Ka Nupepa Kuokoa, Volume XL, Number 43, 24 October 1902 — Hoohuiia i hookahi HIPUU HOU IA O JOHN CUMMINS ME KA EVA HOU MA KA BERITA MAEMAE O KA MARE. [ARTICLE]

Hoohuiia i hookahi

HIPUU HOU IA O JOHN CUMMINS ME KA EVA HOU MA KA BERITA MAEMAE O KA MARE.

Ua hoohuiia ae o John A. Cummins kekahi o na Hawaii koikoi a hanohano o ka aina nei me Miss Kapeka Mersberg ma ka berita maemae o ka mare e ka Makua Rev. H. H. Parker, kahu o ka ekalesia o Kawaiahao ma ke Sabati aku nei i hala ma kahi o ka wahine, ma ke kihi o na alanui Alekanekelo ame Binamu. ] Mamua o ka malamaia ana o na hana o ka oihana mare ua bapetizo mua ia; iho he bebe, ka mea hoi i kau aku ai ka inoa e o nei maluna ona Lorillard Cummins. Ika manawa i malamaia ai ka mare aole i nui ka poe i akoakoa ae, o ka poe wale no i pilikana loa aku o lakou ka i akoakoa ae a mahope o ka pau ana o ka hana ua hoohala ia ka manawa maluna o ka papaaina i hoomakaukauia. O ka wahine mare mua a John Cummins, o kona make koke ana| iho nei no ia. j O John Cummins, oia kekahi mea ij komo kukonukonu aku iloko o na hanaj aupuni o ke au o ka nohona moi o ka| Paeaina o Hawaii nei ma ka noho hana j ana iloko o kekahi mau oihana aupuni koikoi. I na la hope o ka noho moi ana o Kalakaua, oia ke kuhina o na aina e, j a hiki i ka manawa i noho moi ai o Liliuokalani oia ka manawa ona i wa-| iho aku ai i ka oihana. He kanakaj pipili loa no hoi oia i ka malama liO| heihei. Mahope iho o ka pii mahuahua) ana o kana mahiko ma Waimanalo ua, hoomau aku la no oia ia ano, o ka malama mau ana i na lio heihei ilaila.