Ka Nupepa Kuokoa, Volume XXXIX, Number 4, 25 January 1901 — AWAAWA HAWAII I KA OIWI PUPUHI KUKUI A POULI A! [ARTICLE]

AWAAWA HAWAII I KA OIWI PUPUHI KUKUI A POULI A!

Ma ka halawai a kekahl mau lala aiakal mana o ka Ahahui Kalaiaina Home Rula Kuokoa i malamaia ma ka i po Poaha o keia pule iho nei, i hanaia ai kekahi Olelo Hooholo Kumakena a kekahi mau keonimana oia poai, e kipaku ana i ka.Mea Hanohano, James K. Kaulia, mai ka noho Lunahoomalu ana hoi no ke Komite Hooko. ī- kaMoheia o keia mau hana awaawa a keia poe, ua nui ka mina.,mina me ke kaumaha nona, oiai, o Kaulia ka lama ku nana i alakai i kela ahahui mai loko mai o na pouli he nui, a o ka Makua maikai, ka Mea Hanohano D. Kalauokaiani ka mea nana i kau ae i ua lama la, a loaa iaia ke Aolaela#<e hookele/ai l kona "waa" i na ale kulipilipio iho nei o ke koho balota. Aole no he wahi kumu kupono 0 kona kapaeia ana i keia wa, no ka mea, aole ana hana kupono ole i lawelawe ai, i poino ai ua ahahui ia. Malia paha, no ka holhol ole o ka poe na lakou ua Olelo Hoohoio la, i kona kaena, oia ke aiakai o ua hui la. Ua pololei no. O Kaulia ke kumu, o Kauiia ka makua, a o Kaulia ke kauwa a hiki iho la i ke ku ana he hui, kapaeia ae la ua'Kaulia nei, a onouia ae la ka poe i luhi ole. Aloha no!. No kakou no la hoi keia olelo ana: "Ke makemake i aina emi e haawi i mau kenikeni i kahi Hawaii, a nana e huii a ioaa, haawi mai." Pela iho ia no i hanaia ai na Hawaii ma na aina aikanaka. Na ka Hawaii i a'o a laka, na ka haole e noho me ka haakei na "kihapai" o ka luhi ana. Ua hoomaopopo ole nae keia poe i ka hopena ino o ia hana, oiai, o ka Ahahui i kukuluia, na ka Ahahui Kalaiaina ia halawal; aole loa he mau elele i hoomaopopoia, no ka Ahahui Aloha Aina mai. Na ke Kalaiaina ke laiahaua aha elele; aohe a ke Aloha Alna. Malalo o na rula maa mau i na ahahui, "aole e ili ke koikoi o na hana a kekahi lala a mau lala paha, maluna o ka Hui holookoa, ke ole e hoomanaia e kekahi pauku kanawai o ka hui." Nolaila* ina aole io i kauohaia na lala o ke Aloha Aina i komo pu ma ka Aha Elele Hookumu Ahahui r, i keia mau pule iho nei e apono i na hana a na Elele o ke Kalaiaina, alaila, ua mana ole ia hana maluna o 'ke Aloha Aina, a pela e hiki ai ia Kaulia ke hoomau aku i kona Ahahui ke aponoia e kona mau mahele. Mamuli nae o ko Kaulia kulana keonimana, a he naauao no hoi, ua hiki nae ke manaolana ae, aole loa oia e hana ana i kekahi mea e hoohiolo ai; 1 ka pono ana i kukulu ai. O ka moto o ka naauao: "I ka lokahi ka ikaika, I ka mokuahana ka nawaliwall."