Ka Nupepa Kuokoa, Volume XL, Number 42, 17 October 1902 — UA KII AKU IA KINAU HOLO AKU O KAPENA KALAKA NO KA IPUKA GULA. [ARTICLE]

UA KII AKU IA KINAU

HOLO AKU O KAPENA KALAKA NO KA IPUKA GULA.

Ma ka mokuahi Alameela i holo aku no Kapaiakiko i ka Poakolu nei i kau aku ai ka lunanui o na Hui Mokuahi 0 Waila, Kapena Thos. K. Kalaka a holo aku no Kapalakiko no ke kii ana 1 ke kaikamahine alii o ka Ua Kanilehua o Hilo (ka mokuahi Kinau) a hoihoi miai iaia. EY loaa ana ia Kapena Kalaka he mau la e hoomaha ai ma o mamua o kona huli hoi ana mai me kana milimili. Ua hoikeia aku mamua o kona holo ana aku no Kapalakiko no ka hoomaemae ana ame ka hooioli ia ae o kona ipuhao i hiki ai ke komo mai ka lanahu aila, eia nae, ua loli hou ae kela papa kuhikuhi a e hoi mai ana no oia e like me mamua. O na hoololiloli wale no e ike ia ana oia no kona mau lumi ohua, a ua hookomo hou ia i kila nona i ole e lula nui e like ma na kau i hala ae nei. Ua manaoia e haalele aku ana oia ia Kapalakiko ma ka la 1 o Novemaba ae nei. Ina oia iho la leona wa e holo mai ai, alaila, e kau mai ana maluna ona na eke leta o Hawaii nei, e holo nae uia a inama,, oiai, o Sonoir.a ka mokuahi nui mahope mai on4, a e haalele ana ; ka Ipuka Guia he eh| la mahope mai ona. E pomaikai ana ka poe mea dala e manao ana e holo maluna o Kinau i keia manawa. Ma na hoike i loaa mai aoie ana e like ke ano o kona wahi e moe ai na ohua oneki e like me ko ka wa i hala, a o kona mau lumi moe e nani ae ana o kona kahiko mua. Ua kipa mai anela o Haili, Hilo, Rev. S. L. Desha e ike ia makou i ka Poakahi nei. Ua holo hou aku no ia ma ka mokuahi Kelaudina no Maui. Eia ke hopuhopu ia mai nei ka poe kuai lama me ka Iaikini ole. Ua paa ae he Kepani ame kekahi Pukiki ma i Kalihi no keia hewa i ka Poaiua nei, a | ua uku ae laua he |250 pela. I mahua- | hua keia pela oiai he lehulehu na kumu hoopii.