Ka Nupepa Kuokoa, Volume XXXVIII, Number 32, 11 August 1899 — NU HOU HAWAII [ARTICLE]

NU HOU HAWAII

Ka la hoohui aupuni ka Ia apopo. ! Eia mai o Makamu ma ka pepa o ' keia Ja. I keia la nae e malamaia ai na hoomanao kulaia ana no ka la apopo. Ma ka la aku la i nehinei i noho ai ka Papa Hoopii Au'hau o ka mokupuni o Oahu nei. Ua hala aku ka Rev. Timoteo me Ezera no Amerika Huipuia, malalo o ka lokomaikai o kekahi poe puuwai lokomaikai o Honolulu nei. Ua loaa mai he lono ia nei, e hoea mai ana, ma ke alahele ma Amerika Huipuia mai, he 1000 poe Italia. Ma ka la iho la inehieni i piha ai na makahiki he 21 o ka noho lawelawe kakauolelo ana o Mr. J. A. Hassinger (Hakini'kaea) no ka Oihana Kalaiaina. Mai poina na makamaka i ka nana ae i ka makou mau olelo hoolaha e puka aku nei ma ko makou pepa o keia la. Ua hala aku« o Mr. George D. Gear, | kekahi o na loio ili puakea o Honolulu nei, no Wasinetona, Amerika Huipuia, ma kekahi huakai pili kanawai. Mauka ae nei o Kaakopua e kukulu ia aku ai ka hale hui o na haumana o ke Kula Kamehameha i puka mua. He hale keia o 150 kapuai- ka loa, a he 100 kapuai ka laula. Ma ka Poalua nei i hookolokoloia ai 0 Lilinoe (w) imua o ke Kiure Hawaii, no ka lapaau laikini ole, a ua hookuuia eke Kiure. He ekolu nae Kiure ae ole e hookuu. O ka ono ame ka oluolu o ka inu ana 1 ka Laau Kunu a Kamalena, oia ke kumu i loaa ai ke ola hikiwawe, a lilo | ia i laau punahele loa ia e na kanaka | apau, i hoea aku ai ia. E kuaiia ana e na poe kuai laau lapaau apau. 0 | Benson Smith & Co., na agena no ko Hawaii Pae Aina. * ( —_ . He hale hana hau (iee) ko Waimea, Kauai. E hiki ana i keia hale ke hanau mai i 1,400 paona hau paa i kela ame keia la. E olu ana ko Waimea poe i ka inu mau i ka wai hau. Mawaena o na hora 7:30 ame 9 o ka po Poakolu nei, ua aihue ia aku la ke kaa ame ka lio o Mr. W. O. Atwater, mai kahi i kukuluia ai, ma ke alo iho o ka Hale Masonic Temple. Ma ka Poakahi nei i hoomaka ai ka noho ana o kela hihia koi poho a J. H. Soper ma i ka Hui Mahiko o Waialua, no kekahi mau mahele mahiko, o l'oko oia hui i manaoia, ua lilo ia Soper ma, ma ka aelike me Dilinahama. Iloko o ka wa kaua kivila iho nei o kakou, a pela nohoi me ke kaua ana iho nei me Sepania, o ka ma'i hi, oia kekah; mea i hoopilikia nui loa i ko kakou poe koa. Ma na ma'i he nui, e lilo ana keia i ma'i kau, a e popilikia ana na poe koa kahiko. 0 Mr. David Taylor o Wind Ridge, Greeve Co., Pa., kekahi mea i pilikia ano ma'i. Ua inu nae ia i ka Laau Ola a Kamalena no ke nahu, ke kolera ame ka hi, a ua olelo oia, aohe laau ana i ike ai i ke ola hikiwawe o keia ano ma'i, elike me keia. E kuaiia ana e na poe kuai laau lapaau apau. O Benson Smith & Co., na agena no ko Hawaii Pae Aina. Ma ka luakini o Pukaana, ma iHookena, Kona Hema, Hawaii, e noho ai ka Ahahui Kula Sabati o ka mokupuni o Hawaii, ma ka malama ae nei o Sepatemaba, a oia no ka wa e noho ai ko laila Aha Euanelio. Ma ke ahiahi Poalua nei i puhi hoomaemaeia ae ai he 450 tona ukana, i loaa mai ia nei, mai Asia mai, maluna mai o ka mokuahi Kina, mamuli o ke kauoha a ka Papa Ola. 0 Agena Lalana ka mea nana i kiai pono i na hana hoomaemae. % 0 no meeau he mau mea hoopoino i na keiki liilii a i ka poe nunui pu nohoi kekahi". O ka aila hamo a DOAN aole loa ia e pahua. He hoopakele pokole a he hoola hikiwawe. E loaa no ma na halekuai laau apau no ke 50 keneta.