Ka Nupepa Kuokoa, Volume XXXVIII, Number 20, 18 May 1900 — EI AE O MAUI A HIKI MAI-ALA NA REPUBALIKA. [ARTICLE]

EI AE O MAUI A HIKI MAI-ALA NA REPUBALIKA.

Ke hooikaika mai '.a na Alakai o ka Aoao Repuba!ika e malama i halawai nui no ka la 17, oia ka Poakolu nsi, a ia la e koho ai lakou i 18 mau Elele no ka Aha Elele e malamaia ana ma Honolulu nei ika la 30 iho. E like me ka maa mau, o na hana kalai pono kaulike he mea ohohia nui loa ia na ko Maui poe, a pela no lakou e ala lokahi mal la no ka noonoo ana i ka pono kaulike o ka lehulehu. Ua oleloia mai aia ka i ka la 23 iho e noonooia ai ka Papa Hoonoho o na pono i manao nui ia ai no ka lehuiehu. Eleu no. Eia no Oahu, aohe i hana ia^hana. MAU KUMU HOU NO MAUNAOLU. He halawai ka ka Papa Kahu o ke kula i malama ma ka auina la Poaha aku nei no ka noonoo ana i ka haalele ana o Miss Simpson i ka hana, me ka imi ana i pani nona me ona kokua hou, ke makaukau mai ka halekula hou a Bolowina i kukulu iho n«i. Kaenaia mai keia halekula i ka nani 0 kona mau hiohiona, me ka malkai o ka hana a na kamana. E paa ana i ka malama o Augate ae nei. KA NAHELE 0 PUUHUE. Ke hoeueu mai ia na kamaaina o na Waieha i na poe mahiko, e hapaj like 1 ke kanu ana i ka laau ma na kula panoa o Waikapu a hiki i Maalaea. I ka wa kahiko hi? ululaau nui ma keia mau wahi. aka, i keia wa, he kula na ka lepo. A ua manaoia, ina e lokahi na mahiko alaila, e lilo no kela mau kula i nahele na ka puuwai e hoohihi ai. I MAU HALE HOU. Ke paipai mai nei kekahi poe mea eke loloa i na ona aina o Wailuku e kukulu i mau hale hoolimalima e like me ke kaona nei. Mahope iho nei oka pau ana o ka Bubonika, ua pii ino ke kulana o Wailuku—moe ke paipu wai, ku ka halepai nupepa, ku he mau hale hou no ka Hui Telepona, ku he mau hana hou, a lehulehu wale aku. Wahi a ka nupepa namu o Wailuku: "He mea waiwai loa no ka poe mea aina e kukulu koke i mau hale kupono no ka hoolimalima kupono, e loaa koke no na ohana maikai ame na poe e ae e manao ana e holo makaikai ma Muai. I keia wa, aole wahi kupono no na malihini. Aia a loaa he kamaaina pono iho la." t