Ka Nupepa Kuokoa, Volume XLI, Number 26, 26 June 1903 — Haule o Kamehameha. [ARTICLE]

Haule o Kamehameha.

Ua nui ka poe makaikai i hele aku no ka pa kinipopo hou i waho o kamoiliili i ka Poaono nel e nana i na paani kinipopo o na hui kinipopo Punahou kue ia Honolulu ame Elks ku-e ia Kamehameha. XJa nui ke ohohiaia o na paani a wa. Oka paani mua,. mawaena ia o ka hui Punahou ame Honolulu, a i ka paani ana mai, ua haule ka hui Punahou. No ka mai' o Babbitt, ka mea nou popo o Punahou ua komo mai o Williamson ma ia kulana, a no ka hui olep aha o ke kekee o kana ana i ka popo, ua pa mau i ka uhauia a pii ino na holo a ka Honolulu. I ka pau ana o ke komo eiwa, ua loaa he 13 holo i ka Honolulu a he 4 wale no a ka Punahou. O ka paani elua mawaena o na hui Elks ame Kamehameha, ua nui maoli no ka pihoihoi ame he mea la aia ka puuwai o ka poe kokua i na hui kinipopo iloko o ko lakou mau waha. He maikai ka Reuter nou popo ana no ka hui Kamehameha, a he maikai no hoi na hana apo popo a na keiki, eia nae, aole lakou i makaukau ma ka hili popo. Oia ko lakou kumu pilikia. Ua hooikaika ka Elks ma na ano apau e haule o Kamehameha, ,a ua ko ia manao ana pela. I ka pau ana oke komo hope o ka paani, ua loaa i ka Elks he elua holo, a ia Kamehameha hoi, he hookahi wale Tio. O keia ka paani hahana loa o keia kau kinipopo.