Ka Nupepa Kuokoa, Volume XXXIX, Number 36, 30 August 1901 — Page 3
| This text was transcribed by: | Kate Motoyama |
| This work is dedicated to: | sister wendy yamamura |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, AUGATE 30, 1901
HOOLAHA KUMAU.
--
Ka Hui Alahao âme Aina o Oahu
Mahope aku o Ianuari 1, 1901.
Manawa Holo
WAHI HOO-
LULU.
Mai Honolulu
aku.)
Waianae, kaa huikau
na la apau koe ke Sa-
bati.
A.M.
Monoiuiu . . 7:1
Hanana . . . 8:0
Wili o Ewa . . . 8:37
Waaianae . . . 9:2
Waialua . . . . . .
Waialua, kaa ohua, na
la apau.
P.M.
Monoiuiu . . 3:10
Hanana . . . 3:48
Wili o Ewa . . . 4:08
Waaianae . . . 4:43
Waialua . . . 2:00
Waianae, kaa ohua
na la apau.
P.M.
Monoiuiu . . 5:10
Hanana . . . 5:50
Wili o Ewa . . . 5:30
Waaianae . . . . . .
Waialua . . . . . .
Wili o Ewa
P.M.
Monoiuiu . . 5:10
Hanana . . . 5:50
Wili o Ewa . . . 6:10
Waaianae . . . . . .
Waialua . . . . . .
WAHI HOO-
LULU.
Mai waho mai
ai Honolulu.)
Wili o Ewa, ka
koe ke Sabati
A.M.
Waialua . . . . .
Waianae . . . . .
Wili o Ewa . . 5:50
M@kaa . . . 6:15
Honolulu . 6:50
Waialua ka ohua, na
la apau.
A.M.
Waialua . . 6:12
Waianae . . 7:12
Wili o Ewa . . 7:47
M@kaa . . . 8:07
Honolulu . 8:40
na la apa@ aa huikau-
a @uip@, koe e Sa-
bati
A.M.
Waialua . . . . .
Waianae . . 10:09
Wili o Ewa . . 10:59
M@kaa . . . 11:3
Honolulu .
Waialua kaa na ohua
la a pau
Wili o Ewa kao ohua
P.M.
Waialua . . 2:39
Waianae . . 3:55
Wili o Ewa . . 4:32
M@kaa . . .
Honolulu . 5:26
Waialua . . . . .
Waianae . . . . .
Wili o Ewa . . 2:45
M@kaa . . . 1:10
Honolulu . 1:45
G. P. DENISON,
Luna F. C. SMITH,
Luna Kuai Palapala Ho
--
LYLE A DICKEY
--
mai na Mokupuni mai.
E hookoia na hana pili kanawai apa
Kihi o Alanui Betela me Moi. Pah@
--
Metropolitan Meat Co
(Hui Kuai Pipi @tropolitan.)
@. J. WALLER, (Waia) - Luna Nu
108 Alanui Moi.
Poe Kuai a Hoolako i na Moku
ME
na lo Pipi, Hipa a pela'ku.
E loaa mau ana na Manu ame na Ma-
mano i hoohu'ihu'iia iloko o
ka Hau.
Makepono ke Kuai i na I'o Pipi mae
nei.
TELEPONA HELU - - @
3786-tf
Ka Ayer Laau
Hoomaemae Koko.
(SARSAPARILLA.)
. . .
E hoomaemae oe i kou koko me ka Ayer Laau Hoomaemae Koko (Sarsaparilla), o keia ka laau pahu'a ole o kona ikaika hooia. Kupono maoli keia laau no ka ma'i Alaala, ma'i Hehe Puha, ma'i Aai, ma'i Kuapuhi, ma'i Puupuu oolohu, ma'i Kane pohaka ame na ma'i no apau e ulu mai ana mailoko mai o ke koko ino. He kupono loa nohoi keia LAAU HOOMAEMAE KOKO A AYER no ka ma'i nalulu (catarrh), rumatika ame ka rumatika pehu.
Ma ke ano he laau hooikaika kino la, aohe on a lua. E kokua ana ia i na mea paahana o ka opu ma ka hoowali ana i ka ai, hooikaika i ka hana ana a ke ake-paa nawaliwali, hooikaika hoi i na aa-lolo a hooikaika pu hoi i ke kino i hele a nawaliwali mamuli o ka luhi ame ka hoomailo ana a ka ma'i. Ua ike na kauka lapaau ma na wahi apau, he Laau maikai loa keia Laau Hoomaemae Koko a Ayer. He laau keia i loaa no loko mai o ka pa'ipa'i ame ke kawili a hoohuihui naauao ia ana o na laau hoomaemae koko a hooikaika kino ikaika loa. Aohe laau hoomaemae koko elike ma keia, a i makemake nui ia nohoi elike me keia.
Ka Ayer
Sarsaparilla
Hoomakaukauia e
DR. J. C. AYER & CO.,
Lowell, Mass., U. S. A.
--
Ol@ ka Ma'i Awa- * Huaale a Ayer
awahia o ka Opu i na
--
No Keaha I HOOKAWELEWE
• LE LOA AKU A
OE I KELA
ANU, KUNU
AME PUU EHA?
-.-
Ua kaulana loa ka LAAU KUNU A AYER (Ayer's Cherry Pectoral) iloko o na makahiki he aneane 60, ma ka hooia ana i na Ma'i o ka Puu ame ke Akemama, ke Anu, ke Kunu, ka Ma'i La Grippe, ame ka Ma'i Mala o ka pale Akemama. He ono keia laau ma ka inu ana, a he oiaio ke ola.
AYER'S CHERRY PECTORAL
--
Na Medala Gula mai na Hoikeike Nui o ke A@
--
Mai lawe i na Laau Emi i Hoohalikeia me kai@
--
Hollister Drug Co. Lt.
Na Agena ma ka Paeaina Hawaii.
KE KINOWAILUA
I KE
Kuluaumoe
--
Ua hoike aku ko oukou mea kakau i ka loaa ana o ka hana a ka kakou Bernice i ka pule i hala ame kona hoike ana aku hoi i keia Lede Diana i kona ike himeni,: kona ike hookani pila ame kona ike heluhelu ma ka olelo Palani. Ua nui loa ka hauoli o keia Lede waiwai i ka loaa ana iaia o kekahi hoa noho a hoa hele elike me keia. Aole oia i ike mua i kekahi kaikamahine u'i e like me keia a oiai oia e nana ana i kona mau maka nunui mohaha maikai, kona helehelena i like aku me ka mahina piha, kona u'i aohe lua e like ai, o keia ka oi ana i ike ai.
Ua kahea koke aku la oia ia Fafine a i kona komo ana mai ua pane aku la oia. "E noho ana o Miss Guana me a'u. E lawe aku e hoike iaia i kona lumi, ka lumi rose, e kokoe ala i ko'u lumi."
Mahalo aku la o Bernice i kona Haku Wahine me na olelo maikai a hoi aku la no keia lumi i haawi ia mai la nona. I ko laua komo ana aku iloko ua ike aku la oia i kekahi lumi maikai i like aku me kona lumi moe ma kona Kakela ma Ketawina. Lele aku la kona hoomanao i kela mau la hauoli i hala aku ame kana kane aloha, aia la oia i hea i keia ahiahi, a heaha la kana mea nui e noonoo nei i keia po? Hoomanao ae la oia i na la o ka inea i hala aku, a he mau mea ia e huki mai ana i ka waimaka a kau ma ka lihilihi maka. Oiai kona mau maka e haloiloi ana me ka waimaka ua pane mai la kana kauwa Fafine. "Heaha kau e noonoo nei?"
"E noonoo ae ana wau i na la i hala. E noonoo ae ana wau i keia mau la hauoli a kaua i ike like ai ma ke Kakela ame kuu kane i aneane e lilo aku i ka mea okoa. Oh, Fafine, ua hauoli wau i ka loaa ana o keia home maikai ia'u i keia po, a ua nui hoi ko'u mahalo ia oe, aka mai oi loa aku ko'u hauoli in a ua mare Kuu Roy (Roe) i kana wahine a noho hana aku wau malalo o laua i ike mau aku ai wau i kona helehelena! O kona helehelena wale no ka ai nana e hoomaona mai kuu ola ana, a o kona helehelena wale no ka mea nui ia'u ma keia ao. Ina he hiki ia'u ke hoi aku i mua on a, in a ua ike wau he wahi aloha no koe iloko o kona puuwai no'u, me nei ua paumi ia iho kuu hauoli, aka, he mau noonoo makehewa wale no keia."
Ua kulu mai la kona mau waimaka, a ua ike aku la kana kauwa Fafine he mea waiwai ole ke kamailio ana aku no keia mau mea e hoehaeha, wale ai no i kona noonoo. Ua makemake oia e ninau aku iaia heaha ia kona kumu e hoi ole nei imua o kana kane, aka ua hooki wale iho la no oia. Ua hooponopono aku la oia i na mea apau o kona Haku Wahine opio a i ka makaukau ana ua hoi aku la oia no kona lumi, oiai he lumi no kona o loko o keia hale nui, a he moe o oia me keia Lede Diana i kekahi manawa.
Na ka lede Diana hoi, ua nui kona noonoo no keia mau helehelena ana i ike aku la. Aia kekahi mau hiohiona o kana bebe aloha i hala aku ma kela ao iluna o ka helehelena o keia kaikamahine opio.
"Owai la oia?" wahi ana i pane ae ai. "Ua like aku kona u'i me ka nani o ka Anela. E hoike mai ana hoi kona helehelena i ke ano maikai ame ke ano e huki mai ai i na kane lehulehu, he oluolu, he u'i, he akamai a he ike rula. Me he mea ala ua like loa kona mau maka mena maka o ka'u bebe i hala aku ma kela ao. Ah! Ina no hoi i ola kuu bebe aloha a ulu ae oia a like me keia wahine opio me nei owau kekahi wahine hauoli loa me keia ao i keia po, aka ua hala, ua hala!"
Ua hooluolu aku la oia ia po a i ke kakahiaka mahope o ka aina kakahiaka ua noho keia lede opio me ia i ka la holookoa, a ua hauoli hoi oia i ka loaa ana o kekahi hoa maikai e like me ia. I kona manawa e molowa ai ua hoohauoli ia mai la oia me na himeni maikai loa ana i lohe mua ole ai. I ka pau ana o ia mau mea hoolealea ua heluhelu mai la oia i kekahi mau hoolelo maikai ma ka olelo Palani a loaa hou ia mea a laua e nanae ai. Ua like ko laua noho ana i keia la me ka noho ana o ka makuahine me kana kaikamahine. I ka hora eha o ka auwina la ua hele aku la laua i ka holo kaa a i ka hoi ana mai ua makaukau ka aina ahiahi. Ua hoi mua aku la laua i ko laua mau lumi a komo mai ia i ko laua mau aahu nani mamua o ka iho ana mai i ka lumi aina. He wahine aoo kekahi i kono ia e ai pu me lakou a i ka pau ana o ka aina ahiahi ua hoi aku la kela ame keia no kona lumi. No ka makahiamoe ole o ka Lede Diana ua iho mai laoia no ka lumi hookipa e heluhelu buke ai. Aole oia i makemake e kahea aku ia MissGuana no ka mea ua nui kana hana i keia la a po. Iaia no e heluhelu ana i keia buke ua lohe aku la oia i ke kani o ka bele. Aole i loihi ua komo m aila ke kauwa me kekahi pepa inoa, Mr. Komoikaehuehu. Ua ike iho la oia o Komoikaehuehu keia malihini i hookani mai la i ka bele a kauoha aku la oia i ke kauwa e hoike mai iaia i kahi e komo mai ai.
Aole i loihi kana kali ana ua ike aku la oia i ke komo ana mai o kekahi keonimana kulana hiehie, a ku koke ae la oia a hele aku la e lululima a e hookipa maikai mai iaia. Ua noi aku la oia i kana malihini e noho ilalo me ka hoike pu ana aku iaia i kona noho e noho ai. Mahope o kekahi hookamailio ana ua ninau aku la o Komoikaehuehu.
"E hee ana oe i ka hulahula nui a Kalemene i keia po? ua lohe mai nei wau o keia ka hulahula nui loa i haawi ia i keia makahiki."
"Ua oi aku ko'u makemake i ko'u home mamua oia hulahula. E hele ana oe?"
"Aole ilaila. Ua lawa wau i na hulahula i keia makahiki ame na luau a ke makemake nei wau e hoi aku i ko'u home ma Tatare."
"E ohi i'o ana oe ilaila! Heaha hoi keia? Ua molowa koke iho la no oe ia Ladana nei?" Ua ike aku la o Komoikaehuehu i ke ano puiwa la o Komoikaehuehu i ke ano puiwa o ka Lede Diana a manao wale ae la no ua Komoikaehuehu nei o ka manawa keia.
"Ae, e hoi aku ana wau i ko'u wahi. Ua pau ae ia no ka'u hana i hele mai nei i Ladana nei a aohe mea e ae nana e paa mai ia'u i hope nai, a nolaila ua oi aku ka maikai e hoi aku wau i keia wahi mehameha. Malaila wau e noho ai a hiki i ko'u mau ia hope e like me ka noho ana o Liwinekona a make ma Aferika."
"Pehea ia oe i makemake loa ai i kena wahi mehameha?" wahi a ka lede Diana me ka nana pono ana aku i keia keonimana waiwai.
"Aohe no he mea e hoohauoli mai ana aka aia malaila ka'u hana. O keia paha ka'u huakai hope loa ma Enelani nei, a i hele mai nei wau e ike ia oe no ka wa hope loa. Ke manaolana nei wau e hauoli ana kou mare ana me ka Haku Kentamua."
"Nawai oe i hoike mai nei i kena mea hoopunipuni?" wahi a ka Lede Diana i pane mai ai me kona helehelena i hele a ula no keia mare on a. "He oiaio ua hoopaiau maua mamua aku nei aka ua ike wau aole maua e hauoli ana ke noho pu a nolaila ua hoopau wau i ko mana hoopalau."
"Aloha ino no ka hoi ka Haku Kentamua!"
"Ua noi mai oia e hoopaiau maua a ua ae aku wau aole no ko'u aloha iaia aka no ko'u mehameha i keia ao. Mahope nae o ko maua hoopaiau ana ua ike iho la wau aole e hauoli ana ko maua noho mare ana oiai aole wau i aloha iaia. Ua aloha wau iaia i na la o maua e hele pu ana i ke kula aka he aloha kamaili la. Ua mare wau i ka Haku Sir Rupert Northwick, (aole i maopopo ka inoa mua i unuhi ia ai o keia inoa a nolaila ke haawi aku nei ko oukou mea kakau i ka inoa haole) mamuli o ke kauoha a ko'u makuahine, a ua hoao aku hoi wau e hoopoina i ka Haku Kentamua. Ua hana wau in a hana maikai i ka'u kane a'u i aloha ole ai, a aole wau i hanaino a hana paha i kekahi mau mea e hewa ai kona noonoo. Aka, o keia Haku Kentamua ka mea
Nani mai la lakou i keia Kaikamahine u'i e komo aku ana me ka
Makai Kiu, me ka ike ole mai o Bernice no keia.
nana i hookaawale ae ia'u me ka'u kane. Aole i ike ka'u kane mare ua komo poe maua me kou makuahine iloko o ka aie a na kuai ia aku hoi wau iaia e like me ke kuai ana ia o na kauwa wahine. Aka, ua hala ia mau la a no keia HakuKentamua aole loa e hiki ia'u ke mare iaia."
Ua ike iho la ka kakou Komoikaehuehu o kona manawa kupono keia, ua hala ae la o Kentamua o kona manawa hoi keia. Ua hoao ae la oia e hooponopono i kona noho ana, wili pono ae la i kona umiumi, hamo ae la i kona lauoho a maikai pono a ia manawa oia i pane aku ai.
"Manao wau ua pololei loa oe i ka hoole ana iaia. Ua oi loa aku ka maikai e noho no olua me keia. Aohe mea nana oe e paa mai i keia manawa mai ka mare ana i keia manawa mai ka mare ana i ka mea au i makemake ai. E Lede Diana, ua nui kau mau hana maikai i hana mai ai ia'u i na la i hala ae nei, a he mau mea ia na'u e hoomanao mau ai, o ka'u mea e makemake nei e olelo aku ia oe he mau olelo ia i lohe mau ia e kou pepeiao aka e hoao ana wau e hai hou aku ia oe. Mai ko'u ike ana ia oe a hiki i keia manawa ua komo mai ke aloha iloko o ko'u puuwai, a oia aloha ka mea nana i kono mai ia'u e noi aku ia oe i keia ahiahi i wahine oe na'u. Pehea keia i kou manao? He aloha no oe ia'u?"
Ua puiwa loa ka Lede Diana i ka lohe ana i keia mau olelo. Olelo mua aku nei hoi iaia e hoi i Tatre a ke noi mai nei e mare laua. Aka ua aloha oia i keia kanaka a oiai ua noi mai la oia e mare ia laua he hookahi wale no haina o ka ae aku.
"Ae, he aloha no wau ia oe."
Ua eleu koke mai la ua Komoikaehuehu nei a apo aloha ae la i keia Lede e lilo aku ana iaia, no kona makemake loa e lohe hou i kela mau olelo maikai ua ninau hou aku la oia, "Pehea, he aloha i'o no oe ia'u?"
Ua puiwa loa ka Lede Diana i ka lohe ana i keia mau olelo. Olelo mua aku nei hoi iaia e hoi i Tatare a ke noi mai nei e mare laua. Aka ua aloha oia i keia kanaka a oia ua noi mai la ola e mare ia laua he hookahi wale no haina o ka ae aku.
"Ae, he aloha no wau ia oe."
Ua eleu koke mai la ua homoikaehuehu nei a apo aloha ae la i keia Lede e lilo aku ana iaia, no kona makemake loa e lohe hou i keia mau olelo maikai ua ninau hou aku ia oia, "Pehea, he aloha i'o no oe ia'u?"
"Ae," wahi a ka Lede Diana i hawanawana ae ai, "mamua o na mea a pau."
"Ua oi ae kou aloha ia'u mamua o ka Haku Kentamua?"
"Hookahi kaukani manawa ka oi ae. He aloha kaikamahine wale no kou iaia, aka ia oe ke haawi aku nei wau i kuu aloha o keia mau la, he aloha wela e pio ole ai i ka wai e kahe ana."
"He oiaio kena mau mea au e olelo mai ia?"
"Ae, he oiaio, e like me ka oiaio o na olelo i puka mai ka waha mai o ke kahunapule maluna o ka awai pela ka oiaio o ka'u mau mea i olelo aku nei ia oe. A pehea hoi oe, he aloha no oe ia'u."
"Tahuhu, no ke aloha hoi keia hiki ana mai la. Ina paha aohe aloha aohe e hele ia mai keia kula loa. Aka ua hauoli loa wau i kou lilo ana ia'u."
"I kou hiki ana mai nei olelo mai nei hoi oe e hoi ana oe i Tatare a malaila oe e noho ai a hiki i kou make ana, eia ka hoi he manao okoa kou."
"Aohe e ai ka i'a i ka maunu in a e ike i ka makau, e pela nohoi keia. O ka maunu ka'u i hoike mua aku nei la oe a huna ia ka makau, a hei mai la oe i ka'u makau. Ua manao aku nei wau ua lilo oe ia ha'i eia ka aole. Ua hele mai nei wau me ke ano nuha, a e hoi aku ana me ka hauoli."
"Ah, he mau mahina wale ae nei no i hala ko'u ike ana ia oe eia ka e lilo ana oe i makua no'u no keia mua aku. Ua hoohauoli loa mai oe ia'u."
"Oiai ua maopopo ae la ko kaua mare, he wahi mea nohoi ka'u e hoike aku ai. Ua hoike mai nei oe i kou moolelo, a ua like loa ko kaua moolelo. Ua mare nohoi ka'u wahine ia'u no ko'u waiwai. I kekahi la ua lohe wau i kekahi mau olelo mawaena on a ame kana aloha a na ia mau olelo i hoopupule mai ia'u. Ua hoi koke aku wau i ko'u lumi a kakau iho la wau i kekahi leka a hoike aku ana i ka'u wahine ua lohe wau i na mea apau loa. Ua hele aku la au i ka wahi e moe ana ka maua bebe, hapai ae la wau i kuu bebealoha, a holo aku la maua. Ua lawe aku wau i keia kaikamahine a waiho aku ma ka lima o kekahi malilhini. Ua ano pupule wau, a holo loa aku no Tatare. Malaila wau kahi i noho ai a hiki wale no i keia manawa. I hoi mai nei wau e huli i kuu kaikamahine aloha. Ua hoike ia mai nei ia'u ua hala aku oia ma kela ao. Ua ike wau ia oe, aloha ia oe, a ua hooko ia mai ia ko'u iini. Aole wau io Komoikaehuehu aka o ka Haku Sir Rupert Northwick, kau kane mare mua."
I ka lohe ana o Lede Diana i keia mau olelo, ua like ia me kekahi poka pu i ki ia mai iaia, ua aneane loa oia e maule i ka ike ana aole keia he mea okoa ana i aloha a i ae aku la e lilo i wahine, aka o kana kane no ana hoi i ike ole no kekahi mau makahiki loihi. Ua manao ae la oia aole e ae mai ana oia e mare iaia, aka ua lele mai la kana kane a honi iaia. Puili mai la oia iaia me koa mau lima ikaika, a pane mai la. "O na mea i hala ua hala ia, e nana aku kaua ia mua. He nani ia ua ae mai la oe e mare ia kaua, ua hoike mai la no oe i kou aloha, nolaila aohe pilikia i koe.
"Alaila aole oe i huhu ia'u e kuu aloha?"
"Ua hauoli loa au a ike ole ia mea he huhu. E hele mai oe i o'u nei, ua loihi ko kaua kaawale ana, aka e hoi ana kaua no ka wa mau loa. Kuu wahine no ka wa mau loa."
O keia ae ia ka hui hou ana o Komoikaehuehu me kana wahine, a noho hauoli. Aole laua i moe uhane mua, aia no maloko o na pala o keia hale nani e noho pu ana ka laua kaikamahine me laua. Ua lohe ia aku la na manu kani ahiahi e mele mai ana, ua hauoli loa ka Lede Diana i ko laua hui hou ana, a mai keia manawa aku a i ka wa mua loa aole loa oia e mehameha hou ana ma keia ao.
Ua hui hou ke kane me ka wahine!
O ka mea aka loa, oiai laua nei e puili ana kekahi ua ike mai la kahi makai kiu, oiai mawaho oia o keia hale i keia manawa kahi i nana mai ai i kana kino pahaohao e huli nei. Ua maopopo loa iaia eia iloko o keia hale aka ua makemake loa oia e ike hou mai iaia a e hele koke e hoike aku i ka Haku Opio o Ketawina. I kona ike ana mai ia laua nei e hooheno ana ua aka malu ae la ua wahi makai kiu nei, kau ae la maluna o kona lio a holo aku me ka eleu e hoike i keia mau mea i kona Haku Opio ma ka Hotele ana e noho nei. I kona hiki ana a hoike aku la i keia mau mea i ka Haku Opio o Ketawina ua nui loa kona aku. Ua kau like ae la laua maluna o kekahi kaa pio a holo mai ia no keia hale. Ua hoike mua aku la kahi makai kiu he mea hou ano nui kekahi ana i makemake e hoike mai iaia. Oiai laua e iho mai ana e kau maluna o ko laua kaa ua puka mai la o Silivia mai kona lumi mai a kahea mai la i ka Haku Opio.
"E hele ana hoi oe i hea e Roe? Kei no hoi e hele ana oe me au i ka hulahula i keia po? Ua makaukau wau no ka hele a ke hele e nei hoi oe i kekahi wahi okoa aku."
"E kala mai oe ia'u e kuu Silivia. Ua kii mai ia kuu makai kiu ia'u no kekahi hana ano nui o oia ka maua e hele nei. E noi aku la Giliberta e hele pu me oe."
"Alaila aole oe e hele ana me a'u i kela po?"
"Aole e hiki ia'u ke hoole i ke noi a ka'u makai kiu. He hana ano nui loa kana e makemake nei ia'u e hele. Ua hiki no hoi oe ke hele aku me Giliberta i ka hulahula, a i ka pau ana o ko olua lealea e hele ae olua a loaa maua ma ke Kakela o Lede Diana. E hele ana maua ilaila i keia manawa."
"Ina hoi ha pela e hele ana maua i ka hale hulahula e hulahula ai no hookahi wale no hula, a i ka pau ana e hele loa aku ana maua i ke Kakela o Lede Diana e hui me oukou. Heaha mai nei keia o ka Lede Diana?"
"E ike ana oe i kou manawa e hiki ae ai. Mai noho loihi loa olua o hoi e mai maua. I ka pau ana no o ka hula mua hele koke ae olua."
Ua hoi aku la o Silivia no kona lumi e komo ai i kona lole hulahula a hoomaka mai ia laua nei e hele ma ka laua huakai. Oiai laua ma keia huakai ua hoike piha aku lakahi makai kiu i kana mau mea apau loa i ike ai no Komoikaehuehu ame keia Lede Diana a nui ko laua aka. Ua makemake ka Haku Opio o Ketawina e hoopuiwa aku ia laua. Ua makemake no hoi oia e hoohenehene aku i kana aikane no kela hele ana e hoohai me ka Lede Diana. Ua ninau pu aku la hoi oia i kana makai kiu in a ua loaa iaia keia Kino paha'oha'o ana e huli nei, a ua hoike mai ia ka makai kiu ua ike oia a e hoike mai ana oia i ka Haku Opio i kekahi o keia mau la. Ua hoike aku la oia ua maopopo loa iaia keia wahine, kona wahi e noho nei ame na mea apau, a i kekahi o keia mau la e hoike mai ana oia i ka Haku Opio.
Aole o kahi makai kiu wale ka mea e hakilo ana ia Lede Diana. Ua ike mai ka Haku Kentamua i ka hele ana mai o Komoikaehuehu i keia hale a hoo kolo mai la oia e ike i kana hana ma keia wahi. Mahope o ko laua noho ana iloko ua hele aku laoia a ki keke ma ka puka. Ua kahea ia mai la oia e komo aku iloko a i kona ike ana aku ia laua e noho like mai ana iluna o ke koki ua nui loa kona huhu.
"Heaha ka manao o keia hana a olua e han amai nei?" wahi ana i pane aku ai me ka huhu.
"O ka manao o keia," wahi a ka Lede Diana i pane mai ai," o keia keoniman au e ike mai la oia no o Sir Rupert Northwick, ka'u kane mare. Ua hoike mua aku wau ia oe ua pau ko kaua hoo palau ana, a nolaila he makehewa kou hele ana mai nei e hookuekue ma ka ai. "Goo-goo eyes." Ua huna kuu kane i kona inoa pololei i keia mau la, aka i keia po ua ike hou wau iaia. E noho iho i lalo."
Me ka pane leo ole mai ua puka aku la oia iw aho me ka huhu. Ua makemake loa oia e haawi i keia Komoikaehuehu i kekahi puupuu mahanahana aka, he mea make hewa ua lilo aku ia no, he huli hou aku, oia ka hana pono loa iaia e hana ai.
I kona hoi ana aku ua hoomaka hou iho ia laua nei e hoike i ko laua mau moolelo o keia noho ana oiai laua e kaa wale ana. He mea paha'oha'o loa ia laua ko laua haalele ana a hui hou ana. Ua nui loa ko laua hauoli i ka malama maikai ana mai o ka Mea Mana Loa a hiki i ko laua hui hou ana. Aole i pau pono ka laua kukahekahe ana ua lohe aku la laua i ke kani o ka bele. He mau minute mahope mai ua komo mai ka Haku Opio o Ketawina me ka Makai Kiu, Mr. Besset. Ua puiwa loa ae la laua nei, aka ua mino aka mai la ka Haku Opio, oiai ua maopopo iaia ka laua mau mea i hana ai mamua o ke kii ana aku o ka makai kiu iaia e hele mai.
"Malalo o ke kauoha a ka Ilamuku nui o Enelani, i kii mai nei maua e hopu ia oe e Komoikaehuehu no ke komo hewa iloko o keia hale," wahi a ka Haku Opio o Ketawina i pane aku ai me ka mino aka pu ana iho. "Ua hele ae nei ka Haku Kentamua e hoopii ia oe no kou kaili i kana, a nolaila in a he mau olelo pale kekahi ma kou aoao e pane koke mai."
'E noho iho i lalo, e ka Haku Opio ame ka Makai Kiu Ike ole. Ina olua i hele aku nei e imi i keia kino pahaohao me nei ua loaa ia olua, aka hele mai nei olua ia nei e hoopuiwa ai ia maua. AKa ua hauoli loa maua i ko olua hiki ana mai nei a hui pu me maua i kela la hauoli. E ae mai ia'u e hoolauna aku ia oe i ka'u wahine, ka Lede Diana. No kekahi manawa loihi ko maua kaawale ana, a ua huna wau i ko'u inoa ame ko'u ano e like me ka'u i hoike mua aku ia oe. Ua haalele iho wau i kou aina a hele aku e auwana hele maluna o ka ili o ka honua i keia mau makahiki loihi, a i keia la ua kii hou mai ka'u wahine a kaili hou ae i ko'u puuwai. O ko'u inoa pololei, o Sir Rupert Northwick."
"He wahi moolelo kaao kena," wahi a ka Haku Opio. "Ke hauoli pu nei wau me olua."
"Lede Diana, e ae mai ia'u e hoolauna aku ia oe i ka Makai Kiu, Mr. Besset wahi a Komoikaehuehu. "He wahi moolelo paha'oha'o ka'u e hoike aku ana ia oukou i keia manawa a he mea maikai e hoolohe like mai oukou. Mamuli o kekahi kuee kuhihewa i ulu ae mawaena o maua me ka'u wahine ua haalele wau iaia a holo aku me ka maua bebe, he umikumamalima, a i ole umikumimaono makahiki i hal aae nei. Ua kau aku maua maluna o ko'u moku kia kahi a lawe aku wau iaia no ka Ailana o Sana Kilidea, ma ke moku aina o Hebaridea. Malaila ua haawi aku wau iaia i kekahi kahunapule me kana wahine e malama iaia a hiki i ko'u kii hou ana mai iaia i loko o elima makahiki mai ia manawa mai."
Ua ike ia aku la ke ano e o ka helehelena, o ka Haku Opio i kona lohe ana mai i keia moolelo. Ua manao wale ae la no oia o keia kaikamahine oia no kana Bernice aloha.
"Aloha wau i hoi hou i keia Ailana, a he mea la na'u e kanikau mau ai. E olelo mau ana wau aia a keia makahiki ae hoi aku wau e ike i kuu lei aloha, kuu wahi kaikamahine aka aole wau i hoi mai e ike iaia. Ua manao ae la no nae wau e malama maikai ia ana oia e keia mau makua maikai. Ua ike wau aole a laua keiki a no keia kumu ua manao mai la wau e malama maikai loa ana laua iaia. Mahope mai ua holo aku oe, e ka Haku Opio o Ketawina malaila a ike i kona nani. Ua aloha oe iaia, a lawe mai iaia i wahine nau. Ua aloha oe iaia, a lawe mai iaia i wahine nau. Ua kapaia oia o Bernice Guana. O kona inoa pololei o Diana Northwick."
Ua nana ae la kekahi i kekahi he mea kupanaha loa keia e hoike ia mai nei. O keia Bernice, keia wahine aloha i haa lele mai, aole ka oia ke kaikamahine na ka mea haahaa aka ke keikimahine oia na keia mau mea waiwai. Ua hiki ole hoi ia Lede Diana ke hoomaopopo ae o keia kaikamahine maikai ana i ike mau ai aole ia he mea okoa aku aka o kana kaikamahine aloha.
"Mahope o ka loaa ana o kona makua maikai, a iloko hoi o ko laua mau la e noho hauoli an aua loaa oia i kekahi puiwa ikaika oiai oia e ike ana i kekahi ohua mai maluna o ko laua aina. Aole oia i ike i ke aloha o ka makuahine ame ke aloha o kona makuakane ame ke aloha o kona makuakane, aka ua ike oia i ke aloha o ke kane, a ua haalele mai oia iloko o ka hauoli ame ka maikai. Ua hala aku oia ma kela aoao, kuu kaikamahine aloha."
Ua meha o loko o ka lumi i keia manawa. Aohe hookahi nakeke. Ua hiki loa ke lohe la ka haule ana iho o ke kui pine. E kulou like ana ko lakou mau poo apau loa i lalo. E noonoo ana ka Lede Diana me kana kane i ka laua kaikamahine i hala aku ma kela ao, e noonoo ana hoi ka Haku Opio i kana Bernice aloha i haalele mai iaia iloko o ke kanikau ame ke kaumaha. Nana ae la oia ma na paia nani o keia hale a me he mea ala e ike aku ana oia i kona aka e maalo ae ana. Iho makawalu mai la kona waimaka e hiolo ana ma kona papalina. Ina no hoi eia kana wahine ke ola nei ame keia ka maopopo ana ae la o kona mau makua, a uwe ka hauoli! Aka ua hala, ua hala aku oia ma ke ala hoi ole mai.
Aole keia he mea hou i kahi Makai Kiu. O kana e noonoo ana pehea ana ia oia e hoike aku ai ia lakou i loko o ko lakou kaumaha, ia Bernice ke kino pahao'oha'o hoi ana i huli ai i keia mau la loihi. Ua huli ia e la i ka po ame ke ao, ua uhai lolo aku oia ia Bernice mai kona loaa mua loa ana iaia a hiki wale no i keia manawa, a ua kokoke mai ka manawa ana e hoike aku ai ia Lede Diana ame kana kane i ka laua kaikamahine, a laua i manao ai ua make, a i ka Haku Opio hoi i kana wahine ana i aloha nui ai. He manawa ia e hoololi ia ae ai keia kaumaha ana e ike nei a i manawa hauoli. He manawa hoi ia e lilo ai oia i punahele na keia mau kamaka koikoi o ka aina, ame keia Lede kaulana. He manawa ia e loaa mai ai iaia kekahi puu dala nui no kana mau hana maikai i hooikaika ai i keia mau mahina loihi.
Oiai no lake e kulou like ana a e noonoo ana hoi iloko o ke kaumaha, ua lohe ia aku la ka huila o kekahi kaa i ka holo ana mai a ku ma ke alapii o keia hale maikai. Aole i loihi ua lohe ia aku la ke kani ana mai o ka bele, a he mau minute mahope mai ua komo mai la ke kauwa me Miss Silivia Monk ame Mr. Gilibeta Monk. Ua hele laua i ka hulahula i keia po a o ka pau ana mai no ia o ka hula mua loa koi koke no o Silivia e hele mai laua i keia hale o ka Lede Diana i ike aku ai oia i kana Roe. Ua kapa mau aku oia i ka Haku Opio ma kona inoa hoopokole, oia hoi o Roe. O keia no ka inoa a Bernice e kapa mau ai iaia olai ola e ola ana ma keia ao.
Ua komo mai la ua Silivia nei me kona lole hulahula, he lole hoi i han aia e na kela akamai loa o Ladana. He u'i maoli no oia ke nana aku a ua like oia me kekahi Moiwahine e ku aku ana. No Giliberta hoi ua komo mai oia me kona aahu piha, a he kanaka u'i maoli ke nana aku. Ua puiwa loa laua i ka ike ana aku i keia poe e kulou like mai ana iloko o ke kaumaha a maopopo ole ia laua ka manao o keia mau mea apau loa. I ko laua komo ana aku nae ua ku like ae la keia poe apau loa a hookipa maikai mai la ia laua. Ua hele