Ka Nupepa Kuokoa, Volume XXXVIII, Number 30, 28 July 1899 — HE AHA MELE. [ARTICLE]

HE AHA MELE.

E weheia ana maloko o ka h&le pohaku e kn nei ma ke kihi o na alannī "Polelewa" (alanui Betela) ame alanui Hotele, he aha mele. ma ke ahiahi o ka Poalua ae nei. A e himeni ana o Annis Montague Turner (Mele Kuke) ko Hawaii nei kahuli'leo lea. He poe loea himeni e ae kekahi e laulima pu ae ana ma ia aha mele. O ka uku koma ke 50 keneta. Ma ka auina la Poakahi nei i puhi manawalea ae ai ka Bana Aupuni ma kahi e ku ana ka moku lawe koa Amerika, nona ka inoa o "Relief" (Hooluolu) no ka pomaikai p na koa Amerika i loohia i ka nawaliwali ma ko lakou mau kino, mai Manila mai. Mahope iho o ka pau ana o ke puhi ohe ana, ua haawi makana mai la o Mr. Berger, ke <alakai o ka Bana Hawail, e kekahi lutanela Amerika me kekahi ohe puhi i loaao ma ke kahua kaua o Caloocan.