Ka Nupepa Kuokoa, Volume XLI, Number 8, 20 February 1903 — Na lako pili Alii ua lilo KUAI KUDALAIA MA HALEALII. [ARTICLE]

Na lako pili Alii ua lilo

KUAI KUDALAIA MA HALEALII.

Ma ka Poalima i hala aku nei la 13, ua kuai kudala ia aku na mea kahiko ma 'ke kapkola hale a ua nyi no hoi ka poe koho i hoea ae ilaila. O ka. uwaki nui iloko o ka halealii e kau ana ma ka holo no kekahi mau makahiki loihi ua lilo aku ia ia S. M. Damon no $290. Ua oleloia ua haawiia mai keia uwaki ia Kamehameha IV e Napoieona III ma ke ano he makana kuikahi mawaena o Farani ame Hawaii. Ua lilo aku no ia S. M. Damon he ipulepo no $7.00, a ua oleloia ae no hoi he makana keia ipuiepo i haawiia ia Kamehameha IV. Ua olelo aku ka koa waiho pa ia Kapiolani Estate no $85 ame ka pahu koa nui waiho lole no $100. Ua iile aku ia W. H. Cornwell he waihona buke uuku no $7.50 ame elua noho. Ua kuai pu aku o S. M. Damon i kekahi o na noho paipai lima alii. Ua leuai aku ka iuna nui o na Haha Hou i«kekahi papa waiho pa no $50 ame elua kii no $17.50. ♦ O Henry Vida oia hookahi wale no ka Repubalika i koho ponoia no ka Hale o na Lunamakaainana mai ka Apana Elima mai a e hauoli no oia no ke apo ana aku i oa Palapala i Kakauia e na makainana e noho nei ilia keia apana e pili ana no ka hanaia ma ka Ahaolelo.