Ka Nupepa Kuokoa, Volume XLI, Number 14, 3 April 1903 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, APERILA 3, 1903

 

hookoia aku me ka epaepa ole.

            O Mr. Walter B. Hestor (Mr. Heseka) oia kekahi o na kanaka waiwai loa i kela manawa a ota no hoi kekahi hoaloha maikai o keia kanaka nona ka inoa mua i hoike mua ia ae nei ma keia mokuna o Mr. van Horne.  He kanaka opiopio keia o Walter B. Heseka kana aikane aloha hoi a o kona mau waiwai ke heluia ua hoea aku ia maluna o ka huina nui hewahewa o kana@olu miliona dala ame keia mau dala ua hiki loa iaia ke hana e like me kana i manao ai he maikai.  Mamuli o ka holomua o keia nupepa ka “New York Record” ua ike iho la oia aole loa e hookola ana kela manao alunu ona a mamuli no ho@ o keia kumu ua hoonau w@le ae la no oia i keia manao ona me kekahi mau manao ano kaumaha no nae e hakukoi ana iloko o kona waihona poo.

            Aole i hopo iho keia kanaka opio oia hoi o Heseka mamuli o ka haulehia ana o kona mau manao, aka ua hoopipili aku la oia me van Horne ka ona o ka nupepa New York Record a aole i loihi mahope o keia mau noopipiii ana ana me keia kanaka opiopio ua kuni paa ia aku la ke aloha mawaena iho o laua ame ko laua hoau like ana i ka laua mau dala iloko o na hui waiwai.  Pela laua i hoohana aku a@ i ka iaua mau dala no kekahi mau makahiki a o ka hopena ua hoike aku la o Heseka i kona mau manao @ van Horne no kona @ nui e hoi mai e hana malalo ona o@a hoi e hooponopono hoi i ka nupepa.  Ua lana ka manao o keia kanaka opio e hoike aku i ka honua holookoa i kona makaukau ma keia hana me kona kamailio pu aku iai@ e hana wale no oia me ka uku ole.  Aole i ae aku o van Horner e lawelawe oia i ka hana me uku ole a mahope o kekahi mau noonoo kuio ana ua hoapono iho la oia i kana mau noi.  Ma keia moolelo nanea a kakou e hoomaka nei he 32 mau makahiki o Heseka a o kona mau ohana apau loa ua hanauia ma ka mokuaina nui o Nu Ioka a he mau ohana hoi i noho maluna o ke kuonoono ame ka waiwai.  O kona mau waiwai apau malalo o kona malumalu ua loaa mai iaia malalo o ka hoomanawanui ame ka pauaho ole, a o ka hoao ana e kamailio i ka moolelo piha o keia kanaka opio, he mea makehewa wale no ia oiai e noke ana paha kaua a luhi ke kino aole no ia e pau ana, aka e hoomau kaua imua.  Na keia kanaka opio kulana hiehie i hea ia ma ka inoa o B. Heseka, nana i hana i kekahi moku nani loa i ike ole ia i ko Iakou mau la, a ua papahi ia aku ka inoa hanohano o ka i’a “Mano” maluna ona, a ua hoohanaia aku keia moku ma ke kulana he moku hanu mea hou ma kela ame keia wahi o ke ao nei.  Ma kekahi huakai ana iaia e hanu mea hou ana maluna o na ale ahui o ka moana mawaho ae o na kapakai o Amerika Hema, ua waiho moakaka mai la imua o ka lena uwila o kona mau maka, he moku poino, e paialewaia ana e ka ale aloha ole o ka moana a i ke alelo ula menemene ole hoi o ke ahi e holapu ana i ke kino o ua moku nei.  O na leo uwe o na luina ame na leo hoalohaloha o ke oeoe oia na mea e wawa hele ana iloko o ke kowa o ka lewa a maluna hoi o ka ili o ka moana, ame ka puuwai wiwoole ame kona mau maka e hulili ana maluna o ka moku poino, ua’kaomi aku la ua Heseka nei maluna o ka pihi a kani kupinai aku Ia ka bele iloko o ka lumi o na enekinia, e hoile ana ia lakou, hookuupau ia ka wela o ka hao.  He mea oiaio, ua pakika aku la ua Mano nei maluna o ka ili o ke kai e like me ka olapa ana o ka uwila iloko o ka poiuiu o ke lewa, a o kahi o ka moku poino e a weliweli ia ana e ke ahi ka pahu hopu.  Aole i loihi ka na’i ana aku a ua Mano nei, pili ana ma ka aoao o ka moku poino a hoopakeleia mai la he elua haneri ola makamae i manaoia e lilo ana i moepuu na ke alelo ula o ke ahi.  O keia mau bana wiwoole a Heseka i hoohana ai ua kui aku la ka lono ma na wahi apau a ua papahi mai la na aupuni nui i ke kea Hanohano o ka hoopakele Ola maluna o kona umauma.

            Ma na hoouka kaua ana apau ma na ale kupikipikio o ka moana, aia pu ilaila keia m@ku hanu mea noa oia ka mokuahi i hoea aku ma ke kahua o ke kaua a oia no hoi ka mokuahi i holo a kaala mawaho ponoi o ka papu kaua o Havana me ka loaa ole o kekahi mau pilikia mai na pu mai o ka aina a pakele mai la ua moku nei me kekahi mau mea hou maikai loa i loaa ole i kekahi mau nupepa.  Ma na hoailona apau o na pilikia ame na ulia hakumakuma e hoike mai ana e hoea mua ana keia mokuahi malaila a e loaa ana hoi iaia ka mea hou mamua o ka ike ana o kekahi mau nupepa i keia mau mea e hanaia nei.  Ma kana (Walter Heseka) mau hoolilo ponoi ana ua kukulu aku oia ma na wahi a@au o ka honua nei he mau kiu mea hou no ka@@ pepa a mamuli o keia mau hana a iloko o na makahiki pokole loa ua hoomaka ae la kona kulana e ike ia ma ke ano oia ke kanaka loea hookahi ma keia hana oia hoi ka hana @ a puni ke ao holookoa nei.

            Mahope o kana huakai i Europa ame na pae moku o Pilipine ua hulli hoi mai la ola no Nu Ioka.  Ua akoakoa aku makai o ka uwapo na lunahooponopono apau o ke kulanakauhale no ka haawi ana iaia i ka lima o ke aloha a ma la la hookahi no ua owaka ae kona kii iloko o na papalina mohaha o na nupepa a puni ka aina.  Ua hauoli iho la oia no ka holopono o kana hana.  Ua hoolilo aku oia i kona mau noonoo maikai ana maluna o kekahi kumuhana nana hoi e hoolilelile mau aku i kona inoa no ka manawa mau loa.  Ua ike iho la oia o kana huakai i hele aku nei ma Europa ame Pilipine oia ke anuu piina mua loa o ka hoohanohano ana i kona inoa a kuni paa aku hoi iloko o ka puuwai o na kanaka apau.

            I ka manawa a Walter B. Heseka i huli hoi mai ai i ke kulanakauhale o New York mai kana huakai mai, ua hookaumaha loa ia kona noonoo i kona ike ana ua haalele iho o Mr. van Horne ka ona o ka nupepa New York Record no kana huakai malu ma Europa.

            Ua loaa ae la i kona manao e ukali aku iaia a hau aku hoi i kona meheu, aka mahope o kekahi noonoo maikai ana ua hooholo iho la oia e noho no oia i New York no kekahi manawa me ka hoohala ane i kona manawa ma na hana pili kuloka.  Ua apoia aku o Walter B. Heseka me ka hauoli iloko o na Ahahui apau a ike iho la oia he kanaka nui oia i keia manawa.  Ua hookipaia aku oia iloko o na Hale Hoikeike o ke kulanakauhale a o kekahi o kana mau hana kaulana loa iloko o na nupepa ua himen@ ia mai e keia mau Hale Hoikeike me ka holopono loa ame ka maikai.

            (Aole i pau.)

 

@A ALOHA ELUA

i ka

IPO HOOKAHI.

MOKUNA XXXVIII

KA HANA HOOHALUA A DAISY.

 

            Hoomanaomai la oia ia wa ia laua e noho ana i Sevile, Farani—i kela ano hoomaopopo ole ona i kana mau buke, i ka waiho hamama no me ia, i ka mokaki no o na nupepa ma o a maanel. Ua maa oia i ka hooponopono ana la mau mea apau, ka hoiljili ana i kana mau leta ame a nupepa a waiho i kahi kupno; ia nei hoi aole pela; ina ola e hooponopono ana e like me ia e ike ia mai ana ola a olelo ia mai i ka hoolohe pono ole e like me ke kauoha i kauohaia mai ai iaia. Nolaila hoona wale ae la no oia iala iho me ka hanu ana ae i kekahi hanu loihi jaia i ku iho ai malaila me ka loaa o ka manwa ana e huli pono aku ai i ka meheu e hiki aku ai I ka pahu hopu o kana mea i upu nui ai. O ka mea mua loa ana I ike aku ai, he buke e waiho ana me ka hamama a ua hoohuli ia kea lo ilalo ka papahele. Iaia i lalau iho ai a hoohuli ae ua ike iho la ia i na lalani i kamaaina i kona mau make i na la loihi i hala aw—he mau laini hoi nana I noonoo a nalu nui iloko iho ona. Ua heluheluia no ua buke la a ma ka aoao o ua mau lalani la i kau ai, malaila i hoohuli ia ai ilalo i ole e nalowale.

            “Ua maluhiluhi au i ke kali ana—i ke kali ana i ka malama o May.”

            Heaha @a ka manao ano nui ana I hoomanao mau @ i kela mau lalani? no keaha la ke kumu? I kana hoomaopopo iho, he mea pohihihi loa ia i kona manao. Aia malaila kekahi mau meheu e loaa ai. Ua loaa iho la iaia kekahi mikulima ilikia keokeo uuku nani, a ua hele no hoi a paoa i ke ala o ka wai ala. Mai ko wai @ima la i weheia mai ai’kela mikilima?

            Ua loaa pu iho la no hoi fafa kekahi po@@pine, o ka wai hooluu poni ahiahia, ame na pua maloo iloko ala@a, ame kekahi mau mea hoomanao e ae he lehulehu i haawi ia mai ai iaia mai kekahi lede mai, aka, aole hookahi o keia mau mea mai iaia mai.  He oiaio, iaia i nana iho ai me ke akahele mawaena o keia mau pepa e waiho’mokaki ana, ua komo iho la iloko ona ke kaumaha i ka loaa ole ana iaia o kekahi wahi apana pepa a i ole ia, he wahi buke paha me kona inoa iluna no ka hoomanao ana iaia—he nele loa no—aohe kona inoa malaila, aohe ka inoa Sevile kahi o ko laua home i Farani, a aohe no hoi ka inoa o ka laua keiki uuku.  Ua haloiloi mai la na waimaka o ke aloha o kona mau maka.  He mau hana lokoino maoli no keia.

            “Me he mea la no hoi aohe ana wahine,” i hooho ae ai o Daisy.  “Ke manaoia nei au o kona wahi wa hoomanao wale no no’u, oia ka wa’e loaa mai ai o ka’u mau leta iaia.”

            Alaila, loaa aku la iaia mawaena o na pepa iluna o ke pakaukau kekahi mau buke liilii nani me na himeni iloko.  Aole ona makemake e wehe ae a nana iho i ka mea o loko o ia mau buke; he like wale no na huaolelo i kakauia mawaho pakahi o lakou apau—“E hoomanao ia’u, mai a M. T. Mai.”

            “Owai la hoi keia, M. T..,” wahi a Daisy i olelo iho ai iaia iho, “he mea keia i kamaaina i na loina o kana mea i makemake ai.  He mele wale no o loko o keia mau buke apau.  Auwe, inano hoi mawaena o kana mau mele apau o kona hoomanao iki wale ae no la hoi ia’u, ua lawa ia!”

            Aohe mau mea hou i loaa aku iaia.  O kekahi mau ume o ke pakaukau kakau ona ua paa i ka laka ia; o na mea o loko olaila i ki ia ai a paa oia kekahi mea ano nui e hoohuoi aku ai.  Mai kona hiki ana ilaila a hiki’i keia manawa aohe wahi meheu i loaa iaia i wahi nona e ike ai ia wai la o Sir Kilinetona e aloha nei, a i ole ia, he mea oiaio paha ia ua aloha oia i kekahi mea okoa aku mawaho ae o kana wahine mare.  Aole oia i aa e hooponopono i kana mau pepa e like me kana e hana ai i Sevile; aka, ua waiho no oia i na mea apau e like me ke kauoha i haawi ia mai ai iaia, a mahalo loa iho la ko Sir Kilinetona manao.

            “Mrs. Jodana,” wahi ana i olelo mai ai, “aohe ou lua e like ai.  Ua hana ia e oe kuu lumi a maikai me ka loaa ole o kekahi kinaunau e hoopupuleia ai ko’u noonoo no ka huikau o kuu mau pepa ia wahi aku, a ia wahi aku.”

            “Ua hauoli loa au, i ke ku like o na mea apau a’u i hana ai me kou makemake, e Sir Kilinetona,” wahi a Daisy i olelo aku ai.

            “Ae, ua piha au me ka mahalo ia oe,” wahi a Sir Kilinetona i pane mai ai me ka akaaka, a o ka maka mua loa iho la no hoi keia ana i ike ai iaia e akaaka ana mai kona la i hiki aku ai ilaila a hiki iho la i keia la”—ua piha hauoli loa au,” wahi ana i olelo hou mai ai, a mamuli o ko’u hilinai ia oe e waiho ana au i na hooponopono ana apau o kuu lumi ia oe.  O oe no ka mea i ike i ka noonoo pono ana i keia ame keia, aohe oe i manao o na apana pepa apau i kakau lima maoli ia he mau apana pepa kiola wale ia ia.  Ua noho mua no oe me na poe naauao ma na mea poli i ka oihana buke?  Ua hiki loa ia’u ke ike aku ma ke ano maiau o kau hooponopono ana.”

            “Ae, ua noho mua wau me ia ano poe, e Sir Kilinetona,” wahi a Daisy i pane mai ai; “ua noho au—a ua malama i ka hale o kekahi keonimana ike kakau o kela ano ame keia ano.

            “Heaha kana mea e kakau ai?” I ninau mai ai o Sir Kilinetona me ka @ini nui.

            “No kena mea au e ninau mai la, aohe au i maopopo, e ka mea i maha@oia.  Ua olelo mai ka poe i kamaaina iaia—ua mare oia i ka wahine me ka loaa ole o ia mea he aloha iloko ona, a loaa ole no hoi iaia ka nohona hauoli, a oia ke kumu o kona makemake ana e kakau i na ano manao like ole i wahi e kai@i ia ai kona noonoo ma ia hana a poina i na oihana kuloko, ame na manao pilihua.”

            I ka wa o kela olelo i puka aku ai mai kona waha aku oia kona wa i ike aku ai i ka pii koke ana ae o ka ula maluna o na papalina o kana kane; a hooki koke mai la oia i ke kamailio ana me kona olelo ana mai, “alaila, nau ka malama ana i kuu lumi ame ka hooponopono ana i na kakahiaka apau maho@@ iho o ko’u wa e hele ai.”

            “Ke hoomanao ae,” wahi a Daisy i olelo iho ai iaia iho, “aohe ona wahi mea a komo iho ka manao hoohuoi iloko onaona no’u—aole loa ona hoomaopopo mai ia’u!  Auwe no hoi kona hoopoina loa ia’u!”

            Aohe mea e ae a Daisy i maka’u nui loa ai, o ka hoomaopopo wale mai no o Sir Kilinetona iaia, oia wale iho la no, a eia nae ua ano hoonaukiuki iho la nohoi ia i kona hoomaopopo ole ana mai iaia.  Mahope iho o ka pau ana o ka laua kamailio, ua hoi awiwi aku la oia a komo iloko o kona lumi; pani mai la i ka ipuka a paa, a wehe ae la i ka lauoho kui ona, i ka makaaniani polu, ame kekahi mau mea e ae ana i hoano e ai iaia iho.  Ua lulu ae la oia i kona lauoho maoli apau i ka hemohemo, a kuwelu iho la maluna o kona mau poohiwi; alaila hele aku la oia a ku mamua o ke aniani nana e nana ai i kona ano.

            “Ke hoomaikai nei au i na Lani,” wahi a Daisy i olelo ae ai me ka manao aloha, “eia no ka ke mau nei ko’u ano e like me na la mamua.  Ua manao loa au, e lilo loa ana ko’u ano, e like me ke kulana luahine ina wa apau, a hoopoina iho la au i ka mea e kahea mau ia mai ai ia’u i ko’u wa e noho ana i kuu home aloha me na kamaaina o ia wahi, o Daisy Ena, wahine ui.  O Daisy Ena anei au i keia wa?  O ka inoa Lede Adea i kau mai maluna o’u aole ia he wahine hauoli i keia la.”

            Ua hapai ae la oia i kona mau lima keokeo a kau iho la iluna o kona poo; ua hauoli loa iho la oia i kona ike hou ana i kona helehelena maa mau, i ka nana iho i kona mau lima palupalu maikai, i ka haha ae i kona lauoho aeae i ka panee, ame ka ike ana i kona mau onohi maka polu.

            “Ke hele mai nei au a ano uluhua i keia kulana o’u e paa nei, o Mrs. Jodana,” oia ka manao iloko o Daisy ana e noonoo ana.  Ina aole e loaa koke ana ia’u kekahi meheu o ka hana a’u e moe poo nei, alaila, o ko’u huli hoi no ia i Farani, a mai laila au e kakau mai ai i kuu kane, me ka hai ana mai iaia ua makemake loa au e hoi mai; no ka pono o ka maua pepe, he mea pono iaia ke hoike ae i ko maua mare ana—o kuu pepe, ka mea e lilo aku ana i haku no keia mau nani apau i kekahi la e hiki mai ana.

            Mahope iho o keia wehewehe ana oa i na pono luahine ona apau, ua kahiko hou iho la oia iaia me ia mau mea apau.  Ke hookokoke mai la ka manawa ana e ike ai i na mea apau a kona naau i iini nui ai.  I kekahi kakahiaka ae ua hele aku la oia iloko o ka lumi o Sir Kilinetona, e hooponopono ai i na pepa, kahili i ka ehu lepo o luna o ke pakaukau, hoopiha i kaipu inika i ka inika, ame na mea e ae no hoi apau i kupono no ka hooponopono ana iloko o laila.  Ia wa koke no ua ike aku la ia i kekahi mea i alo ae mai ka ike mua ana a kona mau maka—e waiho mai ana kekahi wa-hi leta nani iluna o ke pakaukau.  Ua lalau iho ia i ua wa-hi la a paa ae la iloko o kona @ima; a ike iho la oia he leta o loko.  E heluhelu paha oia i kela leta aole paha?  Ae, e heluhelu ana no ia; aohe kuleana o kana kane e huna ai i kekahi leta me kona heluhelu pu ole.  Ua nana pono iho la ia i ua wa-hi leta nei; he onaona ke ala e puapuai ae ana mai loko ae; a mawaho o ua wa-hi nei e kau ana keia mau hua kumu mua o ka inoa “M. T.”  He hikiwawe ko Daisy ike i ka hoomaopopo ana i na ano hua e like me ia ke ano; a o keia no hoi na hua kumu ana i ike ai iloko o kela mau buke liilii nani ana i ike mua ai.  Ua wehe koke ae la oia i ua leta la a heluhelu iho la.

            “E kuu Kilinetona aloha:--Ua hauoli loa maua ina maua e ike ana ia oe i ka la apopo, a ua papalua hou iho no hoi ia haawina ina oe e hele mai an@ me ka helehelena oluolu maikai.  Ua olelo mai nei o Miss Lokawahie he ano amaimai ka nanaina o kou helehelena.  Manao au ke hoopapau loa mai nei oe i ke kakau ana ame ka huli ana i na mea poli Akua.  Ina he hana kau o ka la apopo mai hoohala i kou hiki ana mai ia nei mai kau mea mai i aloha ai.

            Ua heluhelu iho la oia i keia mau lalani me ka helehelena me he mea la e ku a akua ae ana kona ano.

            “May!” ua anapu koke ae la kela huaolelo me he uila la ka hikiwawe.  “May!”—he inoa ka ia no kekahi wahine, e like no hoi me kona o Daisy.  Oia ka ke kumu ona i aloha loa ai i keia mau lalani:

            “Uluhua ka oia i ke kali ana,

            I ke kali ana ia May!

            A o ka May ana i uluhua ai i ke kali ana he wahine ka oia!  Aole loa i kahaha kona manao, aka, i kana hoomaopopo iho iaia me he mea la ua maule kona kino holookoa mai luna a hiki ilalo i ka loaa ana o keia leta iaia.  “May!” ua inaina loa iho la ia i kela inoa.  Ua hooho ae la oia me ka leo nui owai la keia mea nana i kaili aku i kana kane mai iaia aku?  O ka manao kaumaha aia lakou apau ke hakaka like la.  Nona ho, he wahine lili ino oia, he wahine puuwai aloha i Kana kane, a he wahine no hoi i hoohemahemaia.  Aohe mea kaumaha e ae—aohe no hoi he hopena luuluu i oi ae ka ehaeha i ka hoomanawanui ana e like me keia.  O kela huaolelo “May.” Me he mea la i kana hoomaopopo iho aia kela huaolelo mamua ona kaoi i ku mai ai iloko o kekahi imu ahi enaena.  E pono oia e noii mahope o ia meheu.  E pono oia e ike owai la keia mea a kana kane i aloha ai; alaila, ike oia i kana hana e hana aku ai.  I ka la apopo oia e hele ai ilaila; aohe mea nana e kaohi iaia i hope no ka hele ana e ike i kana May aloha.

            Ua holoholo iho la o Daisy i o a ia nei iloko i ka lumi me na kapuai wawae mama loa, pii ae la ka ula maluna o kona mau papalina, a hoike mai la kona mau maka i ka piha inaina.  Owai @a hoi keia mea hoonana o ke komo hewa ana mai mawaena o kekahi kane ame kekahi wahine—i ke kaili ana aku i ka puuwai o kana kane mai iaia aku—kona lilo ana iaia i—ke kono ikaika ana mai iaia e hele aku, a ua hele aku no hoi oia?  Ka mea hoi i kapa mai iaia, “kuu Kilinetona aloha,” a ua kakau leta mai hoi iaia ma ke ano ua kamaaina mua, me he mea la he mau ipo laua?  Aole hiki i kona mau pepeiao ke hoolohe ia mea, aole no hoi he hiki iaia ke hoomanawanui i ka uumi ana ia mea iloko ona!  O kona makemake wale no o kona hai ia mai owai la keia “May” alaila o kona hele no ia a ka welau hope loa o ka honua nei e imi ai owai la oia, a hai aku iaia he wahine no ka Sir Kilinetona Adea a he keiki ka laua.  Aole no e loihi loa ana ka nawa mamua o kona ike ana ia mea.  Ua noi mai hoi oia iaia e hele aku i kona wahi, a e hele io ana no oia; alaila o kona wa ia e ukali aku ai mahope ona, a hiki i kona ike ana i keia wahine e kahea nei iaia o kana “Kilinetona aloha;” “ka mea hoi nana i kakau iho i kona inoa “kau May aloha.”

            Nolaila, ua ku malie iho la ke kahunapule ma kahi e kokoke ana i ka ipuka, me ka malohia aku o na manao pihoihoi, ame na manao kaumaha mai iaia aku.  Ua olelo iho la o Daisy iaia iho eia oia ma ka meheu pololei loa e loaa aku ai iaia na mea huna apau.

            Nolaila, ua ku iho ia oia mamua ona me ka pane leo ole, ame ka makaala oiai no nae kona puuwai e haehae ia la, a o kona uhane hoi iloko o na manao pilihua like ole o kela ano ame keia ano.  Ua hele mau aku no ia i kana kane e like me ka mau no na olelo kauoha apau e kauoha ia mai ai iaia ame ka luuluu.  Aole no he ano hoomaopopo mai o kana kane ia mea, aka i ka hoomaopopo maoli ana aku i kona ano, aia kona noonoo i kekahi wahi mamao loa kahi i auwana hele ai.

            “E hoi mai ana no oe i kau hale nei e ai ai i keia la, e Sir Kilinetona?” wahi a Daisy i olelo aku ai, oiai no nae ua maopopo mua no iaia aole aia e hoi hale mai ana ia la.”

            Ua hoike koke mai la kona mau maka i ka hoihoi, a mino aka mai la no hoi oia: ua komo koke mai la ka hoomanao ana iloko ona i ke kumu o kona hoi hale oie ana mai ia la—he mino aka ia i hoomahie ia mai ai me ka oluolu ame ke aloha, a lilo iho la ia i kui e hou hou mai ana i ka puuwai o kana wahine a walania me na manao lili e hapai mau ae ana iloko ona.

            “Aole au e hoi hale mai ana i keia la, e Mrs. Hodana.  E kaawale aku ana au i keia la holookoa.  Me ko’u mau hoaloha au e ai aku ai.”

            Ua akaka mua ia mea iaia, aka, aohe no nae ia he mea e hooneieia mai ai ka hu’i koni iloko o kona puuwai.

            “Aiaila, aole au e hoomakaukau ana i mea ai i keia ahiahi?” wahi no a Daisy i olelo aku ai.

            “Aole,” i pane mai ai o Sir Kilinetona “aole au e hiki mai ana i kau hale nei a hiki paha i ke aumoe loa ana.”

            I ka wa i pau ai o ka Sir Kilinetona olelo ana ua haalele koke iho la no o Daisy iaia a hele aku la oia i kahi e.  Ma kona aoao he mea maikai ia nona, o ka lilo ana o ko Sir Kilinetona manao i kekahi wahi okoa, aole oia e hoomaopono mai k ke ano haikea a kaumaha o kona helehelena.  Ua pani mai la oia i ka puka a paa i kona wa i puka aku ai iw@ho me ka manao inaina iloko ona—he inaina nae e hiki ole ai ia Sir Kilinetona ke hoahewa mai iaia—a aole no hoi he hiki iaia ke hoopuka aku ia mea iaia.  Ua kiai loa ak@ la o Daisy iaia me ka makaala loa.  Ina poe apau o loko o ka hale ua hoike aku no oia i kona ano mai ia lakou ma kana mau hana apau ana i hana ai; aka o ka oiio moli no nae e makaala loa ana oia i kana kane.  Ua maopopo no iaia kona wa i pii ai iluna e komo lole; ua hoomaopopo pu aku la no hoi oia ua oi ae ka loihi o keia komo lole ana ona mamua o na wa e ae apau ana e hele ua ike aku la oia i kona kanaka u’i maoli no i kona wa i puka mai ai iwaho a hele aku oia i kahi a kona manao i hialaai ai, e hele ana hoi i kahi o kona hoa paio, i kahi o ka wahine nana i kaili aku i kana kane mai iaia aku—ka mea hoi i kapa iho iaia “o kana May aloha.”  E pono oia e huli a loaa keia “May” e olelo nei e like me ia.  O ka hoolala ana no ia hana ua lilo iho la ia i hana paakiki loa iaia.  Ua halawai pu aku la oia me Ada@afe ma ke alapii a, iaia i ku iho ai, ua ninau aku la oia iaia i kekahi wahi ninau ma ke ano hoomalimali.  Ua hauoli loa ua kauwa iawelawe la a Sir Kilinetona.  Nolaila ua noi aku la ke kahumalamahale iaia e komo iloko o kona lumi, a malaila laua e hoopau loa ai i ka laua kamailio ana.  I kona wa i lohe koke ai i kela noi, o kona wa ia i apo koke mai ai me ka manao oluolu.  Ua kamailio mua aku ia o Daisyp iaia maluna o na kumu manao like ole i kinohi, alaila olelo aku la oia iaia:

            (Aole i pau.)

 

MEA HOU O KA HALE AHAOLELO.

 

HALE O NA LUNAMAKAAINANA.

 

            Maraki 26.—Mahope o ka hookomo noi ana a Paele ame Kealawaa ua hoikeia mai ka manao o ka Puuku Kepoikai e kapae loa ia na dala Hawaii maikai ole no lakou ka huina o $308,165.  Waihoia i ke komike waiwai. 

            O na bila i hooholoia ma ka heluhelu ekolu iloko o ka Senate ua hookomo ia mai iloko o ka Hale.  He leka na ka Puuku pili i kana hooaiai haawina dala nona ka huina o $3,758.82, e noi ana i ka Hale e noonooia ia kumuhana.

            Na Kumalae e noonoo hou ia ka bila 70 mamuli o na hoololi a ka Senate i hana ai iloko o ua bila la.  Aponoia ke noi.

            He noi na ke komike kuikawa pili i ka waihona o na Pake e hooloihi hou aku i kona manawa e noonoo hou ai ia kumuhana.  

            Na Kupihea he olelo hooholo pili i ke koho luna aupuni mamuli o ke koho a ka poe koho balota ame na wahine mai ka 18 makahiki a pii aku.  Ua haule pu keia olelo hooholo a hoonohoia o Kupihea ilalo e like me kona hoonoho mau ia ilalo i kekahi mau manawa e ka Lunahoomalu.

            Na Pulaa he mau olelo hooholo pili i ke Komikina Aina Aupuni e pili ana i na aina hookuonoono o Kaahuhu ame na ninau i ke Komikina.  

            Na Keliinoi he olelo hooholo e hoihoiia na mea pili waikala a ka Moi Kalakaua i make, i na Keikialii Kawananakoa ame Kalanianaole.  Aponoia.

            Na Kumalae he manao hookomo bila pili i ka hoopau i ka inoa Papa Ola a ma kona wahi ka inoa “Keena Ola o ka Lehulehu.”

            Na Kaniho he olelo hooholo pili i ka hookoe aina Aupuni o Hawaii i mau pailina.  Waihoia i ke komike aina aupuni.

            NKaili he olelo hooholo e hookomoia i haawina dala o $200,000, e uku ai i ka Moiwahine Liliuokalani no na Aina Leialii.  Waihoia ka olelo hooholo ma ka papa.

            Na Pulaa he bila pili i na hui, a kapaeia ka bila.  Na Wright he bila pili i ka oihana paikau a holo ma ka heluhelu ekahi mahope o kekahi pa-ee ana.  Holo pono ka heluhelu elua ana o kekahi mau bila, a o ka bila helu 20 ame 4 ua hoopanee loa ia.

            Noonooia ka bila helu 2 pili i ka puhi kino kanaka a mahope o kekahi mau pa-ee ana ua hooholoia ka bila ma ka heluhelu elua ana.

            Mahope o ke kohoia ana o na la@a o ke komike kuikawa pili i ka noii pono ana i na luna aupuni i hoopau kumu ole ia ua hoopaneeia ka Hale.

 

ILOKO O KA HALE O NA SENATE

 

            Maraki 26.—Hoike komike na Brown e pili ana i ka hooholo loa i ka bila pakui i ke kanawai haawi mana kuai no ka hui.  Nana no he hoike pili i na hui kuwaho e wawahi ana i ke kanawai.  Aponoia na hoike a elua.

            Hoike komike huikau na Dickey pili i ka hookuu ole i ka Hui Alahao o Kona-Kau mai ka auhau aku no elima makahiki.  O keia ke kakoo a ke komike.  Kakoo ke komike e waihoia ma ka papa.  Waihoia ka hoike a noonoo pu me ka bila.

            Na Dickey he hoike komike pili i ke kanawai waiu-bata.  Waihoia a noonoo pu ia me ka bila.

            Na Baldwin he hoike komike o na ala ame loaa pili i ka bila helu 110 no na kanawai auhau.  Ua kakoo ke komike i keia kanawai.

            Na Paris he hoike komike o na lilo aupuni pili i ka bila no na kanawai banaka.  Ua kue ikaika loa ke komike.  Waihoia ka hoike a noonoo pu me ka bila.

            Na C. Brown he olelo hooholo e kauoha ana i ke Kakauolelo e kukai manao me ka Hale pili i ka noonoo ole ia o na bila Senate i hoounaia i ka Hale no ka noonoo ana, a mahope o ke kamailio nui ana o na hoa, ame ke noi a Kaohi e hoopanee loa i a ka olelo hooholo ua holo ma na koho ana 6 ia 7.

            Na Dickey he olelo hooholo hui e haawi mana ana i ka Puuku o ka Teritori o Hawaii e hoolilo i na Palapala Hooia o ke gula me dala i ikeia ka waiwai ole i mea ole, imua no nae o ke alo o ka Peresidena o ka Senate ame ka Lunahoomalu o ka Hale o na Lunamakaainana.  Aponoia ka olelo hooholo.

            Na McCandless he hoolaha hookomo bila pili i ke kukulu Keena oihana Kuka Maiu.

            Na C. Brown he hoolaha hookomo hila pakui i ke kanawai e pili ana i ka Hui Alahoa o Oahu.

            Na Kalauokalani he olelo hooholo e aeia na hoa e puhipaka i ka manawa e noho ai ka aha.  Haule ka olelo hooholo waiwai ole.

            Noonooia ka bila Alahao a Winston a hoihoiia i ke komike no ka noii hou ana aku i na hemahema i koe.

            Noonooia ka bila Alahao Uwila o Hilo a mahope o ke ku-ka ana ua hooholoia ka bila.  Holo ka bila pili i ka hookuu auhau maluna o na aina kope ame ramie ma ka heluhelu elua ana.

            Holo ka bila o ma ka heluhelu elua ana; a waihoia keia mau bila malalo iho i na komike: Bila 111, i ke komike hoonaauao ame ole, bila 114 i ke komike aina aupuni, bila 118 i ke komike hookolokolo, bila 119 i ke komike huikau, bila 129 i ke komike o na ala ame loaa, bila 130 i ke komike o na ala ame loaa, bila 131 i ke komike hookolokolo, bila 122 i ke komike wai kuikawa, a o ka bila 136 i ke komike hoonaauao ame ola.

            Hoomaha iki ka Aha a noho hou i ka hora 7:30.        

            Ma ka noho hou ana o ka Senate ua noonooia ka bila kalana a ma ke noi a Brown e hooholo loa ia ka bila, ua hookoia e like me ke noi oiai aole he hookahi mea i kue.  Ua kaa aku ka hanohano o ka hooholo ia ana o ka bila kalana ma ka heluhelu ekolu iloko o ka Senate maluna a keia mau keonimana: Senatoa Achi, Baldwin, C. Brown, Crabbe, Dickey, McCandless, Paris, Kaiue, Kalauokalani ame Wilcox.  O Woods, J. T. Brown, Kaohi ame Nakapaahu aole lakou iloko o ka Aha i keia manawa.

            Na Achi he noi e heluhelu elua ia ka bila aupuni kulanakauhale a ma ka noonoo ana ua hooholoia ma ka heluhelu elua.

            Hoopanee ka Aha a noho hou.

 

            HALE O NA LUNAMAKAAINANA.

 

            Maraki 27.—Mahope o ka hoolohe ana i na haina o na ninau a Pulaa i haawi ai na ka Luna Nui o na Hana Hou e pane pili i na rola alanui, ua laweia mai a noonooia ka olelo hooholo hui a ka senate e pili ana i ka hoolilo ana i na poalapala dala ame gula i mea ole.  Aponoia ka olelo hooholo.

            Na ka Lunahoomalu he hoakaka pili i ka holo o na lala eiwa o ke komike no Kalaupapa.  E hoike ana e kau aku lakou ame na hoa apau o ka Ahaolelo ma ke Kinau i ka hora elima o ke ahiahi Poaono, @a 28 o Malaki, a hoi mai i ke ahiahi Sabati.

            Na ke komike hookolokolo he hoike kakoo i ka bila a Dickey pili i na la kulaia.  Waihoia ka hoike a noonoo pu me ka bila.

            Na ke komike waiwai he hoike pili i ka bila a Paele pili i na auhau o ka @oe koho balota ole.  Kue ke komike a o kana@ loa ia ka bila.  Aponoia ka hoike.

            He hoike komike pili i ke noi kokua @a Cummins no kona mau pilikia a ua waihoia ma ka papa.

            He hoike komike e noii ana e ka@ae loa ia ka bila pakui a Andrade pili i na auhau o na loaa.

            Mahope o ka noonoo ana i ka hoike komike o pili ana i ka paipu hookuu mea ino ua hoomaha ka Hale.

            @ hou na hana ma ka h@ ana i ka hoike komike pili i ka loaa ana mai o ka lohe mai ke Kiaaina m@i no ka loaa ana aku iaia he eono mau

            Hoike komike pili i ka bila kalana a bila.

a ponoia ka hoike a holo ka bila kalana ma ka heluhelu elua ana.

Na Vida he hoike komike pili i ka bona o Wilson eia no ke ola nei.  Pili keia ninau bona i ka oihana paipu hookuu mea ino.

            Na Keliinoi he mau bila pili i ke kukulu uwea uwila no Wailuku a i Keena Oihana Kivla ame ona oihana kinai ahi.

            Na Kupihea he olelo hooholo e pili ana i ka hoopau ae ia Kauka Sinclair ma ke ano he iaia no ka Papa Ola, a haule pu ka olelo hooholo.     

            Na Wright @e mau noi haawina dala no ke alanui o Hoopuloa a hiki i Milolii, mai Milolii aku a hiki i Kapua a no Kukuiopae.

            Nana no he hoolaha hookomo bila pili i na telepona ame haawi laikini o $500 no na hotele.

            Na Kupihea he olelo hooholo pili i ke no@.a L. ahlo e hoihoi ia aku iaia ka huina o $2,227, a haule pahu hou no.

            Na ka Senate he hoike pili i ke koho komike no ka bila o na pilikia kuikawa a ma ka aoao o ka Hale ua kohoia kona mau lala o ke komine hui.

            Na Kealawaa ke olelo hooholo @aawina o $30,000 no ka oihana paikau aka mamua o ka lawe ana a noonoo ua hoi aku la ka Hale ma na hana mau.

            Holo ka bila Senate 16 pili i ka puhi waiona ma ka heluhelu ekolu ana.  Holo na bila malalo iho nei ma ka heluhelu ekolu ana: bila Senate 59, ame 64, ame na bila o ka Hale 6, 26, 78, 81, 99 ame 2.  Bila i helehelu elua ia oia na bila o ka Hale 107, ame 110.

            (E nana ma ka aoao5.)

 

HOOLAHA KUMAU

 

Ka Hui Banako Ho@hu Malama D@la o Haw ii

(KAAUPALENAIA.)

 

Huina i hoahuia......$@

Peresidena.......Kikila @

Hope Peresidena...... W. P. R@

Puuku........ W. @

Keena Hana Nui:

Alanui Papu, kokoke i Alanui K@

Keena Lala ma Hilo, Hawa@

E lawelawe ana i ka

 

Oihana Banako Hoahu Dala ma Honolulu a me Hilo

 

            E lawe@a mai no na huina ho@ ka haawiia o na ukupanee no @ ahu makahiki ma ka huina o @ keneta no ka makahiki.  E loaa @ Rula a me na hooponopono ana @ nau ae ma ke Keena Hoahu.

            2828-1yr.

 

KAUKA T. MITAMURA

 

Alanui Kukui Ololi Heiu @ H@ Na Hora Hana:

            Hora S a 10 kakahiaka: hora 1 a 3 @ hora 6 a 7:30 p. m.  Sabati: Hora @ @ 8 p. m.

Telepone White 152.               P.O. Box @

 

KAUKA @EO. J AUOUR

 

Keena Hana 431 Alanui Beritan.

Telepona Helu 1851.  Hora Hana @

a. m., 3-4 ame 7-8 p. m.

Sabati 3:30—10:30 a. m.

 

D. KALAUOKALANI, JR.

 

Lo@o ma ke Kanawai.

Me

T. McCants Stewart

Loea ma ke Kanawai

Haiepohaku o McIntyre, kihi o Al@

Papu ame Mot.

Pahu leta 569              Telepona 181 Honolulu

T. H.

 

LEWERS & COOKE

LUI A ME KUKE, Kaupale@aia

 

Na Mea Hookomo mai a Kuai aku i na

 

LAKO HANA HALE

 

O Ke@a ame Kena Ano.

Malaila e loaa ai na mea malalo iho:

 

            NA PAPA N.W., NA PAPA HOLE.  PILI HALE, NA PUKA, NA OLEPELEPE AME NA PONO PUKA ANIANI, NA KUI, AME NA MEA PILI I KA OIHANA KAMANA, NA PONO PENA.

            NA PENA LIKE OLE AM@ NA HULU PENA, NA ANIANI, NA PEPA HALE, PALE PUKA ANIANI, MOENA, ETC.

 

            O na kauoha pono hale apau i@ @ hiki mai ana ia makou @ hooko ko@

Ia no me ka eleu ame na KUMUKUAI HAAHAA LOA.

 

LEWERS & COOKE

 

He Huaale Maikai

Aole he like o na

            “Huaale a Ayers”

me na huaale e ae no ka mea he mau huaale kokua keia i ka hana a na naau, a he iaau hoomaha maikai ioa hoi.  Ina he paa kou hanalepo o na

            “Huaalo a Ayers”

ka laau e hemo maikai ai, a e hemo maikai mau ana hoi mahope a@ oia manawa.

Aole loa he hiki i kekahi kanaka @

Olelo ae he maikai kona aia @ ina aole he hemo o kona hana@ he hook@ manawa o ka la, a oi aku paha.  Ina i maopopo keia kanaw@ @ ke @@a i na kanaka apau, aole @ e like ka nui o ka poe ma’i me ka mea e ike ia nei i keia mau ia.

Ua hana ia owaho me ke kopaa @ maikai loa ka lawe ana.

Aohe mau Huaale i oi ae ka maikai mamua o na

            “Huaalo a Ayers”

Hoomakaukau ia e Kauka J. C. Ayers & Company, Lowell, Ma@@, U. S. @

E loaa no keia mau Huaalo ma ka Hale Kuai L@ o Ho@, a@ Papu.