Ka Nupepa Kuokoa, Volume XLI, Number 16, 17 April 1903 — Page 4
| This text was transcribed by: | Jordan Asing |
| This work is dedicated to: | Kratie Fet Yunt |
Ka Nupepa Kuokoa
KE KILOHANA POOKELA NO KA LAHUI HAWAII.
APERILA 17, 1903.
AOAO 2
"Aole o'u nana ia aloha ou. I ka wa au i hai mua mai ai i kou aloha no'u ua hoole aku wau e like me ka hiki i ka wahine ke nana aku. I keia wa ke hookonokono mai nei oe ia'u."
"Hookonokono ia oe, Miss Makala! He keonimana wau," wahi a Kalekona i pane hou aku ai me kela ano mau no on a a'u hoi i ike mua ai.
"Keonimana! o ke ano hoi la ka ia o ke keonimana o ka hele mai iloko o ko'u hale me ko'u ae ole aku ia oe, a no kou ike ana no hoi ua hele aku ko'u makuakane, nolaila ua hele mai nei oe me kau mau olelo keonimana ole no ka hiki ole ia oe ke ku aku umua o kuu makuakane. Pela iho la ka kou keonimana."
"Mai hoopau manawa oe, e Miss Kate. Ua haawi aku nei wau i ko'u aloha oiaio ia oe."
"Aole he oiaio o kena aloha ou, e Nede Kalekona a aole no hoi oe he kanaka hoopono."
"Mai ka lani iluna, heaha ke ano o kau mau olelo?"
"E like me ka'u i olelo aku nei. Ke hookohukohu nei oe o oe kekahi o na kanaka e kokua nui nei i ke kumuhana e paio ia nei e na aoao a i elua ma ke kahua kaua; aka ke manaoio nei wau, o oe kekahi o na kanaka kipi ino loa."
"Oia? E akahele ma kau mau olelo e kuu mea aloha, e malama hoi mai hoinoino mai ia'u," wahi a Kalekona i pane aku ai me ka hoholo ana ae o ka huhu ma kona mau maka.
"O, aole o'u maka'u ia oe, e Mr. Kalekona. Aole he hiki ia oe ke hanaino mai ia'u."
"No ke aha hoi? Ke hookonokono mai nei oe ia'u e hana aku wau i ka mea i hiki ia'u ke hana aku."
"Heaha ka mea hiki ia oe ke hana?" wahi a Kate i pane aku ai me ke kuoo.
"Ua hai mai nei oe o oe wale no ka mea i koe iho i kauhale nei a aole hoi he mau Paele i noho pu iho me oe. A! ke ike mai la oe ua ike wau i na mea apau. Ina aole oe e hoololi ae ana i kou manao, e hopu no wau ia oe a hoopaa iho mamua o ko'u noho lio a lawe aku ia oe no loko o ke kuahiwi. Ina oe e hiki ana ilaila, e hauoli no oe a o kou lilo mai no ia i wahine na'u."
"E hookaawale! e uku aku no kuu kaikunane no ia hana au, ame keia mau olelo hoomakukau au ia'u," wahi a Kate me ka leo huhu.
"Heaha ka naio a kou kaikunane" E pono ia oe e hoopau ae i kou huhu. E lawe aku no wau ia oe no ke kuahiki i keia po."
Iaia i hoopuka ai i keia mau olelo, ua nee aku la oia e hopu i ke kaikamahine, a mamua o ka hiki ana iaia ke hooko aku i kana mea i manao ai, ua lele aku i kana mea i manao ai, ua lele aku la wau iloko o ka puka aniani a lalau iho la i kekahi noho a haawi iho i ka ai mahanahana, a iloko oia manawa i konini iho ai ua Kalekona la iluna o ka papahele.
"Palanike!" wahi a Kate i hooho ae ai, a ia manawa pu no hoi i lele mai ai oia iloko o ko'u mau lima. "Ke hoomaikai nei wau i ke Akua! ua palekana wau."
"Ae," wahi a'u i pane iho ai me ka leo malie.
"E Palanike, pehea oe i hiki mai nei ianei? a mai hea mai kena Iole? Aole kena o ka lole koa o na Ianaki," wahi hou a Kate.
"Aole. Na Tome i haawi mai i keia @ ia'u i hiki ai ia'u ke hoomalu."
"@ Holomalu? Alaila, he pio oe?"
"@ 'Ae; aka mai nana oe ia mea. Ke @ pomaikai ae nei wau i na Lani no ka @ ana ia'u he manawa e hoopakele @ ai ia oe mai na lima mai o kela inio e waiho mail."
"E@ makemake nei wau e ha'i mai olu@ ka manao o keia mea a'u e ike @ wahi, a kekahi leo i poha ai maluna o maua.
Ua hoopuiwa like ia maua no kela, a @ like ae la maua e nana i ka mea @ ka leo a maua i lohe ai, a ike aku la maua ia Mr. Makala e ku mai ana.
"Palanike Wilimona!" wahi ana i hooho mai ai; "a he lole koa Konofedereta hou kona! Heaha ka manao o keia?"
"Ae, o Palanike Wilimona keia me ka lole hoonalonalo." wahi a'u i pane aku ai. "He pio wau, a na kau keiki i kokua mai ia'u ma ko'u hoomalu ana mai nei. Manao wau i ka la apopo, e palekana ana wau."
O, e papa na Palanike i hoopakele ai ia'u mai kekahi o na hana lapuwale loa i ike ia," wahi a Kate i hooho ae @.
"Heaha ka manao o kau mau olelo @ kuu lei aloha."
"Oia hoi, ua loaa mai oia ia'u iloko @ ka poino mai ka lima mai o kekahi kanaka hilahila ole, ua lele koke mai wau a kokua aku iaia. Aia ua ino, @," wahi a'u i pane aku ai me ke kuhikuhi pu ana aku i kahi a'u i waiho @ ai ia Kalekona.
"Auwe, ua holo aku nei oia!", wahi a @ i hooho ae ai.
"E hai mai hoi paha olua i keia mea huna a olua." wahi a Makala i pane mai ai me ka uluhua. "Heaha ka mea i hana ia" Owai keia lapuwale? Owai hoi ka mea i holo aku nei?"
Ua hai aku la wau i na mea i hana ia, a i ka wa i puka aku ai ka inioa o Nede Kalekona, ua pili koke ae ke kai o Mr. Makala a pane mai la,
"O Nede Kalekona? Nana i hana iho nei i keia hana? E uku no ia no a hana lapuwale ana! E Mr. Wili@na, pehea la wau e hoomaikai aku ia oe?"
@ He oiaio, aole wau e noi aku ana i @ hoomaikai."
@ Mai manao iho oe ua lawa kau mea @ iho nei ma ka Katie mau olelo @ hoomaikai," wahi a ka olomana i pane @ ai. "Aka, e Palanike, ke hai aku nei wau ia oe o keia Kalekona lapuwale i hala aku nei e hana mai ana oia i kekahi hana maluna ou. Ia'u i hoi mai nei, ua lohe aku wau i ke @poha o kekahi wawae, lio e holo ana no kahi o na koa kiai. Ke manao nei wau o Nede keia. Me he mea la aole oia i hoohewahewa ia oe, a ina e hopu pio ia ana oe me kena lole Ko@federeta o'u, e @ ia ana oe ma ke @ he kiu. E pono ia oe ke haalele iho @ hale, a aole he manawa i koe @."
"Ae, e Palanike, ua pololei ka papa. @ mea pono ia oe ke hele koke aku @ ka manawa kupono ia oe," wahi @ Kate i pane mai ai.
@ ka hana pono wale no ia a'u e @ ai, aka ke manao nei wau he @ hoohewale ko'u hele ana aku e @ me keia."
(Aole i pau.)
NA ALOHA ELUA
I ka
IPO HOOKAHI
MOKUNA XXXVIII
KA HANA HOOHALUA A DAISY.
"O ka make!" Ae, o ke alahele wale no ia e hiki ai ke hookawale ia mai iaia mai.
Ua ike no oia he alahele okoa ae no kekahi oia hoi ka hookaawale ana a ke kanawai o ka aina; a eia nae aia no a loaa ka hewa; malia o ninau ia mai ua mare pono ia no ane olua i kulike me ko ke kanawai manao.
"A ina aohe e loaa ka hewa, e pepehi ana wau ia'u iho a make," wahi a Daisy i manao iho ai.
Ina e hiki ana ia'u ke komo iloko o ke aupuni o ka lani, ua makaukau au i ka haawi ana aku i kuu ola me ka olioli nui."
Aka, aole paha ia he hana pono e hana ai; Ina paha oia e lawe ana i kona ola ponoi iho, aole oia e ike ana i ka helehelena o ke Akua. Alaila, aia hoi kana pepe uuku. Aohe hoi ia he hana pono nana e hana ai o ka haalele ana iho iaia mahope nei, oiai oia hookahi wale no kana mea nui; aohe noonoo mai o kona makuakane iaia-- aia kona noonoo, ame kona puuwai apau ia Lede may. I keia la holookoa ua noho paa iho la o Daisy iloko o kona lumi no ka hoao ana e noonoo i kana hana e hana aku ai. E hele ana anei oia i na mea apau ana i hana ai--ua like oia ua paulele kona aloha apau ia Lede May?
E hele aku ana anei oia a koi ikaika aku iaia e hoike koke ae i ko laua mareia ana i ke akea, a hoolauna aku i ke ao holookoa apau iaia, oia kana wahine? Auwe, aole loa pela; no ka mea ina oia e hana ana i kekahi o keia mau ano hana alaila e oi loa mai ana kona hoowahwaha iaia, a lilo mai oia he mea ino loa i kona noonoo.
"Aohe hiki ia'u ke hoomanawanui hou aku," wahi a Daisy i manao iho ai. "Aohe ona aloha ia'u, aka, he mea hiki ole hoi ia, i ko'u noonoo ana ua hoowahawaha mai paha oia ia'u."
Ma kekahi ano ae nohoi, aohe ana kahua kupono no ka hoahewa ana aku. Aohe mea i hai mai aiai ua oi aku ke aloha o kana kane ia Lede May mamua ona; mamuli wale no keia o kona manao hoohuoi ponoi iho. Ua paa kona manao e ike ana oia ia laua a i elua i kahi hookahi. E kakau leta ana anei oia ia Lede May, e hai aku ana iaia he kanaka o Sir Kilinetona Adea ua mare i ka wahine--a aia kana wahine ame kana keiki i Parani e noho malia? Ua noonoo iho la oia, ahoomanao ae la e hooheneheneia mai ana auanei paha keia leta inoa ole i ike ole ia owai la oia e kakau aku nei. I kana kane no anei oia kakau aku ai? Ua hoopohihihi loa ia mai la kona noonoo i kana hana pono e hana aku ai. Hookahi no mea maopopo a kona manao i hooholo ai--oia keia--aole ona makemake e hoomau ia keia mau ano hana a kana kane; o kona makemake o ka hoopau loa ia. O ka hana maikai a naauao e hana ai oia ka ike ana ia laua a i elua i kahi hookahi. I ka wa hea? oia ka ninau hou mahope aku o laila.
No kekahi manawa hou aku alaila oia hooholo pono i kona noonoo; aole oia e puapuahulu ana i kana hana me na manao hoohikilele ano e.
Aohe no mea nui e ae ana i makemake loa ai, aka, o ka loaa wale no o ke kaulike nona a me kana keiki. Malia aohe no ona aloha ia laua, aka, aohe hoi ia o kana hana pono e hana ai o kona hoolilo loa i kona puuwai apau i keia wahine ui ana e aloha nei. Aole loa o Daisy i hoomaopopo ma ke ano hea la i hala ae ai ia la me kana mau hana. Mamuli o ka loaa ana o kona kino i ka nawaliwali, ua noho paa iho la, ua hiki ole iho la iaia ke hoomanawanui i ka hoolohe ana aku i na leo hauwalaau a pela no hoi me ka ike aku i ka helehelena o na poe apau--ua mokumokuahua ka manao oloko o kona puuwai no na mea e pili ana iaia ame kana kane. I kekahi manawa ua ulu wale mai la no ka manao iloko ona e hoi oia me kana pepe, a waiho iho na iwi i Farani me ka hoopu-a wahi leo ole ae i na mea ana i ike ai. Ua aneane loa oia e maluhiluhi i ka paio ana me kona mau manao pihoihoi.
Nolaila i keia manawa, ua hiki ole iaia ke manaolana aku no na mea e pili ana i ke ola ana o kana kane, a oki loa aku no na makahiki loihi e hiki mai ana; o ka loaa ana o kana keiki ui aohe ia he mea nona e mali mai ai iaia.
"A, aohe no ia he mea na'u e haohao ai," wahi a Daisy i manao iho ai. "Aohe au e hiki ke hoohalikeia aku me ia; ua oi aku kona ui mamua o na wahine e ae apau. He lede oia o ke kulana hanohano i hanauia mai ma ke ano he kapukapu alii; no'u iho he wahi kaikamahine kuaaina wale no wau. Oia no paha ke kumu ona i aloha loa ai iaia. No keaha no la hoi oia i mare mai ai ia'u?
I kinohi ua manao iho la oia he mau hana kuhihewa wale no keia ana e hana nei. Malia paha he pilikoko no o Lede May no Sir Kilinetona; malia paha he kaikuahine hanauna oia nona; ua hiki ole iaia ke hoike ae i ka mea pololei; o kana hana pono wale no o ka ninau. Ina he pilikoko io kahi i kekahi, oia hoi he pilikoko ano mamao loa alaila oia paha ka mea nana e hoike mai ke ano o ka launa hoaloha ana mawaena o laua. Malia paha ua ike oia ua aloha maoli no o Lede May i kana kane. Ua loaa mai la ka ikaika o kona kino no ka haalele ana iho i kona lumi, a iho hou aku ilalo e kamailio pu ai me Adalafe. Alaila, ma ke ano me he mea la aohe ia he manao nana i hooholo mua iloko iho a no ia manawa wale iho no ia manao o ka ulu koke ana ae, nolaila, ua ninau aku la o Daisy ia Adalafe ina he pilikoko no ko Sir Kilinetona o Ladana; a o ka pane i pane ia mai ai "Aole." Alaila olelo aku la oia penei:
"Aole ka o Lede May Terevelina he pilikoko nona?"
"Aole," wahi a Adalafe i olelo mai ai. "I ka hoomaopopo aku i klou ana ua ake nui loa oe e ike i ko Lede May Terevelina ano, e Mrs. Jodana," wahi a Adalafe i olelo hou mai ai.
"E hai aku ana no au ia oe i na mea apau a'u i ike a i lohe ai mawaena o laua--aole loa au i lohe he aha la ke kumu i keia wa o laua i hoopaapaa ai ua ala mai he kuee mawaena o laua a kaawale iho la laua. Nolaila, ua hele aku o Sir Kilinetona he wahi okoa--oia hookahi wale no kai hele, aole oia i lawe pu i kekahi kauwa me ia. Ia wa, o ke kolu ia o na makahiki o ko'u noho pu ana me ia, a ua oi ae ko'u ike i na mea apau e pili ana nona mamua o na poe e ae. Mai kona poe lolo makou e lohe mai ai i na mea apau ame kona hai pu mai ia lakou e hoomau no makou i ka noho ana ia nei. No'u iho aole loa au i maopopo iki i kana wahi i hele ai. Ua kokoke loa no hoi e piha ka ekolu makahiki i kona i hoi mua mai nei i Enelani nei; a i ka ike ana aku i kona ano ua lilo maoli no--i ka hoomaopopo aku i ke ano o kona helehelena aku i ke ano o ko ka elemakule, a o kona mau maka no hoi ua hele a powehiwehi ka ike, e like me ke ano o ke kanaka i halawai pu me kekahi popilikia weliweli a hoopupule ia kona noonoo."
I ko Daisy wa i lohe ai i keia mau huaolelo ua ku ae la oia iluna mai kahi ae ana e noho ana a hooho ae la oia me kekahi leo uwe uuku.
"Heaha keia-" wahi a Adalfe i ninau mai ai.
"Aohe," wahi a Daisy i pane aku ai me ka leo nawaliwali; "he wahi umii ae la hoi kai lou ae la i kuu aoao a holo loa ae la i kuu houpo; ua pau aela no, aohe pilikia i koe. Hoomau ia mai ke kamailio ana me kekahi buke moolelo."
"Ua hauoli loa au i ko'u lohe ana i ka hoihoi o kou naau i ka hoolohe mai i ka'u mea i olelo aku nei, e Mrs. Jodana," wahi a ke kauwa paa rula me ke ano keonimana i olelo mai ai; aka, he mai wahi mea liilii hou aku no koe a'u e hai aku au ia oe. I ko Sir Kilinetona wai i hoi mai ai, ua like loa kona helehelena ma ke helehelena o kekahi kanaka elemakule. Ua piha hauoli maoli no na poe apau i ka ike ana iaia, a hookipa ua aku la oia me ke aloha pumehana o kona mau hoaloha apau. Ua halawai pu hou iho la oia ma Lede May, a lilo ae la laua he mau hoaloha maikai. Ua manao loa no na poe apau e mare ana laua; aka eia nae ka mea apiki aohe laua i hana pela, a aole o'u manao ua ike kekahi mea i ke kumu o ka hana ole ia ana o ia hana. No'u iho aole no wau i ike kekahi mea i ke kumu o ka hana ole ia ana o ia hana. No'u iho aole no wau i ike, no ka mea o wau ke kauwa hilinai loa a Sir Kilinetona."
"Auwe no hoi ke ano e--!" wahi a Daisy i namunamu liilii iho ai.
"Ae, he ano e io no hoi; no ka mea ua ike ia e na poe apau ua hoole o Lede May i kekahi poe hanohano loa i hele mai ai e noi i wahine. O ka makou ia e kalu mau ai i na lau apau o ka loheia aku o ko laua mare ua hoolohe ia iloko o na nupepa. E hele mau ana oia ilaila e ike ai iaia, ma na wahi like ole apau ana e hele ai oia pu no kekahi me ia; a eia nae, aohe wahi like ole a pau ana e hele ai oia pu no kekahi me ia; a eia nae, aohe wahi mea a lohe ia aku ko laua mareia ana, a ua hoomaka mai au e noonoo, aole loa e hanaia ana ia hana. Ina o ko laua manao ia o ka mare, me nei ua hana mua loa ia ia hana i ka wa mamua loa aku nei. Aole o'u manao e mare ana laua ma keia mua aku.
"A eia nae, i ka nana aku ua pili paa maoli no ke aloha o kahi i kekahi," wahi a Daisy i olelo aku ai.
"Ae, o ka mea pohihihi ia; oia ka mea hiki ole i ko ke ao nei apau ke hoomaopopo."
"Ua like ia me kekahi nane, wahi a Daisy i olelo aku ai iaia i huli aku ai a nana i kahi e; "aohe mea hiki ke koho aku la mea."
Ua kamailio wale aku la no oia me ke ano hoomaopopo ole, aka, aia nae ka manao waliania o ka make iloko o kona naau. Ua hiki mai la iaia ke hoomaopopo i na mea apau i keia manawa; ua ike mai la ia me he aniani ia ka moakaka iaia ame he buke la no hoi i waiho ia mai imua o kona alo me ka hamama. Ua aloha maoli no o Sir Kilinetona iaia, a ua loaa he kuee mawaena o laua; o kela hoopaapaa me ia, me ka mea ana i aloha ai oia ka mea nana i hoopupule i kona noonoo; ame he mea la me ke kanalua ole oia ke kumu nana i hoauwana hele iaia a hiki i kona waiho a make ana iloko o ka ululaau, kahi hoi ona i loaa aku ai ia Daisy ua aneane loa e make i ka ua mea loa iaia ke ike aku i kona wa i huli hoi aku ai i Enelani a halawai pu me keia aloha ana i aloha loa ai, a i kupaa ai no hoi ke aloha o ua ipo la ana mahope ona, ua papalua hou iho la ka hooheno o ke aloha me ka ipo. O ka mea hiki ole wale no iaia ke noonoo ae ia manawa oia keia, no keaha no la hoi oia i mare ai iaia. He make maopopo kela i hana ia ai me ke kuhihewa; aka, ina aohe i loaa keia keakea me nei ua loaa iaia ka hauoli,-- ame nei ua mare no hoi oia me Lede May. Oia iho la ke kuhihewa nui i hanaia ai, a he wahi ma'i no hoi ia o i hiki ole ke lapaaula. No keaha la oia i hana ai ia hana? I ka hoomaopopo aku aole loa i pau kona alona ana ia Lede May. Aole no i loihi loa ka manawa mahope iho o ko laua wa i mareia ai ua hoomaka mai la oia e haohao i ka pihoihoi mau o kona nanaina i keia lalani, "Ke kali ana ia May" O keia aloha ka ana ka mea nana e hoeueu mau nei iaia; aole loa i poina kona aloha iaia, alaila, heaha no hoi kona mea o ka mare ana i kekahi mea okoa? Oia wale iho la no kahi mea pohihihi e koe nei iloko o ka moolole holookoa. He mea hiki ole ke koho ana aku ua aloha o Sir Kilinetona ia aDisy, he mea maopopo ole ia; ua noi aku oia iaia i wahine nana, a e mare hoi me ia; aka, aole oia i hoopuka nui aku no ia mea he aloha; hoi iho no hoi o kahi aloha ona i aloha aku ai iaia, aohe ia i lihi launa aku i ka welelau o kona aloha ia Lede May.
"No keaha no la hoi oia i mare mai ai ia'u?" wahi a ke kaikamahine me ka naau luuluu i hooho ae ai.
Ua pa tausani ia ka oi aku o ka maikai o ka hiamoe ana malalo o na pua daisy mamua o ka noho ana ia nei--ua oi aku ka maikai o ka make ana, mamua o ke ola ana me ka paniku ana i ka manaolana ame ka hauoli i loaa ai iaia. Aohe wahi manao i ala ae iloko ona e pili ana no ka mea oiaio; aohe no hoi he manao hoohuoi o ka upu wale ana ae no hoi ua mare mai oia iaia me ka manao kanaka makua a me ka oluolu. Ua hoopilihua loa iho la oia iaia iho i kona hoao ana e imi i ka oiaio o na mea apau. Me ka maopopo loa, ua mihi o Sir Kilinetona no ia hana ana ana, no ka mea, aole loa oia i hoopuka iki i kekahi mea e pili ana i kana wahine--a he oiaio, aole hookahi mea o Enelani nei i ike a i lohe i kekahi mea e pili ana nona. I ko Daisy wa i hoomanao ae ai i keia mau mea ua pii ae la ka ula o ka inaina maluna o kona mau papalina; ua lilo iho la ke aloha kane iloko ona i mea hoonaukiuki. O ka manao iloko ona, o ka hookuu aku no i kana kane e haawi mai i kana mau olelo pale nona iho ma na ano apau, no ka mea, ua hoopoino ia kona ola e ia me ke kumu ole. Alaila, kono ia ae la o loko o Daisy e haalele i keia mau manao ona a e iho aku ilalo, kahi hoi o kana mau hana like ole i hiki ole i kekahi mea e ae ke hoomaopopo a aia wale no nana e hana kahi a kona naaau i hoomaka mai ai e hoowahawaha.
"Aole no e loihi loa ana ka manawa a'u e hoomau aku ai i ka hana ana ia mau hana," wahi a Daisy i olelo iho ai iaia iho; "e akahele loa aku ana au no ia mau mea."
Ua hoowahawaha iho la kona naau i keia hale nanu nui ana e noho kauwe nei iloko ona me kona mau nani like ole apau; i kana hoomaopopo iho ua makemake loa oia e hoohui ae i na kumu like ole apau i kahi hookahi i ke kumu o kana kane i hoolaha ole ai i kona mareia ana me ia. Ua ulu wale ae la no ka manao iloko ona, ua hilahila paha oia i ka hoolauna aku iaia i kona mau hoaloha, hilahila pu hoi i ka hoolauna aku oia ka hakuwahine o kona mau waiwai apau.
"Aole hiki ia'u ke hoomanawanui i keia mau hana," wahi a Daisy i olelo ae ai me ka hoopinana ana ae i kona lehelehe; 'a'ole o'u makemake iki i keia hana, aka, o ke kaulike ko'u makemake no'u iho ame ka'u keiki."
Ia wa ua komo mai la iloko ona kekahi manao e hoopilikia mai ana iaia; i mare mai ka o Sir Kilinetona iaia ma ke ano e hoopai iaia iho no ka hana ana i hana ai maluina o Lede May, a i ka wa i hookoia ai o ia hana, ua loaa ole iho la iaia ka naauao a ka wikoole e hoakaka pono aku ai no ia hana ana. Ua manao iho la o Daisy ua imi ia e ia a loaa ka nanehai--aole loa oia i aloha iki ia, aole loa no hoi i manao nui ia. Ua lilo oia he mea i kau ia mai ke hoopai ino maluna ona; o kona naau kona puuwai, kona ola ame kona aloha, ua lilo ia i mea ole. I mare wale ia mai no oia no ka hoopai ana iaia iho no ka hana ana i hana aku i keia ipo aloha ana i aloha maka welawela loa ai; alaila, i ka wa i lilo ai o kona manao koa a wiwoole mai iaia aku, o kona wa ia i hookaawale loa ai iaia iho mai ka ike ana aku a kona mau maka.
"A o kuu ola ka hoi ka mea aloha," wahi a ke kaikamahine i olelo ae ai, "ua lilo ia i mea ole--ua lilo ia no na manao i ulu wale ae no, no ka wa pokole---o kuu ola, he mea nui ia ia'u, a he mea ole wale iho la no hoi ia i kahi poe.
Ua mapopo pono iho la iaia na mea apau i keia manawa, a ke waiho mai nei ka moolelo holokoa mamua ona me he buke la e waiho hamama mai ana; a komo mai la kekahi manao ikaika loa iloko ona no ke ano o ka nohona kaulike mawaena ona ame kana kane.
"E hana aku ana au i kekahi hana e ikeia mai ai wau o wau kana wahine mamua o ke aloha ana e paulele nei," wahi a Daisy i olelo ae ai. "Ua makemake au e hai pono mai oia ia'u ma mua o ke alo o Lede May i ke kumu o kona mare ana mai ia'u. Ua makemake wau e loaa ia'u ia mea he aloha ia mai."
Ua aumoe akahi no o Sir Kilinetona a hoi mai; a e ala ana no o Daisy e kiai ana i na hora apau me na maka i hulili i ka ua mea o ka lili, a ike ihola ana mail. Ae, he wahi manawa pokole wale no hoi koe au e hana i pela. Ua manao iho oia, ua aloha maoli mai no na Lani iaia; he nui loa kahi kaawale nona iluna o ka lani, oiai aole mea hookahi ma ka honua nei i makemake iaia. O kona makemake o ka loaa iaia. O kona makemake o ka loaa iaia o ke kaulike: alaila o kona hoi no ia a hiki i ka home a kana pepe e noho mai la a waiho na iwi ilaila.
"E pule aku ana wau me ka ikaika loa no ka make," wahi a Daisy i olelo wale iho ai no iaia iho, "a ua ike no wau aole no e hoole mai ana na Lani i ka hoolohe ana mai ia'u"
MOKUNA XXXIX.
KA POPILIKIA WELIWELI I IKE OLE IA MAMUA.
E na makamaka heluhelu, eia kakou ke hookokoke aku nei i kahi i loaa ai o ka pono kaulike mawaena o Daisy ame kana kane. I kekahi kakahiaka ae aole i hele ua kahumalamahale nei e kii i na olelo kauoha mai kona haku mai e like me ka maa mau ana e hana ai; ua hoouna aku la oia ia Makalike ma kona wahi, a hai aku la oia ia Sir Kilinetona me kona ano lede ua loaa ia o Mrs. Jodana i ke onawaliwali. Ua kaumaha loa oia i ka lohe ana i keia lono pilikia, aka, e hele hou ana no hoi oia i kekahi wahi ia kakahiaka, nolaila, ua kauoha ikaika aku la oia, mai hooluhi mai oia iaia iho.
Ua nawaliwali maoli io no o Dais--aole ma ke ano e poino ana--aka, he nawaliwali ma ke ano maluhiluhi maoli i kau ua mea o ka pihoihoi ame ka pilihua o ka manao. Ua hele mai la kona poo a nalulu i ka nui o ka eha, a hiki ole iho la iaia ke hoomanawanui i ka malamalama ina e ike aku ana kona mau maka; i kona wa e hoao ae ai e ala iluna me he mea la ua malule pu kona kino holookoa, a komo koke iho la no ka noonoo iloko ona ina aole e loaa ana iaia ka hooluolu ana e oi loa aku ana ka popilikia e loaa ana iaia--a o ka maha no e loaa ana me na manao ehaeha, o ka manao ikaika e hana mao ole ana iloko ona oia no kona makemake loa e kaawale oia mai keia ao aku, a hoi aku i kela ao o ka maha mau loa. He eha o na la o ka moe ana i kahi moe mamua o kona ala hou ana mai laila mai; alaila, ike maoli mai la no oia i kona ano nawaliwali maoli no.
(Aole i pau.)
---
O KE KANAKA KINAI AHI, e alo mau ana oia i ka popilikia e loaa mai ana iaia mai na pohaku uwinihepa mai, na laau ame na kua hanee ame ka ula o ke ahi. Aole i makaukau pono kekahi keena kinai ahi ina aohe a lakou Laau Hamo Eha a Chamberlain (Chamberlains's Pain Balm.) He maikai keia laau hamo no ka pau i ke ahi ame ka eha o na ano apau. E loaa no ka oluolu i ka hamo ekahi ana. E hoao. Benson, Smith & CO. Ltd, na Agena e kuai nei.
MEA HOU O KA HALE AHAOLELO.
---
HALE O NA LUNAMAKAAINANA.
Aperila 9.--Ma ka manawa i noho ae ai ka Hale i ka hora umi kakahiaka he 15 wale no hoa ahaolelo i akoakoa ae ke huiia me ka Lunahoomalu, a no kela mea aole i lawa ka Hale no ka hoomaka ana i na hana, nolaila ua hoomaha iho la ka Hale no 15 minute, mahope iho o ke kahea ana o ka Hale ma kana hana ma ke kahea ihoa hou ana malalo o ke kauoha a ka Lunahoomalu aka ua hoohalahala mai o Lunamakaainana Wright ma ka pane ana. "Mr Speaker, ua kahea inoa iho nei hoi kakou, a ke ike ole nei au i ka waiwai o ke kahea ino hou ana."
"Noho ilalo e Mr. Wright," wahi a ka Lunahoomalu, a mahope o ka pau ana o ke kahea inoa ana, ua hoike mai la ka Lunahoomalu i kekahi mau olelo e pane ana; "No ka nele i ka hapanui o na hoa, e na keonimana, nolaila ua hala wale a poho he 20 minute. Ma keia hope aku o ka lala e malele aku ana mai ka Hale aku nei no elua la a waiho ole mai i na hoapono a ke kauka i ke kumu o ka hiki ole mai mamuli o ka nawaliwali alaila e kipaku ia no oia."
He hoike komike na ke komike waiwai pili i kekahi mau hana i haawiia ia komike no ka noonoo ana, a iwaena o keia mau mea he hoike olelo hooholo kekahi i waihoia mai pili i na loaa makahiki o ka Teritori, i ka makahiki i hala, ma waho ae o na auhau laikini, ua hiki aku ka huina holokoa i ka $1,593,255.83.
Hoike komike kakoo i ka hoopanee loa ana i ka bila kokua i ka Moiwahine Liliuokalani a kauohaia e hana pela. He hoike komike pili i ka Oihana Wai a hoopaaia ka hoike iloko o ka moolelo.
Na ia komike no he hoike pili i ke Keena Kula.
Noonooia ka vito a ke Kiaaina i ka olelo hooholo a Pulaa e pili ana i na olelo a elua no ka Ahaolelo a ma keia manawa o ka noonoo ana ua hooikaika nui o Lunamakaainana Keliin@i e hoaponoia ka vito ana i ka manawa i ninauia ai na ae ame na hoole ua puka aku la ka aoao e pepehi ana i ka vito ana a ke Kiaaina. Eia ka poe i kakoo ole i ka vito a ke Kiaaina; Andrade, Aylett, Chillingworth, Damien, Fernandez, Gandall, Greenwell, Haia, Harris, Jaeger, Kaili, Kalama, Kumalae, Kupihea, Nakaleka, Oili, Paele, Pali, Pulaa, Purdy, and Wright---25.
Ka poe pepehi olelo hooholo a kakoo hoi i ka vito a ke Kiaaina oia keia poe: Beckley, Keliinoi, Lewis a me Long--4, Vida, aole i hiki ae.
Hoike komike pili i ka oihana makai a aponoia ka hoike. Hoike komike pili i ke kuleana wai o Pahoa a ma ka noonoo ana ua waihoia ka hoike a noonoopu ia me ka bila. Noonooia ka vito ana a ke Kiaaina i ka bila kuai kukaa bia, a haule ka vito a ke Kiaaina, mamuli o keia malalo iho; o ka poe kakoo ole i ka vito,--Andrade, Aylett, Chillingworth, Damien, Fernandez, Gandall, Greenwell, Haia, Harris, Jaeger, Kaili, Kalama, Kaniho, Kealawaa, Keliinoi, Kou, Kumalae, Kupihea, Nakaleka, Oili, Paele, Pali, Pulaa, Purdy, Wright, Mr. Speaker--24.
O ka poe kakoo,--Greenwell, Kaili, Knudsen, Long, Nakaleka, Oili--6.
Hoopanee ka Hale a noho hou.
ILOKO O KA SENATE.
Aperila 9.---Mai ka Hale mai o na Lunamakaainana he mau bila Senate i heluhelu ekoluia e ka Hale. He hoike komike na Dickey e kakoo ana i ka haawina dala o $ 2,500 no ka Ahahui Kokua Aloha. Na ia komike hookahi no he hoike pili i ka papa hoike ma ka papa a noonoo pu ia me ko lakou mau bila pakahi iho.
Na ia komike hookahi no pili i ka hooponopono oihana paikau ana. Ua kakoo ke komike i ke kumuhana. Na Woods he olelo hooholo pili i ka hoo@nee i ka Aha i ke awakea no ka hoomanao ana i ka make o ka Hon J. B. Atherton. Aponoia me ka lokahi loa. Na Wilikoki he bila pakui kanawai pili i ka lawelawe oihana lapaau ana. Holo i ka heluhelu ekahi ana. Hoike komike o na ala ame loaa pili i ka bila laikini kaaohua. Kakoo ke komike i ka bila.
Noonooia ka vito a ke Kiaaina pili i ka olelo hooholo no na olelo a elua no ka Ahaolelo a ma ka noonooana ua haule ke kakoo ia o ka vito a ke Kiaaina, 14 kakoo ole. Haule no ke kakoo ana i ka vito a ke Kiaaina i ka bila kuai bia,---11-3. Holo ka bila helu 165 ma ka heluhelu elua ana. Holo ka bila Senate 110 ma ka heluhelu ekolu ana. Holo ka bila helu 46 ma ka heluhelu ekolu ana. Holo ka bila pili i ke kukulu halekula kiekie no Hilo ma ka heluhelu elua ana. Hoopaneeia ka Aha no ka hoomanao ana i ka make o ka Hon. J. B. Atherton a pela pu no hoi i ka Poalima la 10, oiai he poalima Maikai ia, ka la hoi i make ai ka Haku Iesu Kristo ma ka laau-ke'a.
HALE O NA LUNAMAKAAINANA.
Aperila 11,--He mau leka mai ka Lolo Kuhina mai e pili ana i ka hana ana o ka uwapo mawaena o ke Aupuni ame ka hui o Hakapila ma a waiho ia ka noonoo ana a noonoo pu me ka bila hoale.
Hoike komike kuikawa pili i ka noii pono ana ia Wilikoki no kana hana iloko o ke Keena o na Hana Hou, a ma ka noii pono ana ua manao ke komike ua hala ole o Wilikoki no ka pokole o ke dala o ke Aupuni ma kana hana ana koe wale no ua hemahema oia ma ka hoale ana i ka waiwai o ke Aupuni, a ke noi ana o ka Luna Nui o na Hana Hou e waiho mai o Wilikoki i kana hana ua hoapono ke komike. Aponoia ka hoke komike kuikawa.
Hoike komike hookolokolo pili i ka bila a Vida no na mea e pili ana i ka Makai Kiekie ame kona mau hope ma ke ku ana imua o na aha hookolokolo. Kue ke komike i ke kumuhana. Ma keia wahi ua nui na hana i hanaia e ka Hale me ka holomua a ua maikai na hana.
(E nana ma ka aoao 5.)
HOOLAHA KUMAU
Ka Hui Banako Ho@hu Malama Dala o Hawaii
(KAUPALENAIA.)
---
Huina i hoahuia …………@
Peresidena………….@
Hope Peresidena…… W. P. Robikana
Puuku………….W. G. Cooper
Keena Hana Nui:
Alanui Papu, kokoe i Alanui Kalepa,
Keena Lala ma Hilo, Hawaii.
E lawelawe ana i ka
Oihana Banako Hoahu Dala
me Honolulu a me Hilo
E laweia mai no na huina hoahu me ka haawiia o na ukupanee no na hoahu makahiki ma ka huina o 4 1/2 pakeneta no ka makahiki. E loaa no na Rula a me na hooponopono ana ke ninau ae ma ke Keena Hoahu.
@
----
KAUKA T. MATAMURA
Alanui Kukui Helu 68, Honolulu.
Na Hora Hana:
Hora 8 to 10 kakahiaka: hora 1 a 3 ame hora 6 a 7:30 p. m. Sabati: Hora 6 a 8 p. m.
Telephone White 152
P.O Box @
----
KAUKA CEO. W. BURGESS,
Keena hana ame kahi noho Helu 240 S. Alanui Moi, --- 10 a. m. a 3 p. m. ame 7 p. m. na hora hana.
Telepone-Main 128.
---
KAUKA GEO. J AUGUR
---
Keena Hana 431 Alanui Beritania.
Telepona Helu 1851. Hora Hana 10-@
a. m., 3-4 ame 7-8 p. m.
Sabati 3:30-10:30 a. m.
---
D. KALAUOKALANI, JR.
Loio ma ke Kanawai.
me
T. McCantis Stewart
Loes ma ke Kanawai
Halepohaku o McIntyre, kihi o Alanui Papu ame Moi.
Pahu leta 569
Telepona 181 Honolulu T. H.
----
LEWERS & COOKE
LUI A ME KUKE, Kaupalenaia
Na Mea Hookomo mai a Kuai aku i na
LAKO HANA HALE
O Kela ame Kena Ano.
Malaila e loaa ai na mea malalo iho:
----
NA PAPA N. W., NA PAPA HAOLE, PILI HALE, NA PUKE, NA OLEPLEPE AME NA PONO PUKA ANIANI, NA KUI, AME NA MEA PILI I KA OIHANA KAMANA, NA PONO PENA.
NA PENA LIKE OLE AME NA HULU PENA, NA ANIANI, NA PEPA HALE, PALE PUKA ANIANI, MOENA, ETC.
O na kauoha pono hale apau loa e hiki mai ana ia makou e hooko koke ia no me ka eleu ame na KUMUKUAI HAAHAA LOA.
LEWERS & COOKE
----
HE HUAALE MAIKAI
Aole no he like o na "Huaale a Ayers" me na huaale e ae no ka mea he mau huaale kokua keia i ka hana a na naau, a he laau hoomaha maikai loa hoi, Ina he paa kou hanalepo o na "Huaale a Ayers" ka laau e hemo maikai ai, a e hemo maikai mau ana hoi mahope aku oia manawa.
Aole loa he hiki i kekahi kanaka ke Olelo ae he hemo o kona hanalepo he hookahi manawa o ka la, a oi aku paha. Ina i maopopo keia kanawai o ke ola i na kanaka apau, aole loa e like ka nui o ka poe ma'i me ka mea e ike ia nei i keia mau la.
Ua hana ia owaho me ke kopaa he maikai loa ka lawe ana.
Aohe mau Huaale i oi ae ka maikai mamua o na "Huaale a Ayers"
Hoomakaukau ia e Kauka J. C. Ayer & Company, Lowell, M@, U. S. A.
E loo no keia mau huaale ma ka Hale Kuai Laau o Hollister, alanui Papu.