Ka Nupepa Kuokoa, Volume XXXVIII, Number 32, 11 August 1899 — HOIKE HUI O NA KULA SABATI O HAWAII KOMOHANA. [ARTICLE]

HOIKE HUI O NA KULA SABATI O HAWAII KOMOHANA.

E maiamaia ana ka Hoike Hui Nui 0 na Kula Sabati i haiia maiuna, ma kahi e noho ai ka Ahahui Euanelio o ka Mokupuni o Hawaii. Ua hauoli nui ia na Kula Sabatiapau mai "Keaukukuiula" i na lae makawalu o Kona 1 ka lai malino a ehu, a hiki aku i ke kai "Kauhaa a ka malihini," i "Kuu Haku hoi i Kaua-Haao," "ke lele ae la maluna o Auaulele," a hui pu mai me na Kula Sabati o na Kona, ke hiki aku i ke Sabati, la — o Sepatemaba, a hauoli lani like ae kakou ma ka Betera o Pukaana, Hookena, S. Kona, Hawaii. E ala! E ala e na puali lani Kula Sabti o Hawaii Komohana, e aahu iho i na kahiko kupaa o ka manaoio hana, a e nee ae no ke kahua heihei lani, haiia maluna. Penei na Haawina i hoomakaukauia a i haiia aku hoi i na Kula Sabati: Haawina o Aperila, Sabati 1a.2 ame 9, ia Milolii; Sabati la 16, 23 ame 30, ia Kaohe. Haawina o May ia Pukaana; lune ia Kepuku; lulai ia Kona Waena; Sepatemaba, Sabati la 3 ame 10 ia Kailua; Sabati la 17 ame 24 ia Kekaha. Eia na Himeni Hui: Hoku Ao Nani, aoao 196, 251, 172, 97, ame 104. 0 ka Euanelio, 149 o ka H. A. N. Ua makemakeia na Kula Sabati apau e lawe mai i na Haawina a Milolii ma ke ano eleu, aole me ka loloiahiii. a pela no hoi me na himeni, mai lawe mai i na himeni kohu ole i ka hana Kula Sabati. Me ka mahalo, Ko oukou iho no, DAVID ALAWA. Kailua, H., Aug. 7, 1899. K. K. S. N.