Ka Nupepa Kuokoa, Volume XL, Number 44, 31 October 1902 — E KOHO IA KALANIANAOLE Kani ka Pu holo ke Kalohe. [ARTICLE]

E KOHO IA KALANIANAOLE

Kani ka Pu holo ke Kalohe.

KI KEKAHI HAOLE I KEKA%. MEA I HOAO E O KEKAHI HALE NOHO O KA HOTELE HAWAII —PAKELE KEKAHI KANAKA HAWAII AME KEKAHI KEPANI MAI LILO I MOEPUU NO KE KOLOHE.

Ma ka hore 12:30 o ka wanaao la Saba'ti nei ua hoohikileleia ae ka poe e noho nei ma ka Hotele Hawaii i ke kani ana o kekahi mau leo pu ame ka lele ana o na poka. ma ka huli ma alanui Hikeke. O keia no hoi ka mea nana f hoopuiwa aku I kekahi kanaka Hawaii ame kekahl Kepani e hele ana ma ke alanui, oiai, ua lele aku kekahi mau poka ma kahi a laua e hele ana. O ke kumu o keia hana hoolele hauli oia no ka manao ana o kekahi haole e noho nei malaila ua hoao ae kekahi mea kino kanaka e komo ae ma kekahi o na lumi o ka hale ana e noho ana. O ka mea nae i ikeia mahope o ke kani ana 0 keia mau leo pu ua loaa ole ka mea 1 hoohuoiia, oiai, aole he mea i ku i ka poka. Oka moolelo o keia hana hoolele haull penei no ia: E noho ana kekahi mau keonimana ma ka lanai e huli pono ana i ke kahua mamua iho o ke .alo, a ia wa i lohe aku ai kekahi o lakou i ka nakeke ma kekahi puka aniani. Ua loaa iho la iaia he hoohuoi no keia nakeke, a ua hele aku oia e nana a ike aku la oia i kekahi kanaka kino loihi e hoao ana e wehe i kekahi puka aniani o kekahi lumi o ka hale olalo e huli ana i ke alanui Rlkeke. O keia puka aniahi he umi paha kapuai mai ka hale e nohoia ana e Wiliama. Ua komo aku oia iloko o kona lumi a loaa kana pu panapana. Me he mea la ua honi mua aku ke kolohe i ka hohono pauda a hoomaka aku oia e hoomamao mai kahi aku o ka poino. I ka ike lihi ana o keia haole me ka pu panapana i ke kolohe ua hoomaka aku la oia e ki i kana pu, a i ka mao ana ae o ka uwahl aole he wahi mea i ike ia e pili ana no ua kolohe la. O keia ka mea nana i hoala mai i na mea apau a ia imanawa i kaini hou ai ka lua o ka pu. O na piha pu ekolu ame eha ua kiia aku ma ka huli mauka o ka halepule o Kaukeano a malaila e ku ana keiki Hawaii ame kekahi Kepani, a ua pakele ae ko laua mau ola ma ka apua, oiai ua kokoke maoli no keia mau poka ma ka laua wahi e ku ana. Mamuli o keia mau ki poka puapuahulu, ua pee ae kekahi o na haole e noho nei ma ia wahi hookahi no niahope o kekahi kumulaau, oiai i ka wa i lohe ai oia i ke kani pu mua ua puka aku oia iwaho me kana pu panapana a hele loa iloko o ka pa, a ma ia hana ana ua pakele kona ola. Ua hoikeia ae keia lono ma Kuapapanui a eia keia hana hana hookalakupua o ka po ke waiho nei ma ka lima 0 ka makai-kiu o ke aupuni. *+* Maikai ke kai kukui a na keiki poola 1 ka po Poalua nei mai kai aku nei o ke kulanakauhale a hiki i kahi o W. C. Aehi ma Kapalama. Ohohiaia na haiolelo a bela no hoi me na mele i mele ia mai. Ina no hoi pela i ka la 4 o Novemaba ae nei, nani kela?