Ka Nupepa Kuokoa, Volume XLI, Number 34, 21 August 1903 — He Hana ku i ka Piliwaiwai [ARTICLE]

He Hana ku i ka Piliwaiwai

I ka pule i hala iho nei, ua hoopuka ae kekahi o na hui kuai kamaa nui o ke kulanakauhale nei e haawi na lakou he ki makana i kela ame keia mea e hele aku ana ma ko lakou halekuai e kuai ai i kekahi mau mea i piha ka waiwai 1 ka $2.50, a oia ka manawa e haawi pau loa ia ai ua huina ki nei e lakou, ola ka manawa o na. mea apau e paa ana i na ki e hele mai ai e wehe i kekahi pahu anianl uuku, a aia maloko o keia wahi pahu he huina o iwakalua dala keokeo hou loa. Ua nui no hoi ka poe i hele malaila e kuai ai ai a ua loaa ka lakou mau ki. I ka lohe ana o k a Loio Kuhina ame ka Makai Kiekle Brown i keia mea, ua heleia aku e papa keia hana, a ua haawiia aku ka lohe i ka poe i loaa na ki e hele mai e wehe i ua pahu nei mamua o ke kaihiia ana ae o ua pahu nei e ka niana o ke kanawai.