Ka Nupepa Kuokoa, Volume XXXVII, Number 7, 18 February 1898 — NU HOU HAWAII [ARTICLE]

NU HOU HAWAII

Paa hou no ua Pake paka pio ia Kaapa ma ka po Poakolu iho nei. Paakiki no. Ma ka la 9 o Aperila ae nei e malamaia ai ka hookuku kinipopo mua ioa o keia kikina. 0 na lono i loaa mai, ua hoike mai no ia i ka ino puni o na wahi apau o na awa pae moku. E hoike ana o keia kona mau la. 1 ko makou ike ana aku i na hoa hanohano o ke Kau Ahaoleio, he nui ke ohohia, a he kilakila wale no ko ia- j kou mau kulana. Ua manaoia e hoea mai ana no Honolulu nei o Senatoa Horner, mai Maui mai; a o Lunamakaainana Parisa hoi mai Kona, Hawaii mai. Ua haawi ae o Miss Annie Sheidon he wahi papa aina manawalea ma Iwilei i ka Lapuie nei. He nui nohoi na hoaloha i hoea ae maiaiia. He elima no wahi Hawaii maoli o ioko o ka Hale o na Makaainana. Oia na Hon. Kaulukou, Kaeo, Kaai, Kahaulelio, ame Aehi. I nui ke aho. Ua hanau mai na ka wahine a Toyo Jackson ma ka Poaono i hala aku nei he kaikamahine. 0 na hoomaikai no anui loa ka makou e haawi aku nei. Ke hopohopo nei o Luther Wiiikoki aole paha e hiki ana iaia ke lawelawe pono i ka unuhiolelo o ka Ahaolelo mamuli paha o kekahi wahl keakea o na hana o kana Ahahookolokolo.

Hiki ole ka paikau a na makai ma ke Kuea Halealii ma ke kakahiaka Poaha iho nei, oiai ua hele mai ia na kamalii o luna e hoopakikiwai i na alanul o Honolulu nei. Ukele kela! He haiolelo ka Mr. P. C. Jones ma ka po Poaha nei, maloko o ka hale Y. M. C. A. (Hui Opiopio) o Honolulu nei, imua o na poe e hele mau nei i na papa kula po e malamaia nei maloko oia hale. He kiekie ka ua o keia mau la e nee nei, mai ka po Poalima mai o kela pule a hoea waie i keia la. Huipu hoi me keia ka ukele ame ke ka-wa-u. No ia mea, he nui ka poe i loaa i ke anu ame ke kunu. Ma na lono o na Aina E, e ike ia iho ai ka ulu nui o na manaolana o na hoaloha o Hawaii nei no ke Kuikahi Hoohui Aupuni. He mea maopopo e holo ana no. 0 ka holo o ke kuikahi ko kakou pomaikai, aka, o ka make ana, oia no ko kakou make ana. Ua pae maalahi aku nei ka Hui Keaka Lio no ka Mokupuni o Kauai, ma ka Poalima aku nei o kela pule, mai Honolulu aku nei. A mamuli o na paapala i loaa mai ia nei mai laila mai, na nui ka holomua o ke kuaiia ana o na paiapala komo no ke keaka mai o ka Poaono. Nui ko makou mahalo i ko makou makamaka aloha J. M. Kaneakua. Eia oia ke pii ae nei a ma ke kahua like me ko na loio kiekie loa o ka aina nei. O kona makaukau ame kona hoopono ka mea nana e alakai nei iaia ma kela anuu kiekie loa a ke kanaka e kuko nui nei. He mau la i hala ae nei, ua ike ia he liu ko ka moku kalepa nui S. P. Hitchcock, a ma ka huli ia ana me ke akahele loa, ua loaa aku la. He elua kapuai malalo iho o ka laina wai, ma ka aoao loko nei o ka moku, aia ma-

laila kahi o ka liu. Laki ka ike e ia ana. E hana ia aku ana kela pilikia iloko o keia mau la. Ke lohelohe wale ia mai nei no, e weheia aku ana he Aha Mele Nui raaloko o ka Hale Mele Hou, ma keia mua koke iho, e kekahi mau puukani wae. O na pomaikai e loaa mai ana, no ka hoihoi ana mai ia Mr. J. K. Kaulia ame kona mau hoa "Roialiti," i ioheia mai, aia ma ke kulana o ka hoohemahemaia e na "Roialiti" uiakoTSfto o Honolulu nei. Poinoia kahi mokuahi uuku "Kaena" mamuli o ka ha'i ana o ka iho o ka epaepa, a me ka maalahi oia i holo ai a ku maloko o kekahi kuono e kokoke ana ika Lae o Kaena. Mamua nae hoi o ka loaa ana mai o ka iono oiaio e pili ana no ua wahi moku la, he nui na lono Jiike ole i hoea mai, aka, i ka hoea kino ana mai o ke kapena i ke taona nei, ua hoopauia na manao uluku iloko o kekahi poe. Mamuli o ka iono i loaa mai i kahi poe kanaka ua make ia he poe holoholona ma Moanalua ae nei ma kela po uwila nui a ino nui hoi i pau ai ke kikowaena i ke ahi uwila. He hookahi bibikane, elua bipi wahine ame hookahi lio. »vahi hoi a ka lono, ua ikeia o kekahi o na pipi wahine ra mo'a ka io, a o kekahi mau holoholona hoi aohe hoailona maluna o ko lakou mau kino. He make keia i ku i ka uwila. Kupaianaha na ha-na a ke Akua.

He mea pono i kela ame kela ohana ke loaa ona laau lapaau mama no na ma'l o ka opu. I laau lapaau puhlli ole no ka "Moku ino loa o ka lepo" (Diarhea) Nahu, Dmii, Kolera ame na ma'i apau o ka opu, aole he laau lapaau oi aku o ka maikai elike me ka PERRY DAVIS LAAU PENIK7.LA (Pain Killer). Ua lawelaweia keia laau no na makahiki he kanalima, a ke hana mau ia nei i kela ame keia ia, ma na aina apau o ka honua nei. 0 ka Hul Kuai Laau Lapaau o Hollister, ka Aeena. Ua loaa mai nei ia nei kekahi paiapala mai <Wasinetona mai, mai kekahi makamaka mai o kahi o ko makou mau hoaloha oiaio o loko nei o ke kulanakauhale, e hoike mai ana, aole i maopopo loa ko Senatoa Cannon koho ma ka aoao kokua i ke kuikahi hoohui Aupuni, ke ole e loaa aku iaia he pane maopopo mai Hawaii aku nei, mai na kanaka Hawaii maoli aku, ma ka aoao I hoohui Aupuni, no na pono a lakou i makemake ai e hoomaopopoia iloko o ke kuikahi, ina he mau kekahi oia ano i makemakeia e lakou.

I ka wa i haalele iho ai o ka moku kalepa Tillie E. Starbuck ma ke kakahiaka Sabati aku nei me kona piha kopaa no New York, ua hiki ole ke neeu ae oia mai kona wahi e ku ana ma ka uwapo o Dilinahama. Nolaila, ua kauohttia ka hiokuahi Iwalani e kii e kolo i ka moku poino. Iloko o na hooikaika ana no na wa he nui, ua hemo mai la ua moku la mai ke ahua lepo nenelu mai, kahi a kona kila i paa ai. Nolaila, ua kaa no ka lanakila ia Iwalani, ka wahine hee nalu o na kai o Kona i na la i hala, a o ka. eueu hoi nana i alo na kai o Nihoa me kana ukana makamae.

Maloko o kekahi palapala hou loa mal nei, mai Wasinetona mai, Apana o Columebia, i kakauia i kekahi hoaloha, ua hoike mai la o Mekia G. A. Studer i noho Kanikela Amerika ma Singapore, penei: "Oiai au ma Des Moines, ua kamaaina iho la au i ka laau hamo i ikeia, ka Laau Hamo a Kamalena, a ua ike au he laau maikai loa ia no ka Ma'i Rumatika, a pela nohoi no ka eha o ka umauma ame ka puu, (ua maikai a oluolu ko'u hanu ana). Aole loa au e ae e nele iki au ia laau." E kuaiia ana ena poe kuai laau lapaau apau ame na poe kawili laau. 0 Benson, Smith & Co., na Agena ma Ko Hawaii Pae Aina. *

Ua malamaia ka hoolewa o ChaS. W. Day, ka luaui makuakane o Kauka F. R. Day, me ka maikai e na hoa o ka Hui malu, ame na makamaka. Mamua iki iho o ka hora e hoolewa ai, ua haule mai la he kuaua nui, aka, iloko no nae oia ua holopono no na hana mahope iho o ka mao ana ae a ka ua. Ua waiho ia kona kino lepo maloko o kekahi iua pao no ke kali ana a hoea mai kana keiki mai Kapalakiko mai, alaila maopopo pono kahi e waiho ia ai ke kino o kona luaui makuakane aloha.