Ka Nupepa Kuokoa, Volume XXXVII, Number 7, 18 February 1898 — Ka Ahaolelo. [ARTICLE]

Ka Ahaolelo.

Ma ka Poakolu iho la i akoakoa mai ai na Solona o ka aina nei, maloko o ka Ahaolelo o ke Aupuni, no ka noonoo ana i na mea e pono ai ka aina, ka lahui kanaka ame ka holomua o ka oihana kalepa.

Ma ka hoomaopopo ana i ke kulana o na hoa o ka i keia Kau. ua hiki ke ikeia, aia na kanaka Hawaii maoli ma ka aoao uuku loa. Aka, oia heluna uuku, oia iho la no ka mea hiki i ka ikaika hui o na Hawaii ame kekahi mau makamaka haole ke hoohanau mai maloko o ka pahu baiota.

Ma ka noho ana mai nei o keia Kau Ahaolelo, ke lana nei ko makou manao e haawi ana keia poe Solona i ko lakou mau noonoo ana ma na hana e holomua ai ka oihana kalepa kuioko nei o ka aina, a pela nohoi me ka oihana kalepa mai ko na aina e mai. Aole hoi oia mau mea wale no, aka, o na mea kekahi e pili ana i ka noho ana kuloko 0 na kanaka iloko nei o ka aina, ma ke ano o na mahele lahui, e like me ka nu ame ke koikoi o ka lakou mau hana hoowaiwai i hooulu ai iloko nei o ka aina. He mea pono ke kauia ona mau kanawai e hoohoihoi ana i na hana mikiala a na kanaka, e iaa ka oihana kanu kope kau ko a mau mea ulu hoowaiwai e ae. Oia hoi, ma ko makou manao ana he mea maikai oie no ke Aupuni ka auhau koikoi ana i na auhau maluna o na waiwai i ikeia he mau kumu hoowaiwai nui ia mau mea 1 ka aina nei. Aka, ke lana nei nae ko makou manao, ua makaukau pono loa na wahaolelo o ka lahui, no na hana a lakou i manao ai he mau mea ia e pomaikai ai ko lakou mau apana iho a mokupuni paha.

o ka mea maopopo ia makou ma ka nana ana aku i ke kulana maoli o na hoa o ka Ahaolelo e noho nei i keia wa, he poe lakou apau no ka aoao kalaiaina hookahi wale no, ke ole nae hoi makou e kuhihewa. 0 ka lahui Repubalika mai Hawaii a Kauai, oia ka poe na lakou i koho i keia poe. He poe Repubalika wale no keia apau e noho nei ma ka Ahaolelo, a ma ia ano e ku ana lakou ma ka aoao kokua i na hana e hoomauia ai ke ku ana o ke Aupuni Repubalika o Hawaii a hiki i ko Hawaii nei hōohuiia ana aku me Amerika Huiia, ke kumuhana hoi a kakou apau e kali aJtu nei me ka hia-a nui. 0 ka olelo alakai mai ka noho Peresidena mai, no ka mea e pili ana i ko ka Ahaolelo hana ole ana i kekahi mau hana e hookuia ai i ka holopono ana 0 ke Kuikahi Hoohui Aupuni, he manao alakai maikai loa ia i loaa mai, mai ka noho Peresidena mai. Malalo o keia mahele manao, aole no 1 maopopo loa ia makou na mea i makemake ia e kapaeia ae e na hoa o na Hale elua o ka Ahaolelo. Aka, ke ole makou e koho hewa, ua pili no iloko oia kahoahoa ana na manao elike me keia: Aole pono ke koiia e kekahi mau hoa o ka Ahaolelo he mea pono ke hookomoia maloko o ke kuikahi hoohui Aupuni e loaa i na kanaka Hawaii ka pono koho balota i like loa me ke ano oia pono i loaa i ke kanaka Amerika maoli. Aole pono ke koiia e ka Ahaolelo Hawaii, a e kekahi paha o kona mau hoa e aeia o Hawaii nei e komo aku iloko o Amerika ma ke ano mokuaina. 0 na manao ae la elike me keia, he mau mea wale no ia e hoikeike aku ana imua o ka Ahaolelo o Amerika Huiia, ke loaa aku ia mau mea mamua 0 ke kohoia ana o ke kuikahi, aia he mau mahele manao hou loa i oili aku mailoko aku o la Ahaolelo Hawaii 1 kupono no ka hoololi ana i ke kuikahi. E lilo ana na hana o keia ano i mau mea e apo awiwiia mai ai e na enemi o ke kuikahi a loaa he mea e kaohi ia ai ka holopono ana o ua kuikahi la. Ma ke ano nui, ke manao nei makou, e lilo ana keia kau Ahaolelo i wahi e loaa ai na hoomaha ana o na pono o ka lehulehu.

0 ka hope loa a makou e kamailio ae ai, oia keia, Aole anei he mea hiki i ka Ahaolelo ke imi a noonoo mai no ka loaa ana .ife kala piha ia ana 0 na poe pio kalaiaina mawaena o kakou iho nei?