Ka Nupepa Kuokoa, Volume XL, Number 42, 17 October 1902 — NA MEA HOU O KA AHA HOOKOLOKOLO. [ARTICLE]

NA MEA HOU O KA AHA HOOKOLOKOLO.

KA AHA HOOKOLOKOLO FEDERALA. Ua weheia ae ka Aha Hookolokolo Federala o ke kau o Okatoba nei ma ke kakahiaka Poakahi nei. Eia iho na kiure i kaheaia: N. E. Gedge, C. R. Frazier, Harry W. Foster, C. M. Cooke, J. E. Fullerton, Anto*e Fernandez, C. J. Lud\vigsen, R. W. Atkinson, G. Froboese, J. L. Low, W. J. English, B. KakalaMka, J. S. Ellis, Frank da Camara, W. R. Aylett, E. I. Spalding, W. Baldj win, F. Ganzel, A. J. McKenzie, A. K. Eldredge ame C. Bolte. ' KA HHIHIA PEPEHI KANAKA. Imua o ka Aha Hookolokolo Federala i hoolohe ia ae ai ka hihia pepehi kanaka o kela kapena boe i pepehi ai i ke kapena o ka mokupea Wood, a ke Kuokoa i hai ai i ka moolelo piha oia hana mamua aku nei. Malaila ae ka wahine kanemake kahi i 'hoike ai i kana ike. O ke Kepani kuke, Oto, ua laweia ae ma ke ano he hoike aole hoi e like me ka mana6 i manao mua ia ai e hoohuikau akii iaia iho iloko o keia hihia. Ma ia ahiahi no ua ,pau ae ka hoolohe ana ia hihia a ua waiho ae na kiure i ka lakou olelo hooholo ma ke kakahiaka Poakolu nei. AHA HOOKOLOKOLO KAAPUNI. I ka Poalua nei ua kahea ae o Lunakanawai De Bolt, o ka Aha Hookolokolo Kaapuni Ekahi i mau kiure huikau ame kiure hoolohe hihia no ke' kau ae nei o Novemaba, a pela no hoi o Lunakanawai Kokua Ekolu, Robikana. O ka ohi ana o ka laua nei kiure ma ka huki ana, aole hoi e like me ka Lunakanawai Hamepela ame Gear. O ke kanawai kahiko o Hawaii nei oia ke kukui alakai no na lunakanawai elua i hana iho la. O Lunakanawai Gear eia no ia ke manaoio nei o ka laua hana i hana ai me Hamapela oia no ka pololei maoli, eia nae, na Lunakanawai De Bolt ame Robikana ke hoole nei. Ua hoike ae o Lunakanawai De Bolt e loihi ana na hora hana o keia kau ae, oiai, aole he kana mai o ke kupai o na hihia i lāwelawe hoomeameaia e na Lunakanawai mua, a ke manao nei ka Lunakanawai De Bolt o ka loihi o na hora hana ame ka hana ikaika ana e hoemiia mai ai ka haawe. KA AHA KIEKIE. I ka Poaha o ka pule i hala i noho ai ka Aha Kiekie e hoolohe i ka hi-j hia o Kapiolani kue ia Mary Atcherly. Ma ka Poaono nei i ka hihia o ka Hui Hackfeld Ma kue i ka Hui Alahao o Hilo. | Ma ka Poakahi nei ua hooloheia ae ka hihia o Nawahi kue i ka Hui MĀhiko o Hakalau, e noi ana e kapaeia ae ka hoolimalima o kekahi aiha i hanaia;? kona kahu malama waiwai oiai kona mau makahiki malalo o ka ke kanawai i ho- j akaka ai. Mahope iho ua hooloheia ae ka hihia o R. U. Hind kud ia E. P. Low no ka hoopau ana i ko laua noho pakana ana (Hoahui). - j

AHA HOOKOLOKOLO APANA. Imua o ka Aha Hookolokolo Apana a Lunakanawai Wilikoki i ka Poaha o ka pule i hala i hooloheia ai ka hihia koi dala a ka Hui Paipalapala Grieve e koi ana ia Mrs. Theresa Wilikoki e uku aku i $64.87 no ke pai ana i kekahi mau palapala ame kekahi helu o ka nupepa Kuokoa Home Rula. Ma kana mau olelo aole he mau olelo pale aka he mau olelo hoouweuwe e olelo ana i ka wa ia Lunakanawai Hamepela ka hana ana o keia hui ua haawiia ka mailawa a nui nona e hookaa ai. He nui ko Hamepela hana oluolu ana a ma ia ano ua uku aku oia i kana mau bila, aie a i kekahi manawa ana e makemake ai e hana i kekahi hana ua uku mua aku oia. O kahi kumupale uuku loa ma kona aoao oia no ka paaia ana o na palapala i paiia ai a hala ka manawa i manaoia ai no ia mau palapala. O ke kumu no nae oia paaia ana mamuli no ia o kona hookaa mua ole ana i ke dala. Ua kauoha aku ka Aha e uku aku oia i ke koi. KELA AME KEIA. He nui na hihia oki male e puka mai nei iloleo o na Aha Hookolokolo o kakou nei/Ua noi ae ka wahine a Nigel E. G. Jackson e hookaawaleia laua no ka hewa pepehi mau o kana kane. Pela no hoi o Amy Josephine French e hookaawale no ia laua no ia kumu hoopii no.

Ua ae aku ka Lunakanawai De Bolt e uku- o Ah Akoni i $5,000 bela no ka hookuu ana iaia, mawaho o Kawa a hilei i ka wa e hoolohe ia ai kona hihia. O keia ka Pake i hoohuoiia ai no ke puhi' ana i ka hale o Kuamoo ma Manoa mamua aku nei.

O ka hihia no o J. K. Sumner (ivapilikea) oia no ka hihia hana mau ia iloko o ka Aha Hookolokolo Kaapuni. He lehulehu wale na koi ma keia hihia. Ke manao nei o iCapilikea ke pau keia mau mea apau i ka hooponopono e huli hoi aku ana oia no Tahiti.