaka haole ke hoohanau mai maloko o ka pah u balota.
Ma ka noho ana mai nei o keia Kau Ahaolelo, ke lana nei ko makou manao e haawi ana keia poe Solona i ko lakou mau noonoo ana ma na hana e holomua ai ka oihana kalepa kuloko nei o ka aina, a pela nohoi me ka oihana kalepa mai ko na ain a e mai. Aole hoi oia mau mea wale no, aka, o na mea kekahi e pili ana i ka noho ana kuloko o na kanaka iloko nei o ka aina, ma ke ano o na mahele lahui, e like me ka un ame ke koikoi o ka lakou mau hana hoowaiwai i hooulu ai iloko nei o ka aina. He mea pono ke kauia ona mau kanawai e hoohoihoi ana i na hana mikiala a na kanaka, e laa ka oihana kanu kope kau ko a mau mea ulu hoowaiwai e ae. Oia hoi, ma ko makou manao ana he mea maikai ole no ke Aupuni ka auhau koikoi ana i na auhau maluna o na waiwai i ikeia he mau kumu hoowaiwai nui ia mau mea i ka aina nei.
Aka, ke lana nei nae ko makou manao, ua makaukau pono loa na wahaolelo o ka lahui, no na hana a lakou i manao ai he mau mea ia e pomaikai ai ko lakou mau apana iho a mokupuni paha.
O ka mea maopopo ia makou ma ka nana ana aku i ke kulana maoli o na hoa o ka Ahaolelo e noho nei i keia wa, he poe lakou apau no ka aoao kalaiaina hookahi wale no, ke ole nae hoi makou e kuhihewa. O ka lahui Repubalika mai Hawaii a Kauai, oia ka poe na lakou i koho i keia poe. He poe Repubalika wale no keia apau e noho nei ma ka Ahaolelo, a ma ia ano e ku ana lakou ma ka aoao kokua i na hana e hoomauia ai ke ku ana o ke Aupuni Repubalika o Hawaii a hiki i ko Hawaii nei hoohuiia ana aku me Amerika Huiia, ke kumuhana hoi a kakou apau e kali aku nei me ka hia-anui.
O ka olelo alakai mai ka noho Peresidena mai, no ka mea e pili ana i ko ka Ahaolelo hana ole ana i kekahi mau hana e hookuia ai i ka holopono ana o ke Kuikahi Hoohui Aupuni, he manao alakai maikai loa ia i loaa mai, mai ka noho Peresidena mai.
Malalo o keia mahele manao, aole no i maopopo loa ia makou na mea i makemake ia e kapaeia ae e na hoa o na Hale elua o ka Ahaolelo. Aka, ke ole makou e koho hewa, ua pili no iloko oia kahoahoa ana na manao elike me keia:
Aole pono ke koiia e kekahi mau hoa o ka Ahaolelo he mea pono ke hookomoia maloko o ke kuikahi hoohui Aupuni e loaa i na kanaka Hawaii ka pono koho balota i like loa me ke ano oia pono i loaa i ke kanaka Amerika maoli.
Aole pono ke koiia e ka Ahaolelo Hawaii, a e kekahi paha o kona mau hoa e aeia o Hawaii nei e komo aku iloko o Amerika ma ke ano mokuaina.
O na manao ae l a elike me keia, h e mau mea wale no ia e hoikeike aku ana imua o ka Ahaolelo o Amerika Huiia, ke loaa aku ia mau mea mamúa o ke kohoia ana o ke kuikahi, aia he mau mahele manao hou loa i oili aku mailoko aku o la Ahaolelo Hawaii i kup o no no ka hoololi ana i ke kuikahi. E lilo ana na hana o keia ano i mau mea e apo awiwiia mai ai e na enemi o ke kuikahi a loaa he mea e kaohi ia ai ka holopono ana o ua kuikahi l a.
Ma ke ano nui, ke manao nei makou, e lilo ana keia kau Ahaolelo i wahi e loaa ai na hoom@ha ana o na pono o ka lehulehu.
O ka hope loa a makou e kamailio ae ai, oia ke i a, Aole anei he mea hiki i ka Ahaolelo ke imi a noonoo mai no ka loaa ana he kala piha ia ana o na poe pio kalaiaina mawaena o kakou iho hei?
Heaha ka Manao?
Malalo o kekahi lono i loaa mai ia makou mai Wasinetona mai, ma ka pule aku nei i hala, maluna o ka mokuani Alameda, ua ikeia ua waiho aku la o Senatoa White, ma ka la 3 o keia mahina, he olelo hooholo e pili ana i ke kuokoa ana o ka Pae Aina nei o Hawaii. O ua olelo hooholo la nae, oia no ka Olelo Hooholo i aponoia ai e k e Senate ma ka la 31 o Mei, 1894, i hoikeia mai ai e Senatoa Turpie. A penei ua olelo hooholo la:
“Iloko o ka Aha Senate o Amerika Huipuia
“Wasinetona, Mei 31, 189 4 .
“Hooholoia: O ka pono io maoli aia na ke kuleana kaokoa i ka lahui o Ko Hawaii Pae Aina e kukulu a e hoomau aku i ko lakou ano Aupuni ame na kahua hana alakai kuloko; aole loa ma kekahi ano e komo aku ai o Amerika Huiia e keakea malaila; a o na hokaiia ana aku o na hooponopono pili aupuni o kela mau mokupuni e kekahi aupuni e ae, e manao ia he hana makamaka ole ia ia Amerika Huiia.”
Ua oleloia ma ka wa i hoakaka ai o Senatoa White i kona manao i kona lawe hou ana mai keia olelo hooholo ua hoike ae oia penei: Ua maopopo no iaia, ua mau ka manao ana o Amerika Huipuia e pulama mau i ke kuokoa o Hawaii i ka wa i hala ae nei, a ua ikeia nohoi ia manao paa o Amerika, aka, aole no nae he mea hewa ka lawe hou ana mai ia manao no ka hooiaio ana ia manao ma ke ano Ahaolelo mao@@.
Ua lilo keia @awe ana mai a Senatoa White i keia olelo hooholo i mea na makou e noon@o ai i ke kumu o kona lawe hou ana mai i kekahi kumuhana i hooholo mua ia eia Aha i kahi wa i hala ae nei, a koi hou ia Aha hookahi no e haawi hou i ka hooholo hou ana ma ia mea hookahi no. Ua ike hoi makou he Senatoa kue oia i ke kumuhana hoohui aupuni, a ma keia wa hoi e noonoo ia nei keia ninau i kueia eia, oia kono wa i hoala mai ai i ka olelo hooholo, e kaupale ana a Amerika Huipuia iho, aole e komo wale mai e akeakea i ka hoomauia ana o ke ku ana o ke aupuni o Hawaii nei.
Mamuli o ko makou hoomaopopo ana i kona kulana kue i ka hoohui aupuni mawaena o Hawaii nei ame Amerika, ua manao makou, ua hapai mai oia i keia olelo hooholo, ma ke ano e hapai hou mai ana i na hoo-noonoo hou ana iloko o na Senatoa, he mea pono ia lakou ke hoomaopopo o ka hana hoohui aupuni, he hana ia a Amerika ponoi e uhai ai oia i keia olelo hooholo. Aole anei oia ka manao maoli o keia hapai hou ia ana mai o keia olelo hooholo. Ina he hana enemiia e Amerika ka hana hoohui aina e hanaia ana, a e hanaia aku ana paha e Hawaii me kekahi Aupuni e ae, alaila, pehea hoi e hiki ai ia Amerika ke olelo iho he hana akeakea ole nana ke ae oia e hoohuiia o Hawaii me ia, oiai ma ia hana ana a loli ai ke kulana hooponopono aupuni ma Hawaii nei?
Ma ka nana ana aku nae i keia manao, ina nae hoi he oiaio ka manao o ua Senatoa la, ua lilo no keia hoala hou ana mai i keia olelo hooholo i mea e hoala hou ia ai na paio hahana ana mawaena o na aoao elua maluna o ke kumuhana hoohui aupuni.
HE POINO NUI.
Mamuli o ka poino ana o ke kikowaena o ke Telepone, ma o ka pau ia ana e ke ahí , he keu aku a ka poino o keia mau la. Ua loihi na mea apau ke makemake ae, oiai me ka hele kino maoli no e hiki ai ke lohe ia ka manao.
Mamuli o ke telpnone ole i nui ai na pioo i ka wa i loaa mai ai o ka lono lauahea ma ke kaa ahí no ka mea e pili ana i kahi mokuahi Kaena. Oiai ua maa loa iho nei ka lehulehu no keia mea he telepone, ua lilo keia i mea hoohemahema nui loa ia lakou; a o ka oi loa hoi o na poe kalepa hui ame na o ihana e ae.
Aole i hoomaopopo nui loa ia ka waiwai o keia mea he telepone elike la me ko keia wa i nele iho la. Ke kukini mama a kauwa hoolohe hoi a keia mea he k anaka.
Ua lohe wale mai la makou o ka Hon. J. L. Kaulukou ke alakai o ka Hale o na Lunamakaainana.
I keia la i hoea mai ai o Frank Sherwood, a o ka wa mua loa nohoi i a o kona ikeia ana mai, mahope iho o kona loohia ana i ka ma’i kolera morbus. Olelo mai oia, ua holoia e ia maluna o ke kaa he kanakolu mile mahope iho o kona loohia ana i ua ma’i la, a aneane oia e make. Aka, mahope iho o keia, iaia i hele aku ai i kuaaina, e lawe pu ana oia me ia i omole laau o ka Laau Ola a Kamalena no ke kolera ame ka Hi.—Missouri V alley (Iowa) Times. E kuaiia ana e na poe kuai laau lapaau apau ame na poe kawili laau. O Benson, Smith & Co., na Agena ma Ko Hawaii Pae Aina.
Ka Ahaolelo o ke Aupuni Repubalika o Hawaii, 1898.
Ma ka hora 12 ponoi o ka Poakolu nei, Feberuari 16, o keia makahiki, i weheia ai ke Kau Ahaolelo mau o ka Repubalika o Hawaii nei, maloko o ka Hale Oihana Hooko, oia nohoi o “Iolani Hale” i ka wa i hala ae nei.
Ua nui na makaikai i hoea ae maloko o ke keena i malamaia ai ke anaina wehe Ahaolelo. He poe malihini kekahi mai na aina e mai, a he poe kamaaina nohoi kekahi. He lehulehu loa hoi ka poe i loaa ole na noho iloko oke keena Ahaolelo, nolaila, ua ku no lakou mawaho. Malaila ae no na maka hanohano he nui o loko iho nei o ka aina ame ko waho mai nohoi.
Mamua o ka hoomaka ana o na hana, ua mohaiia ae la ke anaina Kaukanawai o keia makahiki imua o ke Akua, e na kanaenae ame na kahoahoa pule ana a ka Rev. Timoteo o ka Ekalesia o Kaumakapili.
Mahope iho o ka pule, ua heluhelu mai la ka Peresidena e lawelawe ana no ka manawa, oia hoi o Kuhina Cooper, i ka palapala wehe Ahaolelo. O ke ano nui o keia haiolelo, oia ka mea hiki ia makou ke hoike aku i keia wa:
KE KUIKAHI HOOHUI AUPUNI.
Hoike mai la oia no ka wa i hoomaka mua ia mai ai ka lawelawe ia ana o keia kuikahi, oia hoi, ua ho o makaia mai no ia ma ka malama o Aperila o ka makahiki 1897, a ma ka la 16 o Iune oia makahiki no, ua kakauinoaia iho la e ke Kuhina Nui o Amerika, oia hoi o John Sherman, ma ka aoao o ke Aupuni o Amerika ame na Elele Aupuni Mana Piha, oia hoi, o Kuhina Hatch, me Kakina ame Kini ma ka aoao o ke Aupuni o Hawaii nei. Oiai ua kulike loa na manao nui o loko oia kuikahi i aponoia ai e na Elele Hawaii me na mea i makemakeia no ka pono ame ka palekana o k e Aupuni o Hawaii nei, nolaila, ua k a heaia ka Ahaolelo Senate kuikawa e noho e noonoo no ke apono ana i ua kuikahi la, a ma ka la 9 o Sepatemaba oia makahiki no, ua apono lokahi iho la ia Aha i ua kuikahi la, mahope iho o ko lakou noonoo ana me ka akahele loa. He elua hoi la mahope mai, ua kakauinoa iho la ka Peresidena i ua kuikahi ia. O ke kope hoi o keia kuikahi e waiho ana ma ka lima o Peresidena McKinley ua hoounaia aku la ia i ka Aha Senate o Amerika, ma ka la 16 o Iune, 1897, me kekahi pal a pal a kuikawa mai ka Peresidena aku, e hoakaka ana i ke Senate, he mea pono ka aponoia ke kuikahi.
Ua hoike mai ka Peresidena (no ka m anawa) aia a hiki i ka wa e kuakiia a panaiia hoi no kope o na kuikahi mawaena o na Aupuni elua, ka wa ia e pau ai ka noho mana maoli ana o ke Aupuni nona iho, e like me kona kulana e ku nei i keia wa.
KA BILA HAAWINA.
Ua hoakaka mai la oia he mea pono i na hoa o ka Ahaolelo ke noonoo akahele no ka mea e pili ana i ka Bila Haawina no na makahiki elua e nee aku nei, a pela nohoi me na kanawai kupono a maikai no ka pono o ka lehulehu.
Aole hoi e pono ke hanaia kekahi mau hana e ka Ahaolelo i mea e hookuemi hope ai i ka holopono ana o ke kuikahi e noonooia nei i keia wa e ka Aha Senate o Amerika ( a i ole ia, i kahi wa e ae paha oia kuikahi e hoalaia mai ai ma keia hope aku.
HOOPAE LIMAHANA IAPANA.
Ua hoike mai oia, eia i keia wa ke hoomakaukauia nei ka hele ana aku o ka noonooia ana o ka ninau Iapana i noonoo nui ia iho nei mawaena o keia Aupuni ame ke Aupuni o Iapana, i kahi wa i hala ae nei ma ke ano aha hookolokolo uwao.
NA LOAA O KE AUPUNI.
Hoike mai oia i ka maikai o na loaa o ke Aupuni iloko o ka makahiki i hala, a o kekahi kumu nana i hooholo pono loa mai i keia nee maikai ana o na loaa Aupuni oia no ke kanawai auhau o 1896. A ma ka mea e pili ana i ke ano nui o ua kanawai la, ua maikai no ka hoohanaia ana, a he uuku wale no ka mea i hookuia ia o ua kanawai la.
Hoakaka mai la oia no na Bila Haawina e waihoia mai ana e ke Kuhina Waiwai; pela hoi me ka hoohuihui hou ana i ka aie Aupuni a owiliia iloko o hookahi aie no ka ukupanee haahaa, oiai ua loaa i ke Aupuni ka hilinaiia. Hoakaka mai nohoi oia no na hana hou o loko nei o ka aina, mai Hawaii a hiki i Kauai.
NA PAIPU HOOMAEMAE O HONOLULU NEI.
Hoike mai oia no ka hooliloia ana o ka huina o $10,000 i hookaawaleia ai
[PORT ARTHUR GRAPHIC]
[CAPTION]
VIEW OF PORT ARTHUR.
Port Arthur, China’s greatest naval port, which has been occupied by a fleet of Russian warships, is coveted by all the powers, and particularly by Russia, because of its nearness to Russia’s great trans-Siberian railroad now nearing completion.
[/END CAPTION]
Na hiohiona keia maluna ae o Port Arthur, ma Kina, kahi @ @ @ @-mokukaua o Rusia i mo-ku ai, no ka mea, ua mkaleho na @ @ @ pau i keia wahi; a o ka oi loa aku no nae o Rusia, oiai he koko@ @ @ kahi o ke alahao a Rusia e hooikaika nei e holopono.
e kela Kau Ahaolelo aku nei no ka oihana hoomaemae o Honolulu nei. Ua loaa mai he kanaka eneginia makaukau no kba hoomaopopo ana i ua hana la. A ma ke koho ana a keia kanaka, ua aneane e hiki na lilo apau no keia oihana hoomaemae i ka hapalua miliona dala.
Mawaena o na mahele manao hope ana i hoakaka mai ai maloko o kana haiolelo, oia ka mea e pili ana i ke kukuluia ana o na halekula e malama ia ai na keikikane ame na kaikamahine lalau a hoolohe ole i ko lakou poe makua.
He aneane hapaha hora ka loihi o ka manawa i lilo ma ka heluheluia ana o ka haiolelo.
AHA SENATE.
Mahope iho o ka akoakoa ana mai o na hoa o keia hale, ma ka hoomalu ana a ka Peresidena Waila, ua ikeia aole i hiki mai o Senatoa Horner o Maui ame Senatoa Wilcox o Kauai.
Kohoia o George Manson o ka nupepa Buletina i Kakauolelo. O Carpenter i makai no ka hale. O Rev. G. L. Pearson, kahunapule o ka Ekalesia Metodita Epikopale o Honolulu nei i kahunapule no ka hale. A hoopanee ia a noho hou ma ka hora 10 o ka Poalima.
KA HALE O NA.MAKAAINANA.
Ua hoomaka mua na hana o keia hale malalo o ka noho lunahoomalu ana as Mr. Loebenstein o Hilo; aka, mamuli o ke noi a Lobikana, ua hoopneeia ka noho ana o na hoa a ka hora elua.
NU HOU O NA AINAE
Ma ke ku ana mai o ka Alameda ua loaa mai la he leta i kakau ia e Peresidena Dole. Ua hoike mai oia he maikai kona ola kino, a pela pu hoi me ko Mrs. Dole, a ua hookipa ia laua me na manao ohohia o na kamaaina o Wasinetona. Ua hoike ae nohoi ka Peresidena i kona manao, e haalele ana oia ia Wasinetona ma ka la 7 paha o Feberuari, a huli hoi mai no na mokupuni nei ma ke alahele ae o New Orleans. Ua ake nui oia e hoea oia ma kona home mamua ae paha o ka la mua o Maraki.
He lono kuikawa kekahi i loaa mai e olelo ana: Ua hele koke ae o Peresidena McKinley ame kana kakauolelo ame kona poe ukali e ike ia Peresidena Dole. Iloko o ka hapalua hora mahope mai o ka huli hoi ana o Peresidena McKinley, ua hele aku la o Peresidena Dole e panai i ka ike ana. Ua kukai ia keia mau ike ana a kela mau poo aupuni me ka maluhia a iloko hoi o na hoohiwahiwa ole ana.
Ua haawi mai la ka Peresidena McKinley no ka hanohano o ka Peresidena o Hawaii i kekahi mau mahele o ka koa kaulio no ka hoohiwahiwa ana iaia i kona wa e kipa aku ai i kahi o ka Peresidena o Amerika, aka, ua hoole loa aku o Peresidena Dole i kela mau mea, me ka panai pu ana aku i kona hoomaikai ia Peresidena McKinley. He nui na makamaka o Hawaii nei i kipa ae e ike ia Peresidena Dole ame kana wahine ma Wasinetona.
Ia laua ma Chicago, ua piha ko laua alo i na makamaka ame na malihini i hele ae e ike ia laua; a ua hoike mai na hiohiona ohohia maluna o kela ame keia. Peloa nohoi ma na wahi apau a laua i kipa ai.
Ua kakau ae ka mea hoolaha mea hou o ka nupepa New York Herald ma Wasinetona ua hoololi ka Lunahoomalu Reed i kona kulana ma ka ninau hoohui aina, a eia oia ma ka aoao e kokua ana i ke kumuhana. A no keia kumu like ole ana o ka @ @ @
Lunahoomalu i na la i @ @ @ oia ke kumu i ulolohi ai @ @ @ oiai o na poe i kokua maho@ @ ninau. ua kaumaha loa ia k@ @ noonoo mamuli o kela kulana @ @ lunahoomalu, aka, i keia wa ano@ ua ohonia nui na hoa me na ma@ lana maikai; a ke makemake nei @ e hana koke ia.
Ua olelo hou ae nohoi ua mea’ka@ ‘la o ka Herald, malalo o ka la @ Feberuari, ua manao iho o Luna@ malu Reed he mea pohihihi loa @ loaa ana o na balota he kanaon@ @ o ke Senate no ka hooholo loa ana @ hoohui aina Hawaii. Oiai ua paa k@ manao aole e hiki ana ke hooh@ loa ia i keia wa ano: nolaila na @ kemake oia e hoomaka na Hale a @ ma ka Bila a Mogana.
Ua hooia mai aia e onou ana o@ ka bila iloko o na Hale a elua @ o hookani pule. Ua hoike ma@ @ hana o ka wa i hala ae nei, he ik@ loa ka mana alakai o ka lunahoom@
i na hoa apau o ke Senate: a he n@ maopopo e ke ana no kana mea i h@ mai ai.
Wasinetona, Feberuari 3.—Ke @ mahuahua mau ae nei na manao@ o ka poe ma ka aoao hoohui aina o@ na paio ana e paio ia nei, a ua a@ pio loa ka aoao kue ma ka hoike i @ mai no ke Senate, ua maopopo i @ poe hoaloha o ke kuikahi hoohui a@ e loaa ana ia lakou na balota kupa@ ka aoao Repubalika oloko o ke Sena@ me umikumamahiku hou ae maw@ oia keia: Turner, Kenney, McL@, Hatfield, Morgan, Pettus, Kyle, @ Phy, Harris, Teller, Cannon, M@, Stewart, Jones, German, Rawlins @ Mooney.
Me ka pakui ana aku ia Tur@@@ loaa ana he kanaono-kumamaka@@ lota oiaio, e kokua ana i ke ku@@ hoohui aina, a he mea maopopo @@ hou ana no ona mau balota h@ @ manawa e hapai ia ai ke koh@ @
Oiai keia mau mea e noonoo ia @ e na hoaloha lehulehu wale o Haw@ he mea maopopo aole e loaa ana h@ pena i oi ae o ka maikai e @ @ kakoo hoohui aina ma kekahi ano@ @ elike la me kela maluna ae. O@ kulana ke ku nei penei, ua h@ @ Thurston ame Morrill ma ka a@ @ i ke kuikahi. Ua olelo ae o Thurston e ku paa ana oia maluna o ka@ @ i kukaia ai ma ke kulanakau@ Baltimore i ka po nei.
Wasinetona, Feberuari 6.—M@ @ po i pau ai ko Peresidena Dole @ @ ana maanei ma ke ano he @ na ka Lahui, oiai ma ka hora @ @ m. ua kau aku oia ma ke kaa m@ @ Buffalo, a huli hoi loa aku no k@ @ Aina Hawaii.
E hoalu iki ana ka Peresidena @@ ma Buffalo a hiki i ka hora 11:@ @ la apopo a mai laila aku no @ a malaila e noho iki ana no kah@ nawa iki, i hiki ai ia Mrs. Dole @ hele aku e ike i kekahi o ko@ @ makamaka e noho ana malai@ @ laila mai a hoea i St. Louis. a @ @ ia laila i ka hora 10 o ka po @ @ aono. Hoea loa no Kaleponi @ @ Pakipika, ma ka Poalua ae, a @ haia iki ana i kekahi mau @ @ @ ma kahi o kona hoahanau @ @ @ side. Mai laila mai nohoi a K@kiko; a mailaila e panai ia aku @ mau hoohiwahiwa imua ona e @ @ maaina mua o Hawaii nei e n@ @ilaila.
Ke hoomaka mai nei o A@ @ Lopez he wahi uwi waiu hou n@ @ uka ae nei o Kalihi-waena. @@ limalima aku oia i na apana @ @ kupono ai no ia hana; a eia @ @ lawelawe kino nei no ka hoo@@ ana i kana hana nui.