Ka Nupepa Kuokoa, Volume XLI, Number 26, 26 June 1903 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

Nuhou Kuloko.

Ma ka la apopo e hoomaka ai o S. @zaki e haawi I na dala Koi Pauahi a ma Iapana.

Molokai.  A ua lawe aku ka lehua he @@@ @@ma akule no ke Kahua Ma’i.  Ua puni nui ke akule ma Halawa,

Ma ka Poalua nei I kau aku ai ma !!! Kinau he poe kumukula no ka hele @@@@@ ana I ka Lua o Pele.

Ma ka po Poaono nei i malama ai I ka Ahahui Loio I ka lakou ahaaina makahiki ma Hotele Moana.

He $4,569 ka huina I hookaawaleia e ke Keena Kaua no ka Puali Kiai Lahui o Hawaii nei.

Ke hoomakaukau nei na hui heihei waapa Myrtle ame Healani no na heihei waapa e malamalama ana ma Ewa i keia la eha iho.

Ke hoomakaukau nei ka Ahahui Kalepa e hoomanbao i ka la 4 o Iulai.  Ke manaoia nei o ka la ia e hooleleia mai ai ka uwea telegarapa o Manila.

Ua waihoia aku ka hihia o Pemalo, ke kanaka pepehi Kepani i hopuia ai ma Kamoiliili I ka Lapule ne, imua o ka Aha Kaapuni e Lunakanawai Dickey.

Mahope o ke kaa ma’i ana no kekahi mau la, ua hoi hou ae o Senatoa J.T. Brown ma kona noho ma ke Senate i ke kakahiaka Poalima o keia pule iho nei.

O Martson Campbell ka mea e kakooia nei e na Ahahaui Kukulu ame Hanalima o Honolulu nei no ke kulana Lunanui o na Hana Hou ma kahi o Kupa.

Ua a-a aku ke Senate e ki pu me ka Hale ma kahi ki pu o na koa ma Kakaako ma ka hora 3 o keia auwina la o Paulo Isenberg ke Kapena o ke Senate.

Ma Kapiolani Paka I malamaia ai na hana hookuku paani lealea a ka ahahui kamalii Roy’s Brigade a ua lilo i na keiki o Kapalama ka lanakila paikau.

Ua pau I ke puhi uwahi ia na huluhulu moe o ka poe koa I hoomoana iho nei ma Kapiolani Paka ma ka Poalua nei ma ke kahua o ka Hale Mana Hooko.

Ua waiho aku o Lunamakaainana W. J. Wright o Kona i kana noi laikini loio piha imua o ka Aha Kiekie a ua lawelawe iho nei oia i na hana hoike ninaninau ana.

Ma ke kakahiaka Poalima nei I ku mai ai ka mokuahi Hanalei ma ka mokupuni Midewew mai mahope o ka hoolelel ana aku I ka poe hana uwea telegarapa Pakipika.

Ua haawi ae ke kalapu hookani manadolina ame gita a Ernest Kaai I kekahi ahamele ma Progress Hall i ka po Poakahi nei, a ua nui ka poe i hele aku.  He nani na mea i hanaia.

Ua manao o W. F. McClennan, ka mea nana I haawi iho nei ke dala Koi Pauahi e hoi no Wasinetona maluna o ka mokuahi Pekina I ka la apopo.  He onawaliwali no nae oia I keia mau la, a aohe he maopopo pono loa o kona hoi.

Ma ka Poakahi o ka pule I hala, ua hooki he umi poe uwi waiu o ke kahua ma’I ma Kalaupapa I ka hana ana, a ua hoopiha koke ia ko lakou makalua e na kokua.  I ka ike ana o ua poe nei ua pahua ka lakou kumuhana, ua hoi hou lakou e hana.

Ma ka Poalua nei I hoomaka ai ka holo ana o na kaa uwila mawaena o ke alanui o Pauoa mauka aku o ka Halepule Mamona ame ke alanui o na uwapo kokoke I ka makeke.  Ua loaa na pepa hoololi ina e makemake e lele ma na alanui Hotele ame Moi no ka holo ana no Puunui ame Kalihi.

Ua hoao ae o Kaupono, he Hawaii, e ki iaia iho ma ka Poakolu nei a ua hopuia e na makai.  Ua oleloia ae ua ulu ae he ku-e mawaena ona ame kana sia aloha o Makaeha ka inoa.

E waiho aku ana o Loio Kuhina Anaru I kekahi ninau imua o ka Loio Kuhina o ke Aupuni Nui ina ua hiki, malalo o ke Kanawai Panalaau, Ina Hoa o ka Ahaolelo Panalaau nei ke holo balota no na kulana aupuni kalana.

Papa Kuhikuhi o ke Kinipopo

Iune 27-Ka. Kue ia Maile Ilima

Iune 27-Punahou kue ia Elks

Iulai 4-Honolulu kue ia Elks

Iulai 4-Maile Ilima kue ia Punahou

Iulai 11-Punahou kue ia Kam

Iulai 11-Honolulu kue ia Maile Ilima

Iulai 18-Elks kue ia Maile Ilima

Iulai 18-Honolulu kue ia Kam

Iulai 25-Punahou kue ia Honolulu

Iulai 25-Elks kue ia Kam

Aug. 1-Kam kue ia Maile Ilima

Aug. 1-Punahou kue ia Elks

Aug. 8-Honolulu kue ia Elks

Aug. 8-Maile Ilima kue ia Punahou

Aug. 15-Punahou kue ia Kam.

Aug. 15-Honolulu kue ia Maile Ilima

Aug. 22-Elks kue ia Maile Ilima

Aug. 22-Honolulu kue ia Kam

Aug. 29-Punahou kue ia Honolulu

Aug. 29-Elks kue ia Kam

Sept. 5-Kam kue ia Maile Ilima

Sept. 5-Punahou kue ia Elks

Sept. 7-Honolulu kue ia Elks

Sept 7-Maile Ilima kue ia Puna-

Sept. 12-Punahou kue ia Kam

Sept. 12-Honolulu kue ia Maile Ilima

Sept. 19-Elks kue ia Maile Ilima

Sept. 19-Honolulu kue ia Kam

 

Ki’i

KE TAONA O HILO I KA UA KANILEHUA.

 

Na Anoai o Lilii Lehua o Hopoe

            HILO, Iune 19.-Ma kahi noho hou o ke kahu i ka Luakini o Haili e hoomaka mua ai na hana hoomanao o ka la 4 o Iulai.  Mai ke awakea a hiki I ka po o ka Poaha, Iulai 2, e malamaia ana kekahi luau nui malaila, no ka hoolaa ana i ka hale hou o ke kahu a o na loaa o keia ahaaina, no ka pono ia o ka Luakini o Haili.

            E hiki aku ana ka Moiwahine Liliuo-okalani ame ke Keikialii Kuhio Kalani-anaole m a keia ahaaina, a e hiki mai ana no hoi o Sam Paka ame kona mau paniolo.  E kukuluia ana I ehiku mau pakaukau no ka hiki ana ke noho i 200 poe I ka wa hookahi.  Aia na hoo-kele ana malalo o na lede Hawaii o Hilo.

 

NA HANA HOIKE O KE KULA HANAI.

 

Ua nui ka poe i hiki ae maloko o ka Luakini o Haili e ike ai i na hana hoike a na keiki o ke Kula Hanai o Hilo ma ka po Poalua nei.  He eono ka nui o na keiki i hemo i keia makahiki a ua pau pono ia lakou na mea i a’oia m a keia kula.  Eia iho ka inoa o na keiki i hemo:  Eia Kahakulani Akaua,Wiliama Kawaimakaole Kelii, Pua Kaanaana, ThomasK. Kaanaana, George Kawekiu Manu, Robert Pauole.

            HOI MAI NA KOA.

Ma nehinei i hoi mai ai na koa o ke (continued in next column)

 

Na Lako Kaua no Kina

 

I ka Poaha o keia pule iho nei, ua loaa mai ia Stackable ke poo ohi dute awa o Honolulu nei kekahi kauoha mai ke keena Waiwai o ka Oihana Kaua mai, e makaala a e ha’I aku I nba mea apau ina e hoounaia aku ana mai Honolulu aku he mau pono kaua no Kina.

            Ke oleloia nei, I kekahi manawa aku nei mamua, ua hoao na Pake e kuai nui I na mea kaua maanei, eia nae, aohe i ko.

 

E Ola Maikai no Oe.

            I ka wa wale no e hoowali ai ka opu i ka ai ame ka holo lea o ke koko maikai iloko o na aakoko, I ka manawa e hoohanaia ai na I’o paahana me ke ano nawaliwali ole ame ka eha ole, I ka wa a ke akemama ame ka puuwai a hana mai ai I ke ano maoli o ke enekini mahu maikai, I ka wa e ulumahiehie maikai ai ke kino holookoa me he manu la ka mama lele iluna o ka lala laau-o keia wale no ka manawa I hiki aku ke kanaka iloko o na hauoli maikai ana i na mea a ke Akua maikai i haawi mai ai no kana mau keiki ma ka honua nei.  Aka e ka makamaka, he nui wale na kane ame na wahine I ike ole a ike lihi paha I ka I’o maoli o ke ola maikai.  Eia nae he hana maalahi no ia o ka malama mau I ke ola maikai.  O na ma’i ua ulu mai lakou mai na mea kolo mai a i komo iloko o ke kino ma kekahi anao a noho iloko o ke koko.  Ona fiva apau ame na ma’i ikiiki e ae ame na ma’i o ka puu ame ka akemama, na ma’i like ole o ka opu ame ka naau a pela aku, he anoano ko kela ame keia o lakou.  I mea e hoopau loa ia ai lakou mai poina I ka lawe i ka

WAMPOLE’S PREPARATION

He laau lapaau i hana noeauia a he ono I ka ai ana ua ano like me ka hone a momona a iloko ona na waiwai hoola o ka Aila o ke Akepaa Maemae o ka i’a Cod, i loaa ia makou mai na akepaa mai o na i’a cod hou I hoohui pu ia me ke Compound Syrup of Hypophosphites and the Extracts of Malt and Wild Cherry.

            He hakalia ole kana hana.  He hiki oia i ka hoomau ana i ka oihana hoowali ai a ka opu, he pepehi I na mea ino e hoopoino ai i ke kino a hoihoi hou mai i na wahi i hooponoia I ko lakou mau kulana mua.  He ola na ma’i i ikeia ua hele loa aku mawaho o na palena kupono no ka lapaau ana.  Aohe no he ola na ma’i apau loa aka he ola na mea apau loa i hoikeia he hiki iaia ke hoola.  O ke kaulana maoli o keia laau oia ka mea nana i hookuemi hope mai i ka hapanui o na laau lapaau.  O keia ka laau i hoike ae i ka noeau o na lawelawe lapaau ana o keia au hou O ka mea akahi a hoao e lilo ana oia i mea lawe mau i keia laau.  Aole oe e hoohokaia.

            He kualia keia laau lapaau ma na wahi apau e ka poe kuai laau lapaau, ma Europa, Asia, Aferika, Auseturia a Amerika Akau ame Amerika Hema.

 

(continuation of na anoai o liliiua i hopoe)

 

taona o Hiloa mai ka hoomoana ana me na koa kumau o Amerika Huipuia ma Honolulu.  Ua nui ko lakou mahalo i na hookipa maikai i haawiia aku ia lakou ma Honolulu.  Ua nui ka mahalo o na alii o ka Puali D i ka hana a na koa o ia puali, a i ko lakou hulihoi ana mai, ua paani ka bana aupuni ame ka ukali pu ana a ka Puali F.

KELA AME KEIA.

            I ka noho ana o ka aha koronero e noonoo i ka mea e pili ana i ke kino o ka Iapana i loaa aku ma ka pali o Papaaloa i keia mau pule iho nei, ua hooholoia ua make oia ma ka lima o kekahi mea i maopopo ole.

            Ua hooauheeia ka hui kinipopo o Olaa e ka hui Waiakea ma ka Lapule nei me na puni o 14 la 2.  Ua olelo ae na keiki o Olaa aia a pau ka laha ana a ka ma’i hakihaki iwi alaila maikai ka lakou paani ana.

            Ma kahi o Rev. S. L. Desha e noho ai ka Moiwahine ke hiki mai oia ma Hilo nei.

            Ua aa aku kekahi hui kinipopo ma ka la 4 o Iulai.  Ina e aeia mai ana keia mea, alaila e hoomaka ana ka paani ana i ka hora 4 o ka wanaao a pau i ka hora 12 o ke awakeai loaa ka wa e hele ai e nana i na bana heihei.

 

Na Hale Ahaolelo

HALE O NA LUNAMAKAAINANA

            Iune 21.-Mamua o ka hoomaka ana o na hana o ka Haleua hoohala kekahi manawa e na pulumi hale no ka pulumi ana i na papaa puna i helelei iho ai mai ke kilini mai o na lumi o na Lunamakaainana i kaa pono mamua koke iho o ke pakaukau o ka Lunahoomalu.  Ma keia noho ana no hoi o ka Hale ua akoakoa nui mai na hoa a koe hookahi.

            Na ke Kakauolelo Carter he leta e hoike mai ana i ke kakauinoa o ke Kiaaina i ka bila helu 7 no ka haawina e waiho aku ai i ka Luna Hooia no ka hoolawa ana i na luna aupuni kalana me na buke pa’i hakahaka; ka bila helu 8 e pakui ana i ka bila 1 o ke kau kuikawa; ame ka bila helu 9 no ka haawina dala hoolilo o ka Senate no keia kau kuikawa.

            He hoike komike aina aupuni maluna o ke noi a Kou no $12, 000 no ka uwapo o Koolauloa, Oahu.  Ua kakoo ke komike i ke noi.  Na Lunahoomalu Greenwell o ke komike Hale holookoa i hoike mai i kana hoike komike maluna o ka bila ukuhana o eono mahina a aponoia ka hoike, a pau no hoi ka bila i ka heluhelu elua ia.

            Na Kupihea he olelo hooholo e pili ana i ke Kiaaina, eia nae, ua rulaia mai e ka Lunahoomalu a haule pahu ia mea.  Na Vida he olelo hooholo e pili ana i ka hilinai ole o ka Hale ia Campbell o ke Keena o na Hana Hou.  Na Harris i noi mai e waihoia ka olelo hooholo iloko o ka lima o ke komike kuikawa a mahope o ke kamailio nui ana e olelo ana kekahi poe hoa aole he kupono o keia kanaka e noho na ia wahi ame na mea like a ma ka panina o ke kukai olelo ana ua hooholo ia e waiho i ke komike.

            Na Paele he noi e hapai hou ia mai ka noonoo ana i ke koho kakooia ana o ka wito a ke Kiaaina maluna o ke koi poho pauahi a Amara.  Mahope o ke kamailio nui ana ua haule ua noi la mamuli o ka rula ia ana mai.

            Alaila ua noi mai la o Kumalae e hapaiia mai ka hana i hoopaneeia maluna o ka vito a ke Kiaaina a hooholo ia e like me ke noi.  Mahope o ka haule ana o kekahi mau noi ua noonoo ia ae na itamu i vitoia.

            Noonooia ka itamu o ke koi poho a Keoho.  Ua waiho mai o Paele he mau manao e hoohalahala ana i ke Kiaaina a na Harris i hoike mai o ke kauaia ana o ka auhau ua aneane aku i ka $6,000 o ka eha hookahi he auhau hoi i oi loa mawaho o ke kupono.

            Ma ke koho ana e a’eku i ka vito a ke Kiaaina ua hooholoia e like me ia mamuli o na ae he 21 kue ia, 7 hoole.

            Ma keia manawa ua noonooia ka vito maluna o ka itamu a Kalua a ma ke koho ana ua kakooia ka vito.  Ma keia manawa ua noonooia ka vito i ka itamu o na haawina o ka oihana makai o Hawaii a ma ke koho ana u a’eku ia ka vito.  He 21 kue i ka vito a he 7 i kakoo.

            Ma keia manawa ua noi hou mai ia o Paele e hapai hou mai ka noonoo ana i ke koho ana maluna o ka vito o ka itamu a Amara eia nae aole i holo a mahope o ke kamailio ana no na ui manao ana i ka Lolo Kuhina ua hoopaneeia ka Hale.

 

ILOKO O KA SENATE.

 

Iune 24.-Mahope o ka pau ana o na hana kumau ua noonooia na itamu o na awa o Maui a me ka hooikaika no hoi o Baldwin i paio ai a lanakila i’o no, a na J.T. Brown i ko Hilo itamu.  NO ke awakumoku ame ka uwapo o Pukoo he $5,000.  Hooholoia.

            No ka uwapo o Lahaina he $20,000.  He huina keia i hooemiia i ka $10,000 aka ua hoihoi hou ia i ka $20,000.

            No Kahului he $50,000. He huina keia i kapaeia a hoihoi hou ia mamuli o ka hooikaika o Baldwin.

            Mahope o ke kamailio nui ana no na mea e pili ana i na uwapo e lilo i waiwai no ka lehulehu ame na hoolimalima o ka aoao elua ua waiho mai la o Achi i knoa manao e mahele lua ia i ka itamu o ka hale pupule aka aole i lanakila ia noi.

            He hoike komike na Baldwin mai ka elele mai o Maui i na alanui o Nahiku a hiki i Kailua, o ke kapae ana i ka haawina o ke alanui o Keokea-Kihei, a hookomoia mai ia wahi he alanui o Keahi a hiki i Kailua.  Aponoia ka hoike.

            Na Wilikoki he hoike mai ka elele mai o Kauai maluna o na itamu o Kauai no na alanui ame na uwapo.  Aponoia ka hoike.  Hoike komike na McCandless pili i ka itamu o $75,000 no ke kukulu ana i hale waiho buke o ke Aupuni.  Ma ka noonoo ana ua aponoia ka hoike ke kumu i holo ai ia itamu.

            Ma keia manawa ua weheia ae ia na huaolelo kaiana ma na wahi i loaa ai.  I ka pau ana o keia ua heluhelu elua ia ka bila.

            O ka bila Hale helu 6 ua hapalia no ka noonoo ana a mahope o na kuka’i kamailio ana ua hooholoia ka bila ma ka heluhelu elua ana.

            Mahope o ka hookomo ana i kekahi mau itamu no ka pailaka ame ko ka Ahahui Raifela o Hawaii no ka poino o ka hale i ke ahi, ua hoopaneeia ka Aha a noho hou.

 

Kue ka Hui o Hakapila ma

            Ua waiho aku ka Hui o Hakapila i kekahi palapala ku-e imua o ka Mea Ohi Dute Awa Stackable i ke ke panila ana o ke awa o Lahaina ma ke ano he awa ohi dute.  He makemake ko Hakapila ma e hooloihiia i ka manawa e panila ai a hiki i Ianuari 1, 1904, a aole hoi i Iulai 1 o keia makahiki.

            Ua olelo mai lakou he nui ko lakou mau moku lawe lanahu ma ke ala mai Nukakela mai no Lahaina, a e nui loa ana na hana ame na hoolilo ina e pani koke ia ana kela awa.

            Aohe i hana o Stackable i kekahi mea e pili ana i keia noi, koe wale no ua waiho aku oia i ua noi nei i Wasinetona.  Ke kali nei lakou o ka loaa mai o ke kauoha no ka hooloihi aku i ka manawa e pani ia ame ka ole.

Ua Haalele mai Kuu Wahine

 

E ke Kilohana, Ka Nupepa Kuokoa, e oluolu e hookomo iho ma kahi kaawale i keia mau hua e kau ae la maluna.

            Ma ka hora 3:15 o ka auwina la Poakahi i haalele mai ai ka’u wahine aloha ia’u ame ka ohana, a niau aku la ma ke ala polikua a Kane.  He 50 ka nui o kona mau makahiki.  Hanauia oia ma Haena Kohala Akau, Hawaii, na Kamaka (k) ame Kahulia (w) mareia maua i Iune 6 1870 piha ia mau ana makahiki o ka noho ana iloko o ka mare i ke 33.

            He 8 ka nui o ka maua mau keiki, 5 i make a 3 e ola nei 2 kaikamahine ame 1 kekikikane, ua loaa mai ia lakou he mau moopuna na maua, he 7 e ola nei. 

            He 15 la o kona kaa ma’i ana he Numonia ka ma’i he 3 kauka nana i lapaau, Dr. Waterhouse Dr. Alaverreza ame Dr. Camp, he ole nae ka lanakila.

            He makuahine oluolu, he puuwai humama he huipule olalo a he hoananau hihia ole noi ka ekalesia o Kaumakapili.

            Eia wau ke noho nei me na keiki ame na moopuna me ke kaumaha ame ka luuluu, aka he lana ka manao, oiai, e like no me ke ano mau o na makuahine haiple oiai e hele ana ma kela ao, pela no oia, me he ia aia aku la no ma ka Home Lani me ka Haku Iesu.

            Me ka Walohia a Luuluu.

            W. H. KAILIMAI,

Kakaako, Iune 17. 1903.

            E malama ia ana ka Ahahui Imipono Kristiano ma Kau keano Hou ma ka Poaha, Iulai 2.  O ka halawai pule wanaao e hoomaka ana i ka hora 6 a.m., halawai hana o na elele 6:45 a.m., halawai makahiki, 7:30 p. m.

 

HE ILI NANI, LIMA A’IA’I

ME KA

LAUOHO ULIULI

KA HUA O KE

KOPA CUTIKURA

            HE MILIONA A OI ka nui o na wahine e auau mau nei me keia KOPA CUTICURA no ka malama ana, e hoomaemae ana, a no ke hoonani ana i ka lakou ili, i pau ai ka papaa o ke poo ka unahi-pii, a i mea no hoi he@@@@ a pau ai ka helelei ana o ka lauoho, a i hoopalupalu, hoa’ia’i a me na hoo@@like me na lima, a pela no hoi e hoopau ai i na eha, ma ka holoi ana i @@@ wahi eha me keia kopa, i ole oi e ike i ka aai me ka welawela; i ole no h@@@ hou nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana le@@@@@ pili i na keiki a me lakou iho no hoi a i na wahine no apau; a he kupono loa no hoi kela kopa no na wahi auau apau.  O ka poe i ikemaka i ka @@ kai o keia kopa, aole loa lakou e ae iki ana e hoao i kekahi kopa okoa aku, ke kolia mai; ina no e oleloia ana, he kupono ia ano okoa aku no na mea e pili ana i ka ili, ke poo ame ka lauoho o na bebe ame na keiki.  Ua loaa @@@ keia waiwai nui o ke KOPA CUTIKURA mailoko mai hoi o kela laau hoo@@ ikaika loa i kapaia, KUTICURA, ola ka laau ikaika loa ma ka hooia ana @ na popilikia a pau e pili ana i na mea ika loa i ka pale ana i na mea ino a he hoohalikeia mai kekahi ano kopa e aei hoohuihulia e akamai o kanaka me keia kopa, ama kana niau hana ma-lama, hoola, ame ka hoou’iu’i ana o ko ili a pela aku.  Pela hoi i ka ili oke poo, ka lauoho a me na wahi e a’e.

            Aole no i lihi launa mai na kopa ona aina e me keia, no ka auhau ana a me ka hana o na keiki liilii.  Pela ihola i lilo ai ka waiwai o na kopa a @@ i HOOKAHI no ke KUMUKUAI hoo@@@ a me Helu Ekahi keia Kopa no na poino o ka ili a me kahi auau, a hepelu ekahi no hoi no na kamalii a @@@ ke ao nei.

            NO KA HOOLA LOA ANA I NA ANO PEHU A POAKA PALA@@@ MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a plea hoi ka poo, i pau ai ke kepia a me ka papaa piele, alaila, e hooma-u i kahi e@@ @@ ka Aila Hamo CUTICURA 5 mama ae ai ka akiaki ana a ka hu’i a me ka ehaeha, a pela hoi e hoohana ai ka laau i kana hana a oia ka eha, alaila, e @@@ka Laau Inu CUTIKURA i mea e maemae ai ke koko maloko.  Ke kualia @@ keia laau ma na wahi a pau o ka honua nei.  Ma Aukekulia: o R. Tow@@ & Co., o Sydney, N.S. W. ko laila Agena; ma Aferika Hema Depot: Lennon, Ltd. Na “Hoakaka no ka Hoola ana i na Bebe a me ko lakou mau kinaunau,” he loaa wale no me ke kuai ole.

            O POTTER DRUG AND CHEM. COMP., Boston, U.S.A., na Ona e walaau CUTICURA a pau loa.

 

Na Me PAANI AME HOOIKAKIA KINO

            Ma Kahi o Pearson & Potter CO., LIMITED.

ALANUI HOTELE ME UNIONA.

 

HOOKAHI PA HAUKALIMA ME KA MEAONO NO…. 10 KENEKA

HOOKAHI KIAHA WAIU ME KA MEAONO NO…..10 KENEKA

 

MA KA HALEKUAI PUHI PALAOA

SUNRISE BAKERY

Alanui Nuuanu kokoke i Alanui Beretania.

O ka Hau Kalima (Ice Cream) e hanaia nei maanei mai ka waiu maikai a momona maoli i loaa mai ai, oiai o na meaono e hanaia nei aia ma ke ano maikai loa.  He hookoia na kauoha palaoua me na meaono o na ano apau no ke kumukuai kupono.  E hele nui mai.

 

Ka Manawa e Ike iho ai.

 

(Mai ka Nupepa Sydney Herald mai.)

            He mea waiwai nui ka loaa ana o na ike i na kamaaina o Honolulu nei pili i ka waiwai io ame ka hoohana ana o ka laau lapaau, oiai, ina e loaa ole ana kekahi hana e hoohana ai i ua mea nei, eia nae, aia no he manawa e hoohanaia ai, no ka mea, aia ke ano o ke kanaka iloko o na ano powehiwehi o ka manawa i maopopo mua ole, e hiki ole ai i ka poe naauao loa ke alo ae ia mau mea o ka manawa e hiki mai ana, Alaila e hoomaopopo ia ka AILA HAMO A. DOAN ke hiki ke hoola i na ma’i puupuu o ka ili.  Hookahi no kau ana o ka olu no ia o ka manao a o ka hoomau ana oia no hoi ke ola loa ana.

            Eia iho kekahi ma’i i ike ia: Eia ka Mr. William Gilliver o ka Hui Alahao o Gilliver & Curtis, nona hoi ka hui uwila o “Avoca,” Bankstown a penei oia i kakau ai, a ua pa’i piha ia keia leta:

            Messrs.  Foster-McClellen CO., 76 Pitt St., Sydney, N.S. W., February 14, 1899.

            Aloha oukou:-I mea e pomaikai ai olua ame ka lahui a puni e noho ana iloko o na ehaeha he nui, a i loohia nui hoi i na kinaunau o ke kino mamuli o ka ai ana a ka meaau ame ka maneo o ke kino, no laila keia wahi hoakuka akea.  He 22 o’u makahiki ilokko o ka ehaeha o ka ma’i he meeau.  Ua hoau au i na kauka lehulehu a aole nae i loaa ka pono, he wahi maha iki wale ae no a mea oili hou no.  Ua nui maoli no ka pilikia mamuli o keia mau kinaunau.  I kuu ike ana i ka oukou hoolaha, ua kuai koke au i poho laau hamo na’u a i kuu hoao ana i hookahi hapalua o ua poho nei, o ka hoomaka mai no ia o ke ola, a i keia wa ua ola  lau @@ @@.  E hoolaha aku oukou i keia elike me ka makemake.

Me ka mahalo,

WILLIAM GILLIVER

O KA HALEKUAI LOLE O

Goo Kima

ma Alanui NUUANU ame HOTELE, o ia wale no ka halekuai kahi e loaa ai na Lole Hou, Gita, Otohapa, ame Koliana no ke kumukuai haahaa loa.

 

He kuaiia keia laau a DOAN ma @@ halekuai laau lapaau no ke 50 keneta o ke poho; a e hoounaia no ma ka @@@ ke loaa mua mai ke kumukuai ia HOLLISTER DRUG CO., Honolulu, na Agena no ko Hawaii Paeaina.

 

Na Lealea o ka La 4 o Iulai

            He nui na hoolala hoio nana lealea no na mokupuni, a ma ka nana aku @ nui ana ka poe e holo aku ana no Hilo, Kahului ame Lihue.

            E kau aku ana ka poe makemake holo no Hilo ma ke Kinau ma ka Poalua, la hope o keia mahina, a e hoohala ana a pau ia pule ma ke taona o Hilo, loaa na lealea heihei o ka la eha, a huli hoi mai ma ke Kinau no i ka Lapule, Iulai 5.  Ke manaoia nei e nui ana ka poe holo ma keia kelepa. 

            Ke mau nei no ka hooikaika ana no na hana hele no Kahului, a ma ka nana aku e holomua ana no na hana hoelala.  Ke manaoia nei e haalele ana ka moku ia Kahului i ka po Poaono ka la 4 a ku i Honolulu nei i ke kakahiaka Lapule.

            He poe no hoi kekahi e holo aku ana ma Kauai no ka makaikai ana i na hana paani polo ame na heihei e malamaia ana ma ke ala heihei o Kapaa.  Ua loaa ae nei kekahi mokuahi no keia huakai, a e haalele mai ana ia Honolulu nei i ke ahiahi Poalima no Lihue, a huli hoi mai i ke ahiahi o ka la 4 mahope o ka pau ana o na lealea.

            Ka Moi Peter.

            BELEGARADE, Serevia, Iune 24-

            Ua hiki mai i keia la o Moi Petero ame kona mau ukali.  Ua haawai aku na makaaluana i na hookipa mai ana no ka moi hou.  Ua nui ka hooho o na kanaka iaia e hele ana no ka pa alii me na koa ma na aoao.  Aia ka manao o na kanaka ame na koa ma ka aoao o ka Moi Petero.