Ka Nupepa Kuokoa, Volume XXXVIII, Number 48, 1 December 1899 — JOHN HOPP. [ARTICLE]

JOHN HOPP.

Ma ka hora 11 o ka Poakolu nei i make ai o John Hopp ma kona wahi noho ma Alanui Alakea, i ke 71 o kona mau makahiki. O keia no ka mea nana i kukulii mua i ka halekuai o na lako hoonani hale ma ke kihi mauka aoao Waikiki o na Alanui Betela me Moi. Ua nalowale he elua mau Bila Kikoo Dala ma ka inoa o ka Hui "Kona Sugar Go." Helu 732, ame 733, no ?250 oka mea hookahi. Ua papaia ka hookaaia ana o keia mau bila. Ua make ma ka la 28 o Novemaba aku nei, ke keiki opio a Mr. ame Mrs. Wm. Keiki. He 4 makahiki me 17 la o ka opio a haalele mai la i kona mau makua. AlOha wale no ka hoi! Ua kauia ka hoopai hoopaahao a pau ke ola maluna o Ihara, kela lapana, "pepehikanaka" o Kahuku, Koolauloa, mamuli o ka hooholo ana a ka Aha kuka o ke Aupuni ma ka Foalua nei. Hoopaneeia ka moolelo "Ke Aloha o kuu Makuakane" a keia pule ae. ALOHA Karikimaka! O ko makou helu mua keia o keia mahina hope o ka makahiki.