Ka Nupepa Kuokoa, Volume XXXVIII, Number 5, 2 February 1900 — HE KAULIKE ANEI KEIA? [ARTICLE]

HE KAULIKE ANEI KEIA?

Maloko o ka nupepa "AdvertisēV" o ka Poaha nei, Feb. 1, i ike iho ai makou i keia manao: "Ua laweia mai kekahi Farani e noho ana no ka manawa wale no, ma Puowaina, i ke keena o ka Papa Ola, e kekahi koa Aupuni, ma ka auina la o nehinei (Poakolu, lan. 31), no ka hoonoho ana hoi i ua wahine la malalo o ka hoomalu. Ua hoike mai ke koa, ua noho mua keia wahine ma kekahi keena maluna 0 ka hale, ma ke kihi 0 na alanui Nuuanu me Kukui, ka hale i make ai kekahi lapana (no ka ma'i bubonika. —L. H.) ma ke kakahiaka 0 ka la 22 o lanuari. Ua holo malu mai la keia wahine mai kela wahi mai, ma ka wa dna i hoomaopopo ai i ka make ana o ka lapana, a noho pu ae la me na wahine Farani e ae i puhee mai ka apana Pauahi mai. O na poe apau o loko o kela hale (ma alanui Nuuanu me Kukui) ua pau lakou i ka paa, a laweia i kahi hoomalu ma ke kahua : kipu (Kakaako. —L. H.) no ka hoomaluia ana. "Ma ka wa i ninauia aku ai o Pere--Bidena Wood no ka hana e hanala ai no kela wahine, i\a pane mai oia, na ke Kanikela Farani oia e nana. "Ma ka la mamua iho, o na lapana apau i hoonohoia ai maloko o ka hale paikau koa no ka manawa, e pono lakou e hoihoiia aku i kahi hoomalu ma Kalihi, me ka nana ole ia nae o ko lakou hoopaaia ana ma keia wahi mai ka la 20 o lanuari. Ua malele loa keia poe mai n£i mea mai he ma'i, a ua hookaawaleia nohoi mai ka lehulehu aku. "O keia wahine Farani hoi, ua aeia oia e hele me ke akeakea ole ia."