Ka Nupepa Kuokoa, Volume XLI, Number 8, 20 February 1903 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, FEBERUARI 20, 1903.

O na eha maeele o ke kino, ma na u-ha a ma na oloolo wawae e uiha ai ka manao ame ka noonoo, e nalohia koke no ia mau pilikia i ka manawa poke hamo aku me ka ikaika i ka aila hamo kikapu.  O ka mea e loaa ana kela ano eha, e loaa no iaia ka pomaikai ke pau io ae ia ino.  A o kona pau ana aole ia o kona ola ana, nolaila, e lawe ia laau hamo he 25 keneta wale no ke kumukuai o ka omole hookahi, i ike ai kekahi i ka mana hoola o ka

 AILA KIKAPU

Ka mae nana e lawe i ka ino o ua

Hu'i la.

"Ma ka hamo ana i ka aila hamo kikapu ua ike wau ua loaa ia'u ka maha.  Ma ke ano o ka'u oihana he ana aina ua hoohalaia e a'u ko'u manawa ma na hana owaho ke kumu hoi i loaa ai ia'u ka hu'i ino ame na eha o na ano like, ole aka, ma kuu hamo ana i ka aila kikapu ua holoi ia aku la kela mau eha a pela i loaa ai keia manao ia'u ua oi aku kana lapaau ana mamua o 20 kauka i lapaau a ola ole ka eha.  "O keia na manao o F. R. Wilson ke kanaka ana aina e noho la i Chippewa Falls, Wis.

MA KAHI O HOBRON DRUG CO E LOAA AI KEIA LAAU.

Nuhou o na Aina E.

(Mai ka aoao 1 mai.)

SEVASTOPOL, RUSIA, Feberuari 12.---Ke hooponopono hou ia nei na aumokukaua o ke Kai Eleele (Black Sea) o Rusia i keia manawa me ka paukiki nui.

HOAPONOIA KA LONO HOOMA-

KAUKAU.

VIENNA AUKEKULIA, Feberuari 12.---O ka nuhou e pili ana i ka hoomakaukau o Tureke me kona mau pualikoa kaua iloko o Makekonia ame kekahi mau wahi ano nui loa ua hoaponoia.  Eia kekahi mau pualikoa kaua o Makekonia malalo o na kauoha o Edihem Pasha ke alihikaua nui o ke aupuni o Tureke.

KONITINOPALA, TUREKE, Feberuari 12.---O na olelo a ka Suletana o Tureke e pili ana no ke kuikahi ame ka maluhia he mea oiaio ole ia oiai na hooliuliu kaua ana ke holopapa nei ia iwaena o kona mau pualikoa kaua i keia manawa.  O na olelo kauoha pili i ka oihana kaua he hoailona ia ua kokoke e uleleia na hua awaawa o ke kaua.

NA POWA KAAAHI MA MONTANA.

BUTTE, MONTANA, Feberuari 12.---Ua paaia he kaahi kokoke ma keia kulanakauhale i keia la e kekahi mau kanaka i uhi paa ia ko lakou mau helehelena.  Ua loaa aku he mau tausani dala ia lakou.  Ua holo aku he mau tausani dala ia lakou.  Ua holo aku na kanaka powa maluna o ka lio a ua alualuia aku lakou e kekahi mau kanaka o keia kulanakauhale maluna no o ko lakou mau lio.

APUKAIA MA KA INOA O MOGANA.

LADANA, Feberuari 13.---Ua hoopuka ia ae nei he palapala hopu no Kauna Maurice de Bostori no ke apuka i ka inoa o Mogana ka bilionaea maluna o kekahi waiwai paa.

MAKANI PUKALAKI MA HUNGARY

BUDAPEST, Feberuari 13.---Mamuli o kekahi makani pukalaki nui i kaalo ae maluna o keia kulanakauhale i keia la he 60 mau ola kino i hoopoinoia ame kekahi mau aina.

PII INO KA MA'I ELEELE.

MAZATLAN, Feberuari 13.---He 2 mau make i keia la no ka ma'i eleele ma keia kulanakauhale a he 44 i hoopaaia aku iloko o ke kahua hoomalu.

KAKAUINOAIA KA PALAPALA.

WASINETONA, Feberuari 13.---Ua kakauinoaia ka Palapala kuikahi o Venezuela a ua hoopauia ka panikuia ana o na awa kumoku e na aumokukaua o na mana nui.

KA HUNE MA FINLAND.

WASINETONA, Feberuari 13.---Ua hoike ae ke emabasedoa o ke aupuni bea o Rusia aia ma kahi o 100,000 poe kanaka i hune maoli ma na ano apau ma Finland.

KE KOMIKINA HOOKI HANA.

PILEKELEPIA, Feberuari 13.---Ua hoea na Komikina Hooki Hana Lanahu ma ka panina hope o ka lakou hoolohe ana i na olelo hoike a e hoike mai ana lakou i ka lakou olelo hooholo iloko o ka malama o Maraki.

PAA NA ALII KIPI.

SOFIA, Feberuari 14.---O na alii nui o na komite kaua kipi o Makekonia iloko o Bulgaria ua paa i ka hopu ia.  Ua hookaawale ae nei ke aupuni i kekahi mau auna koa ma na palena aina o Makekonia a hiki i ka makaukau pono ana o ke aupuni o Bulgaria no ka hooko ana i kona dute lahui.

MAKE O ELIKAPEKA.

VIENNA, AUKEKULIA, Feberuari 14.---O Elikapeka, ke kaikamahine a ka Emepera o Aukekulia a makuahine hoi o ka Moiwahine o Sepania ua make.

HOLO KA BILA KU-E HUI.

WASINETONA, Feberuari 14.---O ka Bila Ku-e Hui a Elkin i holo iho nei iloko o ka Ahaolelo Lahui ua hoounaia aku nei i ka Peresidena no kona kakauinoa mai.  O keia ka Bila mua e pili ana no na hui i puka pono mai na puka hao kila mai o ka Ahaolelo a ua oleloia ae ke kakauinoaia ana keia Bila e ka Peresidena.

KAKAUINOA KA PERESIDENA.

WASINETONA, Feberuari 14.---Ua kakauinoia ka Bila e Kukulu ana i Keena Oihana kalepa ame ka Bila Hope Oihana Kalepa ame ka Bila Hope Kenerala Nui e ka Peresidena i keia la.

HAUOLI MA VENEZUELA.

LADANA, Feberuari 14.---Mahope o ke kakauinoaia ana o ka Palapala Kuikahi o Venezuela ua hoopukaia aku kekahi mau kauoha i na aumokukaua e hoopauia na paniku ana o na awa.  Nui ka hauoli o Venezuela i keia manawa.

HE PAIO HAHANA.

LADANA, Feberuari 14.---O ka huakai hoopai i hoounaia aku nei i Nigeria ua paa aku nei lakou ia Kano.  Iloko o kekahi palo hahana i hooukaia 12 Pelekane i hoehaia a 300 mau kanaka i make.

HOOHOLO KA PERESIDENA.

WASINETONA, Feberuari 15.---Ua hooholo iho nei o Peresidena Rusaewela e hookohu i kona kakauolelo, George B. Cortelyon, i kakauolelo no ke Keena Oihana Kalepa.

HAUOLI MA CARACAS.

CARACAS, Feberuari 15.---Nui ka hauoli ma keia kulanakauhale mamuli o ke kakauinoaia ana o ka Palapala Kuikahi a no ka hoopauia ana o na hana paniku o Venezuela e na aumokukaua.  Ua hoikeia ae ua haawi aku o Carnegie ka milionaea he $360,000 no ka hookuea ana i na koi a Kelemania aka ua hoole aku o Kuhina Amerika Bowen.

NUI NA UKU MAKAHIKI.

WASINETONA, Feberuari 15.---Ua holo i ka Hale o na Lunamakaainana ka Bila Kivila o kela ame keia ame 300 mau uku makahiki.

KA PALENA AINA O ALASKA.

WASINETONA, Feberuari 15.---Ua hookohu aku nei ka Peresidena ia kakauolelo Root ame na senatoa Lodge ame Turner ma ke ano he mau iaia no ke Komisina Palena Aina o Alaska.

HOONAUEUEIA KA HONUA.

LOKOPAAKAI, Feberuari 15.---Ua haule iho kekahi hoku lele nui kokoke ma ke kulanakauhale o Brigham a ua hoonaueueia no hoi honua.

PII INO KA MA'I ELEELE.

MAZATLAN, Feberuari 15.---Ke pii mahuahua nei ka ma'i eleele kau e ka weli i keia manawa.

HOLOPONO NA HOOLALA.

KONITINOPALA, Feberuari 15.---O Erhem Pasha ka alihikaua nui o ka puali kaua o Tureke ua holopono kana mau hoolala ana no ka hoakoakoa ana he hookahi hapaha miliona kanaka.

Ka moolelo ilihia o ka

Hoole Waiona ma

Hawaii Paeaina

Na Hoao ana e kulai i keia Kupueu ino

iloko oia au Kulipolipo.

Hoopunanaia ianei e na Lawehala o

Botany Bay.

(Kakauia e Mrs. J. M. Whitney.

O ka moolelo o kekahi aupuni a mau aupuni paha ua like mau no ia me ka moolelo o kekahi kino kanaka.  Aia no iloko o ka moolelo o ke aupuni ame ka moolelo o ke kino o ke kanaka na hoowalewale ame na paio, na kaua, na hakaka ame na hakoko ku like ana a i ka hopena e hua mai ana no ka hua momona o ke kupaa ame ka hoomaikai ia mai, ina no nae i hookoia ka pono ame ka pololei, a he popopo, palahe a make no hoi ina i hookuu laula ia ka ino ame ka lapuwale e rula maluna o ke kino.  O ka puoho a makili ana ae o kekahi aupuni mailoko, mai o ka poeleele lua ole o ka nohona pegtana a i ka nohona malamalama he paio a kaua hahana maoli io no ia i hooukaia.  He mea oiaio e paio ana ke keikialii o ka po i kona mau rula a loina no hoi a hiki i ka panina hope loa, e lawe mai ana i kona mau kanaka malalo o kona malumalu, kona mau agena, na kino kanaka ame na kino kiapolo a e like no hoi me ka hiki i kona mau waihona ke hoopuka, e ku mai ana me ka wiwoole a ke'ake'a i ka nee malaelae ana mai o ka Moi o ka Pono.

O na agena apau a Satana i hoolala ai no ka hookuapaa ana i na uhane o ke kanaka, e ke'ake'a ana hoi i na kanaka ame na aupuni i ka puoho ana ae mailoko mai o ka nohona pegana a i ka nohona malamalama ame ke kuikahi, aole he agena kiapolo i oi pakela ae mamua o ka agena aloha i ka inu i ka waiona ikaika.  He mea hookumumu keia i ka waihona noonoo; he mea hoomaeele i ka naauao; he mea hoomake i na manao aloha; he mea hoonawaliwali i na paahana o ka waihona noonoo; a he mea e pepehi ana i ka uhane ame ke kino huiia.  He mea malihini ole a he mea hoopaapaa ole no hoi i ka manawa i ike a hoomaopopo mai ai ka enemi o ka pono ua hooholo keia aupuni Hawaii e huli a hoomana aku i ke Akua ola ua hoomaka koke mai la no ua kiapolo nei e hoouna mai i kana ama ponoi, i kana wisike ponoi ame kana kini ponoi ma keia paeaina ma ke ano oia ka laau lapaau no na mea apau i ku maluna o ka keehina o ka maikai.

He mau mea kokua no paha keia ia kakou na hoa e hoao nei e paio i keia kupueu ino lua ole i ko kakou mau la no ka hoihoi hope ana i ko kakou mau noonoo maluna o kona hoomakili mau ia ana mai ka moolelo kulipolipo mai o na kanaka o keia paeaina o Hawaii, a ike kakou i ka ikaika mana maoli o keia kupueu ino i kela manawa, ka ike ana o ka moi ame na alii o ia au i ka oiaio o keia mea, ame ko lakou hoohana ana e like me ka hiki ia lakou no ke kula'i ana i keia mea ino i kokua ia mai e na leo paipai o na mikanele, me ka nana ole i na ku-e o ka hapanui o na ilipuakea ma ka oihana kalepa ame kekahi mau lahui e ae no hoi e noho ana ianei i keia manawa.

Mai ke au kulipolipo mai o ka manawa e like hoi me ka poeleele e holopapa ana maluna o ka aina mahope o ka napoo ana o ka la ma kona home maa mau a i hoike ole ia no hoi iloko o na moolelo, ua loaa mua no i na kanaka Hawaii kekahi ano waiona i hanaia mai ka awa mai.  O keia wale no ko lakou waiona i kela manawa o ke au o Waawaaikinaaupo.  e hoohua mai ana i ka ona lolo a haalulu no hoi o ke kino, a e hoomailo ana i kona ano maluna o ka ili; e hoopehu ana i ka maka a e hooelemakule ana ina hiohiona o ke kanaka a ku i ka mahuna ke nana aku.  O ka ona o ka awa he haalulu wale no a lolo no hoi aole hoi e like mme ka ona o na waiona ikaika ka piha i ka uwila a no keia kumu ua emi iki mai kona ino mamua o na waiona ikaika.  Ua waihoia aku i na haole na lakou e hookomo mai i keia laau make oia hoi na waiona ikaika iloko o keia paeaina.  Ua oleloia ae me ka maikai "o ka nohona pegana aole i hoohaahaa aku i kona kulana aka ua hiki i ke au malamalama ke haawi mai i kekahi mea i oi pakela ae mamua aku o keia mea o ka hoohaahaaia."

Iloko o ka makahiki 1802, he umikumamawalu mau makahiki mamua o ka hoea ana mai o na mikanele mua ma keia paeaina, ua kipa mai la kekahi moku kalepa Pelekane ma keia paeaina i kapaia ma ka inoa o Margret (Makaleka), mahope hoi o kona holoholo ana ma na ailana o ka hema.  ua kakau iho la o John Turnbull kekahi o na aliimoku i kekahi moolelo hoolele hauli e pili ana i ko lakou alahele moana i hele mai a.  I ko lakou haalele ana i na ailana hui (Society Islands) uia kakau iho la oia i keia mau manao maluna o kekahi apana pepa e like me keia:

"Aole loa he hoopa'i kupono i lawa maikai no ka hookau ana iho maluna o ke kua o na hana ino a ke kanaka lapuwale e hookomo mai ana i na ukana waiona iloko o na ailana hui (Society Islands) a i ole ia iloko o Hawaii paeaina.  Ma na ano apau e like ana no keia me na manao hoorula maluna o kekahi huina laaumake kulike, oiai o ka hoopalahalahaia ana o ka ino e apo wale ia mai ana no ia ma o ke kinaiia ana o ka makaainana holookoa."

(Aole i pau.)

O kou mau niho kou mau hoaloha maikai

O ka hoohemhema ia lakou oia kou ehaeha, e maeele ana iloko o ke kino, ka noonoo ame ke ano e o ka helehelena.  Ina he manao kou no ka hana ia aku, e kipa mai i o makou nei no ke kuka pu ana me ka auhau ole.  O na hana apau me ka maikai wale no e lawelawela ai a eha ole no hoi, a nui no hoi ka poe i ike ia makou o ko Honolulu nei ame ko na mokupuni a lawa ko lakou makemake a na lakou e hoike no makou.

Na auhau no ka Hana ana.

Papa Niho Gula ...       $5

Papa Niho pono ...      $5

Hoopiha me ke gula    $1.00 a pii aku

Hoopiha me ke dala ... 50 keneta

New York Dental

Parlors

Helu 1057, Alanui Papu mawaena o na Alanui Moi ame Hotele.

Ma ko William Pa'i Kii ipuka no e komo ai a kona ko makou keena.

[advertisement:  2-columns.]

[KEENA HANA O NA KAUKA HUKI NIHO.  W. E. ALLEN, D. D. S.      F. L. FERGUSON, D. D. S.   O ka Hana Papa Niho ka laua hana makaukau loa.  Ma na Keena huki noho o ka Hale Nu Ioka laua i hana mau ai, a e loaa no laua i keia manawa ma : : : ARLINGTON HALE HELU 2151 ALANUI HOTELE ma kahi aoao o ka huina o ke Alanui Hotele ame Uniona.  He maikai na lawelawe hana me ka nui eha ole e like no me ko na wahi e ae a ke hooiaio aku nei he maikai io no, he haahaa na auhau : : : : NA HORA HANA ma na ia noa e pau ana i ka hora 6 p. m.; i ka Poaono e pau ana i ka po a i ke Sabati i ka hora 12 awakea.

Hoopiha me ke Kala ... 50 keneta

Hoopiha me ke Gula  $1.00 a pii aku

Papa Niho Gula ...

Papa Niho Kala ...       } $5

Paha Niho Maoli ...

Papa Niho piha pono... $5

Huki ana i ka Niho ...  50c

[graphic:  engraving of set of upper dentures. "TEETH Without Plates."]

NA KAUKA HUKI NOHO NOEAU

W. E. Allen, D. D. S.     F. L. Ferguson, D. D. S.

[end advertisement]

He ma'i pilikia loa ka numonia.  O ka manawa maikai e lapaau ai i keia ano ma'i oia no ka manaawa e loaa ai ke kumu ikaika.  O ka laau kunu "Chamberlain Cough Remedy" oia ka laau i hooiaioia e na kauka no ke kupono loa no keia ma'i.  He hala ole kana hoola ana a he hikiwawe no hoi O ka poe kuai i keia laau oia no o Benson Smith & Co. Ltd., na agena no Hawaii nei.

Ua paa aku i ka hopuia e ka makai Henry Flint ma ka uwapo no ka lulu keia poe keonimana, R R. Kiahale, J. D. G. Kaleikini, T. Black, Ochi Stand Stokes ame Bob M. Gomez.

Hoolaha Mana Hookolokolo

ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI ELIMA  O KA TERITORI O HAWAII.  MA KE KEENA HOOPONOPONO WAIWAI HOOILINA. 

Iloko o ka hana o ka waiwai o Ana Kini o Waipake, Koolau, Kauai, i Make.  Ke Kauoha no ka hoolohe o ka Palapala noi Lunahooponopono Waiwai.

Ma ka heluhelu ia ana a waihoia ana mai o ka palapala noi a J. J. Dunne no Honolulu i ha'i ia mai ai me ka pololei i ka make kauoha ole o Ana Kini o Waipake, Koolau Kauai, i waipake, Koolau, Kauai ma ka mahina o Feberuari A. D. 1891, a waiho iho he waiwai iloko o ka Paeaina Hawaii, he waiwai i kupono e noho hooponopono ia, a ke noi aku nei e hoopukaia mai i mau palapala hookuleana luna hooponopono waiwai no J. J. Dunne.

Ua kauohaia o ka Poalima, la 20 o Malaki A. D. 1903, ma ka hora 10 a. m. o ka la i oleloia oia ka manawa i kohoia a ma la manawa e hooloheia ai ka palapala noi i oleloia ma ke keena hookolokolo o kela aha hookolokolo ma Lihue, Kauai, a ma ka manawa a ma kahi i oleloia o ka hoolohe ana i ua palapala noi nei e hiki ae ai a akoakoa ae ka poe apau i pili i keia mea a hoike mai i na kumu i na he mau hoohalahala kekahi o ka hiki ole ke ae ia ka palapala noi i oleloia a e hoolahai kela ma ka olelo Beritania ame Hawaii no ekolu pule nupapa iloko o na nupepa Hawaiian Gazette ame Kuokoa na nupepa a Honolulu.

Hanaia ma Lihue, Kauai Feberuari 12, 1903.

(Kakauinoaia)     J. HARDY,

Lunakanawai o ka Aha Kaapuni o ka Apana Kaapuni Elima.

IKEMAKAIA,

JOHN A. PALMER,

Kakauolelo o ka Aha Hookolokolo Kaapuni o ka Apana Kaapuni Elima.

ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKAHI  O KA TERITORI O HAWAII.  MA KE KEENA HOOPONOPONO WAIWAI HOOILINA. 

($2.00 Pooleka).

Amelia R. Lennon ku-e ia Michael E. Lennon.  Palapala Kii.

KA TERETORE O HAWAII: 

I ka Makai Kiekie o ka Teretore o Hawaii, a i kona Hope, i ka Makai Nui o ka Mokupuni o Oahu, a i ole i kona Hope.

Ke kauohai aku nei o e e kii ia Michael E. Lennon, ka mea i hoopiiia, ina he makemake e waiho mai oia i kana palapala pane iloko o na la he iwakalua mahope iho o ka hookoia ana o keia palapala kii, e hele mai oia imua o ka Aha Kaapuni i oleloia ma ke Kau o Feberuari e nee mai nei, e hoomaka ana ma Honolulu, Mokupuni o Oahu, i ka POAKAHI, la  2 o Feberuari e hiki mai ana, i  ka hora 10 kakahiaka, e hoike mai hoi i ke kumu ku-e i ke koi hoopii a Amelia R. Lennon, ka mea hoopii, a no ke aha la e hiki ile ai e hooholo ia'ku ai e like me ke noi maloko o kana Palapala Hoopii Oki Mare.

A e lawe ia'ku malaila ia manawa keia Palapala Kii me kau hoike apau no ia mea.

IKEA ka Mea Hanohano J. T. De Bolt

Lunakanawai Ekahi o ka Aha Kaapuni o ka Apana Kaapuni Ekahi, ma Honolulu, Oahu, i keia la  8 o Ianuari, 1903.

(Sila)

(Kakauinoa)     HENRY SMITH,

Kakauolelo.

Teretore o Hawaii.      )

Honolulu Oahu.          ) ss

He kope piha a oiaio loa keia o ka palapala kumu ma ia hihia, a ma keia ke hooia nei au ua hoopaneeia ua hihia la a hiki aku i ke Kau o Mei, A. D. 1903, e nee mai nei a e hoolahaia keia Palapala Kii mamuli o ke kauoha a kela Aha.

GEORGE LUCAS,

Kakauolelo o ka Aha Hookolokolo Kaapuni o ka Apana Hookolokolo Kaapuni, Ekahi, Teritori o Hawaii.

Honolulu, Feberuari 10, 1903.

ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKAHI  O KA TERITORI O HAWAII.

($2.00 Pooleka).

Virignia  Hendrickson ku-e ia Julius Hendrickson.  Palapala Kii.

Ka Teritore o Hawaii: 

I ka Makai Kiekie o ka Teretore o Hawaii, a i kona Hope, i ka Makai Nui o ka Mokupuni o Oahu, a i ole i kona Hope.

Ke kauohai aku nei o e e kii ia Julius Hendrickson, ka mea i hoopiiia, ina he makemake e waiho mai oia i kana palapala pane iloko o na la he iwakalua mahope iho o ka hookoia ana o keia palapala kii, e hele mai oia imua o ka Aha Kaapuni i oleloia ma ke Kau o Feberuari e nee mai nei, e hoomaka ana ma Honolulu, Mokupuni o Oahu, i ka POAKAHI, la  2 o Feberuari e hiki mai ana, i  ka hora 10 kakahiaka, e hoike mai hoi i ke kumu ku-e i ke koi hoopii a Virignia  Hendrickson, ka mea hoopii, a no ke aha la e hiki ile ai e hooholo ia'ku ai e like me ke noi maloko o kana Palapala Hoopii Oki Mare.

A e lawe ia'ku malaila ia manawa keia Palapala Kii me kau hoike apau no ia mea.

IKEA ka Mea Hanohano J. T. De Bolt

Lunakanawai Ekahi o ka Aha Kaapuni o ka Apana Kaapuni Ekahi, ma Honolulu, Oahu, i keia la  8 o Ianuari, 1903.

(Sila)

(Kakauinoa)     J. A. THOMPSON,

Kakauolelo.

Teretore o Hawaii.      )

Honolulu Oahu.          ) ss

He kope piha a oiaio loa keia o ka palapala kumu ma ia hihia, a ma keia ke hooia nei au ua hoopaneeia ua hihia la a hiki aku i ke Kau o Mei, A. D. 1903, e nee mai nei a e hoolahaia keia Palapala Kii mamuli o ke kauoha a kela Aha.

GEORGE LUCAS,

Kakauolelo o ka Aha Hookolokolo Kaapuni o ka Apana Hookolokolo Kaapuni, Ekahi, Teritori o Hawaii.

Honolulu, Feberuari 10, 1903.

ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI O KA TERITORI O HAWAII.  MA KE KEENA HOOPONOPONO WAIWAI HOOILINA.  MA KA HANA O KA WAIWAI O KUAHILO I MAKE NO WAILUKU, MAUI.  MAKE KAUOHA OLE KE KAUOHA NO KA HOOLAHA O KA PALAPALA NOI KAHEA O NA PILIKOKO.

Ma ka heluhelu ia ana a waihoia ana mai o ka palapala noi a Makani ame Hilo no Wailuku, Maui, na Pilikoko o ka mea i make, i ha'iia mai ai me ka pololei i ka make kauoha ole o Kuahilo o Wailuku, Maui, i Wailuku, Maui ma ka la 30 o Iulai A. D. 1902, a waiho iho he waiwai iloko o ka Paeaina Hawaii,  a ke noi aku nei e hanaia mai i kauoha hope loa e kahea ana i na pilikoko na hooilina no ua waiwai la o Kuahilo i make kauoha ole i oleloia.

Ua kauohaia o ka Poalua,  la 17 o Malaki A. D. 1903, ma ka hora 10 a. m. o ka la i oleloia oia ka manawa i kohoia a ma la manawa e hooloheia ai ka palapala noi i oleloia ma ke keena hookolokolo o kela aha hookolokolo ma Wailuku, Maui, a ma ka manawa a ma kahi i oleloia o ka hoolohe ana i ua palapala noi nei e hiki ae ai a akoakoa ae ka poe apau i pili i keia mea a hoike mai i na kumu i na he mau hoohalahala kekahi o ka hiki ole ke ae ia ka palapala noi i oleloia a e waiho ae i na ike piha no ka hooiaio ana owai la ka mea kuleana i ka waiwai i oleloia.

Hanaia ma Wailuku, Maui, T. H. Feberuari 14, 1903.

IKEA ka Mea Hanohano

JOHN W. KALUA.

Lunakanawai o ka Aha Kaapuni o ka Apana Kaapuni Elua.

IKEMAKAIA,

L. R. CROOK,

Kakauolelo o ka Aha Hookolokolo Kaapuni o ka Apana Kaapuni Elua.

ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI O KA TERITORI O HAWAII.  MA KE KEENA HOOPONOPONO WAIWAI HOOILINA.  MA KA HANA O KA WAIWAI O WM. KEAMO  I MAKE NO KEONEOIO, MAUI.  MAKE KAUOHA OLE KE KAUOHA NO KA HOOLAHA O KA PALAPALA NOI KAHEA O NA PILIKOKO.

Ma ka heluhelu ia ana a waihoia ana mai o ka palapala noi a J. D. Keamo no Keoneoio, Maui, i ha'iia mai ai me ka pololei i ka make kauoha ole o Wm. Keamo o Keoneoio, Maui, i Keoneoio, Maui ma ka la 19 o Ianuari A. D. 1903, a waiho iho he waiwai iloko o ka Paeaina Hawaii,  a ke noi aku nei e hanaia mai i kauoha hope loa e kahea ana i na pilikoko na hooilina no ua waiwai la o Kuahilo i make kauoha ole i oleloia.

Ua kauohaia o ka Poalua,  la 17 o Malaki A. D. 1903, ma ka hora 10 a. m. o ka la i oleloia oia ka manawa i kohoia a ma la manawa e hooloheia ai ka palapala noi i oleloia ma ke keena hookolokolo o kela aha hookolokolo ma Wailuku, Maui, a ma ka manawa a ma kahi i oleloia o ka hoolohe ana i ua palapala noi nei e hiki ae ai a akoakoa ae ka poe apau i pili i keia mea a hoike mai i na kumu i na he mau hoohalahala kekahi o ka hiki ole ke ae ia ka palapala noi i oleloia a e waiho ae i na ike piha no ka hooiaio ana owai la ka mea kuleana i ka waiwai i oleloia.

Hanaia ma Wailuku, Maui, T. H. Feberuari 14, 1903.

(Kakauinoaia)     JOHN W. KALUA.

Lunakanawai o ka Aha Kaapuni o ka Apana Kaapuni Elua. (Sila)

IKEMAKAIA,

L. R. CROOK,

Kakauolelo o ka Aha Hookolokolo Kaapuni o ka Apana Kaapuni Elua.

ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKAHI  O KA TERITORI O HAWAII.

($2.00 Pooleka).

Lydia R. Allen, ku-e ia George C. Allen.  Palapala Kii.

Ka Teritore o Hawaii: 

I ka Makai Kiekie o ka Teretore o Hawaii, a i kona Hope, i ka Makai Nui o ka Mokupuni o Oahu, a i ole i kona Hope.

Ke kauohai aku nei o e e kii ia George C. Allen, ka mea i hoopiiia, ina he makemake e waiho mai oia i kana palapala pane iloko o na la he iwakalua mahope iho o ka hookoia ana o keia palapala kii, e hele mai oia imua o ka Aha Kaapuni i oleloia ma ke Kau o Feberuari e nee mai nei, e hoomaka ana ma Honolulu, Mokupuni o Oahu, i ka POAKAHI, la  2 o Feberuari e hiki mai ana, i  ka hora 10 kakahiaka, e hoike mai hoi i ke kumu ku-e i ke koi hoopii a Lydia R. Allen, ka mea hoopii, a no ke aha la e hiki ile ai e hooholo ia'ku ai e like me ke noi maloko o kana Palapala Hoopii Oki Mare.

A e lawe ia'ku malaila ia manawa keia Palapala Kii me kau hoike apau no ia mea.

IKEA ka Mea Hanohano J. T. De Bolt

Lunakanawai Ekahi o ka Aha Kaapuni o ka Apana Kaapuni Ekahi, ma Honolulu, Oahu, i keia la  3 o Novemaba, @

(Sila)

(Kakauinoa)     GEORGE LUCAS,

Kakauolelo.

Teretore o Hawaii.      )

Honolulu Oahu.          ) ss

He kope piha a oiaio loa keia o ka palapala kumu ma ia hihia, a ma keia ke hooia nei au ua hoopaneeia ua hihia la a hiki aku i ke Kau o Mei, A. D. 1903, e nee mai nei a e hoolahaia keia Palapala Kii mamuli o ke kauoha a kela Aha.

J. A. THOMPSON,

Kakauolelo o ka Aha Hookolokolo Kaapuni o ka Apana Hookolokolo Kaapuni, Ekahi, Teritori o Hawaii.

Honolulu, Feberuari 10, 1903.

ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKAHI  O KA TERITORI O HAWAII.

($2.00 Pooleka).

Isabella K. Winston, ku-e ia Theodore A. Winston.  Palapala Kii.

Ka Teritore o Hawaii: 

I ka Makai Kiekie o ka Teretore o Hawaii, a i kona Hope, i ka Makai Nui o ka Mokupuni o Oahu, a i ole i kona Hope.

Ke kauohai aku nei o e e kii ia Theodore A. Winston, ka mea i hoopiiia, ina he makemake e waiho mai oia i kana palapala pane iloko o na la he iwakalua mahope iho o ka hookoia ana o keia palapala kii, e hele mai oia imua o ka Aha Kaapuni i oleloia ma ke Kau o Feberuari e nee mai nei, e hoomaka ana ma Honolulu, Mokupuni o Oahu, i ka POAKAHI, la  2 o Feberuari e hiki mai ana, i  ka hora 10 kakahiaka, e hoike mai hoi i ke kumu ku-e i ke koi hoopii a Isabella K. Winston, ka mea hoopii, a no ke aha la e hiki ile ai e hooholo ia'ku ai e like me ke noi maloko o kana Palapala Hoopii Oki Mare.

A e lawe ia'ku malaila ia manawa keia Palapala Kii me kau hoike apau no ia mea.

IKEA ka Mea Hanohano J. T. De Bolt

Lunakanawai Ekahi o ka Aha Kaapuni o ka Apana Kaapuni Ekahi, ma Honolulu, Oahu, i keia la 22 o Ianuari, @

(Sila)

(Kakauinoa)     GEORGE LUCAS,

Kakauolelo.

Teretore o Hawaii.      )

Honolulu Oahu.          ) ss

He kope piha a oiaio loa keia o ka palapala kumu ma ia hihia, a ma keia ke hooia nei au ua hoopaneeia ua hihia la a hiki aku i ke Kau o Mei, A. D. 1903, e nee mai nei a e hoolahaia keia Palapala Kii mamuli o ke kauoha a kela Aha.

J. A. THOMPSON,

Kakauolelo o ka Aha Hookolokolo Kaapuni o ka Apana Hookolokolo Kaapuni, Ekahi, Teritori o Hawaii.

Honolulu, Feberuari 10, 1903.

ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI O KA TERITORI O HAWAII.  MA KE KEENA HOOPONOPONO WAIWAI HOOILINA.  MA KA HANA O KA WAIWAI O J. KAHAKAUWILA I MAKE NO PAUWELA, MAUI.  MAKE KAUOHA OLE KE KAUOHA NO KA HOOLAHA O KA PALAPALA NOI KAHEA O NA PILIKOKO.

Ma ka heluhelu ia ana a waihoia ana mai o ka palapala noi a J. Kahakauwila no Pauwela, Maui, i ha'iia mai ai me ka pololei i ka make kauoha ole o J. Kahakauwila no Pauwela, Maui, Maui ma ka la @ o Ianuari A. D. 1903, a waiho iho he waiwai iloko o ka Paeaina Hawaii,  a ke noi aku nei e hanaia mai i kauoha hope loa e kahea ana i na pilikoko na hooilina no ua waiwai la o Kuahilo i make kauoha ole i oleloia.

Ua kauohaia o ka Poakolu,  la @ o Malaki A. D. 1903, ma ka hora 10 a. m. o ka la i oleloia oia ka manawa i kohoia a ma la manawa e hooloheia ai ka palapala noi i oleloia ma ke keena hookolokolo o kela aha hookolokolo ma Wailuku, Maui, a ma ka manawa a ma kahi i oleloia o ka hoolohe ana i ua palapala noi nei e hiki ae ai a akoakoa ae ka poe apau i pili i keia mea a hoike mai i na kumu i na he mau hoohalahala kekahi o ka hiki ole ke ae ia ka palapala noi i oleloia a e waiho ae i na ike piha no ka hooiaio ana owai la ka mea kuleana i ka waiwai i oleloia.

Hanaia ma Wailuku, Maui, Feberuari 7, 1903.

(Kakauinoaia)     JOHN W. KALUA.

Lunakanawai o ka Aha Kaapuni o ka Apana Kaapuni Elua. (Sila)

IKEMAKAIA,

L. R. CROOK,

Kakauolelo o ka Aha Hookolokolo Kaapuni o ka Apana Kaapuni Elua.

ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI ELUA O KA TERITORI O HAWAII.  MA KE KEENA HOOPONOPONO WAIWAI HOOILINA.  MA KA HANA O KA WAIWAI O KEALAULA WAIHOIKAEA I MAKE NO WAIHEE, MAUI.  MAKE KAUOHA OLE KE KAUOHA NO KA HOOLAHA O KA PALAPALA NOI KAHEA O NA PILIKOKO.

Ma ka heluhelu ia ana a waihoia ana mai o ka palapala noi a Kealaula Waihoikaea no Waihee, Maui, i ha'iia mai ai me ka pololei i ka make kauoha ole o Kealaula Waihoikaea no Waihee, Maui, ma ka la 22 o Iune A. D. 1902, a waiho iho he waiwai iloko o ka Paeaina Hawaii,  a ke noi aku nei e hanaia mai i kauoha hope loa e kahea ana i na pilikoko na hooilina no ua waiwai la o Kuahilo i make kauoha ole i oleloia.

Ua kauohaia o ka Poakolu,  la @ o Malaki A. D. 1903, ma ka hora 10 a. m. o ka la i oleloia oia ka manawa i kohoia a ma la manawa e hooloheia ai ka palapala noi i oleloia ma ke keena hookolokolo o kela aha hookolokolo ma Wailuku, Maui, a ma ka manawa a ma kahi i oleloia o ka hoolohe ana i ua palapala noi nei e hiki ae ai a akoakoa ae ka poe apau i pili i keia mea a hoike mai i na kumu i na he mau hoohalahala kekahi o ka hiki ole ke ae ia ka palapala noi i oleloia a e waiho ae i na ike piha no ka hooiaio ana owai la ka mea kuleana i ka waiwai i oleloia.

Hanaia ma Wailuku, Maui, Iulai 17, 1902.

Na ka Aha,

L. R. CROOK,

Kakauolelo.