Ka Nupepa Kuokoa, Volume XL, Number 25, 20 June 1902 — HE Loi Daimana MA KONA [Illegible] [ARTICLE]

HE Loi Daimana MA KONA [Illegible]

Ua hoolohe aku la o Insepa i keia niau olelo a kona kaikuahine me na helehelena i hele a haikea, a me ka leo haalulu ua pane aku la oia:

"He mea makehewa wale no kou mau manao kohofcoho wale ana, e BHanch<». Aole ioa au e hoike aku ana i& oe i ka mea huna i hunakeleia iloko o ko'u houpo, a ina ua ike o Mualana opio i keia mea hnna, e hai hou al:u au e kial makaala loa ana oia no ia mea elike me kona kiai makaala ana I kona oia ponoi iho. Ke ao aku nei au ia oe e paa kou waha maluna o kei% mea a mai kamailio waie aku i kekahi mea okoa aku, a ke hana ole oe elike me ka'u e oielo aku nei ia oe, e ike no auanei oe i ka haule pahu o kou mau manaolana ame. ko'u pu kekahi, a e haule no auanei kaua iloko o ka lua a kaua i hana ai no hai." Ua ae aku la o Amber a mahope iho o kekahl mau kamakamailio pokole hou ana a laua, ua hoi aku la o lasepa no kahi o Amber e noho nei ka pahu hopu.

MOKUNA XXX.

KA HUI POWA.

Ma ka hoomaka ana o keia mokuna e waiho kaua e ka mea heluhelu i ka moolelo ana no Amber, Sa Ralapa, Blancha Lonale, laaepa Lonale, Balea Mualana ame ka poe no apau a kakou i moolelo iho nei, a e huli ae lea kaXou moolelo l keia manawa no Sa John Kotene ame kana huakai no Ilalia; a nolaila, ke nonoi nei ka mea kak&u 1 ka oluoiu o ka mea heiuhelu e kuikui lima pu me ia ma ka uhai ana i ka meheu huakai a ka barona mai Ladana a Farani, a mai iaila aku hoi a Italia, a ma ke kulanakauhale hoi o Saleno. Ma ke kakahiaka nui o kekahl la ua hiki aku la ka barona Sa John Kotene ame kona kahu ma ke kulanak&uhale ® Saleno. a malaila i halawai al oia me kekahi kanaka me kekahi palapala nana, a i kakauinoa ole ia hoi malalo, a e olelo ana na manao o ka palapala e alakai aku iaia a hiki i kahi e hui ai me ke alii poo o ka hui powa. He mau olelo ooiea no hoi kekahi 1 pakui pu ia iho a e olelo ana ina he mau hana eepa kekahi e lawelawe ia ana e ka barona, oia hoi kona hoike ana i ka oihana makai i ke kulana olalo o kana huakai, a he mea ia e pau ai na lala o ka hui powa i ka hopuia, e halawai no oia me kekahi hoopal weliweli, a ina hoi aoie e lawelaweia keia ano hana alaiia, aole he poino e kau ana maluna o kona kino. No keia palapala ame na manao i hoikeia maloko ua hooholo iho la ka barona e hele kino aku e hui me ke alii o ka hul powa.

Wehe ae la ola i kana uwati ame ka hapanui o ka waiwai, ke dala gula ame kekahi mau waiwai makamae e ae, mailoko"ae o kona ekeeke a haawi aku la i kona kahu, a hookoe iho la he mau wahi dala gula uuku iloko o kana wahi paiki, a hoomaka koke iho la lakou no ka huakai hele no kahi e halawai ai. "Ina 7io hoi paha i noho aku nei no oe i ka hotele a owau no hoi ke hele ae," wahi a Kaleika, kona kahu. "Aole anei he ,mea pono e hoi hou aku oe ihope?" "E hamau i kau mau kamailio ana, e kuu Kaleika, a mai kamailio hoopuka ae hoi i ko'u inoa kulana. Ua makemake au na'u ponoi no e lawelawe i ka'u hana a aole hoi na kekahi mea okoa aku, a o kekahi no hoi, aole no kaua e lawelawe aku ana i na hana nana e hookau mai i ka popilikia maluna o ko kaua niau kino." Ua nana aku la kahi kahu i ko laua alakai a huli hou ae la a kamailio i kona haku: "Heaha anei hoi ka hewa ina e kamailio aku au ia oe ma ia inoa? Ke manao nei au aole he wahi huaolelo Beritania i maopopo iaia," t "He pololei io paha kau mea i kamailio mai la aka, malia ua maopopo iaia na inoa kulana a hanohano 0 ko kaua aina hanau. He wahi nanaina ano ole kona ma ka kaua ike aku aka, e hai aku au ia oe, me ia ano nanaina ona, o i aia no kekahi lala o ka hui powa a kaua e hele aku nei e hui." Ua nui loa ke kahaha o ka manao o kahi kahu i kona wa i lohe ai i keia mau hoakaka a kona haku. "A no ka manao ana ae e hoi hou ihope," wahi hou a Ka barona i hoomau aku ai i ke kamailio ana, "he ninau ia a he manao hoi i hiki ole ia'u ke hookipa mai a noonoo i keia manawa. Ua lohe au ma Napela a ma kekahi mau kulanakauhale e ae, o keia II Diavolo, ke kapena o keia hui powa, iloko o kana mau hana limakoko a hana kakauha, a iloko no hoi o kana mau hana haihai kanawai he nui i lawelawe ai, aole loa oia i hoao a e hoao ana paha e hoopilikia wale i ke kino 0 ka mea e hiki aku ana imua ona ma ke ano a ma ke kulana he mea oia e lawe aku ana i kekahi huina da)a i hoakaka mua ia no ka hookuu ana mai 1 ke kino o kekahi mea i hoopaahaoia e lakou. Ua hooia. mai oia ma kana mau olelo ma keia wahi palapaia nei aole loa e hoopopilikiaia ko'u kino ina aole au e lawelawe i kekahi hana nana e hoopopilikia aku ana ia lakou, noiaila, ke manao nei au ua paiekana kaua ma na ano apau. Ma keia huakai a kaua ame na mea apau a kaua e ike ana a e hanaia mai ana e loaa no auanei kau mea e kamailio ai i ou mau hoa kauwa ke hoea hou kaua i kauhaie." Me ka luiiluli ana o ke poo o kahi kahu, ua pane hou aku la oia: "0 ko'u manao maoli oia no ka ike ana i ka holopono o ka hana misiona. a aole no hoi a'u mea e ike nei nana e hoopahu'a i ka hookoia o ko kaua makemake. He mea oiaio no paha aoie he manawa a keia kapena powa i uhaki ai i kana olelo eia no nae, ke ano hopohopo nei au no ka hoiopono o ka kaua huakai. Eia ka olelo a kahiko—O ke kanaka i hoopuni i kona mau aoao iho me na hana. maikai ole, he kanaka oia aole he hiki ke pauleleia." Aole i pane. aku ka barona no keia mau olelo hope a kona wahi kahu, a hoomau aku la no lakou i ka hele ana me ka puai wahi leo hou ae. Ua piha paha he hora o keia hele i kamailio hou ole ana mawaena p ka | barona ame kona kahu, ua hiki aku la lakou ma kekahi oawawa mehameha mawaena o kekahl mau puu elua. B ' ulu a*ia ka nahelehele a e hihipea ana

hoi Iwaena o na kumulaau nunui, a iialo.ponoi o ua oawawa nei e kahe ana kekahi mullwai. "O keia kahi i hooholoia no kou hui halawai ana me ke alii poo 6 makou," wahi a ke 'alakai i kamaiiio aku ai i ka barona ma ka olelo Italia iaia i Ku iho ai. Maanei e hui pu ai oe me ke alii o makou. E hookaawale iki aku au me ko wahi kahu mai keia wahi aku no ka mea, ua. makemake oia e kukal kamailio o oiua wale no." No keia mau oielo a ke alakai aole ia i kuiike me ka manao o kahi kahu a aj»o hoololohe iho ia oia aka, ua pane koke aku la ka barona: heie aku me iā, e kuu Kaleika maikai," wahi a ka barona. "E hele aku me ia a mai hopohopo. Aole no e mamao aku ana oiua mai ia maua aku. E hoomanao ua kaulana ke alii o ka hui powa no kona uhaki ole i kana olelo paa, nolaila, ua palekana kaua ina na ano apau."

"A pehea, ua makemake anei oe e paa aku i ke dala uku i keia manawa?" "Aole, e paa aku no oe a hiki i kuu wa e kahea aku ai. He mea pono e hui aku au me ia me keia wahi eke dala. A ano e ukali aku mahope o ke alakai o kaua." Me ka manao pono»ole iloko o kahi kahu ua ukali aku Ia oia mahope o ke alakai, a haele aku la laua a ku lho la malalo o kekahi kumulaau ma kahi mamao kupono, me 'ko Kaleika ku ana nae ma kahi kiekiena kahi e hiki ai iaia ke ike aku i kona haku aloha. Lele iho la ka barona Sa John Kotene mai kona lio iho a hoolei aku la i ke kaulawaha iluna o kekahi orpu nahelehele, a kakali iho la no ka hiki mai o ke alil kapena o ka hui powa. I hakalia no a lele iho o Kaleika mai kona lio iho a hele aku a ku ma ka aoao o ke kanaka alakai, o ka wa no ia o ua alakai la i puhi ae ai i kekahi ulili ma ke ano hoailona. Ia \va koke "*no i panai pu ia mai ai he hoailona ulili o ia ano like, a he mahope koke iho ua oili mai la he kanaka mailoko mai o ka o-pu nahelehele a hele m&i la a hui me Sa John Kotene. O Jceia kanaka hou i hoea mai ia he kanaka ia o ke ano mau o ka poe ItaUa me na nanaina ku i ka weliweli, a he nanaina hou no hoi kona o ke ano maalea. He aahu. kona 6 ke ano paikinl i maa mau iwaena o ka poe powa, ' he papale kiekie kona i okomoia me kekahi hulu loihl, a o kona kuka ua hanaia mailoko mai o na velevetg. kumukuai pii. Ma kona puhaka e iewalewa ana he o-le dala nie kekahi ulili dala, a ma kona apo ili e kakau ana he mau pu panapana nona na kumu i okomokomoia me na pohaku momi makamae, a ma ka nana aku ine he mea la h'e mau mea hoonani wale iho no keiā. O keia mau mea apau ua ike a hoomaopopo aku la o Sa John Kotene. "He hiki no anei ia; oe ke kamailio i ka olelo Italia?" wahi a ka ninau i ninauia aku ai i ka barona. Ua ae aku la ka barona ma ke kunou ana o ke poo. "O kou inoa?" "O John Haukona," wahi a ka barona. Ua hoike pololei no ka barona i kona inoa no ka mea, o John no kona inoa mua a o Haukona kona waena, a nolaila, o ka hooholo. pololei ana o ka inod o ka barona o Sif John Haukona Kotene. "He agena au- i hele ma nei . no ka hopponopono ana i na mea apau e plli ana no ka hookuu ana i ko paahao oia o Konela Kotene." "Aole anei oe he kanaka waiwai?" wahi hou a ka ninau, a ma ia manawa pu ua iiaiia hakiloia aku la ka barona mai luna a lalo. "Aole au he kanaka i heluia ma ia kulana," wahi a ka barona. "A o oe no anei o II Diavolo ke alii kapena o ka hui powa?" "Aole, e ka mea hanohano. Ua piha ae nei ka pule hookahi o kona kaawale ona aku mai ia makou aku. Owau kona lutanela ekahi, a i kona manawa e kaawale aku ai owau ka mea nana e hoomalu i ka hui. O Papio ko'u inoa. Ua loaa ia'u ka mana ame ke kuleana e lawelawe ai i kekahi hana ma kona inoa, a ua hlki ia'u ke hookuu i kekāiii lawehala, a ma ka hoopololei ana, ua hiki ia'u ke hookuu i kou hoaloha i ka minute ame ke sekona e loaa rnai ai o ka huina dala i hoakakaia no kona hookuuia. Ua hiki anei ia oe ke uku i ua huhia dala Ia i hoakakaia?" "Ua makaukau au e uku aku i u.a huina dala la aka, ua makemake au e ike mua iaia ina eia no oia iloko o ke ola kino maikai," Avahi a ka barona i pane aku ai. "Eia "no anei me oe Ua huina dala la?" wahi a ka lutanela. "Ua olelo mua ae nei au ua makaukau au e uku aku i ua huina daia la, a ke manao nei au ua lawa ia pane no keia ninau hope mai Ja au. E ae mai ia'u e hui halawai aku me ua paahao nei au a ma ia manawa e hooponopono ai au no na mea e pili ana no kona hookuuia ana." Ua ano kunana iho la ka lutanela no keia mau olelo hope a ka barona a haka pono aku la oia iaia ame kona wahi kahu, alaila, lalau iho la oia i kana ulili a puhi ae la. He owe ana o ka o-pu nahelehele a he maweheia ana ae hoi, hoea ana he kanaka Pelekane a i hauhoaia na lima mahope o ke kua. O keia kanaka Pelekane ha kap.aka oia nona na helehelena i like loa me ko P» John Kotene, a koe wale no ma ka aahu, a ua hiki ke lawe ia ma ke ano he mau mahoe. Ua alakai pololeiia aku la keia haole, Pelekane a imua poaio o Sa John Kotene, a i kona wa i ike aku ai ua hooho leo hauoli ae la oia a lele aku la a apo puili ae la. E uu ae kaua maanei i ka pik\i, e ka mea heluhelu, a e hookuu aku kaua i na hoahanau e puiii ana iioko o ke apo pumehana o ke aloha, oiai ua ioihi na la o ko laua kaawale ana a ua lo'hi r.o hoi na la o ka noho paa pio ana o Konela Kotene iloko o na umii hoopaahao a ka poe powa. A ia kaua nae i akeakeaia mai ai mai ka ike ana aku i na hiohiona o keia hui ana mawaena ona hoahanau, eia eia nae, he hookahi wale no maka e ike nei i ka pumehana o keia hui ana, a oia no ka lutanela o ka puali powa. Na ka pumehana o keia hui ana i hookomo aku ai i na manao hoohuoi iloko o ka lutanela no ka mea, wahi ana i noonoo iho ai, ina he mau mea keia aole i oi ae ka pipili o ke koko mamua o ka wai alaila, pehea la hoi e pumehana nei ko laua hui ana, a e apo puili aku kekahi i kekahi. No keia mea ana e ike nei aole oia i hoopuka akea ae i kona manao—a no ke ano haka pono loa o kona mau nank an«, na haupu koke ae la o Sa John Koteoe ua oi loa aku kana mea i hana ai m&mua o ka mea pono, a he mau hana keja ana e hana nei nana e hooahuwate i kona ano ame kona kulana.

"I hele mai nei au e uku ia oe, e Uilama." wahi a Sa John Kotene. "Ua huna au i ko'u kulana oialo maoli mai keia poe lapuwale mai, 1 mea hoi e hiki ole ai ia lakou ke lawe a hoopaa pio pu ia'u."

"Heaha no hoi kou mea o ka hele kino ana mai nei?" wahi a Konela Kotene. "O kou heie kino ana mai nei ua hooi aku ae ia i ka paakikl ame ka puikaika o ko kaua hemo mialahi aku nnai keia wahi Heaha #o hol ko mea o ka hoouna ole ana mai nei I kakahi kauwa o kaua?"

"Ua hiki loa ia'u ke hana pela, e Uilama, aka nae, o ko'u manao maoli, aole loa ia i kuiklihi me ia ano lawelawe hana, a o kekahi no hoi, ua ano hoolilo au ia'u iho a me ko'u kulana ma i kalana like me ko ke kauwa. Aole nae a kaua nana no ia, ua hikl māi la au ma ia kulana a eia kaua ke hui nei he alp a hfe alo, a pehea, ua maikai no anei ko lakou nei malama ana ia oe?" "Ae, he maikai no, a ma ka aoao nae o ke kapena. I keia manawa nae ua kaawale aku oia mai kona puali aku, a ua heie aku oia i kahi aole i maopopO ia'u—aia paha oia i ke kulanakauhale o Napela iloko o kona mau aahu hoanoe, a o kona hope, oia o Babi e ku mai nei, aole he maikai o kana mau hana ia'u. No'u iho, ua emi ka maikai o ko'u ola kino ai o keia wale iho la no kahi mea i koe au e ike mai la o ke kanaka kino ola maikai o na la i hala ae. Ma ko'u manao oiaio maoli ela ke hookokoke mai nei na la e hoi aku ai keia kino lepo ika lepo eli " -

"Lapuwale! Nawai i olelo mai o ka wa keia e kamailio ai no ka make oiai he mau hora wale no koe a hele aku oe mai keia wahi aku he kanaka ola? Aia o Amber ame Halapa ke kali mai la o ko kaua hoi aku a o laua no auanei kou mau kahu nana oe e malama a hiki i kou wa e hoi hou ai a like me mamua. Aka, ke lilo nei kaua i ke kamailio ma na mea pili ole i ka'u huakai o ka hiki ana mai nei, nolaila, e hele ae au e hooponppono no kou hookuuia. Ea, he keu ka hoi-a ka pupuku o ko i ala mau maka e nana mai nei ia kaua."

Me kela mau olelo lalau aku la oia i ka lima o kona hoahanau a u haele kuikui aku la imua o Babi, a ia Sa John Kotene i anehe aku ai e kamailio 0 ka wa no ia i poha ae ai o kekahi leo o-le a kani wawalo ae la ma o a o ka oawa. He minute mahope iho, oili a ku ana imua o ko lakou nei mau ike ana he pualikoa aupuni. "Ua kakou! Ua hahaiia kakou!" wahi a Babi ame kona mau kanaka i hooho leo nui ae ai. "Ho! e o'u mau kanaka wiwo ole! E ku poohiwi kekahi me kekahi!" Ia Babi i hoopuka leo nui ae ai i keia mau olelo, ua lalau koke iho la oia i ka o-le e lewalewa ana ma kona puhaka a, puhi ae la he hookahi leo kanl kapalili nana i hoowawalo hou ae 1 na paia waoakua o ua oawawa nei, a ia wa koke 110 i oiliili mai ai kona mau kanaka mai na wahi like ole o ke oawa a hoopuni oie la iaia. "E halawai no me ka make mainoino ka mea kipi!" wahi a na leo i puai ae ai mal na kileo o ua poe powa nei, a ma ia manawa pu kani paapaaina ae la ka lakou mau pu kaupoohiwi—imua o na hoahanau i ka poka pu a haule hina aku la laua i ka lepo. I keia manawa i kani paapaaina ae ai ka pu a na powa o ka manawa no ia o na koa aupuni i panai pu mai ai me ko lakou nee ana mai imua, a o keia no ka manawa i huli like ae ai o ua poe powa nei a me kahi alakal nana i alakai o Sa John Kotene ma, a pau aku la i ka: puhee. Ua alualuia aku lakou, ua kiia aku, ua ku a ua make kekahi a o ka hapanui ua pau aku la i ka pakele.

A elike me ka kalii kahu i hoike ai ma ka hapa mua o keia moolelo, iaia i ike aku ai i ka hina ana o kona haku ilalo, ua hui aku la oia me na koa ma ke alualu ana i na powa, a i kona huli hoi hou ana mai ua ike JJio la oia ua pau ka poe i make, a i eha wale no, i ka laweia.

A iwaena o ua poe la i laweia o ke kino kekahi o Sa John Kotene.

No ka mea, ua hoi hou mal ka poe powa ma kekahi alanui okoa i ike ole ia a lawe aku la i ko lakou poe i make a eha, a ina ia manawa pu ua ike iho la lakou aole i make o Sa John Kotene aka, ua ioaa iaia he eha kukonukonu ma ke poo, a o kona hoahanau, o Konela Kotene, ka mea i make, nolaila, ua Jawe aku la lakou ia Sa John Kotene a haaleleia iho la i ke kino make o ka hoahanau.

Ma keia huli hoi hou ana mai o ka poe powa aole lakou i lawelawe me ka puahia nui i ka houluulu ana i ko lakou poe i make a i eha, aka, ua Jawelawe lakou me ke akahele ame he mea la hoi aole o lakou mau enemi ma kahi kokoke. No ka mea, me ke akahele la-* kou i houluulu mai ai i ko lakou poe a waiho ae la ma kahi maikai alaila, me kela manao pakaha i kunipaaia iioko o ko lakou mau umauma, hoomaka iho la lakou e wehewehe i ka lole o Konela Kotene a waiho olohelohe iho la kona kino, a lawe pu'ae la no hoi lakou i na wahi mea makamae i ae ia ai oia e paa.

Nolaila, e ka mea heluhelu, o ke kino make o Konela ka kahi kahu i apikipiki ae ai a hoihoi aku la no ka Home Kotene, Kotene Holo ma kekahi olelo ana, ma Ladana. Oke kino make 0 Konela Kotene ka Ralapa ame Amber 1 uwe iho ai, me ka manao hoi o ko laua makuakane ponoi no keia a laua e paiauma nei, a he mau keiki hoi laua i hooneleia me ka'makua ole. He kuhihewa maopopo loa nae keia, a o oe no kekahi e ka mea heluhelu, a 0 kakou pu no a pau, ka i komohia pu iloko o ia haawina hookahi. I ka pau ana o ka lakou hana pakaha ua hoi aku la lakou ma kekahi ala okoa loa me ka lawe pu ana i ka poe i make a i hoehaia, a aole no hoi 1 emo hoea aku la lakou ma kekahi wahi hoolulu, kahi hoi i nakinakiia ai o ko lakou mau lio malalo o ke kiai ana a kekahi o lakou. Ua hookauia akū la o Sa John Kotene maluna o kekahi lio a kupeeia iho la a paa, a pela pu no hoi me kekahi poe e iho ame ka poe i make, kakaka£u nui ae la maluna o na lio a kamoe aku la ka lakou huakai ma ka aoao hema ,o ke kuahiwi. Ua hala he elua hora ma keia huakai hele hoomaha ole a lakou a hik| aku la lakou ma kekahi lalani puu i hele a inalualua me na oawa ame na muliwai, a ma kekahi wahi o ka wai i hooponaha ai ma kekahi o na puu I lele iho ai iakou a hookuu aku la i na lio e hele elike me ko lakou makemake, a hoomau aku la no ka lakou huakai ma ka lielewawae ana. Iloko o keia mau bora loihi o ka hele ana aole loa he manawa 1 loaa ai he

pohala ana a ao kanaka ae ia Sa John

Kotene, a noiaila, ma keia hapa o ka huakai, ua laweia oia ma ka hookauia ana ma ke kua o kekahi powa.

Ua hoomau aku la no lakou i ka piiku ana a hiki i ko lakou hoea ana ma ke alo ponoi o kekahi pali awaawaa nona hoi na paia e ulu kawalawalāia ana e na o-pu nahelehele, a maanel i ku iho ai ka poe powa, a he pale ana ae ka Babi i kekahi 0 ua mau o-pu la, a he kani ana o ka. pio hoike hoailona, nalowale aku la oia maloko o kekahi wahi puka i kupono • wale no i ke kino o ke kanaka ke komo a i paluluia me keia kumu o-pu. Ia Babi no a nalowale ua ukaii pu aku la no hoi kona mau kanaka, a 0 ka mea hope o lakou hoihoi hou ae la oia i ka o-pu nahelehele a kulike elike me kona mau. Ua hele aku Ia lakou ma kekahi aianui haiki a poeleele a e kamoe hooiho ana a aole i emo ua hiki aku la lakou a komo aku la iloko 0 kekahi ana nui a akea.

Ua kamaaina no kakou apau i ke ano o na paia o na ana he apuepue, he malualua, a pela wale aku, «» he mea oiaio no hoi aole no i nele keia ana a kakou i hiki mai la me keia mau hiona ae la. E kakau ana na huihui kukui nani ma na paia ame na ihoiho pu no hoi i ho-a ia. Ua pulumiia a maemae ka papaheie alualua, a aia ma kekahi aoao e ku ana he kapuhi t)ui 1 paoia iloko o na paia pohaku a i "hanaia me ka noeau e hiki ole ai i kekahi maka'maāu ke ike l ka uwahi ke hiki i ka wa e ho-a ia ai.

Iwaeiiakonu o ke ana e ku ana ke-j kahi pakaukau loihi i heie a luluu me na omole rama like ole, na puu pepaj hahau, a pela wale aku, (a ma kekahij anaina hooluana a ua poe powa nei ua kiei aku la. ka mea kakau a ike aku la e paani pepa luka-euchre) ana lakou a he ea ano (kini) kana 0 ka honi ana aku.) A puni ua pakaukau nei e kuku ( ana na noho maoli ame na noho ko-ki, a ma na aoao hoi o na paia na noho iaau loloa. He mau ana liilii okoa aku no kekahi ma ka aoao maloko loa o ke ana, i paeli maoliia me ka lima a i hanaia me na puka, a maloko 6 keia keena ana e hoopaaia ai ka poe pio a ua poe powa nei. Ia kakou e moolelo nei no keia anaaia hol maloko o ke keena mua a kakou i ike mua ae nei e nonoho ana he eha kauna a oi poe powa e lawelawe ana i ka lakou mau hana like ole, a ia lakou i ike aku ai i ko lakou mau hoa ua hooho leo hauoii ae la lakou, aka, ia lakou i lke aku ai i ka auamoia mai o ke kino make a eha 0 kekahi o lakou, ua meha koke iho la ka lakou mau hauwalaau ana. Me na huaolelo pokole ua hoike aku la 0 Babi i ko lakou halawai ana me na koa aupuni ame ko lakou hakaka pu ana, a o ka hopena i ikeia oia no kā haule ana 0 keakhi o lakou a hoehaia hoi kekahi. A hiki wale no i keia manawa a na powa i hiki ai i ko lakou home kuahiwi aoie loa i pohala ae o Sa John Kotene mai kona waiho a maule ana, nolaila, ua hookuu iho la ka powa nana oia e kua ana i kona kino a hoomoe iho la iiuna o kekahi noho, a aole no lioi i nana hou ia aku oia a hiki wale no i ka pau ana o na hana.hooponopono i ka poe i make ame ka poe i eha. A ike ko lakou lutanela ua pau na mea apau i ka hanaia maluna o kona poe kanaka, alaila, pane ae la oia; "Ano, e lawelawe aku kakou i na mea e pono ai ka kakou pio, e o'u mau kanaka. E wa-hi aku i kona palapu a e lawelaweia hoi na hana no ka hoopohala ana iaia i keia manawa me ka hookaulua ole hou aku. E hele mai imua nei, e Keoko—o oe ko kakou mea maamaalea ma ka oihana lapaau. E hoike ae oe i kou ike kauka i keia manawa a e hoopu-a hou ae i ka hanu ola iloko o keia kanaka." Ua hele māi la ka mea nona ka inoa a ka lutanela i kuhea ai a ku iho la ma ka aoao 0 Sa John Kotene, nana iho la, ka luliluli ana o kona poo, ua pane ae la: "Aole he hiki ia'u ke lawelawe i.iia, a aole no hoi e ae keia mau lima e hoopa aku i ke kino o kekahl mea nana kakou i kumakaia. Ke olelo nei au e pepehi aku iaia a make. Ke kuhea mai nei ke koko o ko kakou mau hoa 1 make e panai aku i ke koko »0 ke koko. Nolaila, 0 ka'u e olelo nei e make oia e pono ai." "E pepehi iaia a make! E pepehi iaia a make!" i hooho like ae ai lakou. "E pepehi i ka Pelekane kumakaia!" (Aole i pau.)